Tuôr tsês, por hưv chiê têx suôz gâux  Xứ Lạng

(Nền nhạc trên nền nhạc tính tẩu)

“5 shông, chuôx hnuz câuv hli hnor suôz đror sênhr zênhk, sli,  sênhr suôz heik uô kho siêz khuôr, sli iz vuôk đuô tưz uô trâu cxuô tsar zav yiêz jông seiz njiê tsi đhuôr,  niêx huz, hâur hli tsi tâu ntêr nhiv no têx blôngx hmaz blôngx ntông tưz tror hlar njuôz xiêz, tơưs pax, txi txir uô jông jav trâu têz qơưk.....”

Co zos Xứ Lạng têx đuôz, tsưr ziv nthuôr uô têx txux chi cêr lov jêv jông tâu zơưv Vi Hồng Nhân-Chủ tịch Hội por hưv tsês chiê cxuô heir nênhs tỉnh Lạng Sơn muôz pir uô suôz cưr cxiêx, suôz gâux, pax lul heik trâu sđ mnôngs. Đros thiêz tsôngv box heir nênhs Tày, Nùng tsưr ziv, siêz xar por hưv, tuôr tsês chiê têx txux chi vênhx huôv jông, shông 2010 zơưv Vi Hồng Nhân tưz sơưr hu zâuv yênhx lix Hội por hưv, tuôr tsês chiê cxuô heir nênhs tỉnh Lạng Sơn têx suôz gâux, txux chi heik cưr cxiêx. Txos nhiv no, Hội tưz huôv tsar tâu zuôr xar iz cxênhz lênhx hội viên, xênhz huôx ntơưv 50 câu lạc bộ nhoz cxuô nro trâu têx huyện khov lơưr tsưv zênhv, jông siêz, thôngx ziv đros uô luôs hâux lưv co thiêz tưx bax têx nhiêx txiêx uô. Nguyễn Hoàng Tường An (11 shông), lênhx hnuz nhôngs tsênhv zâu đuô hur si hâur câu lạc bộ hu gâux then Cẩu pung, huyện Tràng Định heik pâuz: “Cur đros nthuôr uô têx cêr lov jêv, xênhz huôx hâur kror qơư no tưz tâu 4 shông, pêz tuôx no zos cơưv shâuv heik gâux then, ntâuk trax tính tâu chor txir hloz, txir nzơưv, niêv nzơưv kriê pêz sênhr suôz heik têx jax gâux then, ntâuk trax tính. Txos nhiv no, cur tưz cơưv tâu lok six ntâu jax lơưv thiêz”.

(Nền đoạn học hát, học đàn)

Txix têx lớp cơưv no, lok six ntâu lênhx hâur kror qơư no tưz yênhx têx lênhx sênhr suôz heik tâu gâux jông, txơưx ntâuk trax đror gôngr, paz đros côngv cêr lov jêv trâu ntơưv qơư cov muôx ntâu têx txux chi cêr lov jêv đuô. Txix têx qơư uô hâux lưv no, ntâu jiês têx xã, huyện siz chuôs njiz, nthuôr uô cêr lov jêv tâu tsưr tsix li: Hội nthuôr uô lov jêv cheix ntux yiêz Chỡ Bãi (Văn Quan), Hội uô cêr lov jêv cheix ntux yiêz Tô Hiệu (bình Gia), ciêz gâux đrâul Tân Thành (Cao Lộc),.... Sik nthuôr uô cêr lov jêv đros têx tỉnh: Cao Bằng, Bắc Kạn, Bắc Giang, Thái Nguyên....

Triệu Thủy Tiên, lênhx nênhs txơưx hu gâux, heik cưr cxiêx, kuz thơưx chox têx lênhx nthuôr uô cêr lov jêv tỉnh Lạng Sơn, nhiv no zos Phưv Chủ tịch Hội por hưv tsês chiê cxuô heir nênhs tỉnh Lạng Sơn têx txux chi heik gâux, cưr cxiêx, seiz car câu lạc bộ hu gâux then-trax tính nhoz Tsênhv qơư vênhx huôv nthuôr uô lov jêv tỉnh Lạng Sơn heik pâuz “Nhoz Lạng Sơn, lok six jông siêz zos têx shông lok no tưz hu zâuv tâu chôngz lênhx hluôk đros uô têx hâux lưv por hưv, tuôr tsês chiê têx txux chi vênhx huôv jông, ntơư zos têx hluôk nênhs, lar heik zos têx tuz nxeik hluôk tsênhv nhoz hnuz nhôngs cơưv ntơưr cxênhx 2, lơưr tsưr tsix tâu têx lớp cơưv kriê heik gâux then, ntâuk trax tính. Thiêz lar heik zos têx lênhx sênhr tâu suôz heik gâux then, ntâuk trax tính ntơư zos têx lênhx lok six hluôk, pâuz tâu ntâu txux chi, tsưr ziv vênhx huôv”.

Tiv têx hâux lưv uô heik sâuv zos tưx uô, tưx siz heik kriê, seiz car thiêz zuk muôz zuk nhiêx txiêx viv li Hội por hưv, tuôr tsês chiê têx txux chi heik gâux trâur lâuk tỉnh Lạng Sơn nhiv no njiz tsi tsơưs têx phiv liv. Chênhr zos li ntơư, chiê por hưv tsês thiêz tuôr tâu chiê cxuô heir nênhs têx txux chi vênhx huôv jông co, tsuv muôx tas nro côngv thôngx sđ têx cêr moz siêz, paz max txos. Zơưv Vi Hồng Nhân, Chủ tịch Hội por hưv tsês chiê cxuô heir nênhs tỉnh Lạng Sơn têx txux chi vênhx huôv jông heik: “Tsi tiêk zos Hội por hưv tsês chiê têx txux chi heik sâuv thiêz têx lênhx txơưx sênhr suôz heik gâux, ntâuk trax thiêz chor nênhs moz siêz, nhiêv txos têx txux chi vênhx huôv mak tsuv muôx cxuô cấp hâu nov hâur têx thax tsav qơư đros moz siêz txos. Xuz thơưx tsuv zos hlôngr yiêz tsưr ziv, siêz xar, seiz têx txux chi ntơư trâu gri, zos têx uô trâu lênhx tiz nênhs luz nênhx muôx cêr cax siêz, lov jêv, tsik chiê têx txux chi, vênhx huôv jông trâus pôngz plox”.

(Nền nhạc tính tấu đến hết)

Zuôr xar 10 shông uô hâux lưv, Hội por hưv tsês chiê cxuô heir nênhs tỉnh Lạng Sơn têx txux chi hu gâux, heik cưr cxiêx tsi tiêk zos têx lênhx nênhs nhiêv txos, xar tuôr chiê têx txux chi cêr nênhx vênhx huôv jông thâuv nzor li qơư nhoz, uô hâux lưv uô cê, mak tsênhv zos qơư kriê tsôngv box cxuô heir nênhs tỉnh Lạng Sơn têx txux chi nthuôr uô cêr lov jêv thiêz. Txix thax tsav qơư no, lok six ntâu lênhx txơưx hu gâux, heik cưr cxiêx....tsênhv niêx hnuz sir jos uô luôs hâux lưv tuôr tsês por hưv chiê têx txux chi cêr nênhx vênhx huôv jông tsi chiê pôngz plox./.

(CTVĐB-Riê Lâux cxeik, nhênhv)