Jax sâu thưr 5 hnuz 30/6/2016:

Pêx xênhv tox siêz Lào Cai tok njôngr cov muôx têx tuk qox truôx

Txix ntâu shông lok no, 50 ntâu chuôz zis pêx xênhv nhoz jok Năm, xã Long Khánh, huyện Bảo Yên tsuv hla đhâu tuk đêx Nậm Đẩu txix iz tuk qox lav uô đhok txix 4 đêiv ntông. Lơưr six hơưv mak chor ntông no cux tưz lưx tas, to ntâu luz kror. Tâu pâuz thâuv ntêx, ntơưv no cux muôx iz tuk qox ntông khor kho, taz sik đhâu jiês đêx huôv tuk qox no tưz tsik jông tas, chor ntông sâuv qox trâus đêx cuôr yôngz tas ntâu, uô trâu pêx xênhv muk lok njiz ntâu phiv liv. Txix chêix ntux nas shông uô ntêx, 10 ntâu lênhx nênhs muk đhâu tus qox ntơư tưz trâus pôngz trâu hâur đêx. Zơưv Hứa Xây Dậu, tsưr jok Năm, xã Long Khánh puz pâuz:

 “Chor shux xênhz mak ntâu hnuz muk cơưv ntơưr đhâu tuk qox no muôx đêx huôv muk tsik tâu. Ntâu jiês muk cơưv lok txos qox tưz trâus đêx huôv cuôr tas lơưv, lok six phiv liv hênhr”.

Ntơưv jok Việt Hải, xã Việt Tiến, ntâu chuôz zis pêx xênhv cux tsênhv yênhz hnuz cxơưx thâuv muk đhâu tuk qox lav uô đos đis ntơư. Ntơưv qơư no thâuv ntêx zos tuk qox hlâu khor kho, taz sik tưz trâus đêx nas cuôr yôngz puôk tsuôx hâur shông 2008. Pêx xênhv hâur jok tưz sik côngv muôz ntông chox lok kho chiê lav muk lok, viv li muk lok cux njiz ntâu phiv liv. Qox tsuôk đar iz yiv, qox cux zos muôz shôngz, ntông chox lok uô; viv li nênhs chêix yêz muk lok đhâu cux lok six cxơưx. Hâur ho zos cưx hax toz muôx ntâu poz jêz. Pêx xênhv nhoz no hêik pâuz, ntơưv no tsik so muôx nênhs pôngz trâu hâur đêx, taz sik cxơưx tiv zix zos yênhx hnuz chor shux xênhz tsuv muk cơưv ntơưr đhâu tuk qox no. chôngz lênhx pox nhuôs tsuv tso hâux lưv tsês chiê xa chor nhuôs muk cơưv đhâu qox thiêx tso siêz. Pos Lý thị Sinh nhoz jok Việt Hải, xã Việt Tiến hêik:

 “Pêz lok six xar cov muôx iz tuk qox ntơưv no chiê pêz muk lok thiêz chor nhuôs muk cơưv ntơưr zôngx ziv đuô”.

Lơưr phongzz kinh tế cxiv uô vax tsêr huyện Bảo Yên, tỉnh Lào Cai li thôngz sâu, nhiv no iz huôv huyện muôx zuôr xar 200 tuk qox tưz tsik jông tas tsuv tâu kho đuô thiêz cxiv uô yiêz. Huyện tưz sêiz shuôk thiêz hêik trâu chor cơ quan muôx vax huôv hâur tỉnh chiê muôz pênhr nhiêx cxiv uô. Taz sik, nhiêx txiêx tsơưs; tsuôk muôz oz pêz tuk qox tâu yưv pênhr uô. Zơưv Trịnh Công Khương, trưởng phongx kinh tế hạ tầng huyện Bảo Yên, tỉnh Lào Cai puz pâuz:

 “Hâur tsaz yênhx cxiv tsa jêx jok yiêz, huyện li zoz qơưx yưv pênhr sêi đrơưv zos tsuv kho đuô, yưv pênhr cxiv uô iz cxiê tuk qox sâuv thax tsav. Qơư phưx vuv chôngz pêx xênhv thiêz shux xênhz muk lok đhâu chiê taz por ngaz tuk zoz thôngz, tiv zix chêix ntux nas chuô”.

Txos chêix ntux nas, pêx xênhv tox siêz huyện Bảo Yên, tỉnh Lào Cai tsuv tsik so njiz trâus têx phiv liv thâuv hla đhâu đêx. Đros pêx xênhv li têx phiv liv thiêz chiê taz por trâu lơưr, tsuv muôx têx tuk qox khor kho tâu cxiv uô ntơưv têx qơư no./.

(Thanh Thủy-Lik Thox cxêik nhênhv)

Phênhv thưr 5.30.6.2016:

LÊNHX POX NIÊV UÔ POV TSIR NHOZ TOX SIÊZ TÂY BẮC

***

Zos mênhx cxưx Cho, xênhz zus thiêz hloz lox sâuv tox siêz huyện Lục Yên, shông 1997, niêv lâuk Triệu Thị Mến tâu Đeix nta suôz-xa đuôz Yên Bái xeir zuôr lol uô phát thanh viên lul Cho. Thâuv co, niêv lâuk nhiv kruôr cơưv tiêr cấp 3. Chiê muôz siêz yênhx tưv, tuôv zênhv zoz qơưx côngz xưv, niêv lâuk tưz sir jos cxaz chuôz têx lớp kriê cxaz nghiệp vuv, tiv zix zos lớp tuôv zênhx chuyên nganhx pov tsir. Nhiv no đrâuv côngz xưv biên tập thiêz phát thanh viên, niêv lâuk Mến tsênhv uô iz lênhx phóng viên li côngz xưv. Niêv lâuk Mến puz pâuz:

          “ Zuk li lênhx nênhs mnôngs Đeix zos tsôngv box nhoz tox siêz, chênhr viv li đrâuv uô têx tsaz yênhx lul choz tsiz, pêz cux yax six tsưr tsix mul têx jêx jos chiê sâu têx jax sâu huv đros pox nhuôs li siêz nheiev, chiê zuk li têx tsaz yênhx uô tâu ziv jông đuô”.

          Đros thiêz siêz xar co, txơưv tiêk hâux lưv mul cxuô qơư lok six khưr taz sik niêv lâuk Mến tsi cxơưx, tsi nyei. Niêv lâuk heik: chiê muôx tâu têx jiês mul uô côngz xưv, niêv lâuk tsuv bax cov jông chiê uô hâux lưv taz por tiv zix. Đros thiêz tsôngv box tox siêz, niêv lâuk Mến nriêr pâuz cxaz têx phongz cxưx, tsưr ziv xênhz huôx jông, nriêr pâuz pox nhuôs li siêz xar njôngr chiê nriêr tsưr ziv uô têx tsaz yênhx tsênhv tsênhz đuô, jê đros tsôngv box luz nênhx đuô. Chênhr viv li, Đeix nta suôz-xa đuôz Yên Bái li tsaz yênhx lul Cho tưz yênhx iz hâur têx tsaz yênhx tâu tsôngv box tox siêz nhiêv txos ntâu tiv zix. Tix lâuk Triệu Văn Long, tsôngv box xã Trung Tâm, huyện Lục Yên heik:

          “ Tỉnh Yên Bái muôx tsaz yênhx lul Cho, đhâu mnôngs tsaz yênhx pêz pov muôx lok six ntâu njiêz luv jông li xor mông lok tsêz chos, tsoz phưz tsiêx tu zus, phax tar caz hmoz, têx tsaz yênhx cưr cxiêx Cho...Đrâuv co cux paz pêz pâuz cxaz lok pháp luật, tso tsês têx phongz cxưx pôngz kaz. Tsênhz tsênhz mak lok six jông”

          Txơưv tiêk hâux lưv lok six ntâu taz sik niêv lâuk Mến tsênhv jênhv uô cxaz lênhx qênhz yuôx mnôngs cxeik lul Cho trâu Đeix nta suôz Việt Nam gôngr phênhv uô jông thiêz muôz siêz tsơưr lươngv Đeix li tsaz yênhx lul Cho. Đrâuv moz siêz txos hâux lưv uô, côngz xưv Hôiv, đoanx thêv... Nhiv no niêv lâuk Mến tsênhv cxaz chuôz kriê cxaz têx lớp cơưv lul Cho trâu canr bôv, cưk kriê têx xã tox siêz hâur tỉnh. Hâur têx côngz xưv niêv lâuk thâuv tưs cux sir tas đas jos uô chiê tax chêx cuk siêz tiv zix. Shông 2011, niêv lâuk Mến tâu UB tỉnh Yên Bái khơưk kruôk viv muôx yênhx tix jông hâur phongz yaox tưr thik nhiêv têz nhiêv qơư. Hâur têx jiês thik lênhx phaz nta suôz têz qơưk, niêv lâuk cux tax tâu 1 huy chương nhiêx, 1 giải C thiêz 1 giải 4, đros ntâu giải lênhx phaz nta suôz xa đuôz Yên Bái hâur têx shôngk đhâu./.

( Tuấn Xuân- Txâur Vax cxeik nhênhv)