Tsôngv box Tà Tổng tso tsês zax zênhz

          Jos Tà Tổng, xã Tà Tổng, huyện Mường Tè muôx 70 ntâu ziv chuôz zis, đros zuôr xar 300 lênhx tsôngv box Hmôngz sik đros nhoz uô nênhx. 5 shôngk tov ntêx, tsôngv box luz nênhx phênhv ntâu zos khov txos uô liêx têz, viv li muôx txos 1 đraz jos trâus yeiz hâur cheix chos kôngz lôngk. Tsi taz yeiz pluôs, ntâu ziv chuôz zis tsênhv nhiês chos zax zênhz, viv li nênhs muôx zênhs zênhz hâur jos chuôz ndê zuôr txos 20 lênhx.

          Tix lâuk Co Xênhv Shôngx, nhoz jos Tà Tổng, xã Tà Tổng pheiz kênh: Tix lâuk cux xưk li ntâu lênhx hluôk nênhs hâur jos tưz muôx ntâu shông muôx zênhs zax zênhz. Chiê muôx zax zênhz hâuk, liv zôngv thax tsav đar, cêr lax muk lok, têx hluôk nênhs hâur jos khênhr muk pêv har jôngr chiê chos zax zênhz. Tâu cán bộ tuôx ntơưv jos yax mông lok zax zênhz li txux hiêv, chox muk chiv zênhs zax zênhz, paz txưv nôngz tsoz chos, tsiêx tu zus trâu pox nhuôs, txos nhiv no ntâu lênhx nênhs tưz chiv zênhs tâu zax zênhz thiêz tsi chos zax zênhz lơưv thiêz:“Nhiv no pox nhuôs tsi chos zax zênhz thiêz. Pox nhuôs phênhv ntâu zos tu zus nhux tưv, nhux đas, chos ntông nox txir. Zax zênhz mak ntâu shông no tsi chos lơưv”.

          Đros thax tsav đar 51 cxênhz ntâu hecta, 12 jêx jos thiêz 3 qơư nhoz tsi chêx chôngk, hâur co, mênhx cxưx Hmôngz tsav 95%, Tà Tổng muôx ntu tâu pâuz txos zos qơư cuz nxor lok tror chos zax zênhz thiêz zos qơư muôx lênhx nênhs muôx zênhs zax zênhz siêz nhoz tỉnh Lai Châu. Taz sik, khov chiz coaz muôx txơưx jênhv thiêz cấp ủy, chính quyênx têx cấp nhoz tiv phaz li sir jos, hâux lưv tror chos zax zênhz tưz txu grês jux jus lơưr yênhx shông.      Chiv shông 2015-2016, lưx lươngv muôx txơưx jênhv pov, ruôr por tsês 60 đeiv têz chos zax zênhz, đros tas nro mênhv chêx zos 69 cxênhz yiv ndis mak shông 2020-2021 mênhv chêx tâu qênhz pov, ruôr por tsês txu grês tsuôk yuôr 2 cxênhz 200 yiv ndis. Têx liêx têz thâuv ntêx chos zax zênhz, nhiv no tưz tâu hlôngr chiê chos tsoz chos yiêz li ciêv fix, mắc ca, sa nhân xiêr....gôngr phênhv txu grês chor ziv chuôz zis pluôs nhoz tas nro xã yuôr tsơưs đuô 50%:  “Pêz yax mông, vênhv tôngv hlôngr yiêz tsoz chos. Tsôngv box sir jos uô lơưr, hlôngr yiêz siêz xar, chênhr viv li tsôngv box li luz nênhx chinhz yênhx tâu muôz siêz, gôngr phênhv cxuôv yeiz thiv pluôs truôx vênhs”

          Chiê luz nênhx tâu ngaz tul nhoz Tà Tổng, Công an tỉnh Lai Châu tưz cxiv tsa tsưr ziv ntês cxov nênhs phamv cxâuv. Lơưr co, ciês cxôngx thâuv txos six hơưv chos zax zênhz zos hli 9 niêx shông, cán bộ công an tưz muk txos yênhx jêx jos, yênhx ziv chuôz zis, yênhx tsêr têz chiê yax mông, vênhv tôngv tsôngv box cir ntơưr tsi tror chos zax zênhz. Đros co, têx lưx lươngv muôx txơưx jênhv tiv phaz tưz qênhz yuôx lênhx nênhs muôx zênhs zax zênhz sâuv thax tsav chiê chox muk chiv zênhs zax zênhz, viv li nênhs muôx zênhs zênhz nhoz xã tưz txu grês ntâu tsuôk yuôr muôx nhos 30 lênhx.

          Têx hnuz xuz thơưx krêz uô tsưr ziv ntês cxov nênhs phamv cxâuv, lưx lươngv muôx txơưx jênhv njiz ntâu phêv liv viv thax tsav đar, tsôngv box phênhv ntâu nhoz pêv têx tsêr têz tsi khênhr lok tsêr. Thâuv pov lưx lươngv công an tuôx pox nhuôs txơưv cơư ciês kror trôngx lok sik khiêr muk pêv har jôngr. Têx lưx lươngv truôx siêz uô hâux lưv, chiê yax mông, vênhv tôngv, txos nhiv no 100% ziv chuôz zis tưz cir ntơưr tsi tror chos zax zênhz. Tiv zix, phongz yaox heik kriê nênhs phamv cxâuv tâu krêz uô đêz đar txos ntâu jêx jos, viv li nênhs uô cxâuv cêr chei cux txu grês jux jus. Đros hâux lưv yax mông, vênhv tôngv tsôngv box tsi tror chos zax zênhz, ntâu shông no chính quyênx huyện Mường Tè tưz yưv pênhr uô ntâu dự án paz txưv tsoz chos, tsiêx tu zus chiê tsôngv box Tà Tổng yênhx trus huôv tsar kinh têr. Txos nhiv no, ntơưv tiv phaz tưz muôx yênhx châuv trâur nuv muôx tsôngv box cxaz chuôz, chox lok chêx cuk jông, gôngr phênhv cxơưz tiês huôv tsar kinh têr chuôz zis li: trâur nuv chos ciêv fix, mắc ca, chos tâux đuz, tu zus nhux tưv nhux đas. Zơưv Đao Văn Khánh, Chủ tịch UB huyện Mường Tè puz pâuz:“Vênhv thix tror chos zax zênhz ntơưv xã Tà Tổng tưz txu grês tsênhz mênhx. Niêx shông huyện puôr lênhx muk qênhz yuôx uô ntêx cheix chos chiê cxiv tsa tsưr ziv ruôr por tsês. Heik lênhx nênhs muk yax mông, vênhv tôngv, seiz car thax tsav chiê pâuz tâu tsôngv box li siêz xar njôngr thiêz coar lik. Viv li chêx cuk têx shôngk jê ntơưv no cux tax tâu jông, hâux lưv tror chos zax zênhz, qênhz pov thiêz ruôr por tsês cux tsơưs”.

          Txơưv tsi tâu tir tar tâu tas nro, taz sik qơư cuz nxor lok tror chos zax zênhz ntơưv Tà Tổng, huyện Mường Tè tưz txu grês ntâu. Têx trâur nuv huôv tsar kinh têr qir chox lok chêx cuk, gôngr phênhv muôz siêz tsôngv box li luz nênhx, chinhz yênhx. Luz nênhx ngaz tul jux jus tror pov nhoz tox siêz Tà Tổng./.

Khắc Kiên- Txâur Vax cxeik nhênhv

Quảng Ninh: Sir zôngv jông têx tsưr ziv công nghệ hâur phax tar caz moz

Sir zôngv điện thoại txơưx njê, tix lâus Hoàng Văn Sinh tưz hêik pâuz y têr điện tử uô ntêx thâuv zuôr piz muk txix Thái Bình txos trâu Quảng Ninh. Jênhv pâuz tâu mã QP code, tix lâus tsuôk tas mê njil six hơưv chiê lưx lươngv muôx vax huôv qênhz yuôx xưz mak tưz muk tâu đhâu qơư sêiz jor, njuôk shuôk caz moz Covid-19:“Nhoz qơư qênhz yuôx, sêiz jor caz moz qox Bạch Đằng, thâuv tuôx txos ntơưv no mak tưz muôx cán bộ y têr nriêr pâuz xor mông đhâu mã xa lok trâu cur luz điện thoại viv li hâux lưv muk lok cux tâu uô sei thiêz zôngx ziv đuô, tiv zix zos hâur qênhx shênhx caz moz phiv liv li nhiv no, mak cê paz trâu zuk tsik tas ntâu six hơưv cê taz por ngaz tuk thiêz tsik njiz tâu chôngz nênhs”.

Hâux lưv hêik pâuz y têr điện tử tưz tâu tỉnh Quảng Ninh sir jos kriz uô txix hli 2/2021, txos trâu pêx xênhv thiêz chor lưx lươngv cxuô thax tsav qơư, taz viv chiê qênhz shuôk cxuô lênhx nênhs li muk lok đhâu cxuô qơư lok trâu hâur tỉnh, paz uô tâu jông côngz xưv phax tar  caz moz. Quảng ninh cux hêik chor tôv chiv chir sêi jor ntơưv tôv dân phố qơư pêx xênhv nhoz, đoanx hluôk nênhs kruôz kriê trâu pêx xênhv cài đặt thiêz sir zôngv têx ứng dụng Bluezone, Ncovi…paz uô cov sưv lơưr tsưr ziv nriêr pâuz mã thâuv txos trâu têx qơư zuk xar muk, cơ quan, taz viv. Hâur jiês hêik pâuz y têr tas nro pêx xênhv jiês tiv 4 hnuz 7-10/5, tas nro tỉnh muôx 1 triệu ntâu lênhx nênhs hêik pâuz y têr, hâur co phênhv ntâu zos sir zôngv tsưr ziv hêik pâuz y têr điện tử paz trâu hâux lưv qênhz shuôk, nriêr pâuz xor mông tâu uô sêi thiêz cxix cxuô đuô.

Txix chênhz zênhv nhoz chor jiês sir jos phax tar caz moz uô ntêx co, Quảng Ninh cux sêi đrơưv hlôngr yiêz, sir zôngv cxuô nro têx công nghệ trực tuyến. Tỉnh nzor uô tiêr “Bản đồ lok caz moz” thiêz “Bản đồ nriêr pâuz qênhx shênhx caz moz Covid-19”, hêik pâuz xor mông lơưr yênhx six hơưv chiê pêx xênhv pâuz tâu thiêz muk lok cov ngaz tuk. Ntâu taz viv kriz uô têx hâux lưv đhâu tsưr ziv trực tuyến; CDC Quảng Ninh kriz uô tsưr ziv đăngk cir thiêz hêik pâuz njuôk shuôk caz moz Covid-19 đhâu mạng internet lok sik tin nhắn…Txơưv tiêk tsik uô ciês hâux lưv uô cê, pêx xênhv, doanh nghiệp cux zuôr sir zôngv tâu dịch vụ công trực tuyến nhoz thênhv 3, 4 thiêz dịch vụ bưu chính công ích.

Nền tảng Chính quyền điện tử tâu uô tiêr hâur ntâu shông đhâu cux paz trâu Quảng Ninh uô tâu jông đuô cxuô cấp chính quyền li hâux lưv chox kriê, sêiz car hâur uô oz tsưr ziv cê phax, tar caz moz, ce huôv tsar tâu kinh têr-xar hôiv. Cxiv luôs phần mềm sêiz car têx ntâuz ntơưr muôx 100% chor chữ ký sôr tưz tâu kriz uô txos cxuô cơ quan, taz viv, thax tsav qơư txix cấp tỉnh txos cấp xar thiêz cxuô taz viv. Xav txos nhiv no (Hli 6/2021) 760 ntâu taz viv ntơưv Quảng ninh tưz muôz zuôr xar 12 triệu ntâuz ntơưr đhâu tsưr ziv trực tuyến. Cxuô jiês cơưv chính quyền puôr lênhx tâu kriz uô jông txix cxiv luôs cơưv trực tuyến, txuôk đros 200 ntâu qơư hâur tỉnh, txix têx đrôngs lox txos trâu thax tsav qơư tox siêz, poz hiêr. Pos Nguyễn Thị Tuyết Hạnh, Chủ tịch UBND huyện Bình Liêu-thax tsav tox siêz ntus đriv nhoz Quảng Ninh puz pâuz:“Huyện Bình Liêu tưz đơưk kho têx phiv liv thiêz sir jos uô sir zôngv CNTT trâu têx cơ quan têz qơưk têx hâux lưv, đhâu co cxênhx txuôs tâu six hơưv, nhiêx txiêx kriz cơưv, txo grêk tsơưs nênhs muk lok, đơưk kho, uô têx hâux lưv tâu sêi đuô, gra siêz đuô hâur uô têx côngz xưv chox kriê, paz trâu pêx xênhv thiêz doanh nghiệp, tiv zix zos hâur ntu muôx caz moz Covid-19 txơưr txar phiv liv li nhiv no”./

VOV4-Lik  Thox cxêik nhênhv