Px jos Cát huôv tsar cêr uô nênhx trâu qơư nhoz yiêz

          Thax tsav qơư jos Cát, xã Co Max, huyện Thuận Châu, tỉnh Sơn la, muôx tox trôngz câuv har siêz, muôx ntâu tus đêx lok siz yuôv, thâuv muôx ntux lok nas tưz uô đêx huôv lox thiêz uô trâu ar, poz jêz poz, zôngx ziv uô ruôr hiêv txos jêx jos thiêz lênhx nênhs. Hâur têx shông đrav ntêx, luz jos ntơư tưz muôx iz lênhx nênhs trâus tuôs, viv đêx nas cuôr yôngz uô ruôr hiêv thiêz hâur iz jiês muôx ntux nas lok, đêx nas tưz uô puôk tsuôx tas ntâu tsôngv px têx vax tsêr, chuôz zênhx chuôz tav, uô trâu tsôngv px nhoz thax tsav ntơư tâu cêr cxơưx. Pos Quàng thị Sương, zos iz lênhx px nhoz jos Cát xã Co Mạ hêik pâuz:

           “Chênhr zos muôx yưv têx kror tsik jông hêik sâu, txix thâuv yêik chuôz zis lok nhoz trâu ntơưv no, px tưz muôx luz nênhx truôx tuk jux juk, vax tsêr tâu cxiv uô truôx, tsik cxươx txos đêx nas cuôr yôngz, truôx siêz huôv tsar cêr uô nox hâur luz nênhx”.

          Đhâu huyện qênhz yuôx, sêiz shuôk hâur 100 ziv chuôz zis, tưz muôx 39 chuôz zis nhoz trâu thax tsav qơư riêz nênhs, zôngx ziv trâus đêx nas cuôr yôngz. Chênhr zos li hêik ntơư, txix shông 2016, tưz tâu huyện muôz mê njik nhiêx txiêx paz khơưz kuô tsêr, nhiêx thâux xa vax tsêr, chuôz zênhx chuôz tav muk trâu qơư yiêz; txix ntơư txos trâu nhiv no, 39 ziv chuôz zis tâu yêik nhoz qơư yiêz ntơưv jos Cát tưz pov muôx luz nênhx truôx tuk jux juk. Zơưv Vì Văn Luận, tsar jos Cát, xã Co Max, huyện Thuận Châu hêik pâuz:

           “Chor chuôz zis yêik lok nhoz trâu ntơưv no, zav tưs cux muôx cxix cxuô. Pir li tênhv tênhz tơưk, đêx sir, tsêr vênhx huôv…nhiv no, chor chuôz zis co tưz truôx siêz huôv tsar cêr uô nox, tsik cxươx txos đêx nas uô ruôr hiêv li ntux đrav ntêx”.

          Chiê tsôngv px muôx luz nênhx truôx tuk, hâu nov huyện tưz muôz zuz tsoz chos mo môngk, lưv tsiz paz trâu tsôngv px chos hlôngr trâu 54 ha têz poz cưk. Viv chor ar têz ntơư tsêz chos tsik jông kôngz lôngk thiêz ntơư cux chênhr zos iz luôs hâux lưv uô huv đros thax tsav qơư nhoz.  Zơưv tòng Văn Diện, uô hâux lưv trâu phôngx kôngz nuv huyện Thuận Châu hêik pâuz:

           “Chor vax tsêr cxuô zav ntơưv jos Cát, tâu cxiv uô zos đrêiv luôs hâux lưv tso tơưv thiêz xav txos trâu nhiv no,  chor chuôz zis co tưz muôx luz nênhx truôx tuk jux juk trâu thax tsav qơư nhoz yiêz”.

          Txơưv tiêk: tsênhv Yuôr ntâu cêr txov nhêv, taz sik tsôngv px jos Cát, tưz pov muôx luz nênhx truôx tuk jux juk, truôx siêz huôv tsar cêr uô nox thiêz tsik cxơữx txos dfdêx nas chuô uô ruôr hiêv./.

                                                        (Tsu cxêik nhênhv-Hoàng Long)

Tsuv ndo njôngr phax tar moz njưx txiês pux ntơưk trâu mê nhuôs mos

          Têx moz yưv:

          Six hơưv tsi tâu huôv uô moz lox cxôngx thâuv txiêr hlaz ntơưk txos thâuv moz huôv lox zos 4 txos 15 hnuz, chungz fênhx zos 7 hnuz, six hơưv tsi tâu huôv uô moz lox ziv lur hnuz mak moz ziv hnhar.

          Mê nhuôs kuôx tsik so, tsi nox mis. Cuz sor 38-39 tưv, muôx têx thâuv cuz txos 40-41 tưv, zôngx ziv uô lênhx nênhs moz chơưk jơưs jos uô kror muôs njês njok. Tơưv trôngx tsi tâu. Hlaz ntơưk jênhs nzor thiêz trâus o vôngk, lol cuô pâus.

          Tsuv uô tul tsi thâuv pov mê nhuôs trâus moz njưx txiês hlaz ntơưk?

          Thâuv njuôs xav mê nhuôs trâus moz njưx txiêk pux ntơưk tsuv ciêr chênhr chox mê nhuôs mul sêiz shuôk trâu tsêr kho moz. Chiê txu grês têx moz yưv, thâuv chox mul tsêr kho moz tsuv max mav thiêx tsik uô trâu mê nhuôv trâus moz hnar.

          Phax tar cxôngx tsưr ziv tưs?

          Chiê phax tar moz njưx txiês, tsuv uô têx hâux lưv li: Heik kriê tsôngv box pâuz tsênhz moz li kror riêz nênhs, qir tiv uô huôv moz chiê sđ pâuz thiêz phax tar moz trơưk têx tsưr ziv vêv xênhz thâuv xênhz tuz ci hâur chêr thiêz thâuv xênhz zus nhuôs. Cxuô lênhx niêv tsuv mul seiz njuôs mê nhuôs thâuv xênhz mê nhuôs hâur tus niêv chêr trâu têx qơư y tế, thiêz tsi cxoz xênhz zus mê nhuôv hâur tsêr. Lênhx pox niêv paz txeik mê nhuôs tsuv uô trơưk tsưr ziv cưk yuôx hêik kriê. Cxuô lênhx pox niêv muôx mê nhuôs tsuv cxax yuôx phax moz njưx txiês.

          Tsưr ziv vêv xênhz thâuv paz txeik mê nhuôs.

          Lênhx pox niêv paz txeik mê nhuôs tsuv zôngv yuôx phongx nzuôr tês hur si, zôngv cồn so tês. Txiêz txiêr hlaz ntơưk tsuv muôz cồn txuôr cov cov hur, tsik uô vuôz tsuôz kiêk nênhs; tsi cxoz txiêr hlaz ntơưk ntêr. Tsov cưv thâuv tsoz phưz mê nhuôs hâur têx ciêz xuz thơưx thâuv mê nhuôs li hlaz ntơưk tsi tâu jênhs, tsuv vêv xênhz hur si, thâuv nzuôr chêr trâu mê nhuôs, tsik cxoz uô đêx ntuz mê nhuôv txox hlaz ntơưk; zos uô đêx ntuz mê nhuôv txox hlaz ntơưk, tsuv hlôngr ciês ntâuz krưr tror trâu.

          Cxax yuôx phax moz njưx txiês thâuv xênhz tuz ci hâur chêr.

          Thâuv pox niêv tsênhv xênhz tuz ci hâur chêr, tsuv cxax txâuk 2 côngz yuôx phax moz gênhk. Côngz tiv 2 kuôk côngz tiv 1 iz luz hlik thiêz uô ntêx thâuv zuôr zus mê nhuôs 15-30 hnuz. Viv lênhx niêv tâu cxax yuôx phax moz mak cux phax tâu trâu mê nhuôs hâur luz hlik xuz thơưx thâuv nhiv kruôr xênhz zus tâu.

          Zos mê nhuôs tâu xênhz zus hâur tênhx qơư tsi taz por, lênhx niêv tsi tâu cxax yuôx phax moz njưx txiês thâuv xênhz tuz ci mak tsuv cxax yuôx phax moz đros SAT 1.500 taz viv, cxax iz jiês đhâu thâuv xênhz zus mê nhuôs./.

(Hồng Việt- Txâur Vax cxeik nhênhv)