Lào Cai: Trâur nuv jông hâur kriê shâuv tsưr ziv, cêr uô nênhx trâu shux xênhz nhoz hâur tsêr cơưv têz qơưk zus mor thiêz niêv txir zus mor

Têx hnuz xuz thơưx hâur shông cơưv yiêz, huôk njôngr thâuv shênhx tsi muôx nuv đaz tsi uô, shux xênhz tsêr cơưv cxênhx 3 sôr 2, huyện Sa Pa, tỉnh Lào Cai sik đros shâuv uô têx nuv li: Têik pav, têik vix tsav, kho thiêz qêz suô têx khâuz hâur vax tsêr, qơư nhoz cov jông, đu lus, hur si. Hâur six hơưv shâuv uô têx nuv li heik co, tsêr cơưv tsênhv hu têx canr bôv, chiến sỹ hâur Ban chỉ huy Quân sự huyện tuôx kriê tsênhz mênhx trơưk cui tinhv, tsưr ziv xưk iz zav li hâur bôv đôiv. Hur tiz si shux xênhz cxaz chuôz puôr lênhx shir phaz, uô jông trơưk. Shux xênhz Trương Thiều Phương Hoa, lớp 12A2 heik:

“Cur seiz têx jiês pêz shâuv uô têx nuv li no lok six muôx liv, lar heik zos đros thiêz pêz têx shux xênhz nox nhoz hâur tsêr cơưv têz qơưk zus mor thiêz niêv txir zus mor. Chor txir nzơưv bôv đôiv đrav huyện tuôx paz kriê pêz uô têx nuv ntơư, txơưv tiêk zôngx ziv xưz taz sik paz pêz shâuv uô jông iz kro jux juk trâu zuk tul kênhx, cur pov no lok six jông, tsuv cơưv chor txir nzơưv co”.

Trơưk li fâux Nguyễn Thị Tình-Cưk kriê ntơưr hâur tsêr cơưv, têx nuv uô heik sâuv nhiv kruôr tâu fuô uô txix kỳ II hâur shông cơưv uô ntêx lok trâu têx shux xênhz shâuv cơưv, uô trơưk xưz. Tsênhv njiêz shâuv uô rêik đros shux xênhz têx nuv hâur iz hnuz ntơưv tsêr cơưv txix tas cik sơưr nzor txos thâuv tsâuk ntux muk pư. Cưk kriê Tình heik:

“Shux xênhz hâur tsêr cơưv nưk muôx nưk iz kro txơưr viv phênhv ntâu zos shux xênhz cxuô heir nênhs thiêz tox siêz, nhoz cxuô thax tsav nhiêk txơưr nhiêk tuôx thiêz têx nhuôs nox nhoz, xênhz huôx ciês hâur tsêr cơưv. Tuôx no iz chas cơưv ntâuz cơưv ntơưr mak têx nhuôs cux tâu cơưv shâuv nzir têx tsưr ziv cêr uô nênhx, đhâu ntơư zuôr muôx têx jiês thik nhoz têx phongx. Đhâu co bax trâu têx nhuôs tsưr ziv cêr uô nênhx jông, têx nhuôs cux zuôr paz yax kriê, zoz zux trâu chuôz zis, trâu thax tsav ntơưv qơư”.

Cưk kriê Bùi Văn Huân, thơưx seiz car tsêr cơưv heik pâuz, hâur shông cơưv no, tsêr cơưv cxênhx 3 sôr 2 Sa Pa muôx 300 lênhx shux xênhz, hur si puôr lênhx zos nox nhoz hâur tsêr cơưv, cơưv ntơưr. Hâux lưv cơưv shâuv têx txux chi, tsưr ziv uô nênhx trâu shux xênhz, lar heik zos têx lênhx shux xênhz heir nênhs tsơưs lok six zov chênhr; têx tsưr ziv co txơưv tiêk zôngx ziv taz sik ntơư zos têx tsênhv tsênhz, paz chor nhuôs sưv jông đros sđ hâur tênhx qơư xênhz huôx uô cê; gra siêz cêr cơưv txux, cơưv shâuv cêr uô nênhx; bax têx tsưr ziv trâu luz nênhx xênhz huôx tov kaz:

“Tsêr cơưv uô jôngz hâux lưv choz kriê trâu têx nhuôs cêr uô nênhx li: Tsưr ziv vêv xênhz zuk lênhx tiz nênhs, đas jos ....Lok sâuv tsưr ziv cơưv ntâuz cơưv ntơưr mak tsêr cơưv phênhz côngz têx cưk kriê ntơưr kriê têx nhuôs shux xênhz chiê bax trâu cêr cơưv txux. Hur tiz si têx tsênhv njiêz fuô uô puôr lênhx uô rêik đros trâu têx nhuôs luz nênhx hâur niêx hnuz chiê chor nhuôv shux xênhz uô tâu jông trơưk, thiêz uô kaz ciês cux zos cxiv tsa trâu têx nhuôs cêr uô nênhx jông, gra siêz tsơưr lươngv”.

Trơưk li Sở Zoz zux thiêz thox cxov tỉnh Lào Cai, nhiv no, choz kriê tsưr ziv, cêr uô nênhx tsênhv tâu uô lơưr trâu hur tiz si têx tsêr cơưv shux xênhz nox nhoz hâur tsêr cơưv têz qơưk zus mor thiêz niêv txir zus mor hâur thax tsav tỉnh. Hâux lưv uô no tâu tsưr tsix uô jông trơưk têx tsêr cơưv li tsênhv tsênhz, taz sik tsuv tsưr tsix uô tsi so, paz uô yênhx cêr cor cav hâur niêx hnuz trâu têx nhuôs shux xênhz, đhâu ntơư gra siêz luôs hâux lưv car seiz têx shux xênhz nox nhoz, xênhz huôx, cơưv ntơưr hâur tsêr cơưv têz qơưk zus mor thiêz niêv txir zus mor cux li uô tâu jông hâux lưv kriê thiêz cơưv ntơưr./.

                    (An Kiên-Riê Lâux cxeik, nhênhv)

“ Kỹ sư tsi đhâu thox cxov” chiv chir uô tâu meir, chuôz zênhx trâu nôngx mênhx

          Shông 1978, pov pox nhuôs nôngx mênhx khưr uô xênhz yar kôngz nuv viv phênhv ntâu tsuôk zos zôngv tês uô, viv li cxôngx zuk li yênhxx tưv lok cơ khí thâuv ntêx tâu cơưv, zơưv chiv chir nhênhz chơưv, xar tơưv uô tâu meir jơưk blêx. Mo zos meir jơưk blêx xuz thơưx nhoz huyện Cái Bè tâu nôngx mênhx nhiêv txos viv zôngx ziv zôngv, ho tsi pôngz ntâu nhiêx txiêx, lênhx nênhs uô, huv đros thax tsav ar têz khênhr muôx đêx ngaz.

          Shông 2002, zơưv Lộc chiv chir xar tơưv uô luz traz txiêz, traz txiêz no tsi xưk li têx txiêz muôs sâuv niêv ciêz, zôngx ziv zôngv, cê txiêr cê sâu tâu txir ntông, lok six tâu tsôngv box nôngx mênhx nhiêv zôngv. Shông 2011, zơưv Lê Phước Lộc traz txiêz tax giải 3 jiês thik nôngx mênhx xar tơưv kỹ thuật tas nro têz qơưk jiês tiv 4 zos Hôiv nôngx mênhx Việt Nam tsưr tsix.

          Phuôx huiz yênhx tix qir thơưx tax tâu, zơưv Lê Phước Lộc tror nhênhz chơưv, xar tơưv xiv huv “ tul pak hlâu muôz hnaz khi chiê krơr txir ntông”. Zos chuôz zênhx paz têx lênhx nênhs nôngx mênhx krơr txir ntông zôngx ziv mak tsi zuôr ndê sâuv ntông li thâuv ntêx, cê pôngz ntâu six hơưv, cê tsi taz por. Shông 2006, xiv huv no tax giải C Hôiv thik xar tơưv kỹ thuật tỉnh Tiền Giang jiês tiv 6 thiêz tax giải 4 jiês thik xar tơưv kỹ thuật tas nro têz qơưk. Đrâuv co, zơưv Lê Phước Lộc tsênhv xar tơưv tâu ntâu chuôz zênhx txơưr phưx vưv tsiv uô xênhz yar kôngz nuv. Hâur têx xiv huv co, muôx 3 xiv huv tâu Cục sở hữu trí tuệ muôz ntơưr côngz jênhv zơưv li xiv huv jông. Zơưv Lê Phước Lộc heik:

          “ Cur yênhx côngz tiv zix zos uô tâu traz txiêz txiêr chês ntông, txir ntông, tiv oz zos tul pak hlâu muôz hnaz khi chiê krơr txir ntông phưx vưv krơr txir hlưs, txir mo môngk...Têx zav txir ntông no zos tsi krơr mak khênhr trâus zôngr đax uô hiêv. Cur uô tâu thiêz muôx ntơưr côngz jênhv xiv huv viv li huôv tsar txos nhiv no”.

          Viv zôngx ziv sir zôngv, huv đros thiêz hâux lưv huôv tsar vax ntông nox txir, zơưv Lộc li têx xiv huv tâu ntâu lênhx nôngx mênhx nhiêv txos. Tsov lơưr yênhx zav lox zâu mak zơưv muôs cxôngx 2, 3 puôk cxênhz đeiv. Iz shông, zơưv uô tâu 16 cxênhz xiv huv têx zav chiê cungz trâu niêv ciêz. Hâur ntu no, zơưv li qơư tsiv uô huôx tôngv tsi so cheie phưx vưv trâu têx taz viv sâu zuôr xiv huv. Zơưv Nguyễn Văn Minh, iz lênhx tsưr vax chos ntông nhoz huyện Cái Bè, tỉnh Tiền Giang zôngv zơưv Lê Phước Lộc li xiv huv heik:

          “ Zơưv Lộc li xiv huv xar tơưv mak lok six jông, zôngx ziv sir zôngv. Xiv huv no cur zôngv tâu 10 shông lơưv, muôx chêx cuk hênhr, grê muôs mak huv đros. Nhoz no luz vax tưs cux tsuv zôngv têx xiv huv no chiê sâu txir ntông, txiêr chês ntông cxuô zav”.

          Tsi zos têx xiv huv co xưz mak, nhiv no zơưv Lê Phước Lộc tsênhv tror nhênhz chơưv chiê uô tâu têx xiv huv tsiv grê txơưr. Zơưv Lê Phước Lộc puz pâuz:

          “ Six hơưv zuôr txos, cur tror nhênhz chơưv thiêz tsiv uô têx xiv huv xar tơưv tâu. Cur zuôr uô cxaz têx chuôz zênhx txơưr thiêz traz txiêz lox đuô chiê phưx vưv kôngz nuv li ntông cao su, tsoz txir lưs...thâuv lơưr zuôr trâus chiê txiêr têx tsoz lox đuô 30 mm mak zuôr zav co, cur tsênhv uô”.

          Đros têx yênhx tix tưz tax tâu hâur six hơưv đhâu, zơưv Lê Phước Lộc jênhv ntâu ntơưr kruôk li: Thủ tướng chinhr phuv li ntơưr kruôk; Bộ trưởng Bộ khoa học thiêz công nghệ li ntơưr kruôk; Tỉnh ủy- UB tỉnh Tiền Giang li ntơưr kruôk, ntâu shông tsi so zos nôngx mênhx txơưx uô kinh doanh cấp têz qơưk...Tiv zix, nhiv no zơưv Lê Phước Lộc nhoz tỉnh Tiền Giang tsênhv tâu thix ziv tâu chủ tịch têz qơưk khơưk muôz Huân chương lox tôngv hov 3./.

(TTĐBSCL- Txâur Vax cxeik nhênhv)