Gia Lai: Hêik pâuz qênhx shênhx ntơưr cơưv

chuôr thâuv hâur shôngk shông cơưv yiêz

Nhiv kruôr đhâu, lưx lươngv txơưx jênhv tỉnh Gia Lai tưz pov muôx 3.500 ntâu fâu ntơưr cơưv tsik muôx ntâuz ntơưr li chak hêik txos qơư uô têx ntơưr co ntơưv iz cxiê qơư kinh doanh sâuv thax tsav. Chor ntơưr chuôr no tâu tsưr chor qơư muôs huv tso siz shơư đros chor ntơưr tiês thiêz khi lok sik muôz siz lo yênhx iz bôv ntơưr. Kror no uô trâu shux xênhz niêv txir thiêz chor shux xênhz zôngx ziv zuôr tâu têx ntơưr chuôr. Tsênhv tsênhz, nhiv no, chôngz lênhx uô niêv txir, shux xênhz tsênhv tsik tâu pâuz txos shor jông li chak thâuv hnor hêik txos ntơưr cơưv chuôr. Tix lâus Hoàng Văn Thái, lênhx nênhs nhoz thành phố Pleiku puz pâuz: “Zuk tsik tâu sêiz shuôk jông viv li tsik pâuz chor tưs zos ntơưr tiês, chor tưs zos ntơưr chuôr. Zuk xar mak ntơưr chuôr têx jâuv tsơưr lươngv tsik jông zuôr phiv liv txos shux xênhz kror muôs. Zos zuk xar tâu thiêz tsik njênhs mak tsuv sêiz shuôk jông cok chiv lo sâuv ntơưr”.

Pos Nguyễn Thị Kim Liên, Kiêm soát viên đội sêiz car ciêz đrôngs số 12, Cục sêiz car ciêz đrôngs Gia Lai puz pâuz, phênhv ntâu chor ntơưr chuôr pov sâu tsês tâu zos ntơưr luk Anh txis lớp 1 txos lớp 9 thiêz ntơưr lok têx jax kriê, cơưv nzir txix lớp 3 txos lớp 9, puôr lênhx muôx gri muôs sâu sâuv ntơưr siêz đuô 30 cxênhz đêiv iz fâu. Txơưr đuô chor shông uô ntêx, chor ntơưr chuôr shông no tâu uô lok six jông gâux. Taz sik, kror phiv liv zos hâur ntu uô ntơưr, iz cxiê tsênhv njiêz hâur ntơưr tsik zos li têx ntơưr tiês. Đros ntơưr luk Anh, shux xênhz zuôr nriêr tsik tâu hâur nênhs uô têx trang web chiê nriêr cxuô kror phưx vưv trâu cơưv ntơưr: “Ntơưr chuôr thiêz ntơưr tiês mak lax phênhz pâuz tâu đhâu kror muôs seiz njiê. Kror jênhv pâuz zôngx ziv tiv zix zos khov trâu kror lo chiv khênhr nhoz sâuv fâu ntơưr đêiv flâuz số 4. Thâuv muôz têr, zos ntơưr tiês mak muôx jax ntơưr zoz zux niêk yưv lok six tsênhz mênhx. Hok ntơưr chuôr mak thâuv muôz têr tsuôk zos iz đêiv hnaz tax tsik muôx đaz tsi hlo. Đuô li, zuôr cok tâu caz số seri, zos cok tâu thiêz nriêr pâuz muôx hâur trang web co mak co zos ntơưr tiês. Hok trang web puz pâuz tiêk mã co tưz tâu sir zôngv lơưv mak zos ntơưr chuôr”.

Lơưr tix lâus Đào Bích Trường, Trưởng phongx kinh doanh, Công ty cổ phần ntơưr thiêz chuôz zênhz tsêr cơưv Gia Lai, viv sâu tâu liv ntâu đuô ntơưr tiês, viv li ntơưr chuôr tsik so tâu muôs đhâu têx qơư muôs hax huv, ntâuz ntơưr: “Lơưr tsik tas nhiêx uô, cxêik đuô, gri muôs ho kik mak ntơưr chuôr zôngx ziv tâu muôs sâuv ciêz đrôngs. Đuô thiêz, nênhs zuôr lok six lax phênhz tâu, fênhx zis mak lơưr zuôr xưz. Taz sik qir tiv tsik jông zos tiv chor ntơưr uô tsik jông zuôr phiv liv txos shux xênhz kror muôs. Thâuv cxiv sâu uô mak tsik tâu uô truôx jông, zos tsik muôx qênhz yuôx mak uô chak cux zuôr muôx uô tsik zos xưz”.

Zơưv Trần Minh Trường, đội trưởng Đội sêiz car ciêz đrôngs số 12, Cục sêiz car ciêz đrôngs tỉnh Gia Lai puz pâuz, nhiv no, hâux lưv tir tar ntơưr chuôr tâu muôs sâuv ciêz đrôngs mak lok six lax uô. Viv lơưr cêr chêi têz qơưk li cui tênhv, cơ quan sêiz car ciêz đrôngs tsuôk tâu xưv lik hành chính têx qơưk kinh doanh ntơưr chuôr. Viv li, cux sêiz car, tir tar tsik tâu cov tas ciês. Kror tsuv cxơưx đuô zos nhiv no têx ntơưr chuôr co tưz muôx lok txos tỉnh li têx thax tsav nhoz đêz, tox siêz, thax tsav tsôngv box mênhx cxưx tơưs nênhs: “Nhiv no pêz tsênhv sik côngv đros Nhà xuất bản Zoz zux ntơưv Đà Nẵng uô cov tiêr ntâuz ntơưr, muôz trâu cơ quan muôx qênhx xưv lik vênhv thix ntơưr chuôr. Tsưr ziv uô hâur ntu zuôr txos, pêz sir jos qênhz yuôx ntơưr chuôr, ntơưr tsik zos chêi, thax tsav nhoz đêz, tox siêz chor huyện, thị xar. Đuô li, pêz chuôz cxaz qênhz yuôx têx chuôz zênhx tsêr cơưv ntơưr, tsôngv yo hnar hâur shông cơưv yiêz”./.

(TTTN-Lik Thox cxêik nhênhv)

Chơưv thâuv trâus pôngz đês

Nus: Thâuv trâus pôngz đês tsuv yưr lir li chas?

Têz: Thâuv trâus pôngz đês tsuv uô iz cxiê tsưr ziv li no:

Thâuv pov lênhx nênhs trâus pôngz đês, tsuv hu cxuô lênhx nênhs tuôx chơưv paz ciês thâuv pov lênhx nênhs pôngz đês. Tsi cxoz đhiê mul hâur đêx lơưr nênhs pôngz đês zos zuk tsi txơưx luôv đêx thiêz tsi txơưx chơưv paz.

Zos njiz lênhx nênhs trâus pôngz đês, hâux lưv xuz thơưx zos ciêr chênhr chox lênhx nênhs co lol sâuv ntus đêx. Puôk tov đrâuz kâuv lok sik tuôr plâuz hâu truz lênhx nênhs co tơưv lol. Hâux lưv no jav tâu qênhx shênhx lênhx nênhs trâus pôngz đês nyei thiêz truz 2 lênhx puôr lênhx pôngz đês tuôs. Thâuv chox tâu lênhx nênhs mul sâuv ntus đêx tsuv ciêr chênhr krêz thôngz cêr uô pa, yuôz pa trâu lênhx nênhs co. Tso lênhx nênhs co pư sâuv qơư tiêx, tâuz hâu keix trâu iz saz thiêz njiê hâur lênhx nênhs co li kror ndâux seiz pok muôx tul tsi đeis hâur co thiêz chiêx đêx ntưs tâu lol. Đhâu co ciêr chênhr tso lênhx nênhs co pư nzênhr tiêx, lênhx nênhs chơưv paz mak cxok châus iz saz iz cxeik tês tso sâuv nênhs trâus pôngz đês li hâur pliêx niês lênhx nênhs co tâuz hâu trâu saz tov kaz, iz cxeik tês tuôr kaz poz tseiv truz chiê qênhz yuôx seiz lênhx nênhs co pok trâus saz cxaz chax đaz (zos njuôs xav trâus saz mak tsuv max mav uô).

          Zos lênhx nênhs pôngz đês uô tsi tâus pa tsuv ciêr chênhr yuôz pa trâu lênhx nênhs co. Nênhs chơưv paz grus iz pa ntêr, tsuô lênhx nênhs pôngz đês li kror ndâux thiêz yuôz pa trâu lênhx nênhs co, yuôz 2 jiês tsi so. Tsov cưv thâuv yuôz tsuv pok chênhr lênhx nênhs pôngz đês li kror njưs.

          Đhâu 2 jiês yuôz pa jiês xuz thơưx, zos tsi pov lênhs nyar đhiê tsuv muôz tês juôx hâur siêz lênhx nênhs pôngz đês, juôx tsi so 30 jiês, đhâu 30 jiês tror yuôz pa tsi so. Thâuv juôx hâur siêz mak tsuv tâu 80-100 jiês iz phênhz.

          Zos nênhs pôngz đês tror uô tâus pa tsuv ciêr chênhr chox lênhx nênhs co muk tsêr kho moz. Thâuv chox tsuv uô jông tsov cưv txos cxa chax đaz zos njuôs xav trâus saz. Thâuv chox muk tsêr kho moz tsuv tror chơưv paz thiêz muôz pav lok sik juôx cov lênhx nênhs co luz chêr sor tuôx./.

(B.Thủy-Txâur Vax cxeik nhênhv)