Doanh nghiệp Lai Châu uô lơưr tsưr ziv “iz txox cêr muk , 2 qơư tuôx txos” chiê ngaz tul tsiv uô thiêz muôv muôs

          Qơư liv uô têx đêx hur hâuk LaWa, nhoz Công ty cổ phần đêx hur Lai Châu nhoz phường Tân Phong, TP Lai Châu nưs nhoz nưs iz qơư, nhoz đêz thax tsav qơư tsôngv box nhoz uô nênhx. No zos kror jông chiê taz viv tax tâu tsưr ziv ngaz tul hâur liv uô muôv muôs đêx ntu đhâu, thâuv tsi tâu sâu jênhv lênhx nênhs tưs trâus moz Covid-19. Tiv zix, ntu no thâuv tiv phaz tsênhv nhoz ntu qênhx shênhx fênhx yax yiêz, chiê tror tuôr truôx hâux lưv liv uô đêx hur, muôv muôs đêx taz viv tror uô jông têx cui tênhv lok phax tar moz Covid-19.

          Zơưv Bùi Đức Tuyền, Giám đốc Chi nhánh qơư liv uô đêx hur LaWa puz pâuz: Taz viv li tsưr ziv liv uô đêx mak uô lơưr 5 ntu. Viv li, hâux lưv taz por phax tar moz hâur taz viv chiê ngaz tul hâux lưv liv uô đêx tâu tso tơưv xuz thơưx. Đrâuv uô jông Bộ y tế li cui tênhv 5K, taz viv tưz coar lik công nhân lơưr tsưr ziv “iz txox cêr muk, 2 qơư tuôx txos”: “Pêz heik kriê txos cán bộ, công nhân viên uô ntêx thâuv muk uô hâux lưv tsuv chox đeiv bos kror ndâux, tuôx txos qơư uô hâux lưv tsuv zôngv cuô đêx yuôx nzuôr tês cov hur si, thiêz taz por por hưv lox tôngv uô ntêx thâuv uô hâux lưv. Thâuv uô hâux lưv tsuv taz por tsi nhoz siz jê chiê phax tar moz, tsuôk tâu muk ndax ciês cxôngx ntơưv tsêr nhoz tuôx txos qơư uô hâux lưv thiêz tas six hơưv mak muk ndax ndeiv txos tsêr. Thiêz pêz cux muôx tsưr ziv zos môngr tsi jông muôx lênhx nênhs trâus moz zos tas nro nênhs lox tôngv zuôr nox thiêz so ciês ntơưv qơư uô hâux lưv”.

          Công ty cổ phần đêx hur Lai Châu zos taz viv liv uô, muôv muôs têx zav hax huv zuôr trâus thâuv muôx jênhv vưv cungz đêx xênhz huôx trâu 22 cxênhz lênhx nênhs ntơưv 5 huyện, thành phố sâuv thax tsav tỉnh Lai Châu. Nhiv no công ty muôx 140 ntâu lênhx cán bộ, công nhân viên uô hâux lưv ntơưv 7 taz viv, hâur co muôx 110 lênhx công nhân cxaz chuôz tsiv uô thiêz tsênhv uô lơưr tsưr ziv “iz txox cêr muk, 2 qơư tuôx txos”.

          Zơưv Vì Văn Chung, Chủ tịch Hội đồng quản trị Công ty cổ phần đêx hur Lai Châu puz pâuz: “Công ty cux uô jông tỉnh cux xưk li chiz coaz y tế li chox kriê, chiê taz por thâuv uô hâux lưv muôv muôs. Nhiv no công ty chox kriê tas nro cán bộ, công nhân viên muk cxoz muk lok đrâuv tỉnh. Thâuv uô hâux lưv sâu nhiêx txiêx, yưr lir têx hâux lưv muôx yưv tsuv njiz tsôngv kruô mak cux tsuv uô trơưk cui tênhv 5K chiê taz por”.

          Tuôr truôx hâux lưv liv uô đêx hur, muôv muôs chiê muôz hâux lưv uô trâu nênhs lox tôngv, tax tsưr ziv tso tơưv lok phênhv sâu hâur shông zos têx công ty, doanh nghiệp sâuv thax tsav tỉnh Lai châu li tsưr ziv. Nhiv no, têx công ty, doanh nghiệp muôx njik mê thiêz mê muôx cán bộ, công nhân viên nhoz jê qơư uô hâux lưv mak uô lơưr tsưr ziv “iz txox cêr muk,2 qơư tuôx txos”. Yuôr têx công ty, doanh nghiệp lox muôx chôngz cán bộ, công nhân viên huôx tôngv hâur vênhv thix tsiv uô yuôx zêx, cao su, mắc ca...tâu têx taz viv bax tsưr ziv coar lik “3 ntơưv qơư”.

          Pos Nguyễn Thị Loan, Giám đốc Công ty cổ phần yưv pênhr huôv tsar yuôx zêx Tam Đường puz pâuz: Nhiv no yuôx zêx tsênhv txos six hơưv sâu đê thiêz zos ntu taz viv tsiv uô ntâu. Công ty tsênhv tuôr truôx hâux lưv uô trâu 200 ntâu cán bộ, công nhân thiêz nênhs lox tôngv lơưr chiv cheix, hâur co muôx 180 lênhx cxaz chuôz uô hâux lưv ngaz tul. Zos tuôr truôx hâux lưv tsiv uô mak công ty tsuv muôz hâux lưv uô ngaz tul trâu muôx nhos 8 cxênhz lênhx nênhs nôngx mênhx. Viv li, công nhân thiêz nênhs lox tôngv uô ntêx thâuv muk uô hâux lưv puôr lênhx tâu njuôs siv moz Covid-19 sei thiêz tâu njuôs siv lơưr tsưr ziv PCR iz luz hlik iz jiês. “Công ty cux tưz muôx tsưr ziv trâu hâux lưv tsi jông tiv zix zos thâuv nhoz tỉnh Lai châu muôx nênhs moz F0. Thiêz thâuv co ntơưv tsêr meir yuôx zêx Bản Bo zuôr uô tsưr ziv “3 ntơưv qơư”, bax qơư nox nhoz trâu cán bộ, công nhân viên ntơưv tsêr meir chiê uô hâux lưv. Yuôr đros tsêr meir nhoz niêv đrôngs Lai Châu công ty xav txos hâux lưv xeir zuôr nênhs lox tôngv lơưr chiv cheix thiêz tsuv xeir zuôr lox tôngv tiv phaz taz por tsi muôx moz thiêz uô lơưr tsưr ziv “1 txox cêr muk, 2 qơư tuôx txos”.

          Hâux lưv uô jông tsưr ziv coar lik công nhân thiêz nênhs lox tôngv lơưr tsưr ziv “1 txox cêr muk, 2 qơư tuôx txos” thiêz chuv tôngv muôx tsưr ziv “3 ntơưv qơư” hâur phax tar moz Covid-19, têx công ty, doanh nghiệp sâuv thax tsav tỉnh Lai Châu tsênhv tuôr truôx tâu hâux lưv tsiv uô thiêz muôv muôs./.

(Khắc Kiên-Txâur Vax cxeik nhênhv)

Têx tuk fuô yuôv fiêx thêir caz moz nhoz tox siêz Yên Bái

Cux xưk li chôngz lênhx nênhs hâur jok, hâur ntu caz moz Covid-19 txơưr txar phiv liv, tix lâus Cáng Xênhv Phàng nhoz jok Tà Xùa, xar Bản Công, huyện Trạm Tấu, tỉnh Yên Bái tưz uô iz tuk fuô yuôv fiêx rêik chêir tsêr cxok trâu ntơưv zuk tsêr chiê paz trâu phax tir tar caz moz Covid-19. Thâuv cxok tuk fuô no mak cux zos hêik trâu luôs lưv tuk pâuz zuk chuôz zis tsênhv chêir tsêr, tsik khênhr lênhx tưs tuôx gas trâu hâur chuôz zis co tsêr: 

Pos Chử Xênhv Zax luz tsêr nhoz puôz ciês ntơưv ntus cêr muk trâu qơư du lịch ndis shuôk hâur trôngz Tà Xùa thiêz tsas đêx Tà Xùa, xar Bản Công, huyện Trạm Tấu. Yênhx hnuz mak muôx lok six chôngz nênhs muk lok đhâu, hâux lưv zuôr muôs hax huv cux chôngz viv no tâu sêiz zos thax tsav tsênhv qơư hâur jok. Đros qênhx shênhx moz Covid-19 txơưr txar phiv liv, zuôr zôngx ziv cik tâu caz moz lok hâur thax tsav viv li pos Chử chuôz zis cux uô iz tuk fuô cxok trâu ntơưv tos tsêr. Txơưv tiêk rêik tuk fuô co li no mak phiv liv ntâu txos phênhv sâu taz sik tiv zos ngaz tuk trâu chuôz zis thiêz pox nhuôs hâur jok viv li pos Chử tưz uô tuk fuô no chiê rêik thêir tiêk zuk chuôz zis tsênhv chêi tsêr chiê đros phax tar caz moz. 

Lơưr lâul jok Sáy Xênhv Phàng nhoz jok Tà Xùa, xar Bản Công, huyện Trạm Tấu, tuk fuô no mak muôx tsiv gri zov chênhr hâur tsôngv box Hmôngz luz nênhx, đros siêz xar tiêk zuôr paz tir thêir tâu têx đaz uz no uô ruôr hiêv txos chuôz zis luz nênhx. Thâuv tưs hâur chuôz zis muôx hâux lưv đaz tsi mak sơưr đơưk zuôr uô iz tuk fuô li no cxok ntơưv tos tsêr, ndâux cê tuôx trâu hâur tsêr chiê tir thêir têx kror fêv tsik jông thiêz thor muôx tâu cxuô kror jông trâu chuôz zis. Đros co, tuk fuô no cux zos hêik trâu cxuô lênhx nênhs pâuz tiêk zuk chuôz zis tsênhv chêir tsêr zuôr tsik khênhr lênhx tưs lok trâu hâur tsêr. 

Txos nhiv no Yên Bái tsik tâu pov muôx lênhx nênhs tưs trâus cik moz Covid-19 hâur côngv thôngx, cux tsênhv zos thax tsav qơư ngaz tuk lok Covid-19. Muôx tâu li co cux zos muôx yênhx lênhx nênhs sik côngv têk đros paz phax tar tsik chiê caz moz cik  tâu lok hâur thax tsav qơư./.

(Đinh Tuấn-Lik Thox cxêik nhênhv)