Ntux yiêz sor so hâur chor chuôz zis tưx hla đhâu cêr pluôs

Hâur luz tsêr cxuô zav tâu tsês chiê lok six jông, hur si thiêz sor so, pos Trần Thị Quế, muôx 80 ntâu shông, nhoz jok Toàn An, xar Đông An, huyện Văn Yên luôs nxi puz pâuz: txix thâuv piz ndêiv qơư kik tuôx nhoz uô nox ntơưv no, pos oz niêv txir tưz sir jos khưr chiê tu zus, txoz cxơưx trâu 6 lênhx mê nhuôs hloz lox yênhx nênhs, muôx nênhs mak uô hâux lưv têz qơưk, muôx nênhs mak uô kinh têr taz sik puôr lênhx muôx luz nênhx jông thiêz txâuk nox. Chor mê nhuôs zuôr txir, zuôr pox niêv thiêz phêiz chuôz tas lơưv, nhiv no tsuôk yuôr pos oz niêv txir nhoz uô co lơưv xưz. Oz pêz shông đhâu, oz niêv txir tâu tso zos chuôz zis pluôs, tâu paz lơưr têx tsênhv chêi. Pos Trần Thị Quế puz pâuz, nhiv no pos oz niêv txir tâu paz nhiêx nênhs lâul 270 cxênhz đêiv iz lênhx nênhs iz hli. Luz nênhx hêik txos nhiêx txiêx mak cux tsik muôx taz sik vax tsêr cxuô zav mak cux cxix cxuô lơưv:“Nhiv no cur oz niêv txir tâu 540 cxênhz đêiv, li mak txâuk zuôr cxur nox lơưv. Hok nzir mak zus kêiz ol uz no chiê muôx nzir kror nox, muôx pluôs mak tuô kêiz, muôx pluôs mak nox kê, zos muôx tsik cxuô mak muôs tuk kêiz cux tâu iz oz puô cxênhz nhiêx lơưv. Kror nox yênhx hnuz mak chor tuz nhuôs lơưr cux tsik tâu cxơưx trâu zuk”.

Xav mak zuk chuôz zis tsênhv muôx ntâu đuô têx chuôz zis txơưr, tas shông 2019, pos Trần Thị Quế, zơưv Phan Văn Đức oz niêv txir sêiz lax thiêz sâu ntơưr thor tơưv đhâu chuôz zis pluôs.“Zuk uô ntơưr thor tơưv đhâu chuôz zis pluôs chiê paz trâu chor chuôz zis txơưr đuô. Nhiv no zuk zos chuôz zis pluôs mak chor mê nhuôs lơưr cux txax muôs. Nhiv no têx tuz nhuôs zos đảng viên tas lươv zos pos zơưs tsik tơưv đhâu cêr pluôs mak lơưr cux lax xarr”.

Zơưv Lê Huy Quang, Phưv chủ tịch UBND xar Đông An, huyện Văn Yên puz pâuz: Pos Trần Thị Quế thiêz zơưv Phan Văn Đức luz nênhx cux tsik zos muôx luôx tưs, taz sik cux sâu ntơưr thor tơưv đhâu chuôz zis pluôs, kror no tưz paz ntâu trâu côngv thôngx: “Pos oz niêv txir sâu ntơưr chiv chir thor tơưv đhâu chuôz zis pluôs chiê tsês pz trâu têx chuôz zis txơưr tsênhv txov nhêv đuô zuk. Ntâuk gri siêz zơưv Phan Văn Đức ziv chuôz zis, pêz tưz cxiv sâu têx xor mông, jax sâu sâuv Đaix nta suôz xar piêr trâu têx loa nta suôz jêx jok pâuz chiê trâu cxuô lênhx nênhs hâur xar cơưv shâuv uô trơưk”.

Zus oz tuk mê nhuôs tsênhv zâu, lênhx hluôk nxêik Hoàng Thị Thanh Bình, zus shông 1991, nhoz jok Tân Thành, xar Yên Thái, huyện Văn Yên cux sâu ntơưr thor tơưv đhâu chuôz zis pluôs. Txơưv pâuz tiêk tơưv đhâu bê ntơưr chuôz zis pluôs, zuôr tsik tâu paz ntâu kror, taz sik Bình cux truôx siêz hlo uô trơưk li co. Lơưr Bình, tsơưs tiv zix lok zuk cux tsênhv muôx kror nhiêx hli công nhân đêx liv 4 triệu đêiv iz hli, cux ntâu đuô chôngz lênhx nênhs luz nênhx tsênhv txov nhêv đuô zuk:“Cur luz nênhx nhiv no cux truôx tuk đuô ntu đrav ntêx viv li cur sâu ntơưr thor tơưv đhâu chuôz zis pluôs chiê tsês trâu chôngz lênhx nênhs tsênhv txov nhêv đuô zuk tsuv tâu paz lơưr têz qơưk têx chêi co. Tsênhz tiês mak yuôr chôngz lênhx nênhs luôs tsênhv txov nhêv đuô zuk, lơưr tsuv tâu paz đuô zuk. Thâuv ntêx no zuk txov nhêv mak chor nênhs muôx đuô zuk tưz paz trâu zuk lơưv”.

Shông 2019, tas nro huyện Văn Yên muôx 2.466 ziv chuôz zis hla đhâu cêr pluôs, chor chuôz zis pluôs tâu txo grêk 7% ntâu. Uô tâu li zos huyện tưz sir jos uô jôngz côngz xưv yax kriê, hêik pêx xênhv sir jos cov hla đhâu cêr pluôs, tsik nhoz tok khov trâu têx qơưk têx paz. Đros co zos sir jos khưr uô nox chiê hlôngr yiêz zuk luz nênhx hâur xar hôiv, chiv chir thiv pluôs truôx đrênhk. Zơưv  Lê Minh Đức, Phưv chủ tịch UBND huyện Văn Yên puz pâuz: shông 2019, tas nro huyện tưz muôx txos 11 ziv chuôz zis thor tơưv đhâu chuôz zis pluôs, hâur co muôx chor chuôz zis zos nênhs lâul, tsôngv box mênhx cxưx tsơưs nênhs:“Hâur shông tưz muôx lok six chôngz ziv chuôz zis sâu ntơưr thor tơưv đhâu chuôz zis pluôs, huyện Văn Yên sêiz no zos têx tsưr ziv uô yiêz, chiê kriz uô hâur têx kror hâux lưv txơưr chor shông zuôr txos. Đros co zos tsưr tsix yax kriê, kruôk txos đảng viên thiêz pêx xênhv uô tâu jông chiê txix co paz uô trâu sơưr đơưk sir jos đuô, chiê cov hla tâu đhâu cêr yêiz pluôs hâur luz nênhx”./.

(Tuấn Xuân-Lik Thox cxêik nhênhv)

Jok uô cuz thaz vơưk kok blôngx njê Bình Lư, Lai Châu lov jêv ntưk hâur shông yiêz

Ntơưv jok Thống Nhất nhoz iz saz txox cêr lox, huôk njôngr têx hnuz ntux yar jông, tsôngv box sđ sir jos uô têx cuz thaz vơưk kok blôngx njê chiê jiêz. Hur tiz si têx thax ar tsi uô đaz tsi nhoz jê iz ndis tsêr puôr lênhx tâu têx chuôz zis uô qơư chiê jiêz têx cuz thaz. Nhoz sơưr iz saz têx cuz thaz jiêz yar ntux , pos Trần Thị Lượt, nhoz jok Thống Nhất, xã Bình Lư, huyện Tam Đường heik: Gri têx cuz thaz vơưk kok blôngx njê nhiv no tâu chor tuz luôv cir ntơưr zuôr txix 45-50 cxênhz đeiv iz cir. Trơưk li iz cxiê lênhx tsôngv px mak iz jiês no, têx cuz thaz hâur jok tâu muôs gri truôx tuk. Tsôngv px uô tâu bâuv li chas, tâu chor tuz luôv sâu zuôr tas hur si, tsi muôx iz kro sênhv hlo. Ntâu chuôz zis tsuv hu nzir ntâu lênhx nênhs tuôx đros uô chiê uô tâu ntâu đuô têx cuz thaz yax 2, 3 bâus pir li thâuv tsi tâu txos tsiêz chiê uô tâu huv choz trâu tsôngv kruô zênhx max:“Shông no têx cuz thaz uô tâu truôx tuk, gri muôs 50 cxênhz đeiv iz cir. Cur chuôz zis shông no cux tưz muôs tâu 10 tênhr ntâu thiêz tsôngv px sđ têx cuz thaz nhiv no tưz tâu muôs thôngz hâur tas nro têz qơưk. Txix thâuv ntêx txos nhiv no, jok uô cuz thaz no, tsôngv px puôr lênhx uô đreiv luôs hâux lưv co thiêz nhiv no tưz muôx suôz bê, tâu ntâu lênhx chôngz tuk pâuz txos đuô. Tsôngv px luz nênhx tâu hlôngr yiêz ntâu, têx tuz nhuôs tâu muk luôs lưv tuk cơưv ntâuz cơưv ntơưr, muôx vax tsêr jông đros luôs nhoz thiêz muôx tsiêz đros luôs nox lov jêv, shir phaz”.

Cux xưk li pos Lượt chuôz zis thiêz ntâu chuôz zis txơưr đuô nhoz jok Thôngz Nhất, tix lâus Nguyễn Xuân Trường cux hu zâuv chôngz lênhx ntâu tus thiêz ntiêr nzir 4 lênhx nênhs txơưr đuô tuôx đros uô thiêz jiêz, krưr têx cuz thaz. trơưk li tix lâus Trường, viv têx cuz thaz hâur jok puôr lênhx zos muôz hmmôngr vơưk kok blôngx njê lok uô thiêz tsôngv px tưx chos tâu têx vơưk kok blôngx njê co đros trâu tor đo chor đêx hur nhoz tox siêz viv li tsư kaz, jôngx muôs jông nox. Muôx nhos 3 shông tror lok no, tsôngv px uô tâu bâuv li chas mak puôr lênhx muôs tas bâuv li co:“Huv uô tâu mak muôx ntâu tus chôngz lênhx zuôr, zuk uô thâuv zuôr txos tsiêz mak muôs tâu đuô, viv li tsôngv px luz nênhx thâuv zuôr txos tsiêz 30 ntơư cux muôx txâuk cxix cxuô zav đuô. Xav kror đruôz đraz iz hnuz zos ntux yar, cur chuôz uô tâu txix 1-1,5 puôk cuz thaz thiêz txix thâuv qir uô chênhr chênhr têx cuz thaz ntơư muôs hâur ntu zuôr txos tsiêz co txos nhiv no, chuôz zis tưz uô tâu 6-6,5 tênhr cuz thaz lơưv. Têx cuz thaz uô tâu muôs ciêz đrôngs shông no mak truôx tuk thiêz gri cux huv đros”.

Nhiv no jok uô cuz thaz vơưk kok blôngx njê Bình Lư nhoz jok Thống Nhất muôx 50 ntâu chuôz zis uô thiêz iz shông muôs trâu hâur ciêz đrôngs 100 ntâu tênhr. Cuz thaz vơưk kok blôngx njê Bình Lư nhiv no tsi tiêk muôx muôs nhoz têx ciêz đrôngs hâur thax tsav qơư mak tsênhv tâu chor tuz luôv thâux xa muk muôs trâu cxuô thax tsav hâur hur si têz qơưk thiêz yênhx Lai Châu siv huv kôngz nuv jông muôx suôz bê to. Pos Trần Thị Nhẫn, tsả jok Thống Nhất, xã Bình Lư, huyện Tam Đường heik pâuz:“Pêz jok Thống Nhất nhiv no, tsôngv px uô chor cuz thaz heik sâuv tsi so hâur niêx shông, thiêz tsôngv px phênhv sâu tâu nhiv no cux lok six truôx tuk. Têx huv uô tâu txos nhiv no cux tưz muôs tas hur si thiêz tsiêz shông no, heik cxuô tsôngv px sđ lok six shir phaz. Pir li cxiê shông, uô cuz thaz tưz gra cêr tsâu sor đuô trâu tsôngv px sđ”.

Muôx suôz bê to, chôngz lênhx ntâu tus pâuz txos, tsôngv px muôx phênhv sâu tâu nhiêx txiêx, viv li ntâu shông tror lok no, têx chuôz zis tsôngv px nhoz jok uô cuz thaz vơưk kok blôngx njê Bình Lư tưz muôx luz nênhx jông đuô, tso siêz thiêz uô đreiv luôs hâux lưv co truôx đuô./.

(Khắc Kiên-Riê Lâux cxeik, nhênhv)