Jax sâu thưr 2 hnuz 31/10/2016:

Lào Cai: Pêx xênhv tso tsês tsik sir zôngv fov

      Huyện Bắc Hà, tỉnh Lào Cai zos iz hâur chor tiv phaz phiv liv lok sir zôngv fov tsik trơưk chêi, tiv zix zos fov zuk tưx tsiv uô. Tưz muôx tsik tsơưs txuz cik txos chor fov muôx ntơưv no, iz zav li shông 2012, tiv siz char hâur chuôz zis tix lâus Đặng Văn T, mênhx cxưx Tày nhoz jok Giàng, xã Cốc Lầu tưz muôz chor fov tưx uô ntơư chox lok tuô nưk tuôs. Jê no tiv zix thâuv hâur shôngk shông 2016, ntơưv xã Tà Chải, oz lênhx shux xênhz muôx 13 shông tưz muôz chuôz zis traz fov tưx uô ntơư chox lok cor uô fov đror thiêz trâus saz oz lênhx nênhs hur si.

     Xav jênhv tsênhz mênhx sir zôngv fov li têx phiv liv, lưx lươngv công an tiv phaz tưz tsik so tsưr tsix chor jiês yax kriê trâu  pêx xênhv ntơưv tiv phaz, tsưr tsix chor đoax côngz xưv muk tiv phaz hêik pêx xênhv choz zok fov. Đhâu ntâu jiês hêik, chôngz pêx xênhv ntơưv huyện tox siêz Bắc Hà tưz jênhv pâuz cxix cxuô lok têz qơưs têx chêi. Zơưv Lìu Chính Pao-pêx xênhv jok Minh Hạ, xã Cốc Lầu, huyện Bắc Hà, tỉnh Lào Cai hêik:

 “Mnôngs cán bộ tuôx jêx jok chiê hêik kriê tiêk uô li mak zuôr phiv liv trâu sơưr đơưk thiêz trâu zuk, mak pêz tưz pâuz tâu. Pêz cux pâuz tâu tiêk uô li co zos zuôv cêr chêi, thiêz txix no pêz zuôr tsik sir zôngv fov chir chir uô lơưv”.

    Lơưr Thượng tá Hoàng Văn Dũng-tsar phongx cảnh sát sêiz car hành chính thiêz ngaz tuk xã hội, Công an tỉnh Lào Cai, pêx xênhv ntơưv ntâu thax tsav nhoz lào Cai, cor cav sir zôngv fov tưz muôx đros đrêiv luz nênhx yênhx hnuz txix ntâu fâuv nênhs lok. Pêx xênhv tox siêz gra đros fov thâuv muk hâur har jôngr, muk uô liêx têz, tsuôk zos chiê tuôx nak nôngs thiêz sir zôngv thâuv njiz phiv liv, taz sik kror cor cav co ho zos zuôv cêr chêi têz qơưk. Chiê hlôngr yiêz tâu têx cor cav co, côngz xưv hêik kriê tsuv uô jông uô thiêz uô tsik so, tsênhz mênhx.

 “Nênhs tox siêz li phôngx cxưx cux tsênhv sir zôngv fov ntâu, tiv zix zos chor thax tsav nhoz jê ntus đriv, tox siêz, uô trâu hâux lưv sêiz car njiz ntâu phiv liv. Txix co pêz sir jos hêik kriê thiêz hêik cov choz zok têx fêv thiêz tsênhz mênhx zos chênhr pêx xênhv siêz xar”.

    Txix shông 2011 txos nhiv no, phongx cảnh sát sêiz car hanhx chính thiêz ngaz tuk xã hội, Công an tỉnh Lào Cai tưz sik côngv đros chor tiv phaz hâur tỉnh sâu tâu 20 cxênhz traz fov tưx uô cxuô zav, phênhv ntâu zos fov Hmôngz thiêz fov cồn uô txix têx car zak zưr. Uô ntêx qênhx shênhx ngaz tuk sâuv thax tsav muôx ntâu phiv liv, Công an thiêz chor nganhx txơưx jênhv tỉnh Lào Cai xav jênhv tror uô truôx jông đuô côngz xưv sêiz  car cxuô zav fov tsik zos chêi, tiv zix zos chor fov tưx uô chiê taz por tâu jông đuô ngaz tuk sâuv thax tsav./.

                                         (An Kiên-Lik Thox cxêik nhênhv)

Jax sâu thưr 2, hnuz 31/10/2016:

Cử tri hêik hâur jiês cươv tiv 2, Quốc hội khóa 14

     Phênh ntâu cử tri hur si têz qươs jông siêz thiêz njênhs njôngr trâu Đảng sêiz car têz qươs, Chính phủ. Taz sik, tsôngv px cux tsênhv cxươx lok huôv tsar kinh tế tsik tâu truôx pês tsươs; huôv tsar uô tsênhv tâu kênhz, iz cxiê kôngz lôngk uô tâu, muôs tâu tus grê kik, qươ muôs cux phiv liv  thiêz chor nênhs tsik muôx hâux lưv uô tsênhv yuôr chôngz. Cử tri Đôn Tuấn Phong nhoz An Giang hêik pâuz:

 “An Giang zos thax tsav tsêz chos ntâu kôngz lôngk, px hêir nênhs tsươs nhoz ntus đriv tsênhv njiz ntâu phiv liv lok kinh tế-xã hội. Cử tri xar njôngr cov cxươz cxiz huôv tsar truôx kinh tế, tsêz chos kôngz lôngk truôx tuk  thiêz tsuv zok nriêr hâux lưv cov tâu trâu chor hluôk uô”.

     Ntươv jiês cươv tiv 2 no, luôs hâux lưv cxiv tsa chêi têz qươs cux tâu moz siêz txos; hâur ntươ, Quốc hội zuôr thôngz đhâu 4 dự án chêi: Zos Chêi Hội, chêi tôn giáo, chêi lês cêr đaz cêr kruô, chêi muôs chuôz zênhx chuôz tav, chêi cxiv kho đuô iz cxiê grê cxaz nzir hâur chêi têz qươs shông 2015 thiêz Nghị quyết cxiv kho đuô cxaz nzir iz cxiê grê hâur Nghị quyết chiê txo grêk tsươs thêv sê sir zôngv ar tsêz chos kôngz lôngk. Zươv Nguyễn Viết Chức, phưv sêiz car ủy ban vênhx huôv, zoz zux đrav ntêx xav tiêk: Chiê chêi đros đrêiv hâur luz nênhx, uô ntêx zuôr hêik trâu Quốc hội, tsuv nus côngv thôngx, cử tri, px, cơ quan tsưr tsix pâuz lok têx chêi ntươ tâu cxiv kho đuô.

 “Luôs hâux lưv thôngz đhâu cxuô chêi, zos chiê xã hội huôv tsar; uô trươk chêi chênhr zos uô cov sđ muôx vax huôv siz luôs, zos đrêiv chêi tso tươv”.

      Cử tri cux xav tiêk:Vuôz tsuôz kiêk nênhs tênhx qươ, chênhr zos uô vuôz tsuôz kiêk nênhs txos zav nox thiêz muôx yuv ntâu têx nênhs fêv uô cxâuv chêi têz qươs; chor nênhs chêix yêz uô yêz siz đrâuk siz tsông muk lok tâus cêr đros trâu ntux yar ntux nas txươr txar, uô đêx nas ngaz, ruôr hiêv ntâu txos px têx chuôz zênhx chuôz tav, vax tsêr, kôngz lôngk….tsênhv muôx yuv ntâu phiv liv, uô trâu sđ cxươx. Đros ntươ, cử tri cux hêik, tsuv cxiv kho đuô chêi sêiz car têx nênhs fêv nox nhiêx têz qươs. Cử tri Đỗ Duy Thường nhoz Hà Nội hêik:

 “Faz tsưr ziv kriz sâu chuôz zênhx chuôz tav trâu hâur ntươr tsuv tâu hlôngr đuô. Nhiv no, tsuôk zos thâuv tưs zuôr bo xêir li kriz uô; đhâu ntươ cux tso tsês. Yênhxx triệu lênhx kriz sâu, tsuôk muôx iz oz lênhx thiêx kriz uô tsik zos. Tsôngv px sđ moz siêz txos têx kror hêik ntươ chiê tir thêir chor nênhs fêv nox nhiêx têz qươs”.

       Cử tri xar njôngr đại biểu Quốc hội tsuv gra siêz tsưr ziv uô cov tâu truôx cxuô luôs hâux lưv Đảng têz qươs zok muôz chiê khươk sâu px têx luk hêik, siêz xar, xa cov txos trâu Quốc hội. Uô tâu li ntươ thiêx tsiv nhos zos iz lênhx đại biểu Quốc hội, uô trâu px njênhs njôngr cxuô luôs hâux lưv qênhz yuôx, sêiz kaz./.

                                                    (Tsuv cxêik nhênhv-Lại Hoa-TTT)