Têx jông jav nhoz Sơn La hâur niêv đrôngs Hà Nội

Nền nhạc Thái...

          Sơn La zos tỉnh tox siêz nhoz faz Tây Bắc Việt Nam, muôx trôngz jôngr ntông jông jav. Heik txos Sơn La zos heik txos iz thax tsav vênhx huôv jông, zos qơư muôx 12 mênhx cxưx sik đros nhoz uô nênhx, iz mênhx cxưx nhiês muôs nhiês têx cêr nênhx vênhx huôv jông txơưr thiêz tsiv grê. Txos nhiv no, thâuv tưz yênhx thax tsav huôv tsar tiv zix lok kôngz nuv, ntông nox txir nhoz hâur têz qơưk, tỉnh Sơn La tsênhv sir jos yưv pênhr chiê heik kriê têx vênhx huôv jông txos tas nro tsôngv box têz qơưk. Lơưr zơưv Vũ Đức Thuận- Giám đốc tsênhv qơư cxơưz cxiz ju lix tỉnh Sơn La, co cux zos tsưr ziv tsênhv mak Phêv ziv cxơưz cxiz ju lix ndar txos:

          “Sơn La hâur têx shôngk nhiv kruôr đhâu tưz tsưr tsix sik côngv 8 tỉnh Tây Bắc, tsưr tsix ntâu phêv thảo, ntâu jiês muk ndis shuôk chiê sik côngv. Thiêz nhiv no xar njôngr tsưr tsix nhoz Hà Hội, zâuv têx tỉnh tuôx sik đros seiz shuôk, heik kriê têx jiês muk ndis shuôk ntơưv têx tỉnh, tiv zix zos tỉnh Sơn La. Tỉnh Sơn La cux xar njôngr zuôr tsưr tsix heik kriê têx xiv huv hâur têx shôngk đhâu, hâur co zuôr huôv tsar ju lix Sơn La yênhx iz hâur têx tsênhv qơư ju lix nhoz thax tsav Tây Bắc”.

          “Têx jông jav Sơn La Tây Bắc” ntơưv Hà Nội zos tsaz yênhx cxơưz cxiz, heik kriê vênhx huôv ju lix Sơn La, chiê ndar txos tsaz yênhx cxơưz tiês huôv tsar ju lix jiês 2 zos Bộ vênhx huôv thiv thao thiêz ju lix phuôx tôngv, thôngx cxix chuôz tsar chiê tsôngv kruô niêv đrongs tâu pâuz ntâu tiv zix têx hlôngr yiêz nhoz Tây Bắc. Tsaz yênhx muôx 30 qar heik kriê têx xiv huv vênhx huôv, ju lix, xiv huv kôngz nuv hur nhoz têx tỉnh Tây Bắc li: Sơn La, Điện Biên, Phú Thọ, Yên Bái, Hà Giang thiêz 50 đeiv đuôz jông lok ju lix, heik kriê tỉnh Sơn La li têx qơư ju lix, têx vênhx huôv jông. Thôngz đhâu ntâu njiêz luv jông, tiv phaz li têx vênhx huôv, ju lix, zav nox tâu heik kriê đêz đar txos tsôngv box niêv đrôngs. Zơưv Nguyễn Xuân Quỳnh- Giám đốc coar lik Công ty ju lix Allez Voyage heik:

          “ Nhiv no pêz muk ndis shuôk tsi tâu trâu saz đrâuv têz qơưk, phênhv ntâu zos muk hâur têz qơưk. Zos tsi muôx xor mông cxôngx têx tỉnh tuôx txos tsênhv qơư lox li Hà Nội, TPHCM, Đà Nẵng mak tsôngv box cux tsi pâuz lok sik têx doanh nghiệp cux muôx tsi txâuk xor mông. Tsaz yênhx chox tuôx têx xor mông cxix cxuô cxôngx tỉnh co, thax tsav co txos têx doanh nghiệp thiêz cur pov lok six muôx ziz njiêz viv paz thax tsav co huôv tsar thiêz cux paz doanh nghiệp cxơưz cxiz huôv tsar”.

          Ciês hâur niêv đrôngs Hà Nội, Sơn La li têx jông jav tâu heik kriê thôngz đhâu tsaz yênhx ju lix thực tế ảo. Tsuôk đros 2,3 tsưr ziv uô, tsôngv kruô cux seiz tâu cxix cxuô lok lênhx nênhs thiêz têz qơưk nhoz no. Têx jiês muk ndis shuôk ju lix thực tế ảo tưz phuôx huiz tâu đas jos, tiv zix zos thâuv moz Covid-19 tsênhv muôx têx txơưr txar nhoz ntâu têz qơưk sâuv ntiêx têz. Tix lâuk Ngô Thành Đạo- Ban coar lik ju lix Mộc Châu, tỉnh SƠn La puz pâuz:

          “Nhiv no, Ban coar lik ju lix Mộc Châu tưz số hóa tâu 12 qơư ndis shuôk jông thiêz têx qơư jix vuv, pir li têx qơư ndis shuôk nto bê li tsas đêx Dải Yếm, jôngr ntông chiêz Bản Áng, trôngz yuôx zêx Mộc Châu....Six hơưv zuôr txos pêz sir jos số hóa tas nro têx qơư ndis shuôk jông, iz cxiê jix vuv nox hâuk, so nto bê chiê zaz zâuv tsôngv kruô ndis shuôk. Thôngz đhâu têx co tsôngv kruô pov tâu têx jix vuv jông tov kaz no”.

          Nền nhạc...

          Đros thax tsav qơư jông jav, muôx trôngz jôngr ntông, Sơn La lok six jông chiê huôv tsar ntâu zav ju lix li: Ju lix so ndis shuôk têz qơưs, ju lix nthuôr uô cêr lov jêv, ndis shuôk trôngz jôngr ntông, ju lix côngv thôngx. Thâuv tâu tsưr tsix yênhx côngz ntơưv Hà Nội, Sơn La zuôr tâu heik kriê đêz đar txos tsôngv box Hà Nội thiêz kruô saz đrâuv têz qơưk. Thôngz đhâu co, têx lênhx nênhs yưv pênhr hâur thiêz saz đrâuv têz qơưk cux zuôr yưv pênhr, sik côngv huôv tsar ju lix thiêz hâur cxuô jiês ndis shuôk têz qơưs txuôk đros Sơn La thiêz Hà Nội đros trâu têx tỉnh sâuv tas nro têz qơưk hâur shông 2020 thiêz têx shôngk zuôr txos./.

(Huyền Trang- TXâur Vax cxeik nhênhv)

Hêir nênhs Tày Nùng ntênhk hội nthuôr uô cêr lov jêv

Tiếng hát nền…

Hâur niêx shông, thâuv txos trâu hnuz 12 thiêz 15 hli 8 hli ntux, muôx chôngz lênhx ntâu tus cux tuôx trâu đrôngl Lạng Sơn chiê đros hêir nênhs Tày, Nùng côngv ntênhk nthuôr uô cêr lov jêv. Hâur ntu đrav ntêx, hêir nênhs Tày, Nùng kriz ntênhk nthuôr uô cêr lov jêv, tsuôk zos kriz uô trâu ntơưv đrôngl ciêz Kỳ Lừa, taz sik hâur ntu nhiv no tâu kriz uô trâu thax tsav qơư đar đuô txos trâu đuôz Hoàng Văn Thu, Phươngx Chi Lăng, đrôngl Lạng Sơn. Muôx yênhx cxênhz lênhx nhoz trâu cxuô qơư tuôx đros côngv cêr lov jêv, siz lưr hêik cưr cxiêx. Pos Ngô Thị Liêm nhoz tỉnh Lạng Sơn shir phaz lul hêik:

Băng: “Shông tưs cur cux muk đros côngv cêr lov jêv thiêz muôx chôngz lênhx tuôx trâu ciêz Kỳ Lừa, muôx đuôz Hoàng Văn Thụ chiê nox siv thax nduôr, hêik cưr cxiêx. Hâur cxuô jiês kriz nthuôr uô cêr lov jêv, cux zos chiê sđ hnar hêir nênhs Tày, Nùng têx tsôngk trik yo jông jav thiêz tâu đros sênhr suôz hêik cưr cxiêx Sla”

Ntênhk nthuôr uô cêr lov jêv, tâu kriz uô txix thâuv têis cik sơưr nzor thiêz muôx hêir nênhs Tày, Nùng têx tuz nxêik hluôk tuôx hêik cưr cxiêx siz lưr. Têx suôz sênhr cưr cxiêx ntơư muôx njiêz luk hêik txos cêr khưr huôv tsar uô nox cov đrêiv tsưr ziv kriê thiêz hêik lok cêr gâux cêr đrâus. Đhâu têx suôz sênhr cưr cxiêx co, muôx chôngz lênhx ntâu tus tuz nxêik hluôk tưz yênhx txir yênhx gơưv uô luz nênhx yar ntux đris. Hà Mai Ven nhoz tỉnh Lạng Sơn hêik pâuz:

Băng: “Txix têx ntênhk hội nthuôr uô cêr lov jêv no, muôx chôngz lênhx ntâu tus tuz nxêik hluôk siz sâu lok uô txix gơưv, cxiv tsa luz nênhx truôx tuk thiêz đhâu cxuô jiês siz njiz hâur ntêk nthuôr uô cêr lov jêv, cux muôx chôngz lênhx ntâu tus tưz sik phêiz kênh lok tsưr ziv huôv tsar cêr uô nox, pov njôngr muôx luz nênhx hlôngr yiêz bluô nux jux juk”

Shông 2019, hêir nênhs Nùng suôz gâux Sli tưz tâu Bộ vênhx huôv côngk nhav sâu tsês trâu hâur ntâuz ntơưr, zos têz qơưs iz vênhx huôv jông. Zơưv Hoàng Huy Ấm cux hêik pâuz tiêk: ntơư zos hêir nênhs Tày, Nùng têx txux chi, vênhx huôv tsiv grê, tsuv khơưk tsês tsik chiê pôngz plox.

Băng: “Luôs hâux lưv khơưk tsês chiê têx txux chi, vênhx huôv jông ntơư, zos iz luôs hâux lưv zov chênhr tsuv uô cov tâu truôx thiêz tsuv muôz têx txux chi, vênhx huôv jông co chox lok kriê trâu têx tsêr cơưv mênhx cxưx têz qơưs zus mor, tsik chiê têx txux chi, vênhx huôv jông ntơư muôx đros đrêiv hêir nênhs co li luz nênhx tsik chiê pôngz plox”

Nền nhạc Sli…….

Muk txos trâu Lạng Sơn hâur luz hli 8 hli ntux niêx shông, tsôngv fôngx zưs sđ tsuv tâu ndêiv muk sêiz shuôk thiêz đros hêir nênhs Tày, Nùng côngv ntênhk hội, nthuôr uô cêr lov jêv hêik cưr cxiêx, heik gâux siz lưr ntơưv ciêz Kỳ Lừa, cux zênhx uô trâu sđ sêiz tsik đhuôr./.

                                     Tsu cxêik nhênhv-VOV Đông Bắc