Chor hluôk công an Yên Bái sik côngv đros tso nyar jông siêz

          Hâur kaz shông, txơưv luôs hâux lưv ntâu, taz sik 200 ntâu lênhx hluôk công an tỉnh Yên Bái cux tsênhv shiz phaz lul sik côngv đros tso nyar jông siêz shông 2019 nhiv kruôr tâu công an tỉnh kriz uô. Đhâu qênhz yuôx sêiz njuôk shuôk, Ban tsưr tsix tưz nhav tâu 11 đơn vị nyar huv đros. Trung uý Hà Huy Long, iz lênhx hluôk công an tỉnh Yên Bái hêik pâuz:“Cur pâuz tâu luôs hâux lưv sik côngv đros tso nyar jông siêz, zos iz luôs hâux lưv jông ntơưv cxuô hêir nênhs VN muôx cêr sik hluz sik paz. Zos iz lênhx cán bộ tuz lênhv công an cur cux xar paz mê njik trox nyar cov muôx txâuk nyar chơưv kho cxuô lênhx nênhs moz cov sđ muôx luz nênhx nyar ntux đris”

          Txix têx luôs hâux lưv uô muôx liv trâu côngv thongx sđ, hâur tex shông đhâu, công an tỉnh Yên Bái tưz tsưr tsix ntâu jiês yax kriê 100% lênhx hluôk công an uô ntơưr sik côngv đros tso nyar jông siêz. Xav txix shông 2018 txos trâu nhiv no, cxuô lênhx hluôk cán bộ công an tỉnh Yên Bái tưz sik côngv tso tâu 300 đơn vị nyar. Thượng tá Phạm Minh Tuấn, bí thư đoanx hluôk nênhs, công an tỉnh Yên Bái hêik pâuz: “Đoanx hluôk nênhs công an tỉnh, tưz saz lax đros Đảng uỷ, chor thơưx sêiz car công an tỉnh tso tơưv luôs hâux lưv, zaz zâuv, yax kriê cxuô lênhx cán bộ, tuz lênhv công an sik côngv đros tso nyar jông siêz. Đhâu fuô uô luôs hâux lưv tso tơưv, chor hluôk công an tỉnh tưz uô ntêx nyuôk uô luôs hâux lưv sik côngv đros tso nyar jông siêz, zos đrêiv hâux lưv tso tơưv”

Iz chas cxuô jiês sik côngv đros tso nyar jông siêz, hâur niêx shông, cxuô chi đoanx nhoz lực lươngx cxuô huyện cux fuô uô jông luôs hâux lưv sik côngv đros tso nyar jông siêz, muôx txâuk nyar chơưv kho lênhx nênhs moz. Cưk yuôx, Trần Lan Anh, phưv Giám đốc sở y tế, thơưx sêiz car tsêr kho moz đa khoa tỉnh Yên Bái hêik pâuz: “Công an tỉnh muôx chôngz lênhx ntâu tus cán bộ sik côngv đros tso nyar jông siêz thiêz đhâu ntơư cux muôx txâuk nyar chơưv kho lênhx nênhs moz, muôx tâuk txox siê đros côngv thôngx sđ uô nênhx”.

          Sik côngv đros tso nyar jông siêz tưz yênhx iz luôs hâux lưv jông uô muôx liv trâu côngv thôngx sđ txix thâuv nzor lok nhoz đoanx hluôk nênhs công an tỉnh Yên Bái./.

                               (Tsu cxêik nhênhv-Đinh Tuấn VOV Tây Bắc)

TSƯR ZIV PHAX TAR YEIZ THIÊZ NO TRÂU NHUX TƯV

NHUX ĐAS

          Lok guôx tu zus:

          Chuv tôngv cxiv uô guôx truôx, their guôx cov jông, tsi trâus chuô njơưx lol hâur guôx, đêx nas cxiê lok hâur guôx. Cxênhx tsês tơưk, xuô blêx...chiê hlơưr trâu nhux ntê hâur têx hnuz ntux no njiv.

          Lok jâuz krâur

          Uô têx tsưr ziv taz pior cxênhx tsês jâuz krâur, tiv zix zos hnhaz blês, đrox kruôr; vâuv jâuz tâux kâuz puz nhux nox. Bax krâur, vitamin chiê cungz cxix cxuô trâu tsiêx cxu nox hâur têx hnuz ntux no njiv.

Nhạc cắt

          Tsov cưv tiv zix txos hâux lưv tsoz phưz

          Tsênhz mênhx li no:

          - Chuôz tsar tsoz phưz; nhux tưv nhux đas lâus, tsi muôx jos, mê nhuôv nhux tsuv muôx tsưr ziv nox hâuk chuôz tsar đas jos tir tar ntux no thiêz moz.

          - Puz nhux tưv nhux đas nox cxix cxuô jâuz tâux li (jâuz nhôngs, đrox, hnhaz blês kruôr, vâuv urê).

          - Puz hâuk cxaz cuô njêr ( 3 điêr njêr đo đros đêx sor) puz nhux hâuk.

          - Tsi tso tsiêx cxu mul nox jâuz hâur têx hnuz ntux no njiv; chuv tôngv lơưr tsiêx cxu lol cơư hâur guôx, their guôx cov jông, tsi puz nhux uô hâux lưv hâur têx hnuz jêx tưv kis đuô 12 tưv.

          - Cxax cxix cxuô yuôx phax moz trâu nhux tưv nhux đas lơưr cui tênhv: moz đôngs nyar, tơưv ndâux hlê trâu...

          - Têx hnuz ntux no njiv, nhux khênhr trâus tơưv trâu tơư, o vôngs, tơưk plêz thiêz lol nyar. Zos hnhar mak lol cuô zis, o vôngs, tsi kho nzor mak zuôr uô lưx nhux li trâu tơư, nhux mul tsi tâus cêr, thiêz njuôs xav zuôr uô trâus têx zav moz cik txơưr./.

(Thu Thùy- Txâur Vax cxeik nhênhv)