Jax sâu thưr 6, hnuz 31/3/2016:

Quảng Trị: Tsưr ziv thiêz zok nriêr hâux lưv uô

     Cơưv tas ntơưr hâur tsêr cơưv Đại học cxiv uô vax tsêr, têx jiês cux zuôr zok nriêr tâu hâux lưv uô, muôx phênhv sâu tâu truôx lok nhiêx txiêx, taz sik Ngô Viết Diện, nhoz xã Cam An, huyện Cam Lộc, tỉnh Quảng Trị tưz xeir muk lơưr zuk siêz nhiêv, zos tror lok zuk qơư nhoz chiê huôv tsar uô nox. Tâu hâu nov ntơưv qơư paz lok sâuv tso ntiêr ar, txeik pênhr, Ngô Viết Diện yưv pênhr tu zus tsiêx cxu đros trâuítêz chos kôngz lôngk. Đhâu iz shông uô, Diện tưz muôx qơư lox đar tu zus yis, keiz ok, nhux đas yênhx puô tuk đros trâu vax txir ntông, tsiv grê nhos yênhx puô tsov đeiv. Ngô Viết Diện heik: "Uô ntêx zos zuk tsuv njênhs trâu zuk tuk khênhx, uô lơưr têx tsưr ziv yiêz hâur tu zus tsiêx cxu, tsêz chos kôngz. Tâu hâu nov, tsôngv cưr tix nênhx tsa sơưr đơưk thiêz têx ban ngênhx đoanx thêv paz chiê sir jos uô cov tâu jông trơưl têk".

     Yuôr Nguyễn Hữu Thắng nhoz jok 7, phường I, TP Đông Hà mak nưl ho krêz phaz tsưr ziv uô nox txix uô luôs hâux lưv piêr kriê, tsưr tsix têx xor xưv txix 6 shông lok no. Nguyễn Hữu Thắng muk saz đrâuv luôs 2 chas têz qơưk cơưv shâuv tsưr ziv uô nox, đhâu cơưv tas tror lok, Nguyễn Hữu Thắng muk kêr txeik pênhr chiê krêz công ty piêr kriê têx xor  xưv uz no li heik sâuv. Thắng zos lênhx tiz nênhs gruôs thiêz sei đrơưv, moz siêz lus trâu ntuô trâu luôs hâux lưv, txos nhiv no, Thắng công ty tưz uô tâu yênhx côngz, muôz hâux lưv uô truôx tuk trâu 12 lênhx hluôk nênhs hâur thax tsav qơư nhoz. Tix lâus Nguyễn Hữu Thắng, Giám đốc công ty piêr kriê têx xor xưv lok zos quảng cáo Trường Thắng heik pâuz:"Pêz tsuv siêz truôx bo uô iz  zav hâux lưv tưs, muôx têx khov txos chuôz zis paz, têx fôngx zưs paz. Lar heik zos têx nuv uô yiêz hâur ntơư, zos sơưr đơưk pâuz thiêz muôx tsưr ziv uô mak zuôr muôz tâu trâu zuk iz hâux lưv uô yiêz...".

     2 shông đhâu, Tỉnh đoanx Quảng Trị tưz muôx ntâu tsaz yênhx kriê tsưr ziv uô nuv trâu têx hluôk nênhs. Đhâu ntơư, paz 6 tỷ đeiv trâu yênhx puô lênhx hluôk nênhs chiê lơưr muôx pênhr xuz thơưx huôv tsar uô nox, phênhv ntâu chor hluôk puôr lênhx uô tâu trơưk tsưr ziv, siêz xar. Iz chas ntơư, Tỉnh Đoanx Quảng Trị heik kriê têx nuv uô yiêz trâu iz cxênhz lênhx hluôk nênhs hâur tỉnh. Tix lâus Nguyễn Khánh Vũ, phưv Bí thư Tỉnh Đoanx Quảng Trị heik:"Chiê uô tâu têx tsưr ziv huôv tsar nox uô hnar, đoanx hluôk nênhs tsuv uô li chas chiê pâuz tâu têx hluôk tsưr ziv, siêz xar, hu zâuv têx lênhx nênhs nhênhz chơưv kinh tế lok sik têx lênhx muôx txux chi tsưr ziv jông lok sâuv huôv tsar uô nox...piêr kriê, paz tsưr ziv trâu chor hluôk chiê lơưr cơưv shâuv, uô trơưk. Thiêz cxuô cấp bộ đoanx cxiv tsa tâu têx tsưr ziv krêz phaz tsưr ziv uô nox tâu trơưk tsưr ziv, muôz six hơưv trâu hluôk nênhs buôk ti têx pênhr txeik paz lơưr kêr txeik tâu têx pênhr ntơư huôv tsar uô nox"./.

(TTMT-Riê Lâux cxeik, nhênhv) 

Phênhv thưr 6.31.3.2017:

PHÊNHV CHÊI TÊZ QƠƯS

Heik kriê HĐ tỉnh Sơn La li Nghị quyết 115, hnuz xiêz 10/9/2015

          Grê 1: Cui tênhv phênhv paz txưv cxôngx zênhx hangx têz qơưk trâu têx njiêz luv, côngz xưv uô tsaz yênhx têz qơưk li qơư tsov txos lok cxiv tsa nôngx cxênhz yiêz sâuv thax tsav xã lơưr têx phênhv li:

          1. Paz txưv ntâu tiv zix 100% lơưr njuôs xav tâu thôngz đhâu trâu 3 njiêz luv, côngz xưv; cxiv tsa cêr zaoz thôngz txos tsênhv qơư xã; tsêr cơưv ntơưr; qơư y tế xã tax ploz tsênhr.

          2. Paz txưv ntâu tiv zix 90% lơưr njuôs xav tâu thôngz đhâu trâu 5 njiêz luv, côngz xưv chiê taz por tax ploz tsênhr; cxiv tsa tsêr vênhx huôv xã; tsêr vênhx huôv jêx jos; côngz tsinhx thiv thao jêx jos; côngz tsinhx cungz đêx xênhz huôx chêx chôngk; kho đuô njưk đêx cưx đês.

          3. Paz txưv ntâu tiv zix 70% lơưr njuôs xav tâu thôngz đhâu trâu 2 njiêz luv, côngz xưv.

          - Cxiv tsa cxix luôk têx qơư tsiv uô chêx chôngk, công nghiệp mê, đêx liv.

          - Cxiv tsa thiêz heik kriê uô đêz đar trâur nuv tsiv uô thiêz hâux lưv uô nôngx cxênhz.

          4. Paz txưv cxôngx Trung ương, tỉnh li phênhv pênhr: 30% đros thiêz xã thax tsav I; 35% đros xã thax tsav II; 45% đros xã thax tsav III, jos txov nhêv tiv zix ( nhoz xã thax tsav I, II) pênhr nhiêx cxiv tsa lơưr njuôs xav trâu 4 njiêz luv, hâux lưv li:

          - Cxiv tsa cêr zaoz thôngz txos jêx jos tax ploz tsênhr.

          - Cxiv tsa cêr zaoz thôngz hâur jêx jos tax ploz tsênhr.

          - Cxiv tsa cêr zaoz thôngz lox hâur jêx jos tax ploz tsênhr.

          - Cxiv tsa côngz tsinhx tso đêx kiês nênhs nhoz qơư tsôngv box nhoz uô nênhx.

          Đrâuv paz txưv cxôngx TW, tỉnh li phênhv pênhr nhiêx, huyện, xã li phênhv pênhr paz txưv cux iz phênhv paz uô tiêr côngz tsinhx, chuôz zênhx, meir uô, tsas their têx qơư riêz nênhs...lơưr tiv phaz li njuôs xav.

          5. Paz txưv 30% lơưr njuôs xav cxiv tsa côngz tsinhx cungz đêx xênhz huôx pheiz lơưr têx ziv chuôz zis.

          6. Đros njiêz luv cxiv tsa côngz tsinhx cungz tênhv nôngx cxênhz cxôngx tênhv tênhz têz qơưk: Nhiêx txiêx têz qơưk taz por lơưr thủ tướng Chính phủ li Cuiz tênhv 2081/QĐ-TTg hnuz xiêz 8/11/2013.

          Grê 2: Pênhr jos chiê uô:

          1. Njiêz luv paz txưv cxôngx nhiêx txiêx têz qơưk:

          - Paz txưv chuôz zênhx li: xi măng, xor hlâu cxiv tsa, thưx chiz, poz jêz, môngr jêz siz...

          - Paz txưv nhiêx txiêx chox kriê, uô ntâuz ntơưr, njuôs xav, thâux, nhiêx txiêx uô côngz tsinhx.

          2. Huiz tôngv pênhr jos cxôngx tsôngv box, vênhv tôngv paz txưv, têx doanh nghiệp, tsưr tsix, lênhx nênhs li têx paz txưv:

          - Txưv zênhv gôngr ar, hlôngr ar...chiê cxiv tsa côngz tsinhx.

          - Gôngr nhiêx txiêx, chuôz zênhx tax zoz qơưx ploz tsênhr kỹ thuật ( thưx chiz, poz jêz, môngr jêz siz...) meir uô, côngz lox tôngv chiê cxiv tsa, seiz car côngz tsinhx.

          - Uô têx côngz tsinhx vax chos pax, chos yuôx njuôz nhoz qơư y tế, chos ntông nhoz tsêr cơưv ntơưr, qơư vênhx huôv, thiv thao, cxok fiêx canhv pov sâuv têx cêr mul lol hâur jêx jos...

          Grê 3: Six hơưv uô

          1. Nghị quyết muôx txux zôngv uô cxôngx hnuz xiêz 1/10/2015 thiêz hlôngr trâu HĐPX tỉnh khóa 13 li Nghị quyết số 40/2012/NQ-HĐND hnuz 12/12/2012, Nghị quyết số 63/2013/NQ-HĐND hnuz 12/12/2013.

          2. Têx côngz tsinhx tưz tâu seiz car, thôngz đhâu uô ntêx hnuz Nghị quyết muôx txux zôngv mak tror uô lơưr HĐPX tỉnh khóa 13 li  Nghị quyết số 40/2012/NQ-HĐND hnuz 12/12/2012, Nghị quyết số 63/2013/NQ-HĐND hnuz 12/12/2013./.

  (Thu Thùy- Txâur Vax cxeik nhênhv)