Hêir nênhs Hmôngz li ntênhk nox cung

Lơưr zơưv Zax Seo Gà, Giám đốc tsênhv qơư Vênhx huôv huyện Sa Pa, mak ntênhk “ăn cung” tâu sêiz zos iz ntênhk ntâuk gri hêir nênhs Hmôngz li iz shông khưr huôv tsar uô kôngz lôngk. Thâuv ntêx mak Hmôngz tsuôk chos blêx iz chiv. Txos six hơưv sâu thâuv hli 5, hli 6 hli ntux, pox nhuôs zuôr tsưr tsix ntênhk nox cung. Thiêz no zos tsôngv box Hmôngz nhoz Sa Pa  iz ntênhk lox.

“Nox cung mak sơưr đơưk sik côngv nhiêx chox muk zuôr iz tuk tưv lox. Tsơưs tiv zix mak iz tuk tưv, oz tuk buô, 2 tuk kêiz, 2 tuk ol. Oz tuk kêiz thiêz oz tuk ol zos txi côngv jax txưs jax lâus thiêz đaz hnuz. Hok tuk tưv mak txi côngv tas nro têx thưr lôngx thưr sir nhoz tiv phaz  thiêz thor cov muôx ntux yar, ntux nas huv đros, tsik uô phiv liv txos đas jos, tsoz chos, tsiêx tu zus thiêz lênhx nênhs. Thâuv ntêx lơưr muôx iz luz tsêr, xưk li tsêr chiê txi côngv, lơưr tuôx trâu luz tsêr co chiê tsưr tsix. Taz sik nhiv no tsuv zos nov hâu cấp huyện sơưr tsưr tsix, thiêz chủ tịch huyện zos nênhs sơưr tsưr tsix”.

Ntênhk nox cung muôx 2 phênhv: Phênhv tiv iz zos ntâuk gri iz shông tas nro pêx xênhv têx hâux lưv uô. Nhoz phênhv no, tsuv zos lênhx nênhs nhoz thênhv siêz tiv zix sơưr tsưr tsix uô; nhiv no zos zơưv chủ tịch huyện sơưr lok hêik pâuz xor mông, ntâuk gri têx hâux lưv uô tâu thiêz tsik tâu trâu tas nro côngv thôngx. Đhâu co, txos phênhv tiv oz. Lơưr zuôr khov trâu têx hâux lưv uô tsik tâu tâu hâur shông kuz, tsuv tror tâu muôz lok kriz uô hâur shông yiêz. Thôngx cxix tso tơưv tsưr ziv, jênhv vưv yiêz. Đhâu phênhv no, tas nro côngv thôngx sik đros uô ntênhk jênhv zuôr sir jos uô cov tiêr têx hâux lưv tso tơưv.

“Đhâu thâuv lơưr uô ntênhk nox cung ntơư tas mak khov trâu têx hâux lưv hâur hli 6 hla muk shông yiêz, thor jênhv txix nhiv no txos lưv shông mak têx har jôngr ntông cux li têx tuk đêx co tsuv tâu por vêv li chak? Đhâu ntơư, tas nro pêx xênhv sơưr mnôngs zơưv chủ tịch nhênhv tas têx njêz luk tas mak sơưr đơưk tsa têk thôngx ziv”.

Zơưv Zax Seo Gà jênhv tiêk, ntênhk nox cung muôx iz pưk txux lok six zov chênhr hâur tsôngv box Hmôngz Sa Pa li luz nênhx.

“Kror no tsênhv zov chênhr đuô têx chêi hâur jok. Tsik muôx kror no mak tsik muôx gri. Thâuv ntêx mak lok six truôx. Cux iz zav li chêi cui tênhv: iz tuk njuôs zos cxoz txưv muk nhiês lor mak zuôr xưv bluô siêz đuô oz jiês. Zos nhux tưv nox uô ruôr hiêv txos mak tsuôk xưv bluô 10.000 đêiv xưz. Zos lênhx nênhs cxoz txưv muk lor lok nox mak xưv bluô 20.000. Viv nhux tưv zos hov tsik pâuz đaz tsi. Zos sêiz shuôk tsik jong chiê muk nox uô ruôr hiêv txos mak xưv bluô li co, tuk tsưr tsuv tâu thêv. Lênhx nênhs cxoz txưv muk lor njuôs hâur têx qơư txưr mak tsuv xưv bluô 20.000 đêiv”./.

(VOV4-Ly dịch đọc)