Qơư uô tâu jông hâur phongz yaox hluôk nênhs nhoz Lâm Thượng

  Đhâu ntâu shông nriêr pâuz, cơưv shâuv chênhz zênhv ntơưv têx tỉnh iz ndis, tix lâus Phạm Hải Chiều, zus shông 1986 nhoz xar Lâm Thượng, huyện Lục yên, tỉnh Yên Bái cuêz tênhv xêir tsov tsưr ziv tu zus luôr, viv trơưk tix lâus, luôr zos zav tsiêx zus huv đros trâu qiv hơưv, đêx ar ntơưv thax tsav qơư nhoz thiêz paz muôx tâu kinh têr siêz.

  Hli 3/2018, tix lâus tưz hêik iz cxiê chuôz zis tu zus sik côngv yênhx lix hợp tác xã hluôk nênhs Lâm Thượng zos tix lâus uô giám đốc, hâux lưv uô chênhr zos uô cxuô zav hax huv txix luôr thiêz njuôs mai.

“Nhiv no HTX muôx ntâu kror hâux lưv uô nox, taz sik kror chênhr cux zos txix tu zus luôr thiêz njuôs mai. Ciês luôr mak nhiv no tiv muôx moz covid-19 cux njiz tsik tsơưs têx phiv liv, taz sik pêz cux tưz muôx tâu tsưr ziv tu zus thiêz uô. Tsênhv tsênhz, nhiv no tiv qơư muôs tsênhv tsơưs viv li uô ntêx pêz tsuv tuôr chiê chor luôr tu zus cov jông, thâuv qơư muôs truôx jông đuô mak pêz thiêx zuôr chuôz cxaz zus nzir. Đros co zos pêz zok nriêr nzir têx qơư chiê muôs”.

  Đhâu thâuv yênhx lix HTX thiêz xav jênhv tâu hâux lưv uô, chiê chor luôr thiêz hax huv muôx tâu qơư muôs truôx, tix lâus Phạm Hải Chiều tưz muk trâu Thái Nguyên nriêr pâuz qơư muôs thiêz cir tâu hux thôngx sâu zuôr têx hax huv đros HTX hluôk nênhs Tân Linh, huyện Đại Từ, đros ntâu qơư uô jâuz mor nox hâuk hâur thiêz đrâuv tỉnh.

  Khov sir jos, viv li tsuôk hâur iz ntu lur yênhx lix, HTX hluôk nênhs Lâm Thượng tưz huôv tsar tâu muôx 22 thành viên, đros chor luôr zus muôx 4.000 ntâu tuk iz fâuv. Xav luz đraz iz hli, HTX muôs muôx 1 tấn luôr grêix, đros gri muôs truôx zos 70.000 đêiv iz cir. Chiê muôx ntâu zav hax huv, HTX tsênhv uô luôr yênhx ntâu zav li: grêix luôr đo shơư txux lov chiê nthênh, ciz, grêix luôr jov mok….muôs trâu sâuv ciêz  đrôngs.

  Đrâuv tu zus luôr, HTX tsênhv chos thiêz uô têx hax huv txix njuôs shông mai-zos iz zav njuôs kaz nhoz xar Lâm Thượng. Đros thax tsav xar muôx 100 ha, iz shông, HTX tưz sâu tâu muôx 400 ntâu tấn njuôs nhôngk, uô tâu xar muôx 5 tấn njuôs kruôr. Txix co, iz ziv chuôz zis thành viên muôx phênhv sâu tâu zuôr xar 100 triệu đêiv iz shông. Tix lâus Phạm Vũ Lực, thành viên HTX hluôk nênhs Lâm Thượng hêik:

“Thâuv ntêx no cur tsik zus, taz sik pov sơưr đơưk zus cux sâu tâu viv li cur tưz lok đros sơưr đơưk hâur HTX tu zus thiêz sik đros huôv tsar. Sik côngv uô cê mak cơưv shâuv tâu ntâu chênhz zênhv li uô tsêr guôx, zuz nông, phax tar caz moz”.

  Niêv tix Hoàng Thị Dét, Bí thư đoàn xã Lâm Thượng, huyện Lục Yên puz pâuz: tsưr ziv hợp tác xã no xuz thơưx tưz paz uô tâu nox jông ntơưv thax tsav qơư, paz muôx hâux lưv uô trâu chôngz lênhx hluôk nênhs nhoz ntơưv qơư; paz phênhv tưs trâu chor hluôk nênhs tsik tsuv muk nriêr hâux lưv uô đêz zuk qơư nhoz.

“Têx kror HTX hluôk nênhs Lâm Thượng uô tâu njiêz pov tsênhz tiv zix zos paz muôx ciês hâux lưv uô ntơưv qơư nhoz trâu chor hluôk nênhs. Đhâu iz ntu huôv  tsar uô nox tâu truôx thiêz uô ntâu zav hax huv, HTX tưz paz muôx hâux lưv uô truôx thiêz phênhv sâu trâu 20 ntâu lox tôngv jêx jok; paz trâu chor hluôk nênhs muôx nzir tâu pênhr nhiêx chiê huôv tsar kinh têr, uô nox ciês ntơưv zuk qơư nhoz”.

  Shir phaz đuô hur si, zos kaz shông 2020 nhiv kruôr đhâu, HTX chor hax huv tâu UBND tỉnh Yên Bái muôz ntơưr côngk nhav zos têx hax huv jông hov 3. No chênhr zos iz kror zôngx ziv paz trâu HTX huôv tsar đuô, cux xưk li paz muôx nzir hâux lưv uô thiêz phênhv sâu trâu chor hluôk nênhs ntơưv thax tsav qơư nhoz hâur ntu zuôr txos./.

(Trịnh Xuân-Lik Thox cxêik nhênhv)

Tsưr ziv uô têz qơưk li hâux lưv taz por zaoz thôngz cêr ar ntu 2021-2030

sâuv thax tsav tỉnh Sơn La

          Huôx tôngv uô têz qơưk li tsưr ziv taz por zaoz thôngz cêr ar ntu 2021-2025 sâuv thax tsav tỉnh zos: Coar lik têz qơưk lok taz por zaoz thôngz, tror uô tiêr trâur nuv, txơưx jênhv, jênhv vưv muôz siêz Ban taz por zaoz thôngz tỉnh, Ban taz por zaoz thôngz têx huyện, thành phố li txơưx jênhv, jênhv vưv; muôz siêz têx chiz coaz, taz viv muôx lênhx coaz li pênhr xưv, txơưx jênhv lok taz por zaoz thôngz cov huv đros qênhx shênhx yiêz. Huôv tsar cxuôz zav, tsưr tsix zaoz thôngz, chêx chôngk yưv pênhr cxiv uô thiêz kho đuô, hlôngr yiêz têx cêr muk lok côngv đros têx qơư công nghiệp thiêz têx cêr muk lok tiv phaz lơưr tsưr ziv njuôs xav tưz thôngz đhâu, taz por tax ploz tsênhr trâu tas nro têx lênhx nênhs cxaz chuôz zaoz thôngz. Tsov cưv yưv pênhr 03 dự án muk txos 07 tsênhv qơư xã tsi tâu muôx cêr muk txos tsênhv qơư xã li: Niêv cêr 37-Hua Nhàn, huyện Bắc yên; Cêr Mường Tè-Quang Minh, huyện Vân hồ; cêr txuôk niêv cêr 37 huyện Bắc Yên đros niêv cêr 279D, huyện Mường La. Tror uô côngz xưv txar qơư nhoz trâu tsôngv box chiê zuôr qơư uô cêr zaoz thôngz taz por; uô truôx jông têx cêr muk lok, tiv zix zos ntơưv têx thax tsav jê tsêr cơưv ntơưr, têx cêr cxôngx tsêr nhoz muk tsêr cơưv thiêz cxôngx tsêr cơưv lok tsêr trâu shux xênhz. Muôz siêz tsơưr lươngv yêz cxaz chuôz zaoz thôngz taz por, por vêv tênhx qơư; muôz siêz nênhs cxaz chuôz zaoz thôngz li yênhx tưv, pênhr xưv thiêz siêz xar uô trơưk chei taz por zaoz thôngz...

          Ntu 2026-2030 cxiv tsa uô cov tiêr thiêz chox lok sir zôngv cêr muk chênhr Hòa Bình-Mộc Châu; krêz côngz cxiv uô, kho đuô têx cêr taz por muk lok jông; huiz tôngv pênhr tror yưv uô cêr muk chênhr Mộc Châu-TP Sơn La. Cxiv uô têx cêr jav muk hâur niêv đrôngs. Tror yưv pênhr kho đuô têx niêv cêr, cêr muk lok hâur tỉnh lơưr njuôs xav sik côngv têx tsênhv qơư hành chính, Kinh tế-qơư công nghiệp-trôngx đriv, têx qơư ndis shuôk ju lix sâuv tỉnh. Tsov cưv yưv pênhr kho đuô têx cêr muk huyện; kho đuô têx cêr muk xã sâuv thax tsav tỉnh.

          Đros qơư tsov txos hâur huôx tôngv têz qơưk taz por zaoz thôngz cêr ar ntu 2021-2030 sâuv thax tsav tỉnh, niêx shông txu grês cxôngx 5-10% chor txuz txiêz nanv zaoz thôngz, lênhx nênhs tuôs thiêz trâus saz tiv txiêz nanv zaoz thôngz cêr ar truôx vênhs, ndar txos cxiv tsa xã hội muôx cxix luôk zaoz thôngz muk lok zôngx ziv thiêz jông đuô; cêr chei coar lik zaoz thôngz huv đros, muôx txux zôngv thiêz chêx cuk.

          Uỷ ban tỉnh cux hêik cxuô cấp, nganhx, tsưr tsix, đoanx thêv, UB têx huyện, TP tsov lơưr tiv phaz li qênhx shênhx, niêx shông tso tơưv tsưr ziv cxiv uô cêr zaoz thôngz sâuv thax tsav thiêz tsưr tsix krêz uô cov tâu zos đrêiv luôs hâux lưv tso tơưv./.

(Bích Thủy-Txâur Vax cxeik nhênhv)