Lào Cai: Lênhx nênhs zuôr BHYT chuôz ndê siêz, taz sik njuôs xav zuôr tror txu grês

Cxôngx hâur shôngk shông txos nhiv no, ntơưv Tsênhv qơư y tế xã Quang Kim, huyện Bát Xát tỉnh Lào Cai, têx lênhx nênhs tuôx seiz njuôs moz txu grês ntâu pir đros tsêiz no. Thâuv ntêx, zos iz hnuz muôx cxôngx 20-25 lênhx nênhs moz tuôx seiz njuôs moz mak nhiv no tsuôk yuôr cxôngx 10-15 lênhx iz hnuz. Hâux lưv uô zênhr shar txos tâu xav tênhv zos tiv hlôngr trâu shông 2019, tas nro xã muôx nhos 4 cxênhz lênhx nênhs zos tsôngv box mênhx cxưx tsơưs nênhs trâus txiêr, tsi tâu paz txưv BHYT li thâuv ntêx lơưv thiêz, zos xar tâu sơưv BH mak tsuv txưv zênhv zuôr bảo hiểm. Viv li tsi muôx ntâu lênhx nênhs xar zuôr. Đhâu 5 luz hlik hâur shôngk shông sir jos vênhv tôngv, têx lênhx nênhs zuôr BHYT hâur xã thiêx li tax 50% ntâu, kis đuô lok six ntâu pir đros thiêz tsêz no zos 87%. Bác sĩ Trần Văn Đoan, Trạm tsar y tế xã Quang Kim heik:   “Thâuv ntêx muôx ntơưr BH mak lơưr khênhr tuôx seiz njuôs moz thâuv muôx moz, taz sik lơưr li jênhv pâuz lok hâux lưv zuôr ntơưr BHYT mak tsi hlôngr yiêz viv lơưr tsênhv tâu têz qơưk paz txưv, nhiv no têz qơưk tsi paz thiez mak cux lok six phêv liv, nyei cux zuôr pôngz iz ntu thiêz tsôngv box li jênhv pâuz lok BHYT txưv zênhv thiêx li jux jus tâu hlôngr yiêz”.

          Tsi taz nhoz xã Quang Kim xưz, têx xã li Cốc San, Bản Qua thiêz Bản Vược huyện Bát Xát cux jông li ntơưv. Số laov thôngz sâu tso pov, xav txix hnuz xiêz 1/1/2019, tas nro lênhx nênhs tsi tâu paz txưv nhiêx BHYT sâuv tas nro huyện ndê txos 12 cxênhz ntâu lênhx. Đhâu nriêr pâuz, tâu pâuz, lơưr Thủ tướng chinhr phuv li cuiz tênhv 1010/QĐ-TTg tso tơưv hnuz xiêz 10/8/2018 mak tsuôk têx lênhx nênhs zos tsôngv box mênhx cưx tsơưs nênhs nhoz ntơưv têx xã thax tsav II,III (thax tsav txov nhêv tiv zix) thiêx li tror tâu paz txưv nhiêx BHYT. Yuôr têx xã li Quang Kim, Cốc San, Bản Qua, Bản Vược nhiv kruôr tâu hlôngr cxôngx thax tsav II yênhx thax tsav I viv li tsi tâu tror paz txưv thiêz.

          Lơưr BHXH tỉnh Lào Cai, xav txos hnuz xiêz 1/1/2019, tas nro tỉnh muôx 14 cxênhz lênhx nênhs mênhx cxưx tsơưs nênhs nhoz 6 xã trâus txiêr tsi tror tâu paz txưv nhiêx BHYT, hâur co phênhv ntâu nhoz huyện Bát Xát. Lơưr UB mênhx cxưx li thôngz pov số 31/TB-UBDT seiz car đuô tsênhz mênhx cxôngx têx tỉnh thành lơưr Thủ tướng Chinhr phuv li cuiz tênhv 1010 mak têx lênhx nênhs trâus txiêr phênhv paz txưv BHYT nhoz Lào Cai tsênhz mênhx ndê txos 45 cxênhz ntâu lênhx, đros co zos têx lênhx nênhs tsi tâu tâu zuôr BH mak Lào Cai li têx lênhx nênhs muôx BHYT tsênhv siêz 98% ntâu zuôr grês yuôr 90% ntâu. Li ntơưv, hâux lưv ndar txos qơư tsov txos zos tỉnh muôx tas nro tsôngv box zuôr BHYT tsênhv lok six phêv liv. Zơưv Nguyễn Xuân Thủy, uô Phưv tsar phongx khai thác sâu nux grê, BHXH tỉnh Lào Cai puz pâuz:“Xav têx lênhx nênhs nhiv no tsi tâu yax mông vênhv tôngv tâu zuôr ntơưr BHYT thiêz mak tỉnh Lào Cai li têx lênhx nênhs tsi muôx ntơưr BHYT zuôr ndê txos 60 cxênhz lênhx. Zos vênhv tôngv tâu 50% zos 30 cxênhz lênhx thiêz mak cux tsi tâu tax tâu tsưr ziv tso tơưv, viv thủ tướng li cui tênhv choz trâu Lào Cai shông 2019 zos zuôr xar 99% tsôngv box tsuv muôx ntơưr BHYT, shông 2020 zos 99% ntâu, no zos iz hâux lưv lax uô tâu”.

          Hâux lưv Chinhr phuv txo grêk tsơưs jux juk phênhv nhiêx paz txưv zos iz hâux lưv zuôr trâus thâuv xã hội ziv hnuz ziv huôv tsar. Taz sik tsênhz mênhx tso pov, đros thiêz thax tsav tox siêz, thax tsav tsôngv box mênhx cxưx tsơưs nênhs, thâuv iz tsênhv chêi hlôngr yiêz mak khênhr njiz ntâu phêv liv. Viv li, chiz coaz BHXH đros cấp ủy, chinhr quyênx tiv phaz tsuv chêx chôngk yax mông chiê tsôngv box to tâuz lok tsênhv chêi BHYT. Viv tov kaz no zos tsôngv box tsênhv tsi cxaz chuôz BHYT li no mak zuôr uô zênhr shar txos tsôngv box li đas jos; thôngx cxix muôx ntâu phêv liv hâur xã hội, uô zênhr shar txos hâux lưv txu grês cêr pluôs, hâux lưv cxiv tsa nôngx cxênhz yiêz..../.

(An Kiên- Txâur Vax cxeik nhênhv)

Cui tinhv 4 zos thâuv sir zôngv têx yuôx tsuôs tuô đrox, por hưv đrox tsuôs

Sơn La: 400 ntâu txuz kâus tưx cik txos têx yuôx tuô đrox, tuô caz

Txix shông 2017 txos nhiv no, tỉnh Sơn la tưz muôx 462 txuz kâus tưx cik txos têx yuôx tuô đrox, tuô caz. Lar heik zos txuz kâus tưx tiv hâuk đêx muôx yuôx tuô đrox hâur têx đêx ntơưv huyện Mộc Châu tưz uô 78 lênhx nênhs tsuv muk nhoz tsêr kho moz. Trơưk li cơ quan muôx vax huôv ntâuk grê, uô cxâuv lok sâuv zuôr muôs têx qir, yuôx tuô đrox, tuô caz, uô vuôz tsuôz kiêk nênhs tênhx qơư, hâur đêx, kâus tưx tiv têx yuôx heik sâuv cux tsênhv muôx yưv nhoz ntâu thax tsav qơư, lar heik zos sir zôngv têx yuôx co ntơưv têx hâur đêx xênhz huôx.

Ủy ban tỉnh Sơn la tưz heik Sở Kôngz nuv thiêz huôv tsar tox siêz seiz car, hux jos đros têx sở, ngênhx, ntơưv qơư cxơưz tiês piêr kriê, yax mông trâu sđ pâuz lok têx uô cxâuv chei têz qơưk, cui tinhv, tsưr ziv hâur tsiv uô, zuôr muôs, sir zôngv têx qir, yuôx tsuôs tuô đrox, tuô caz. Iz chas ntơư heik kriê tsôngv box, tsi tâu đo, sir zôngv têx yuôx heik co ntơưv têx thax tsav hâur đêx xênhz huôx. Tsưr tsix sâu, khơưk têx hnaz, hưx yuôx por tsês cui tinhv...../.

Nhạc cắt

          Cui tinhv 4 zos hâur sir zôngv têx yuôx tsuôs tuô đrox, tuô caz hmoz

Cui tinhv 4 zos hâur sir zôngv yuôx tsuôs tuô đrox, tuô caz hmoz: Ntơư zos zôngv zos yuôx, trơưk cui tinhv, trơưk six hơưv, trơưk tsưr ziv kriê.

Zôngv zos yuôx: Thâuv zôngv têx yuôx tsuôs tuô đrox, tuô caz hmoz, tsuv pâuz tsênhz zav caz hmoz co tsuv tsuôs yuôx tuô lov li chas, nuk canr bôv lês car uô đreiv têx nuv co lok sik canr bôv kôngz nuv ntơưv qơư tsưr ziv kriê. Tsov cưv sir zôngv têx zav yuôx jông, tsuôs caz hmoz tuôs sei, six hơưv hnuz nhôngs kuôk cêv lur thiêz tsơưs uô hiêv txos têx kôngz, tsiêx cxu. Tsuv xeir têx zav yuôx truôx tuk đros thiêz têx tsoz chos, tsơưs uô hiêv txos lênhx nênhs sir zôngv zav xiv huv co, lar heik tsuv tiz jông seiz shuôs thâuv zuôr thiêz sir zôngv têx yuôx heik sâuv. Uô trơưk cui tinhv: Tsuv sir zôngv trơưk đreiv li lênhx nênhs tsiv uô yuôx lok sik canr bôv kỹ thuật heik kriê tor đêx, tsuôs tuô têx caz hmoz. Zos tsi uô lơưr têx heik kriê, tor đo tâu ntâu yuôx hênhr zuôr uô tsi jông, riêz nênhs txos lênhx nênhs sir zôngv, têx tsoz chos, tsiêx tu zus, tênhx qơư thiêz uô tsar ndê nhiêx txiêx; zos đo tor yuôx tsơưs mak zuôr tsuôs tuô têx caz hmoz tsi tuôs, zôngx ziv uô têx caz huôv xênhz ntâu nzir.

Trơưk six hơưv: Tsuv tsuôs yuôx trâu thâuv têx caz hmoz zôngx ziv tuô tâu, tsuôs yuôx thâuv têx caz tsênhv mê, tsênhv zâu thiêz ntu xuz thơưx nhiv kruôr muôx caz hmoz huôv xênhz. Tsuôs yuôx thâuv ntux nxông, lax, tsi muôx chuô lox chiê têx yuôx lo jông trâu têx blôngx. Tsơưs tsuôs yuôx tuô caz uz no thâuv têx kôngz tsênhv taz tov cxơưr, tơưs pax jov jơưk. Zos tsuôs yuôx thâuv têx hnuz ntux yar cuz mak chor yuôx zuôr tuô tsi yuô tâu têx caz hmoz, hok thâuv ntux đuz nxông zuôr lok nas ntơư, têx yuôx zuôr trâul nas nzuôr thiêz zâus tal, têx caz tsi tuôs jông. Tsi cxoz tsuôs yuôx thâuv zuôr sâu têx kôngz (six hơưv zos seiz têx yuôx ntơư, lênhx nênhs tsiv uô kriê li chas). Tsuôs yuôx thâuv muôx ntâu caz hmoz tho nox uô ruôr hiêv  kôngz, muôx têx sâu tsi tâu.

Trơưk tsưr ziv: Yuôx tuô caz hmoz tâu heik kriê sir zôngv iz zav yuôx thiêz ntâu zav yuôx. Yuôx hmôngr, yuôx uô cuô....tsuv muôz tor shơư đêx; têx yuôx njiêr, njiêr mê mak tsuv muôz ư trâu hâur ar; muôx iz cxiê zav yuôx zos chiê tsuôs mê njik uô nas yâur yiê lok sik iz cxiê zav yuôx mak tsuôl chiê têx caz hnor tsư, caz khiêr....xưz. Phênhv ntâu têx yuôx tsuôs tuô đrox, tuô caz hâur tsêz chos, uô kôngz zos yuôx tor shơư đêx lok sik fmông tso hâur têx ar./.

(Bích Thủy-Riê Lâux cxeik, nhênhv)