Njiz nênhs muôx côngz đros cơưx mênhv jông hâur tas nro têz qơưk

          Jông siêz thiêz txưv haox zos têx teiv plor cxaz chuôz dưv Phêv ziv kruôk txos nênhs muôx côngz jông tas nro têz qơưk ndaz ndơưv chiv nhênhv 70 shông hnuz saz pênhz thix xênhz li têx pov tâu. Jiês xuz thơưx cxaz chuôz dưv phêv ziv, zơưv Phan Tư Kỳ, huyện Thiệu Phong, tỉnh Quảng Trị, lênhx nênhs trâus saz hov 4/4 tâu njiz têx fôngx zưs thâuv ntêx sik đros mul tir ntâus tros châuz nhoz qơư tsav txênhz Quảng Trị. Tror sik đros thav txos têx chiv nhênhv thâu ntêx co, zơưv ndo txos zuk têx fôngx zưs trâus tuôs tiv tir ntâus tros châuz nhoz qơư tsav txênhz, ntâu nza liệt sĩ tsi tâu pâuz xor mông zos lênhx tưs. 20 shông ntâu đhâu zơưv đros têx fôngx zưs bộ đội tưz nriêr thiêz choz trâu Sư đoàn 320B 360 têx poz cxa liệ sĩ, chox lol qơư nza xã Thiệu Trạch 600 ntâu têx poz cxa liệt sĩ. Nhiv no tsênhv njuôs siv ADN chiê xav tênhv xor mông têx liệt sĩ no. Zơưv Phan Tư Kỳ heik:“Pov têx qơư nza muôx ntâu liệt sĩ tsi pâuz bê viv li xar njôngr xav tênhv tâu têx liệt sĩ co li xor mông. Cur thiêz fôngx zưs bộ đội tsênhv xar lok six ntâu viv ntâu lênhx liệt sĩ nhiv no tsi tâu nriêr tâu lok sik ntâu luz nza tsi pâuz bê. Cur tsênhv tror nriêr, tsênhv yuôr đas jos mak tsênhv tror sir jos nriêr têx fôngx zưs tâu tas siv nênhx viv têz qơưk”.

          Ntâu lênhx bộ đội thâuv ntêx tưz muôx 80 shông ntâu, txơưv zos bộ đội trâus saz taz sik tror cxaz chuôz côngz xưv nhoz tiv phaz, huôx tôngv xã hội, huôv tsar kinh têr chuôz zis, paz txưv fôngx zưs zos bộ đội, tsôngv box uô kinh têr....Zơưv Nguyễn Tiến Ba, CHủ tịch Hội hluôk nênhs yungz phongz phường Quảng Thành, thành phố Thanh Hóa, tỉnh Thanh Hóa puz pâuz, thâuv tâu bo xeir uô chủ tịch Hội hluôk nênhs yungz phongz, zơưv tưz đros têx hội viên yênhx lix tuêv vêv xênhz tênhx qơư chiê sâu têx vuôz tsuôz kiês nênhs, taz por vêv xênhz jêx jos; tsưr tsix cxiv tsa Cuiv jông siêz paz têx hội viên tâu txeik pênhr huôv tsar kinh tế chuôz zis hla đhâu cêr yeiz pluôs:“Thâuv ntêx hội muôx 16 tsov txos nhiv no zos 126 tsov đeiv chiê puz hội viên txeik. Txeik zuôr nhux, chiê tsiv uô xênhz yar. Jê ntơưv no pêz puz têx hội viên txeik chiê tu zus chaz, tu zus keiz ok...Puz hội viên txeik pênhr uô qơư tu zus tsêz chos, tas nro hội viên lênhx tưs cux uô chiê chiv chir cxơưx trâu zuk luz nênhx”.

          Bộ đôiv lâus Nguyễn Minh Phụng, nhoz thị xã Phước Long, tỉnh Bình Phước zos bộ đội trâus saz hov ¾, cxaz chuôz tơưv txênhz tir ntâus tros nhoz faz Nam mak nhiv no ho moz siêz uô têx côngz xưv jông siêz, paz max nênhs pluôs, txov nhêv cxôngx cxiv tsa “ kror chuz uô mor nox jông siêz” cxôngx 10 shông no. Nhiv no iz hnuz cungz 100 ntâu suất mor trâu nênhs moz muôx luz nênhx txov nhêv. 12 shôngk đhâu, zơưv tưz mul vênhv tôngv tsôngv box thiêz têx lênhx nênhs jông siêz paz txưv fuô moz plơưr trâu nênhs pluôs, kis tiv zix zos 50 tsov, ntâu tiv zix zos 460 tsov đeiv:“Zuk cux muôx hnuz nhôngs lơưv taz sik pov ntâu lênhx nênhs tsênhv txov nhêv tsi muôx nhiêx txiêx kho moz, muôx têx lênhx trâus moz plơưr cxôngx thâuv xênhz zus lol txos 7 shông mak tsi muôx nhiêx txiêx kho moz, pêz vênhv tôngv thiêz thor tâu paz txưv chiê fuô moz. Mul vênhv tôngv mak lok lax taz sik no zos hâux lưv muôx liv trâu xã hội, chiê gôngr phênhv đros Đảng, têz qơưk paz txưv nox nhoz xã hội viv li cur sir jos chiê uô tâu hâux lưv co”.

          Hâux lưv tưs têx bộ đội lâus cux puôr lênhx uô jông thiêz tâu côngv thôngx pâuz txos. Zơưv Nguyễn Song Toàn, nhoz xã Văn Đức, thị xã Chí Linh, tỉnh Hải Dương tưz uô uô ntêx hâux lưv gôngr côngv ar uô cêr zaoz thôngz nôngx cxênhz hâur phongz yaox cxiv tsa nôngx cxênhz yiêz nhoz hâur xã. Zơưv tưz vênhv tôngv chuôz zis gôngr 120 yiv ndis ar, njeik yêv 140 yiv vax tsêr, 1 luz kror chuz, 2 trôngx xi măng thiêz ntâu tsoz chos tsiv grê chiê krêz đar cêr mul lol hâur xã. Cxôngx zơưv Toàn li hâux lưv gôngr ar uô cêr, ntâu chuôz zis tsôngv box txơưr hâur xã cux chiv chir gôngr ar chiê uô cêr zaoz thôngz nôngx cxênhz:“Đhâu cxiv vênhv tôngv cxiv tsa nôngx cxênhz yiêz mak cur pov tas nro têz qơưk tsi taz zuk iz lênhx mak tas nro jêx jos, tas nro têz qơưk thiêz cur cux tôngv vênhx pox niêv thiêz tuz nhuôs gôngr ar uô cêr mul lol. Krêz đar tâu cêr mak tuz nhuôs tov kaz no tâu sơưv. Thâuv cur uô lơưv mak cux muôx lok six ntâu lênhx nênhs uô lơưr”.

          Đros siêz xar “ tsênhv yuôr đas jos mak tsênhv uô, tsênhv xar tơưv tâu mak tsênhv zuôr tror gôngr côngv”, têx lênhx bộ đội lâus thâuv ntêx zos têx lênhx nênhs tsênhv sir jos hla đhâu têx phêv liv chiê gôngr zuk li đas jos trâu côngv thôngx, xã hôiv. Txơưv nhoz tưs sâuv tas nro têz qơưk, têx lênhx bộ đội lâus tsênhv jông siêz, njênhs njôngr luz nênhx thiêz tsi so gôngr côngv cxôngx têx hâux lưv uô tsênhv tsênhz, muôx ziz njiêz, tsês chiê têx đuôz shav jông, têx đeiv iêr chi cax lul chiê cxênhx nênhs tov kaz no cơưv shâuv uô lơưr./.

                      (TTT-Txâur Vax cxeik nhênhv)

Khưx phưx phiv liv hâur huôv tsar Đảng viên nhoz Nậm Tin

Zơưv Lèng Văn Phóng, bí thư Đảng ủy xã Nậm Tin, huyện Nậm Pồ, tỉnh Điện Biên puz pâuz: Zos xã tox siêz, phênhv ntâu zos tsôngv box mênhx cxưx tsơưs nênhs uô nênhx nhoz, pox nhuôs li jênhv pâuz lok Đảng tsênhv tsơưs viv li chiê nriêr nênhs yiêz, sir jos tso nhoz hâur đảng viên zos kror tsik zôngx ziv uô. Nhiv no xã cux tsênhv yuôr 5 jêx jok tsik tâu muôx đảng viên li (Nậm Tin 1, Huổi Tang, Vàng Lếch…). Iz hâur têx kror phiv liv tiv zix zos muôx chôngz lênhx gơưv niêv txir tsênhv xênhz zus tus mê nhuôv tiv 3, uô tsik trơưk têz qơưs têx chêi tso tơưv, xêir tsov têx nênhs uô tâu cxuô luôs hâux lưv jông, muôx txâuk txux chi chiê nhoz Đảng cux tsênhv yuôr ntâu kror uô tsik tâu huv đros; tiv zix zos pox niêv. Đros ntơư, Cấp ủy chi bộ jênhv pâuz tsik tâu cxix cxuô lok côngz xưv huôv tsar đảng viên; viv li tsik tâu tsov cưv txos kruoz kriê, paz muôx nênhs tsik so, muk ntêr; iz cxiê đoàn thêv chính trị jêx jok huôx tôngv kik viv li zaz zâuv tsik tâu đoàn viên, hội viên…

Đros qênhx shênhx co Đảng bộ tưz tso tơưv ntâu tsưr ziv chiê khưx phưx phiv liv hâur huôv tsar đảng viên, li: Chuôz cxaz yax kriê zoz zux txux chi chính trị shưz xar trâu sơưr đơưk, cán bộ hluôk zos nênhs mênhx cxưx tsơưs nênhs, muôx txux chi, sir jos chiê paz muôx nênhs trâu huôv tsar đảng; sir jos kriz uô chor phongz yaox sik tưr, paz muôx tênhv qơư chiê sơưr đơưk sir jos, sik tưr…Công xưv zoz zux, gra siêz jênhv pâuz lok Đảng tâu Đảng bộ xã tsov cưv kriz uô tsik so, tiv zix zos thax tsav tsôngv box muôx đạo… Đảng bộ xã chox kriê chor chi bộ cxiv tsa tsưr ziv, tsov cưv, paz, cxơưz cxiz hluôk nênhs zos mênhx cxưx tsơưs nênhs , pox niêv nhoz chor jêx jok nhoz đêz, tox siêz sir jos cơưv shâuv, cxaz chuôz chor huôx tôngv xã hôiv nhoz tiv phaz, sir jos uô xênhz yar, uô jông lơưr Đảng, têz qơưk li têx cêr chêi. Đảng bộ xã cux hêik chor chi bộ tsêx trung uô truôx, gra siêz tsơưr lươngv chor tsưr tsix đoàn thêv li huôx tôngv, uô jông côngz xưv yax kriê, zoz zux cách mạng trâu cxêhx hluôk, tsưr tsix chor phongz yão sik tưr đros cơưv shâuv uô lơưr zơưv hloz Hôx li cêr uô nênhx jông…

Đros pox niêv, Đảng bộ xã tưz chox kriê chor chi bộ tsik so sêiz kaz, nrier pâuz siêz xar; chor nênhs muôx txâuk ploz tsênhr lok shưz xar, luz nênhx, txux chi, sir jos cxaz chuôz chor huôx tôngv xã hội chiê chi bộ muôx tsưr ziv tso đảng viên sêiz shuôk, kruôz kriê. Txix têx sir jos co, txos nhiv no Đảng bộ xã Nậm Tin tưz muôx 40 lênhx đảng viên, xênhz huôx trâu 3 chi bộ./.

                     (Bóa Điện Biên-Lik Thox cxêik nhênhv)