Yên bái zok nriêr ar nhoz trâu 340 ntâu ziv chuôz zis đhâu trâus đêx ngaz cuôr ruôr hiêv

Xar Phong Dụ Thượng, huyện Văn Yên đhâu trâus đêx ngaz cuôr ruôr hiêv muôx 16 ziv chuôz zis vax tsêr trâus vâu cuôr yôngz tas hur si, 7 ziv chuôz zis muôx vax tsêr trâus puôk tsuôx hnhar, 40 ziv nhoz Bản Lùng, Làng Than, Làng Dẹt tsuv txar qơư nhoz sêi đrơưv. Nhiv no chor chuôz zis tsênhv lav nhoz hâur tsêr vênhx huôv jêx jok thiêz têx tsêr cơưv ntơưr, chor lưx lươngv txơưx jênhv cux tưz uô nzir tsêr tax chiê pox nhuôs muôx qơư nhoz. Đros khưx phưx têx cêr muk lok cxuô zav, taz por luz nênhx, khưx phưx thax tsav blêx thiêz tsoz chos mak jênhv vưv lok six zov chênhr nhiv no zos txar đuô qơư nhoz yiêz thiêz uô vax tsêr trâu chor chuôz zis co nhoz. Zơưv Nguyễn Thượng Phi, Bí thư Đảng ủy xar Phong Dụ Thượng, huyện Văn Yên, tỉnh Yên Bái hêik:

“Tiv phaz tror vênhv tôngv, yax kriê trâu chor chuôz zis nhoz têx qơư zuôr zôngx ziv njiz trâus phiv liv txar qơư nhoz; hêik huyện bax ar chiê uô qơư nhoz yiêz trâu pox nhuôs”.

Tas nro huyện Văn Yên muôx 21 luz tsêr trâus poz vâuv, cuôr yôngz. Zơưv Vũ Quang Hải, chủ tịch UBND huyện puz pâuz: ciês đhâu trâus đêx ngaz cuôr, huyện tưz hêik pâuz qênhx shênhx trâu lênhx tov tỉnh thiêz sik côngv đros Sở tài nguyên thiêz tênhv qơư xav jênhv qơư, njuôk xav tsênhz mênhx muôz trâu jiês cơưv tiv 10 HĐND tỉnh Yên Bái zuôr txos chiê muôx tâu qơư nhoz yiêz trâu pox nhuôs. Zơưv Vũ Quang Hải puz pâuz nzir:

“Tsov cưv txos xuz thơưx nhiv no zos truôx tuk luz nênhx trâu pox nhuôs viv li pêz tsov cưv txos qơư nhoz yiêz uô ntêx chiê txar qơư nhoz trâu pox nhuôs. Nhiv no pêz cux hêik cán bộ, viên chức hâur tas nro huyện ủy paz trâu pox nhuôs thiêz chiê muôx tâu nhiêx txiêx đros trâu chor nênhs siêz jông li têx paz chiê nzor uô tâu vax tsêr nhoz trâu pox nhuôs cov truôx tuk luz nênhx”

Lơưr thôngz sâu, đhâu jiês đêx ngaz cuôr no, tas nro tỉnh Yên Bái muôx 166 ziv chuôz zis trâus puôk tsuôx thiêz cuôr yôngz tas hur si tsuv tâu uô tsêr thiêz txar qơư nhoz yiêz, hâur co huyện Văn Chấn muôx 106 luz, huyện Văn Yên 21 luz tsêr, huyện Mù Cang Chải 20 luz tsêr, huyện Trấn Yên 18 luz tsêr thiêz huyện Lục Yên iz luz tsêr. Txos nhiv no nhiv kruôr nriêr tâu ar nhoz yiêz trâu 36 ziv chuôz zis, yuôr 103 ziv tsênhv zok nriêr tsik tâu qơư nhoz yiêz.

Đros co, ntơưv chor huyện no tsênhv yuôr 175 ziv chuôz zis tsuv txar qơư nhoz sêi đrơưv tiv zuôr zôngx ziv njiz trâus phiv liv tiv ar poz, đêx ngaz cuôr. Nhiv no nhiv kruôr zok nriêr tâu ar trâu 21 ziv chuôz zis, yuôr 145 ziv tsênhv tâu sir jos zok nriêr qơư nhoz…Zơưv Đỗ Đức Duy, chủ tịch UBND tỉnh Yên Bái puz pâuz:

“Pêz qênhz shuôk chor ziv chuôz zis nhoz têx qơư zuôr njiz trâus phiv liv siêz lok đêx ngaz cuôr, ar poz chiê txar lok trâu têx qơư nhoz yiêz truôx tuk đuô thiêz tsêx trung ntơưv huyện Văn Chấn, taz por truôx tuk luz nênhx xuz thơưx trâu pox nhuôs”.

Đros pêx xênhv qơư trâus đêx ngaz cuôr Yên Bái, đrâuv têx pôngz plox phiv liv lok lênhx nênhs mak têx trâus pôngz plox lok vax tsêr cxuô zav cux lok six ntâu. Đuô thâuv tưs hur si, pêx xênhv nhoz no vav zuôr muôx tâu qơư nhoz yiêz, uô tâu vax tsêr nhoz chiê truôx tuk luz nênhx thiêz tror uô xênhz yar./.

(Tuấn Xuân-Lik Thox cxêik nhênhv)

Phuôv tsar kinh têr chuôz zis cxôngx tu zus mur

Tix lâuk Trần Quốc Nam cuiz tênhv yưv pênhr chos jôngr thiêz ntông nox txir sâuv chuôz zis li mênhv chêx ar. Taz sik hâux lưv xeir zav ntông ntêr shông chiê chos thiêz mênhv chêx ar chos tsi lox, viv li phênhv sâu chox lol trâu tix lâus thiêz chuôz zis tsi siêz, luz nênhx tsi tâu muôx tul tsi hlôngr yiêz. Jênhv pov tiv phaz jông chiê tu zus mur zuôr jiz, viv li shông 2014, tix lâuk Man tưz nhênhz chơưv têx ntâuz ntơưr heik kriê lok hâux lưv tu zus mur cux xưk li cơưv shâuv chênhz zênhv cxôngx têx lênhx nênhs hâur tiv phaz chiê huôv tsar. Tix lâuk li tsưr ziv uô nox uô hâuk thiêx qir muôx têx hlôngr yiêz cxôngx co.

Chênhz zênhv tsênhz mênhx thiêz pênhr qir thơưx tsênhv tsơưs viv li Trần Quốc Nam tu zus 10 xuz mur uô ntêx. Nyei tiêk tu zus mur zôngx ziv, taz sik tsênhz mênhx mak cux khưr thiêz njuôs xav zuôr muôx yưv têx tsi jông. Tsơưr lươngv thiêz chor jiz khov ntâu txos têx cheix pax tơưs. Qiv hơưv cux uô zênhr shar txos pax thiêz uô txu grês tsơưr lươngv jiz mur. Taz sik đros iz lênhx hluôk nênhs li cêr moz siêz, Nam sir jos thiêz gruôs cơưv shâuv uô, cê tu zus cê zuôr chênhz zênhv.

Nam heik: Cur xeir tu zus mur iz phênhv zos viv cur nhiêv, iz phênhv zos viv tu zus mur sâu pênhr sei thiêz mur muôx pax cxôngx vax txir lưv tsiz, pax bồ đề thiêz têx zav pax hâur tiv phaz chiê grus jiz. Kror lax tiv zix thâuv tu zus mur zos shâuv chiê mur kuk yênhx mur hâur chuôz zis, tsuv tsoz phưz li zuk mê nhuôs.

Nhạc cắt…

Đhâu ntâu cêr phêv liv, “ đros siêz sir jos uô, nriêr pâuz, zuôr chênhz zênhv...” – li kuz Phưv thủ tướng Vũ Khoan tưz heik, Trần Quốc Nam li yênhx tix lox tôngv tưz tâu pâux nzir. Đros pênhr yưv uô shông 2014 tsuôk zos zus 10 xuz mur, txos nhiv no Nam tưz muôx 80 ntâu xuz mur sâu lol 700 ntâu lir jiz mur, grê muôs 200 cxênhz đeiv iz lir, bâuv 140 tsov đeiv iz shông. Đrâuv co, tix lâuk tsênhv cungz trâu niêv ciêz nôngz mur tsiv grê 1 tsov đeiv iz xuz. Shông 2017, phênhv sâu cxôngx muôs mur thiêz chuôz zênhx tu zus mur tưz tso lol phênhv sâu 100 tsov đeiv ntâu. Shông 2018, tâu chinhr quyênx tiv phaz muôz theox chênhv thiêz tâu Đoanx hluôk nênhs xã Phố Lu paz max heik kriê txeik pênhr tsiv uô xênhz yar, muôv muôs ntơưv Zênhx hangx chính sách xã hội, Nam puz pâuz zuôr tror zus cxaz mur thiêz cungz trâu niêv ciêz nôngz mur, thôngx cxix truôx siêz paz txưv tsưr ziv tu zus mur trâu đoàn viên, hluôk nênhs ntơưv tiv phaz cux xưk li tsôngv box zos muôx zoz qơưx tu zus mur. Nam njuôs xav krêz đar trâur nuv txos 150 xuz mur, njuôs xav zuôr sâu lol tâu 1.200 lir jiz mur iz shông.

Cxôngx têx chênhz zênhv sâu tâu, Nam tưz paz max ntâu lênhx tsôngv box ntơưv tiv phaz lok tsưr ziv tu zus mur. Đros zuk li trâur nuv, tix lâuk tsênhv muôz hâux lưv uô trâu 2 lênhx đoàn viên hluôk nênhs tiv phaz đros phênhv sâu zos 3,5 tsov đeiv iz luz hlik. Đrâuv huôv tsar kinh têr, Nam tsênhv sir jos cxaz chuôz Đoanx xã li têx phongz yaox, huôx tôngv, thôngx cxix cux zos lênhx nênhs uô ntêx nyuôk uô jông Đảng thiêz têz qơưk li chủ trương, cêr chei, tiv phaz li cui tênhv....

          Phênhv “Nôngx mênhx zuôr tsuv pâuz” ciêz no, zos Đeix nta suôz VN đros Tsênhv qơư cxiz kôngz têz qơưk uô./.

                            (Txâur Vax cxeik nhênhv)