Nghĩa Lộ (Yên Bái) uô jông côngz xưv “Ndo pâux txiêx njis”

Tâu paz txưv 40 tsov đeiv cxôngx “Cuiv ndo pâux txiêx njis” chuôz zis zơưv Lường Văn Chựa, zos chuôz zis nênhs muôx côngz đros cơưx mênhv thiêz zos ziv chuôz zis pluôk nhoz jos Nà Vặng, xã Nghĩa An, thị xã Nghĩa Lộ tưz uô tâu luz tsêr lơưx 4 qar truôx jông, đar 110 yiv ndis, tas nro nhiêx txiêx uô tsêr zos 150 tsov đeiv. Luz tsêr zos zơưv Chựa oz niêv txir li cêr jông siêz lox tiv zix:

          “Cur luz tsêr uô cxôngx shông 1983 txos shông 2018 mak cux liêv lok six ntâu, nox nhoz tsi taz por, tiv zix zos thâuv muôx ntux lok nas. Têz qơưk paz txưv cur chuôz zis 40 tsov đeiv, cur muôz cxaz thiêz thiêx uô tâu luz tsêr no. Cur uô tsâus Đảng, têz qơưk ntâu, thâuv muôx luz tsêr yiêz no mak lok six jông siêz”.

          Zơưv Hà Văn Nườn saz pênhz hov 2 chuôz zis nhoz tuêv Tông Poọng, phường Tân An, thị xã Nghĩa Lộ cux nhiv kruôr uô tiêr luz tsêr lơưx 2 qar, đar 100 yiv ndis đros tas nro nhiêx txiêx uô tsêr zos 300 tsov đeiv. Chor nhiêx txiêx 40 tsov đeiv têz qơưk paz txưv tsuôk zos iz phênhv mê, taz sik zos iz kror tôngv vênhx lox chiê zơưv Nườn chuôz zis cxiv uô tsêr yiêz.

          Thâuv tir ntâus tros châuz tror lok tsêr, zơưv Nườn tsi yuôr đas jos jông li ntu đrav ntêx lơưv thiêz, ho nhoz uô nênhx hâur luz tsêr fênhz jaz fênhz juôr, tsi so muôx moz gênhs. Uô ntâu tsêr yiêz, zơưv Nườn lok six jông siêz, cux muôx jông đas jos tuôx. Zơưv puz pâuz cxaz: Thâuv tưs txos tsiêz yiêz, zơưv chuôz zis cux tâu têx cấp, têx nganhx tuôx seiz nus, tôngv vênhx, khơưk muôz huv puz.

          “Tâu Đảng, têz qơưk tsov cưv txos chuôz zis, paz max chuôz zis uô tsêr nhoz, uô tâu luz tsêr mak chuôz zis tso siêz đuô thiêz lok six shir phaz”.

          Thị xã Nghĩa Lộ nhiv no muôx 300 ntâu lênhx nênhs muôx côngz thiêz chuôz zis liệt sỹ. Thị xã tưz cxơưz tiês yax kriê txos têx cấp, têx nganhx thiêz vênhv tôngv tsôngv box cxaz chuôz gôngr côngv trâu Cuiv “ndo txiêx pâux njis” chiê paz max nênhs muôx côngz uô tsêr nhoz. Têx lênhx saz pênhz trâus moz hnhar mak tâu paz txưv kho moz, tâu muk seiz thiêz kho moz ntơưv Tsênhv qơư điều dưỡng tỉnh. Têx tsưr tsix đoanx thể li: Hội bôv đội lâuk, Hội pox niêv, Hội nôngx mênhx, đoanx hluôk nênhs nhoz thị xã Nghĩa Lộ cux tsov cưv, paz txưv nênhs muôx côngz tâu txeik pênhr, paz txưv tsưr ziv uô nox uô hâuk, muôz hâux lưv uô trâu têx chuôz zis tâu sơưv cêr chei....Zơưv Đồng Văn Tòng, nênhs muôx côngz nhoz jos Tông Co 3, phường Tân An, thị xã Nghĩa Lộ jông siêz heik:

          “Thâuv tưs txos hnuz 27/7, têx hnuz ntênhs, hnuz tsiêz Đảng, têz qơưk, chinhr quyênx thị xã, phường cux tsov cưv tuôx seiz nus, tôngv vênhx. Cur uô muôx luk uô tsâus lok six ntâu”.

          Chiv nhênhv 72 shông hnuz saz pênhz thix xênhz shông no, thị xã Nghĩa Lộ cux tsưr tsix ntâu huôx tôngv “ndo pâux txiêx njis” li: tsưr tsix muk hlơưr shaz ndo txos têx zênhz shôngx liệt sỹ, tsưr tsix têx đoanx muk seiz nus, khơưk muôz huv trâu têx chuôz zis nênhs muôx côngz, saz pênhz ntơưv têx xã, phường...260 ntâu phênhv huv zos chủ tịch têz qơưk khơưk muôz thiêz 256 phênhv huv zos tiv phaz khơưk muôz cux tâu khơưk muôz txos ciês têx ziv chuôz zis saz pênhz, ziv chuôz zis tâu sơưv têx tsênhv chei sâuv thax tsav./.

(Đinh Tuấn- Txâur Vax cxeik nhênhv)

Yax kriê trâu sđ pâuz têx chêi nênhs lâuk

          Grê 7, quiv nhiêx  tu têx lâuk đas jos

          1, Têx nhiêx tu tsưx phưv chor lâuk đas jos zos quiv nhiêx xã hội

          2, Têx nhiêx tu tsưx phưv chor lâuk đas jos zos tâu huôv tsar uô txix têx pênhr nhiêx li đrav kaz:

          a, Têx pênhr nhiêx sik côngv paz ntơưv cxuô tsưr tsix thiêz cxuô lênhx sđ hâur thiêz đrâuv oz chas têz qơưs.

          b, Têz qơưs têx pênhr nhiêx muôz paz

          c, Têx pênhr nhiêx sâu tâu huv đros

          3, Luôs hâux lưv uô thiêz sêiz car quiv nhiêx tu tsưx phưv chor lâuk đas jos, tâu uô zos đrêiv chêi têz qơưs.

Nhạc cắt:

          Grê 8, Uô txuôk đros ntiêx têz lok lênhx nênhs lâuk

          1, Uô txuôk đros ntiêx têz lok lênhx nênhs lâuk, tâu uô huv đros chêi VN thiêz chêi sâuv ntiêx têz.

          2, Njiêz luk uô txuôk đros ntiêx têz hêik lok lênhx nênhs lâuk zos:

          a, Cxiv tsa thiêz uô trơưk luôs hâux lưv  txuôk đros ntiêx têz hêik lok nênhs lâuk.

          b, Đros tsưr tsix ntiêx têz, cir ntơưr thiêz uô zos đrêiv chêi ntiêx têz zos đrêiv têx luk sik chos saz lax thôngz cik txos nênhs lâuk.

          c, Sik phêiz kênh lok cxuô xor mông thiêz tsưr ziv tu chor nênhs lâuk.

Nhạc cắt:

          Grê 9. Têx zav txưr tsik puz uô:

          1, Tsik puz chêv, tsik puz ntâuk, tsik puz sêiz kêix têx lâuk.

          2, Tsik ruôr hiêv thiêz tsik tuôr thênhv txos chor lâuk vax huôv siz zuôr, vax huôv ntiês tus têx chuôz tav thiêz cxuô vax huôv txơưr.

          3, Tsik tu tsik zus têx lâuk,

4, Tsik nzaz nzơưv hâux lưv tu zus têx lâuk chiê zuôr nhiêx

5, Tsik zuôv têx lâuk uô hâux lưv lok sik uô têx hâux lưv zuôv chêi têz qơưs

6, Tsik zuôv, tsik cxâuz, tsik nziêk, tsik paz chor lâuk uô têx zav zuôv chêi têz qơưs.

7, Tsik hêv lênhx nênhs paz chor lâuk, lênhx nênhs pov, hêik kriê, tir thêir zênhx max têx zav uô zuôv chêi têz qơưs trâu chor lâuk./.

 (Tsu cxêik nhênhv-Bích Thuỷ Biên soạn)