Jax sâu thưr 7.31.12.2016:

TUÔR TSÊS NÊNHS THÁI SƠN LA LI HÂUX LƯV UÔ PAX NTÂUZ

          Nênhs Thái muôx lo lul heik “Têx nxêik hluôk  tsuv txơưx uô pax ntâuz, hluôk tuz tsuv txơưx hiêz vak ntâuk njês”. Ntâu tiêv nênhs lol no, nênhs Thái thâuv tưs cux seiz hâux lưv txơưx uô pax ntâuz zos iz hâur têx ploz tsênhr chiê ntâus grê lênhx hluôk nxeik. Thâuv mul uô nhaz, iz lênhx nxeik zuôr khơưk muôz trâu niêv pos txir zơưs têx đeiv pav jông tiv zix zos zuk chiv chir uô tâu.

          Pos Hà Thị Thưởng, nhoz phường Chiềng Cơi, thành phố Sơn La puz pâuz: Nênhs Thái li tsưr ziv uô pax ntâuz, muôx lok six ntâu, pir li xơưk pax ntâuz heik lok têx muôx hâur luz nênhx li: pax, blôngx ntông cxuô zav… Niêv lâuk Thưởng heik:

          “ Cxôngx thâuk tsênhv zâu cur tưz txơưx uô pax ntâuz, txos nhiv no, tsôngv pox niêv hâur jos tsênhv sik cơưv shâuv uô cxaz thiêz xar njôngr tuôr tsês tâu zuk mênhx cxưx li hâux lưv chax chês uô pax ntâuz”.

          Hợp tác xã Nậm la li qơư uô pax ntâuz zos niêv lâuk Cà Thị Thỏa nhoz thành phố Sơn La cxiv tsa tâu muôx 10 lênhx lox tôngv puôr lênhx zos têx lênhx nênhs muôx ntâu tsưr ziv uô pax ntâuz. HTX cux yưv pênhr uô qơư ntok ntâuz thiêz tas nro têx xiv huv ntơư tsiv grê 200 tsov đeiv. Đros ntơư cux muôx têx xiv huv li hâur ndông, pav, yo chax chês... Niêv lâuk Thỏa shir phaz heik:

          “ Pêz lok six jông siêz thâuv pêz chor xiv huv tâu côngz jênhv. xar njôngr xiv huv no zuôr tâu muôv muôs đêz đar sâuv niêv ciêz, tâu fôngx zưs hâur thiêz sâuv ntiêx têz pâuz txos”.

          Nênhs Thái Sơn La li hâux lưv uô pax ntâuz zuôr gôngr phênhv huôv tsar, tuôr tsês vênhx huôv mênhx cxưx. Taz sik nhiv no, nhoz ntâu tiv phaz tỉnh Sơn La hâux lưv no tsuôk uô tsơưs. Tiv zix, têx xiv huv uô tsi tâu jông thiêz muôs tsi tâu grê li pax ntâuz muôz máy uô. Zơưv Nguyễn Đình Phong, giám đốc tsênhv qơư cxiz côngz thiêz heik kriê huôv tsar công nghiệp tỉnh Sơn La puz pâuz:

          “ Shông zuôr txos pêz tsênhv zuôr tror heik paz uô  luôs hâux lưv hâux lưv xơưk pax ntâuz, ntok ntâuz. Pêz cux heik tỉnh muôx tsưr ziv paz txưv chuôz zênhx đros trâu kriz lớp kriê hâux lưv uô cov jjông đuô, chox lol muôs trâu niêv ciêz hâur têz qơư”.

          Zos txơưx sik côngv hlôngr yiêz đros uô, nênhs Thái Sơn La li hâux lưv uô pax ntâuz zuôr muôx têx tsiv grê kinh têr đuô sâuv niêv ciêz. Tsôngv kruô tuôx Sơn La ho pâuz txos nênhs Thái têx pax ntâuz chax chês nhoz thax tsav qơư no./.

                  ( Hồng Việt – Txâur Vax cxeik nhênhv)