Kriê thiêz cơưv ntơưr hâur cheix muôx moz Covid-19 ntơưv Sơn La

Sik thav đros chor nênhs sâu xor xưv VOV faz Tây Bắc, zơưv Trần Quốc Bình, phưv tsar phongx Zoz zux thiêz thox cxov TP Sơn La heik pâuz, luôs hâux lưv hu zâuv têx lênhx canr bôv, cưk kriê ntơưr cxuô tsêr cơưv muk uô hâux lưv hâur niêx hnuz tâu uô trơưk li Sở Zoz zux thiêz thox cxov tỉnh Sơn La tsưr ziv. Tsưr ziv zos chiê cê uô hâux lưv kriê ntơưr, paz shux xênhz cơưv đhâu sâuv ti vi, cơưv đhâu Internet, cê uô hâux lưv cơưv cxaz nzir têx txux chi tsưr ziv yuôr trâul lok sâuv kriê ntơưr.

Trơưk li zơưv Bình, shux xênhz so ntơưr ntêr hnuz, cux cxơưx txos shux xênhz tsơưr lươngv cơưv ntơưr; hâur ntu moz Covid-19 huôv xênhz phiv liv, zuôr tuôx chôngz nênhs nhoz jê uô cê mak tsi tâu. Chênhr viv li, Phongx tưz fuô uô têx tsưr ziv li heik sâuv, cov uô li chas luôs hâux lưv kriê thiêz cơưv ntơưr đhâu Internet, ti vi uô tâu jông trơưk tsưr ziv, mak canr bôv, cưk kriê ntơưr cux muôx six hơưv siz heik kriê, sik cơưv shâuv têx txux chi, tsưr ziv uô hâux lưv: “Phongx Zoz zux thiêz thox cxov tsênhv txuôk đros têx taz viv muôx vax huôv, lar heik zos Đeix nta suôz-xa đuôz tỉnh, Tsênhv qơư xa mông vênhx huôv tỉnh hâur TP tsênhv cxơưz fuô uô têx tsưr ziv li heik sâuv, muôx têx xuz thơưx zuôr uô siv iz cxiê jax cơưv, iz cxiê lớp cơưv sâuv ti vi thôngz đhâu xa đuôz hâur iz luz six hơưv tưs cov fiv đros”.

Tsêr cơưv cxênhx iz Chiềng Lề, TP Sơn La muôx 55 lênhx canr bôv, cưk kriê ntơưr. Uô lơưr ngênhx Zoz zux TP chox kriê, têx hnuz đhâu, tas nro chor canr bôv, cưk kriê ntơưr puôr lênhx tuôx tsêr cơưv uô hâux lưv hur si. Taz sik, tas nro puôr lênhx tâu heik cov uô jông lơưr têx tsưr ziv lok phax tir thêir moz Covid-19 li: Chox ntâuz bos kror ndâux, tuôx txos ntơưv trôngx vas mak muôz têx đêx cuô yuôx nzuôr têk hur si....

Thâuv tuôx tsêr cơưv, zuôr tsi tâu chiê nhoz cơưv uô cê tas  nro sđ hâur tsêr cơưv, mak tsuôk cơưv, kriê têx tsaz yênhx, tsưr ziv kriê ntơưr li chas trâu chor cưk kriê ntơưr zuôr uô hâux lưv kriê txux chi hâur têx jax cơưv, lớp cơưv....xưz. Đhâu ntơư, têx lênhx no zuôr muk kriê trâu chor đros zuk iz paz uô hâux lưv uô cê chiê kriê đuô trơưk li heik ntơư trâu lưv tus txơưr đuô. Niêx hnuz, têx cưk kriê ntơưr kriê têx jax cơưv, cưk kriê seiz car lớp cơưv thôngz sâu đuô têx hâux lưv uô co sâuv Đeix xa đuôz, internet heik trâu têx lênhx thơưx seiz car tsêr cơưv chiê zênhx max muôx tsưr ziv qênhz yuôx, seiz kaz, hu zâuv têx shux xênhz đros cơưv. Pos Nghiêm Mai Chi, Phưv thơưx seiz car tsêr cơưv cxênhx iz Chiềng Lề heik: “Pêz cux yax kriê, heik txos trâu hur tiz si chor canr bôv, cưk kriê ntơưr, nênhs uô hâux lưv hâur tsêr cơưv thâuv tuôx tsêr cơưv uô hâux lưv mak tsuv chox ntâuz bos kror ndâux. Niêx hnuz tuôx tsêr cơưv, hur si tsêr cơưv tưz qêz suô têx yar tiêx, qơư nhoz uô hâux lưv, kriê ntơưr...cov đu lus, hur si. Canr bôv, cưk kriê ntơưr tuôx uô hâux lưv cux pov jông thiêz kror cxiê qơư nox, nhoz hur si,  đhâu iz ntu so ntơưr phax tir thêir moz têx nhuôs shux xênhz tror tuôx tsêr cơưv, cơưv ntơưr mak pêz cux tuôr truôx tuk txix ciês hnuz xuz thơưx đhâu thâuv muôx cxuô cấp, ngênhx li chox kriê”.

Cưk kriê Hoàng Mạnh Hà, nhoz tsêr cơưv cxênhx 2 Nguyễn Trãi, TP Sơn La mak heik li no: “Pêz tuôx tsêr cơưv, no zos lênhx cưk kriê ntơưr li hâux lưv. Thâuv tuôx tsêr cơưv uô hâux lưv mak pêz lênhx tưs cux jông siêz, viv pêz tưz tâu têx hloz hâur tsêr cơưv, têx hloz thênhv siêz fuô kriê thiêz đhâu têx mông hâur ntơưr pov tsir, ti vi heik lol têx tsưr ziv phax tir thêir moz, viv li pêz cux tso siêz uô hâux lưv. Muôx têx heik, no zos six hơưv chiê pêz chor cưk kriê ntơưr siz chuôs njiz thiêz muôx ntâu six hơưv sik thav, siz heik kriê lok têx tsưr ziv uô hâux lưv”.

Têx cêr cxơưx thâuv muk uô hâux lưv, tsuv nhoz jê, chuôs njiz ntâu lênhx nênhs zos thâuv tưs tưz zuôr muôx đros thiêz sđ hâur ntu moz Covid-19 tsênhv huôv xênhz txơưr txar phiv liv. Taz sik, ngênhx zoz zux Sơn La tsênhv uô cxuô faz tsưr ziv chiê ndar txos “uô tâu jông luôs hâux lưv kriê thiêz cơưv ntơưr đros trâu phax tir thêir moz gênhs”./.

(Đắc Thanh-Riê Lâux cxeik, nhênhv)

Phênhv paz txưv trâu têx HTX, Doanh nghiệp tsiv uô kôngz nuv lơưr saz hữu cơ sâuv thax tsav tỉnh Sơn La, ntu 2019-2020

          Đros trâur nuv chos ntông nox txir, chos jâuz thiêz chos yuôx zêx lơưr saz hữu cơ:

          Paz txưv 70% nhiêx txiêx zuôr qir zuôv hữu cơ, zuôr yuôx thiêz nhiêx txiêx uô yuôx phax tuô caz hmoz tâu tso chei sir zôngv hâur tsiv uô kôngz nuv hữu cơ taz sik tsi đhâu 50 tsov đeiv /iz hecta /iz shông/ iz doanh nghiệp, HTX chos ntông nox txir, yuôx zêx; tsi đhâu 20 tsov đeiv/ iz hecta/ iz shông/ iz doanh nghiệp, HTX chos jâuz.

          Paz txưv tsi đhâu 130 tsov đeiv/iz doanh nghiệp, HTX trâu 05 hecta chiê ntiêr tsưr tsix côngz jênhv ntâus grê muôx txâuk cxuô zav chiê tâu cungz ntơưr côngz jênhv xiv huv hữu cơ.

          Paz txưv cxiv tsa cxuôx luôk seiz car hâur pâus xiv huv (cxiv tsa phần mềm seiz car hâur pâus xiv huv thiêz meir in ntơưr lo) taz sik tsi đhâu 20 tsov đeiv/ iz xiv huv hữu cơ/ iz doanh nghiệp, HTX.

          Paz txưv yax mông, heik kriê xiv huv taz sik tsi đhâu 50 tsov đeiv/ iz xiv huv hữu cơ/ iz doanh nghiệp, HTX chiê tsưr tsix têx huôx tôngv yax mông, heik kriê, sâu zuôr xiv huv kôngz nuv sâuv têx phaz pênhv thôngz xor mông li Đeix, tivi...

          Paz txưv ntiêr qơư heik kriê xiv huv ntơưv têx ntênhs ciêz, qơư piêr kriê taz sik tsi đhâu 100 tsov đeiv/iz xiv huv hữu cơ/ iz doanh nghiệp, HTX chiê ntiêr qơư heik kriê xiv huv ntơưv ntênhs ciêz, krêz uô têx jiês piêr kriê xiv huv hữu cơ.

          Paz txưv zuôr hnaz tax, hnaz ntơưr tso xiv huv hữu cơ, taz sik tsi đhâu 100 tsov đeiv/ iz xiv huv/ iz doanh nghiệp, HTX chiê uô ntơưr lo, zuôr hnaz tso xiv huv chox mul muôs.

Nhạc cắt

          Đros trâur nuv tu zus buô zuôr greix lơưr saz hữu cơ:

          Paz txưv 70% nhiêx txiêx zuôr zav nox, yuôx phax tar moz trâu buô tâu tso chei sir zôngv, tsơưr vi sinh, têx chuôz zênhx puô hâur guôx tu zus taz sik tsi đhâu 1,5 tsov đeiv/ iz tul buô/ iz jas.

          Paz txưv tsi đhâu 130 tsov đeiv/ iz doanh nghiệp, HTX chiê ntiêr tuêv tsưr tsix côngz jênhv ntâus grê muôx txâuk cxuô zav chiê cungz ntơưr côngz jênhv xiv huv hữu cơ.

Paz txưv yax mông, heik kriê xiv huv taz sik tsi đhâu 50 tsov đeiv/ iz xiv huv/iz doanh nghiệp,HTX chiê tsưr tsix têx huôx tôngv yax mông, heik kriê, sâu zuôr xiv huv kôngz nuv sâuv têx phaz pênhv thôngz xor mông...

          Paz txưv ntiêr qơư heik kriê xiv huv ntơưv ntênhs ciêz, qơư piêr kriê taz sik tsi đhâu 100 tsov đeiv/ iz xiv huv hữu cơ/ iz doanh nghiệp, HTX chiê ntiêr qơư heik kriê xiv huv ntơưv ntênhs ciêz, qơư piêr kriê xiv huv hữu cơ./.

(Thu Thùy- Txâur Vax cxeik nhênhv)