Ninh Thuận: Thax tsav tsôngv box Chăm tưz bax tâu cxuô luôs hâux lưv trâu shông cơưv yiêz 2017-2018

Hâur têx hnuz no, chor cưk kriê ntơưr nhoz tsêr cơưv cxênhx iz Phước Nhơn, xã Xuân Hải, huyện Ninh Hải, tỉnh Ninh Thuận lok six phiv liv trâu hâux lưv kriê luk Choz Tsiz trâu têx shux xênhz heir nênhs Chăm bax cơ]v lớp 1. Đros thiêz têx shux xênhz heir nênhs tsơưs, thâuv tuôx tsêr cơưv têx nhuôs tsuv shâuv heik iz zav luk tsi thôngx li zuk lul heik; viv li hâur six hơưv cơưv ntơưr cux njiz tsi tsơưs têx phiv liv. Cưk kriê Thành Nữ Khoa Trương, Thơưx seiz car tsêr cơưv cxênhx iz Phước Nhơn heik pâuz: Đros thiêz têx nhuôs tưz cơưv đhâu cxênhx nhuôs zâu mak zôngv thiêz heik luk Choz Tsiz thâuv ndê lớp 1 tưz zôngx ziv đuô. Yuôr têx lênhx nhuôs tsi tâu cơưv đhâu cxênhx nhuôs zâu lok six phiv liv thâuv cơưv, viv têx nhuôs tsi pâuz luk Choz Tsiz, chênhr li ntơư lênhx cưk kriê tsuv lok six sir jos, moz kriê trâu chor nhuôv. Shông cơưv 2017-2018, tsêr cơưv muôx 600 lênhx shux xênhz. Hur tiz si puôr lênhx zos heir nênhs Chăm:

"Tsêr cơưv cux chox kriê têx cưk kriê ntơưr chuôz tsar tsưr tsix têx nuv kriê luk Choz Tsiz, xeir têx tsênhv njiêz fiv đros chiê chor nhuôs ndê trâu shông cơưv yiêz tsi yuô njiz phiv liv, paz têx nhuôs pâuz mê njik têx luk Choz Tsiz, đhâu  co paz gra siêz tsơưr lươngv kriê thiêz cơưv ntơưr".

Iz jiês no, têx tsêr cơưv cxênhx iz thax tsav tsôngv box heir nênhs tsơưs hâur tỉnh Ninh Thuận tsưr tsix kriê cxaz luk Choz Tsiz trâu shux xênhz lớp 1. Iz chas ntơư, ntâu tsêr cơưv cxênhx 2 tsưr tsix xênhz huôx hâur shông chiê shux xênhz sưv jux juk đros têx lênhx fôngx zưs, cưk kriê ntơưr. Shông cơưv 2017-2018, tsêr cơưv cxênhx 2 Nguyễn Bỉnh Khiêm, xã Phước Nam, txâuk qơư trâu 930 ntâu lênhx shux xênhz hâur 26 lớp jâuv cơưv ntơưr. Cưk kriê Não Thiên Minh Nguyệt, thơưx seiz car tsêr cơưv heik pâuz: Phênhv ntâu shux xênhz hâur tsêr zos heir nênhs Chăm. Shông cơưv 2016-2017, 50% ntâu lênhx shux xênhz zos shux xênhz cơưv txơưx thiêz coz. Chor nhuôs shux xênhz gruôs tuôx cơưv ntơưr cxix cxuô tâu 95%. Nhoz thax tsav tsôngv box heir nênhs tsơưs, tsơưr lươngv zoz zux thiêz tuôr truôx shux xênhz tuôx tsêr cơưv cxix cxuô xưk li no zos Ban giám hiệu thiêz tập thể têx cưk kriê ntơưr li hâux lưv lok six sir jos. Chiê gra siêz tsơưr lươngv kriê thiêz cơưv ntơưr hâur six hơưv zuôr txos, cưk kriê Não Thiên Minh Nguyệt, thơưx seiz car tsêr cơưv heik pâuz:

"Shông cơưv 2017-2018, lok sâuv têx canr bôv seiz car, cưk kriê ntơưr mak tưz muôx txâuk. Tsêr cơưv cux tưz xeir zuôr shux xênhz lớp 6 tâu 100% tsưr ziv tso tơưv. Lok sâuv têx côngz trênhx, qơư cơưv ntơưr.....tưz tâu UBND huyện Thuận Nam yưv pênhr cxiv uô tâu txâuk thiêz jông trơưk têz qơưk cui tinhv. Hâur cheix so sor 2017, pêz cux tưz đros cơưv têx lớp kriê cxaz txux chi tsưr ziv yuôr trâus lok sâuv kriê Luk Anh chiê uô lơưr đêx anr luk saz đrâuv luôs 2 chas têz qơưk txos shông 2020".

Trơưk Sở zoz zux thiêz thox cxov tỉnh Ninh Thuận, tỉnh nhiv no muôx 100% tsêr cơưv cxênhx iz nhoz thax tsav tsôngv box heir nênhs Chăm kriê thiêz cơưv ntơưr Chăm. Luôs hâux lưv kriê thiêz cơưv ntơưr Chăm tâu tsưr tsix shơư trâu kriê thiêz cơưv têx ntơưr Choz Tsiz, đros thiêz 3 jâuk iz ciêz hâur tsêr cơưv tsưr tsix kriê iz jiês iz hnuz thiêz 4 jâuk iz ciêz đros têx tsêr cơưv tsưr tsix 2 jiês iz hnuz. Zơưv Lưu Văn Đạo, chuyên viên phòng zoz zux mênhx cxưx lok zos zoz zux Dân tộc nhoz Sở zoz zux thiêz thox cxov tỉnh Ninh Thuận heik: Shông cơưv 2017-2018, lok sâuv têx qơư cơưv, côngz trênhx, muôx 22 tsêr cơưv hâur hur si 24 tsêr cơưv cxênhx iz thax tsav tôngv box heir nênh Chăm tưz tâu cxiv uô jông thiêz khor kho. Lok sâuv têx ntơưr cơưv tưz tâu cxiv sâu thiêz niêk uô tâu xar muôx 22 cxênhz fâu trâu shux xênhz thiêz cưk kriê ntơưr. Iz chas têx ntơưr cơưv trâu têx lớp cơưv tsênhv muôx ntơưr shâuv sâu.....têx trâu chor shux xênhz lớp 1, lớp 2 thiêz lớp 3 chiê têx nhuôs shux xênhz shâuv sâu, shâuv cơưv nzir......Xav hur tiz si têx nhiêx txiêx niêk uô têx fâu ntơưr luk Chăm heik sâuv tas xar muôx 400 tsov đeiv:

"Iz chas ntơư, Sở tưz tsưr tsix kriê cxaz txux chi tsưr ziv yuôr trâus lok sâuv kriê luk heir nênhs tsơưs trơưk Bộ zoz zux li Thông tư số 22. Seiz co xưk li tỉnh tưz bax jông tsưr ziv lok sâuv têx qơư nhoz cơưv, kriê ntơưr thiêz ntơưr cơưv, tsưr ziv uô nuv trâu chor cưk kriê....bax trâu shông cơưv yiêz cov tâu jông đuô".

Đros thiêz hâu nov cxuô thax tsav qơư, ngênhx zoz zux li têx sir jos đros trâu têx tsêr cơưv bax jông cxuô zav zuôr trâus txos, tỉnh Ninh Thuận tưz uô tâu tiêr luôs hâux lưv bax krêz shông cơưv yiêz 2017-2018./.

(TTTPHCM-RIê Lâux cxeik, nhênhv)

Bí thư chi bộ tox siêz txơưx uô nox

Xar muôx 10 shông uô bí thư chi bộ jok, zơưv Vàng Văn Xưởng tsik so tâu pêx xênhv njênhs njôngr, viv tsưr ziv uô hâux lưv huv đros sđ. Zơưv thiêz chuôz zis tsik so uô ntêx hlo lơưr Đảng, têz qơưk têx chêi thiêz uô ntêx nyuôk hâur cxuô jiês zaz zâuv, yax kriê tsôngv px hâur thax tsav huôv tsar cêr uô nênhx jông. Uô bí thư chi bộ jos, zơưv cux đros cxuô lênhx đảng viên hâur chi bộ cơưv shâuv uô lơưr Đảng li chỉ thị, nghị quyết, lar hêik zos Bộ chính trị li chỉ thị 05 CT/TW lok sir jos cơưv shâuv thiêz uô lơưr zơưv hloz Hôx li cêr uô nênhx jông; sir jos uô tiêr cxuô luôs hâux lưv zok muôz, lar hêik zos luôs hâux lưv yax kriê. kror no muôx tsênhz mênhx hâur cxuô luôs hâux lưv uô nhoz jok Nậm Mòn, tsik yuôr lênhx tưs zuôr pox niêv, zuôr txir nzor thiêz zus tuk nhuôs tiv 3. Zơưv Xưởng puz pâuz: tiv jênhv pâuz kik, hâur 10 ntâu shông đrav ntêx, chor tuz nxêik siz zuôr tsik tâu txưv shông thiêz chor gơưv niêv txir xênhz zus tus mê nhuôs tiv pêz tsik so muôx nhoz Nậm Mòn. Iz chas ntơư, zơưv Xưởng cux đros cán bộ chi hội pox niêv jok muk txos trâu yênhx ziv chuôz zis chiê hêik kriê, cov pox nhuôs pâuz tâu têx kror tsik muôx liv, tiv zos siz zuôr tsik tâu txưv shông thiêz xênhz zus chôngz mê nhuôs, uô phiv liv txos đas jos, luz nênhx, kinh tế chuôz zis.

Nhoz tiv phaz, zơưv Xưởng zos nênhs txơưx huôv tsar cêr uô nox. Hâur ntu xuz thơưx piz tu zus, tiv tsik tâu muôx tsưr ziv, zơưv chuôz zis cux njiz ntâu phiv liv, kinh tế sâu tâu kik. Đros sir jos, zơưv tưz cơưv shâuv, nriêr pâuz tsưr ziv txix ntâu luôs hâux lưv uô, txos nhiv no, zơưv chuôz zis sâu tâu 200 triệu đêiv nhiêx iz shông txix tu zus kêiz, buô thiêz uô kôngz lôngk. Shông 2016, xã Nậm Mòn kriz uô trơưk tsưr ziv chos cuô txoz, zơưv Xưởng chuôz zis zos iz hâur chor nênhs jênhv chos uô ntêx. Đhâu oz jiês sâu, jênhv pâuz tsoz cuô txoz huôv hloz jông huv đros thax tsav qơư nhoz, sâu tâu kinh tế siêz, zơưv tror kriz đar thax tsav chos xar muôx 1 ha, thôngx cxix hêik pox nhuôs hâur jok sik đros chos cuô txoz, paz muôx nzir phênhv sâu. Đros co, zơưv sik côngv đros cán bộ cxơưz cxiz uô kôngz xã sir jos yax kriê, hêik pêx xênhv cxax yuôx vắc xin phax tar caz moz ơưk trâu tsiêx cxu, uô jông vêv xênhz têx tsêr guôx tu zus.

Jok Nậm Mòn muôx 75 ziv chuôz zis, 300 ntâu lênhx nênhs zos 3 mênhx cxưx nhoz uô cê. Pêx xênhv nhoz no luz nênhx txơưv tưz hlôngr yiêz, taz sik zơưv Xưởng cux tsik so zok nriêr cxuô faz tsưr ziv paz trâu cxuô chuôz ziv chuôz zis huôv tsar uô nox cov tsôngv px sđ muôx luz nênhx tsâu sor2 đuô./.

(Báo Lào Cai ĐT-Lik Thox cxêik nhênhv)