Têx tiv phaz sir jos bax trâu shông cơưv yiêz

          Bax trâu shông cơưv yiêz 2020-2021, ciês thâuv shux xênhz so ntux sor, têx qơư zaoz zux sâuv tas nro têz qơưk tưz tsưr tsix kho đuô qar cơưv, zuôr cxaz têx chuôz zênhx kriê ntơưr...hâur co chêx chôngk yưv pênhr trâu hâux lưv kriê thiêz cơưv ntơưr trâu khối lớp 1 lơưr tsaz yênhx zaoz zux phổ thôngz yiêz. Zơưv Nguyễn Thế Sơn, Phưv tsar phongx phưv txơưx Phongx tsưr ziv nhiêx txiêx, Sở zaoz zux thiêz thox cxov Hà Nội thôngz xor mông:“TP shông cơưv no chuôz tsar cxaz 44 tsêr cơưv, hâur co công lập chuôz ndê 25 tsêr cơưv, tư thực chuôz ndê 19 tsêr cơưv. Lơưr têx quận, huyện pov cov mak shông cơưv no zuôr xar 90% shux xênhz muk cơưv tsêr cơưv công lập. Nhiv no khối quận, huyện muôx 40 luz tsêr cơưv đros nhiêx txiêx cxiv tsa yiêz zos 1 cxênhz 998 tỷ đeiv. Chor qar cơưv tâu kho đuô cxiv yiêz zos zuôr xar 5 cxênhz 200 qar. Hâur 30 quận, huyện mak quận Hà Đông yưv pênhr cxiv yiêz 5 tsêr cơưv công lập, đros 564 tỷ đeiv. No zos quận sơưr thơưx hâur tas nro thành phố lok cxiv tsa cơ sở cxuô zav viv thax tsav no hlôngr yiêz sei, ntâu thax tsav qơư huôv tsar sei”.

          Lơưr Bộ zaoz zux li pov cov, nhiv no 100% cưk kriê kriê lớp 1 tưz cơưv tiêr tsaz yênhx kriê cxaz uô Tsaz yênhx zaoz zux phổ thôngz yiêz, kriê cxaz hâux lưv zôngv ntơưr giáo khoa...Đros kriê cxaz ntơưv qơư, têx cưk kriê tsênhv cxaz chuôz cơưv shâuv cxaz sâuv Bộ zaoz zux li cxix luôk trực tuyến. Zơưv Vi Đại Phong, Tsar phongx zaoz zux huyện Thanh Sơn, tỉnh Phú Thọ puz pâuz, 205 lênhx cưk kriê lớp 1 hâur huyện (muôx 107 lênhx cưk kriê vênhx huôv thiêz 98 lênhx cưk kriê têx bộ môn) tưz uô tiêr jiês kriê cxaz, bax trâu shông cơưv yiêz: “Đros cưk kriê lớp 1 tưz tâu kriê cxaz cxix cxuô thiêz pêz tưz bax trâu têx cưk kriê têx chinhz yênhx jông tiv zix chiê tos shux xênhz. Txos nhiv no, ntơưr giáo khoa lớp 1 tưz tâu xa txos tas nro têx cưk kriê hâur nganhx thiêz tiv zix zos đros têx mê nhuôs shux xênhz mak tưz xa txos shux xênhz li niêv txir hâur tas nro huyện, cxix cxuô 100% têx mê nhuôs shux xênhz puôr lênhx muôx ntơưr chiê bax trâu shông cơưv yiêz”.

          Ntơưr giáo khoa yiêz, tsaz yênhx yiêz, taz sik tiv trâus moz Covid-19 uô zênhr shar, six hơưv cơưv cxaz tsi ntâu viv li têx cưk kriê puôr lênhx sir jos chiv chir cơưv cxôngx ntâu tsưr ziv txơưr chiê taz por krêz uô jông tsaz yênhx yiêz. Cô Vũ Thị Thu, cưk kriê khối lớp 1, tsêr cơưv cxênhx 1 Kỳ Bá, TP Thái Bình, tỉnh Thái Bình puz pâuz:       “Uô ntêx, cur tsuv bax trâu cur chinhz yênhx jông tiv zix. Cur tsênhv cxaz chuôz iz cxiê paz lênhx nênhs sâuv mạng xã hội, pir li paz cưk kriê chủ nhiệm, lok sik paz cưk kriê cơưv cxaz ntơưr giáo khoa yiêz. Cxôngx têx ntâuz ntơưr, đuôz shav mak cur tưz nriêr tâu, cur chiv chir cxiv sâu giáo án trâu zuk, cxôngx Word txos Power Point cur puôr lênhx uô tâu”.

          Nhiv no, phênhv ntâu têx tiv phaz tưz tso tơưv tsưr ziv trâu shông cơưv 2020-2021, hâur co six hơưv tuôx muk trâu tsêr cơưv zos hnuz xiêz 1/9 thiêz tsưr tsix krêz shông cơưv yiêz  zos hnuz xiêz 5/9, thôngx cxix chox kriê têx qơư zaoz zux krêz uô têx tsưr ziv phax tar moz Covid-19 uô ntêx thâuv tos shux xênhz tror tuôx cơưv ntơưr. Tiv trâus moz Covid-19 uô zênhr shar, hlôngr trâu tsưr ziv muk cơưr ntơưr li niêx shông, têx tỉnh, thành phố puôr lênhx tso tơưv tsưr ziv krêz shông cơưv yiêz txơưr. Iz cxiê tiv phaz cux cxiv tsa tsưr ziv krêz shông cơưv yiêz trực tuyến, lok sik lis đuô, tsi tsưr tsix nzor chiê taz por trâu shux xênhz. Nhoz têx thax tsav muôx theox chênhv jông tsênhv muôx tsưr ziv tsưr tsix kriê ntơưr online zos qênhx shênhx moz Covid-19 ziv huôv xênhz txơưr txar đuô./.

(Ban TS-Txâur Vax cxeik nhênhv)

Tir tar zax zênhz nhoz Sơn La muôx ntâu kror phiv liv

1. PV: Thor cox puz pâuz, têx shông uô ntêx, Sơn La tâu xav zos thax tsav chiê chor nênhs fêv thâux gra zax zênhz lok đhâu trâu hâur pêz têz qơưk, taz sik hâur ntu  nhiv no ho li chak lơưv?

Têx shông thâuv ntêx no Sơn La tâu xav zos iz hâur têx qơư chiê thâux gra ntâu zax zênhz lok đhâu nhoz thax tsav faz Bắc cux xưk li hâur tas nro têz qơưk. Chor zax zênhz tâu thâux gra lok đhâu thax tsav Sơn La muk têx thax tsav qơư kik thiêz đhâu muk trâu luz têz qơưk tiv 3 mak lok six ntâu. Kror co tâu pâuz tsênhz đhâu chor txuz án zax zênhz ruôr tâu hâur ntu đhâu. Taz sik đhâu thâuv lưx lươngv Công an Sơn La đros muôx Bôv công an, Tỉnh ủy, UBND tỉnh li chox kriê, đhâu thâuv pêz kriz uô thiêz xav jênhv tsav txênhz mak zuôr hêik tơưv tâu tiêk têx zax zênhz thâux xa đhâu thax tsav tỉnh txos nhiv no mak tưz grêk tsơưs ntâu lơưv. Côngz xưv tsav txênhz phax tar chor nênhs phamv cxâuv zax zênhz nhoz thax tsav Sơn La yênhx shông tâu cấp trung ương, cấp tiv phaz paz ntâu lok nhiêx txiêx, chuôz zênhx, lênhx nênhs, têx tsar tov txưv thiêz txâuk thiêz taz por uô jôngz côngz xưv phax tar zax zênhz. Viv li, hâur ntu tsav txênhz tir tar chor nênhs cxâuv chêi zax zênhz muôx 5 shông, 10 shông tror lok no pêz tưz uôtâu ntâu kror jông thiêz tax  tâu têx chêx cur lok six lox uô trâu qênhx shênhx no hlôngr yiêz ntâu đuô.

2. PV: Chor nênhs phamv cxâuv zax zênhz zos tsưr tsix, txơưr txar ntâu. Ntơưv Sơn La, lơưr tsik so zôngv thiêz uô txix têx tsưr ziv li chak? Thor cox puz pâuz nzir?

Chor nênhs fêv uô ntêx thâuv zuôr uô cxâuv têx chêi mak zênhx xar tâu tiêk thâuv uô cxâuv zuôr trâus xưv bluô txos têx kror cxâuv chêi siêz tiv zix. Viv li, lơưr tưz xar tơưv lok six ntâu tsưr ziv. Ntơưv no mak tsuv hêik txos muôz shươu đros têx hax huv, xa đros têx hax huv, li xa đhâu yêz kruô thâux, têx yêz thâux hax huv paz thâux, lok sik muôz jêik chiê hâur têx qơư khôngz sâuv têx yêz chiê thâux xa muk lok đhâu. Đuô li, kror tsuv tsov cưv txos đuô tiv zix zos chor nênhs fêv co ntiêr chor nênhs trâus sêv khiz luz chêr, chor nhuôs zâu, lok sik đas tiêk  thâux têx hax huv uz no chiê nhiês thâux zax zênhz, ntiêr chor nênhs muôx yêz tsik pâuz txos têx hax huv co paz thâux muk lok đhâu…

3. PV: Nhiv no tưz muôx yưv ntâu zav zax zênhz yiêz, trơưk cox mak zav zax zênhz tưs nhiv no phiv liv thiêz muôx chôngz lênhx nênhs sir zôngv đuô, cox ho puz pâuz nzir?

Hêik cxuô mak tas nro chor zax zênhz puôr lênhx phiv liv trâu nênhs sir zôngv, trâu chuôz zis, trâu xar hôiv, côngv thôngx hur si. Taz sik lơưr pêz ntâu gri mak zav zax zênhz muôx chôngz nênhs, chôngz fâuv nênhs sir zôngv co zos zax zênhz tổng hợp. Hâur zav zax zênhz no mak muôx ntâu zav, taz sik tsuv hêik txos chor zax zênhhz uô txiêz khor li poz jêz, zos zav zax zênhz riêz nênhs đuô, no zos chor zax zênhz tâu chor hluôk nênhs nhiv no sir zôngv ntâu. Nhoz thax tsav tỉnh Sơn La, hâur 6 luz hlo kaz shông 2019 thiêz shông 2020 mak tưz pov muôx ntâu đuô chor zax zênhz tổng hợp, ntâu tiv zix zos zav zax zênhz shơư yuôx xiêr tsênhv tâu nhiês zuôr muôs trâu hâur thax tsav lok six ntâu.

4. PV: Hâux lưv tsav txênhz tir tar chor nênhs fêv uô cxâuv zax zênhz ziv hnuz ziv phiv liv. Zos li têx shông zuôr txos no, tsuv muôx têx tsưr ziv li chak chiê cov phax tar zax zênhz  tâu truôx đuô, thor cox ho puz pâuz?

Lơưr pêz mak, sơưr đơưk tsuv xav jênhv côngz xưv tir tar chor nênhs fêv zuôr muôs zax zênhz tsik tiêk zos nganhx công an li côngz xưv xưz, mak tsuv muôx tas nro cxiv luôs chính trị, txix pêx xênhv sik đros uô mak côngz xưv tir tar zax zênhz thiêx zuôr uô tâu trơưk li siêz xar. Hok lưx lươngv Công an mak pêz zênhx xav jênhv zos lênhx Đảng viên, lênhx nênhs chênhr hâur côngz xưv tir tar zax zênhz. Zênhx zuôr sir jos tsav txênhz chiê tir tar, txơưx phiv liv lok cux zuôr uô cov tiêr jông têx hâux lưv mak Đảng, têz qơưk thiêz pêz xênhv tưz choz zok./.

Thor uô cox tsâus ntâu!

                       (Chẻo Thu-Lik Thox cxêik nhênhv)