Yên Bái: Pêx xênhv tox siêz muôx nzir phênhv

sâu tâu nhiêx txix muôs njuôs shôngz hlor

Njuôs shôngz hlor muôx ntâu nhoz têx tiv phaz faz Tây tỉnh Yên Bái. Tsuôk đhâu tsiêz, hâur chêix ntux yiêz, njuôs shôngz hlor ho tuôx ntâu. Chiê lor tâu têx tuk njuôs mok thiêz kaz tiv zix, pox nhuôs hêir nênhs Thái, Cho, Khơ Mú zôngv hlâu khơưz toz hâur ar, chiê lor chor câuk njuôs nhiv kruôr tuôx tsik tâu yưv sâuv bông ar chox lok uô nox lok sik muôs ntơưv ciêz.

Ntơưv ciêz Mường Lò, luz ciêz cxôngx nzor lox tiv zix tỉnh Yên Bái, iz cir njuôk hlor muôs 20 cxênhz đêiv, njuôs tưz têr tơưr tas mak muôs 60 cxênhz đêiv. Thâuv ntêx, tsuôk zos pox nhuôs nhoz chor huyện Văn Chấn, Trạm Tấu, thị xar Nghĩa Lộ nhiêv nox zav njuôs no, taz sik ntâu shông lok no njuôs hlor tâu thâux ntâu muk muôs trâu ciêz thành phố Yên Bái, Hà Nội thiêz chor tỉnh tiêx đras. Tix lâus Bàn Văn Lý, xar Nậm Lành, huyện Văn Chấn puz pâuz:

“Yênhx hnuz mak cur muk zuôr muôx 100 cir ntâu njuôs, cur chox lok muôs mak tâu liv muôx nhos 500 cxênhz đêiv. Chor nhiêx co mak cux txâuk zôngv”.

Njuôs hlor, zôngx ziv uô tâu ntâu zav nox li: hâu, ciz, cxiêz…taz sik kaz tiv zix mak cux zos muôz njuôs hlor tsơưk đros tar buô. Njuôs hlor tâu têr tơưr tas thiêz muôx tsông cov lưx mok, tsơưk đros tar buô cov muôs, muôz kix, txir lưk suôr, jâuz cxưz trâu nzir mak nox thiêx kaz, nox tsik đhuôr….iz kror thiêz zos muôz hâu, hâu mak zôngx ziv uô, tsuôk muôz njuôs trâu hâur lâux câuz hâu 15 phênhz xưz njuôs tưz siêr lơưv. Cuô njư mak zos njêr, cuô txoz, đros shaz txoz thiêz kix. Pos Bùi Thị Tươi, lênhx kruô tuôx txix Hà Nội puz pâuz:

“Cur lok six nhiêv nox, thâuv nox mak kaz jiz, zuk nox tâu mak xar nox thiêz”.

Njuôs hlor zos iz zav njuôs shôngz zênhx muôx nhoz hâur têx har jôngr har tsuôs thiêz hâur oz pêz shông đhâu lok no, zav njuôs shôngz hlor co, muôx chôngz lênhx ntâu tus nhiêv zuôr chox muk uô nox thiêz tsôngv box tox siêz Yên Bái tưz kriz đar thax tsav chos zav njuôs no. Txos chêix njuôs tuôx txix hli 2 txos hli 4, iz hnuz txix Mường Lò muôx nhos 5 tấn njuôs tâu muôs, paz muôx tâu phênhv sâu txix 600-700 triệu đêiv trâu pox nhuôs nhoz ntơưv no, zos iz phênhv sâu tsik tsơưs trâu pêx xênhv nhoz tox siêz hâur luz chêix kôngz lôngk tsik tâu siêr./.

(Đinh Tuấn-Lik Thox cxêik nhênhv)

Sơn La: Uô tsêr lơưx tu zus ok, sâu liv yênhx puôk tsov đeiv iz shôngk

          Tuôx seiz tix lâuk Đoàn Văn Trưởng li trâur nuv tu zus ok, lênhx tưs cux lok six nhiêv txos thâuv pov paz ok muôx txos 3 cxênhz tul, đros co zos luz tsêr lơưx vor vuôs pro xi măng, plas tsêr nquôr bê tông, hâur kaz tsêr lơưx zos pas đêx, tso đêx, grus đêx tsi so, tsi muôx nteir mak tsuôk nquôr iz txox cêr bê tông iz buôk ndis trâur nuv. Tix lâuk Trưởng puz pâuz: Tix lâuk li tsêr lơưx jông li co zos chiê tu zus ok, đruôz hnuz mak ok đa đêx, nriêr zav nox hâur kaz tsêr lơưx, tsâus ntux lok sik thâuv ntês kê mak ndê mul sâuv tsêr nhoz; uô li ntơưv cê zôngx ziv tu zus, ho cxênhx txuôk tâu lok six ntâu đas jos lox tôngv. Tix lâuk chuôz zis tu zus ok tưz tâu zuôr xar 10 shông no, chiê muôx tâu paz ok chôngz li no, tix lâuk tưz njiz lok six ntâu phêv liv, tiv zix zos hâur hâux lưv xeir nôngz ok tiv phaz:

          “Tsênhz mênhx mak shông 2013 cur tsi muôx pênhr chiê uô, cur tsuv mul txeik cur tix lâuk 10 tsov đeiv tsuôk zuôr tâu 36 tul ok uô nôngz. Pôngz lok six ntâu côngz mul lok nriêr thiêz xeir zuôr nôngz ok jông, xeir mul xeir lok nhiv kruôr xeir tâu 36 tul, chox lok tu zus cê zus cê nriêr pâuz cxaz têx nôngz ok nhoz qơư txơưr thiêx li tâu chêx cuk li nhiv no”.

          Nôngz ok đêx Thuận Châu nto bê greix kaz, viv li tâu ntâu lênhx nênhs nhiêv txos. Đrâuv co, no zos nôngz ok tiv phaz, zôngx ziv tu zus, tsoz phưz đuô têx nôngz ok txơưr. Cxôngx 36 tuk ok nôngz qir thơưx, txos nhiv no paz ok tưz ndê txos 3 cxênhz tul txâuk chiê cungz trâu niêv ciêz huyện Thuận Châu thiêz têx huyện hâur thax tsav đros phênhv liv ngaz tul cxôngx 150- 200 tsov đeiv iz shông. Tix lâuk Trưởng pheiz kênh: Chiê huôv tsar kinh têr lêx ntêr, tix lâuk lok six xar tâu yênhx lix lok sik cxaz chuôz hợp tác xã. No tsi taz zos tix lâuk li siêz xar njôngr xưz mak cux zos ntâu ziv chuôz zis uô kôngz nuv hâur thax tsav li siêz xar njôngr:

          “Zos pêz chiv chir tu zus xưz mak cux njiz ntâu phêv liv. Zos tâu chiz coaz chinhr quyênx tiv phaz tsov cưv mak zuôr ndar txos huôv tsar đêz đar đuô, pêz lok six jông siêz, cur li siêz xar njôngr zos li ntơưv. Cux xar njôngr lênhs tov tiv phaz paz max”.

          Đros tsưr ziv xar tơưv jông, huv đros thiêz qênhx shênhx tsênhv tsênhz, tix lâuk Đoàn Văn Trưởng li trâur nuv tu zus ok tưz phuôx huiz tâu chêx cuk jông, tsiv nhos zos lênhx nênhs jông hâur huôv tsar kinh têr chuôz zis nhoz ntơưv tiv phaz chiê cxuô lênhx nênhs cơưv shâuv uô lơưr./.

(Trấn Long-Txâur Vax cxeik nhênhv)