Yên Bái: Buô grê muôs fênhx zis bâuv li iz cir kok liêz, uô lênhx nênhs tu zus trâus cxơưx

Zos iz hâur têx ziv chuôz zis tsôngv box xuz thơưx krêz đar qơư tu zus buô hâur xã Hán Đà, huyện Yên Bình, tỉnh Yên Bái, muôx kênh jiês zơưv Đặng Văn Hãnh nhoz jok Hồng Quân 1 muôx xar txos 500 tuk buô hâur guôx. Thâuv luz six hơưv têx buô puz krâur têz qơưk trâus pôngz gri tsuôk tâu nhos 15 cxênhz đêiv iz cir li no, zơưv chuôz zis paz buô muôx 150 tuk, hâur ntơư  50 tuk muôx txix iz puôk txos iz puôk oz. Zơưv Hãnh heik cxơưx hlo li no:

"Nhiv no qiv hênhr, viv grê buô muôs shông uô ntêx tâu 50 cxênhz iz cir mak nhiv no tsuôk tâu 15 cxênhz đeiv iz cir xưz, tsi pâuz zuôr muôz đaz tsi trâu têx buô nox. Cur tsuv txiêr tâux lok trâu nox, txo grêk pluôk nox trâu buô, xưk li đrav ntêx buô civ mak iz tuk nox tas nhos 25 cxênhz  iz hnuz thiêx txâuk, nhiv no muôx têx tsuôk muôz trâu nox 7-8 cxênhz iz tuk, yuôr đuô li mak lêis jâuz têx lok trâu nox, nhiv no tsi pov kaz uô li chas".

Liêx têz tsơưs, tsi muôx ntâu uô, pos Nguyễn Thị Thủy, nhoz jok An Lạc 3, xã Hán Đà, huyện Yên Bình hlôngr đuô tsưr ziv uô nox, kêr txeik pênhr lok tu zus buô. Txơưv tiêk li ntơư, taz sik nhiv kruôr tu zus tâu 3 fâuv mak txos fâuv no, pos chuôz zis tưz njiz trâus phiv liv li heik tas sâuv. 60 ntâu tuk buô, iz tuk muôx puô cir mak tsi muôx lênhx tưs tuôx nuk zuôr txos hlo, viv li chuôz zis chuôs li pôngz pênhr tas, uô tsi tâu đaz tsi. Têx nhiêx zuôr krâur trâu buô nox tưz tsi muôx, viv li fênhx yax mak iz hnuz puz 3 pluôk, nhiv no pos Thủy tsuôk lav puz 2 pluôk xưz. Xav mak iz tuk buô tu zus tâu 4 luz hlik, têx nhiêx txiêx zuôr nôngz buô, zuôr krâur nox tas 4 tsov đeiv, tưz tsi tâu xav txos côngz đas jos tu; zos xưk li shông uô ntêx muôs tâu 4,5 tsov đeiv iz tuk mak nhiv no tsuôk tâu nhos 1,5 tsov đeiv. Pos Thủy heik:

"Txos nhiv no têx buô tưz jông muôs taz sik muôs tsi tâu. Nhiv no tsi muôx krâur trâu nox, hâur tsêr muôx mê njik kok ntông hâu trâu nox taz sik  iz hnuz cux tas jux juk, nhiv no tsuôk zos lav puz pluôk uz pluôk no trâu têx buô nox xưz, tsi muôx nhiêx, tsi muôx krâur trâu nox. Nhiv no tưz txeik tsêr nhiêx nto puô tsov đeiv lơưv, mak txeik zos txeik zuôr nhiêx nju, nhiv no têx buô ho muôs tsi tâu. Vav chiê siêz tiêk, cov têz qơưk paz trâu pêz têx ziv chuôz zis tu zus tsiêx cxu thiêz".

Nhoz thax tsav tox siêz tỉnh Yên Bái, lênhx nênhs tu zus tsiêx cxu tsênhv lok six txov nhêv tiv tsi muôx ntâu pênhr. Chiê huôv tsar uô nox, tsôngv box tsuv muk kêr txeik pênhr nhiêx têz qơưk. Txơưv tiêk li heik co, taz sik nhiv no nux grik yuôr yênhx tos tưz thêv tsi tas lok tsênhv njiz trâus phiv liv tiv têx buô muôs tsi tâu grê. Hâur six hơưv phiv liv li heik tas sâuv, phênhv ntâu têx ziv chuôz zis tsôngv box cux sir jos tuôr truôx, uô đreiv luôs hâux lưv tu zus tsiêx cxu, taz sik cux ntâu chuôz zis chưx tsi tâuk, lơưr zok nriêr cxuô faz tsưr ziv muôs têx buô thêv nux grik, txơưv grê zuôr fênhx zis bâuv tưs. Zơưv Trần Tường-Chủ tịch hội đôngx quản trị Hợp tác xã tu zus tsiêx cxu Hán Đà heik pâuz, hur tiz si 14 lênhx hâur hợp tác xã puôr lênhx njiz trâus têx phiv liv li heik ntơư:

"Pêz tsênhv vênhv tôngv cov lơưr sir jos hla đhâu têx phiv liv, txiêr tsơưz, đê jâuz lok txuôr hâu trâu buô nox chiê tok seiz pok ndê gri mê njik. Pêz fuô kriê txos têx ziv chuôz zis sir jos tu, por hưv têx buô cov jông, tsi chiê muôx moz. Tsưr ziv, siêz xar nhiv no zos seiz têz qơưk pok paz mê njik iz phênhv tưs txix têx pênhr txeik hâur iz ntu tsi ntêr trâu têx chuôz zis tu zus hâur iz jiês no".

Txos nhiv no, iz cir buô puz krâur têz qơưk grê bâuv li iz cir kok liêz, lênhx nênhs tu zus tsuôk pâuz nhoz tok seiz pok uô tâu hlôngr yiêz li chas xưz. Iz chas ntơư, ngênhx muôx vax huôv thiêz cxuô thax tsav cux tsi tâu muôx faz tsưr ziv tưs chiê đơưk paz tsôngv box. Nhiv no Yên Bái, xav hur si muôx nhos 550 cxênhz tuk buô. Đros trâu chor buô puz krâur têz qơưk grê muôs fênhx zis xưk li nhiv no, muôx têx chor buô zuôr txo grêk tsơưs hâur six hơưv zuôr txos./.

(Đinh Tuấn-Riê Lâux cxeik, nhênhv)

Bộ đội lâul Lê Hồng Đĩnh: Siêz truôx bo ntâuk tros châuz hâur ntu đrav ntêx, muôx tsưr ziv huôv tsar cêr uô nox hâur ntu nhiv no

Thâuv muôx 18 shông, cơưv tas ntơưr lớp 12, zơưv Lê Hồng Đĩnh muk uô bộ đội. đhâu 6 luz hli cơưv shâuv, zơưv tâu tso muk nhoz sư đoàn 308-iz hâur chor sự đoàn chênhr thax tsav faz Nam. Hli 7 shông 1968, zơưv đros sơưr đơưk hâur sự đoàn cxaz chuôz ntâuk tros châuz 81 hnuz hmo ntơưv Quảng Trị. Hâur iz jiês trâus tros châuz, zơưv trâus saz hnhar tâuz hâu. Đhâu iz ntu chơưv kho, txos shông 1971, zơưv tror muk tir ntâuk tros châuz nhoz faz Nam. Zơưv Lê Hồng Đĩnh tror ndo txos:

“Hâur ntu ntâuk tror châuz mak thâuv co zos hluôk nênhs zênhx xav jênhv tsuv muk chiê por vêv têz qơưk. 10 shông ntâu nhoz hâur quân đội cur tưz hla đhâu têx phiv liv nhoz qơư ntâuk tros châuz. Taz sik txos nhiv no hêik mak zuk cux zos nênhs hmôngr jông, tsuôk trâus saz thiêz cux tâu tror lok zuk têz qơưk, tror lok chiê phưx vưv trâu têz qơưk”.

Têz qơưk tâu tiêx tuk, zơưv đros sơưr đơưk tuôx cxiv tsa thax tsav faz Bắc. 10 shông uô côngz xưv ntơưv nganhx zoz thôngz vận tải tỉnh Sơn La, txos shông 1989, zơưv thor so nzor viv tsik muôx txâuk đas jos uô hâux lưv.

Đros siêz xar tiêk xaz pênhz trâus saz, taz sik tsik zos uô tsik tâu thiêz xar cov muôx nzir hâux lưv uô trâu chor nênhs thâuv ntêx, shông 1991, zơưv đros iz cxiê lênhx nênhs sơưr yênhx lix qơư uô cxuô zav sir zôngv hâur ziv chuôz zis txix ntông. Ntu co, ntâu chuôz zis tsênhv zôngv têx zav muôz ntông uô, txơưv qơư uô tsuôk muôx 5 lênhx, taz sik cux cxiv uô, sâu tâu ntâu. Txos shông 2004, zơưv tror đros iz cxiê lênhx yênhx lix công ty cổ phần xaz pênhz 30/4 chiê thâux xa kruô. Chor shông đhâu, tưz tsik zos chôngz lênhx nênhs đros zơưv uô thiêz chor xaz pênhz, liệt sĩ nhoz tỉnh li têx tuz nhuôs cux tâu công ty jênhv kriê hâux lưv uô thiêz paz muôx hâux lưv uô. Txos nhiv no công ty tưz muôx 30 lênhx nênhs đros xar muôx 30 luz yêz thâux xa kruô muk trâu cxiê qơư li: Hà Nội, Hải Phòng, Tuyên Quang…Muôx phênhv sâu truôx txix 5-7 triệu đêiv nhiêx iz lênhx hâur iz luz hli . Niêv tix Nguyễn Thị Mai Lan, kế toán công ty cổ phần xaz pênhz 30/4 puz pâuz:

“Shông 2000 tâu công ty paz txêik cur lok uô hâux lưv hâur công ty, hâur ntu uô hâux lưv tâu sơưr đơưk paz mak cur cux cơưv shâuv tâu ntâu kror txix sơưr đơưk. Hâur ntu uô hâux lưv mak sơưr đơưk paz ntâu, tiv zix zos chủ tịch hội đồng quản trị tưz paz trâu cur hloz lox yênhx nênhs thiêz pâuz uô hâux lưv đuô. Nhiv no cur tưz pâuz uô thiêz jênhv uô tiêr tâu jông têx hâux lưv công ty choz zok”.

Đhâu ntâu shông, bộ đội lâul Lê Hồng Đĩnh tưz so lâul, lok uô nênhx nhoz đros têx tuz nhuôs. Iz chas têx côngz mênhx tâu Đảng, têz qơưk khơưk muôz li: Côngz mênhx tir ntâuk tros châuz hov 1, côngz mênhx cxiv kho têz qơưs faz Nam, Côngz mênhx uô lơưr lâul Hôx; hmôngr jông zơưv  tâu lok njiz njêx muôs đros Thủ tướng chính phủ thiêz tâu jênhv ntơưr kruôk./.

(Hoàng Long-Lik thox cxêik nhênhv)