Công an Sơn La ruôr yênhx côngz nênhs fêv li qơư nhoz ntơưv Lóng Luông, Vân Hồ

          Xã Lóng Luông, huyện Vân Hồ muôx 31 lênhx nênhs muôx lênhv nriêr zok viv phamv cxâuv muôv muôs zax zênhz; 134 lênhx muôx zênhs zax zênhz; 72 lênhx tsênhv trâus tik cêr cxâuv; 65 lênhx trâus cơư tux tâu tso tror lol đros côngv thôngx uô nênhx. Cxôngx têx li heik sâuv viv li xã Lóng Luông tưz yênhx thax tsav phưx txuôx lok zax zênhz pir đros têx thax tsav txơưr hâur tỉnh, tâu seiz zos nênhs phamv cxâuv lok zax zênhz thax tsav Tây Bắc li qơư đreiv truôx tul. No cux zos qơư chêx chôngk ntâu zax zênhz cxôngx saz đrâuv lol Việt Nam. Ntâu lênhx nênhs muôx lênhv nriêr zok nhoz têx tiv phaz txơưr cux xeir tuôx thax tsav Lũng Xá, Tà Dê chiê đreiv thiêz muôv muôs zax zênhz. Hâur co muôx 2 lênhx nênhs zos Nguyễn Thanh Tuân ( xênhz shông 1983), nhoz huyện Thạch Thất, TP Hà Nội zos lênhx nênhs muôx 4 lênhv nriêr zok tiv muôv muôs zax zênhz thiêz tsês jeik vưv qiv tsi trơưk chei. Nguyễn Văn Thuận ( xênhz shông 1984, khênhr hu Thuận Chuột) nhoz huyện Thanh Liêm, tỉnh Hà Nam zos lênhx nênhs muôx 2 lênhv nriêr zok tiv muôv muôs zax zênhz tsi trơưk chei. 2 lênhx nênhs no tưz uô trâu têx lênhx nênhs txơưr njênhs njôngr thiêz zos lênhx nênhs sơưr thơưx muôv muôs zax zênhz cxôngx saz đrâuv têz qơưk lol Việt Nam… Tuân thiêz Thuận puôr lênhx muôx tsưr ziv nriêr qơư tsi muôx chôngz lênhx nênhs, nhoz đêz nhoz toz chiê cxiv qơư đreiv…chiê tir tar tâu chiz coaz Công an thâuv trâus ntês cxov. 2 lênhx nênhs co tưz zaz zâuv têx lênhx nênhs phamv cxâuv txơưr tuôx nhoz, por vêv chiê muôv muôs zax zênhz.

          Chiê tơưv txênhz đros 2 lênhx nênhs no, cxôngx shông 2015 Công an tỉnh Sơn La tưz uô Chuyên án tơưv txênhz đros Nguyễn Thanh Tuân thiêz chuyên án tơưv txênhz đros Nguyễn Văn Thuận. No zos 2 chuyên án lox phêv liv đros lưx lươngv Công an Sơn La. Đại tá Trần Anh Tuấn, giám đốc Công an tỉnh Sơn La, tsar Ban chuyên án puz pâuz:

          “ Têx lênhx nênhs tsi taz tsi uô trơưk pháp luật li cui tênhv, tsi uô lơưr lưx lươngv muôx txơưx jênhv li vênhv tôngv mak tsênhv chêx chôngk, sik hâuz têx lênhx nênhs txơưr lol hâur thax tsav chiê tir tar lưx lươngv muôx txơưx jênhv. Viv li vênhv thix tsơ tơưv đros lưx lươngv Công an zos pêz tsuv truôx siêz chiê yưr lir 2 lênhx nênhs no. Viv li têx tsưr ziv tâu sik seiz lax jông, pov cov lênhs tov Bộ, lênhs tov tỉnh krêz uô…”

          Chiê chuyên anr yênhx côngz, Bộ Công an tưz yênhx lix Ban chox kriê huiz tôngv Bộ li têx lưx lươngv paz txưv Công an Sơn La li: Bộ tư lệnh cảnh sát cơ động, Cục cảnh sát qênhz yuôx nênhs phamv cxâuv lok zax zênhz, Công an Hòa Bình thiêz iz cxiê taz viv nghiệp vụ txơưr nhoz Bộ Công an… Choz trâu Giám đốc Công an tỉnh Sơn La uô tsar ban 2 chuyên án heik sâuv thiêz tsuv muôx txơưx jênhv. Lơưr co, jiês ntês cxov no Bộ tư lệnh cảnh sát cơ động tưz huiz tôngv 70 ntâu lênhx canr bộ chiến sỹ đặc nhiệm, 4 yêz bọc thép thiêz têx vưv qiv, chuôz zênhx paz txưv txơưr; Cục cảnh sát qênhz yuôx nênhs phamv cxâuv lok zax zênhz, đros zuôr xar 10 canr bộ chiến sỹ, tuêv côngz xưv txiv ngaz thiêz phaz pênhv kỹ thuật côngv đros Công an Sơn La. Đrâuv co, Công an tỉnh Hòa Bình tưz huiz tôngv yênhx châuv jiês cán bộ chiến sỹ qênhz yuôx, seiz car thax tsav nhoz buôk co. Công an Sơn La đros chinhr quyênx, yax mông vênhv tôngv tsôngv box chiê heik kriê nênhs phamv cxâuv, tsôngv box 2 jos Lũng Xá, Tà Dê tưz muôx 183/210 ziv chuôz zis cxaz chuôz. Thiêz tưz ntês tâu 2 lênhx nênhs Nguyễn Thanh Tuân thiêz Nguyễn Văn Thuận hâur chuyên án thiêz têx lênhx nênhs txơưr. Đrâuv ntês têx lênhx nênhs co, lưx lươngv tsênhv sâu tâu 49 traz fov, 17 luz muôk txưr, 29 traz fov mê… Jông siêz cxôngx Công an Sơn La li yênhx côngz, iz lênhx tsôngv box jos Tà Dê, xã Lóng Luông huyện Vân Hồ heik:

          “ Muôx têx thâuv tsôngv box mul đhâu sâuv trôngz, muôx iz cxiê lênhx nênhs gra fov lơưr, hêv tsôngv box, lok six nyei thiêz cxơưx”

          Chuyên án suôv câuv sâu jênhv lưx lươngv Công an Sơn La li têx phêv liv đhâu têx hnuz tơưv txênhz riêz nênhs. Tiv zix zos taz por trâu tsôngv box thiêz cán bộ chiến sỹ, chox lol siêz njênhs njôngr thâuv tưz ntês tâu têx lênhx nênhs sơưr thơưx muôv muôs zax zênhz./.

                                             (Tuyết Lan – Txâur Vax cxeik nhênhv)

Uô li chas chiê  phax tir tar têx nhuôs zâu trâus pôngz đêx?

Pôngz đêx tsênhv tsênhv zos XH li iz cêr cxơưx thiêz uô tsi jông txos têx nhuôs txox siê, cêr hloz lox. Têx li heik no cux tưz tâu chor cơ quan, ban ngênhx cux li têx tsưr tsix XH moz siêz txos. Taz sik, chiê phax txar jav thiêz txo grêk tsơưs têx lênhx trâul tuôs tiv pôngz đêx tsuv muôx cxuô ngênhx muôx vax huôv, têx tsưr tsix, đoanx thêv, chuôz zis thiêz tsêr cơưv cêr sik hux jos jông đuô chiê cxiv tsa iz tênhx qơư  truôx tuk trâu têx tuz nhuôs; yax kriê, gra siêz txux chi tsưr ziv jênhv pâuz trâu cxuô lênhx cxuô tuk hâur XH, lar heik zos têx lênhx uô niêv uô txir hâur phax tir thêir têx nhuôs zâu pôngz đêx.

Tsi cxoz muk nhoz jê têx thax tsav muôx đêx riêz nênhs li: Siz zâuv muk đa đêx đrav têx pak đêx, đêx lox.....tsênhv thâuv tsi tâu pâuz uô luôv đêx. Tsi cxoz mul lok, uô si jê têx qơư li: Pak njêl, pak đêx, đêx lox lok sik rơưr trâu đêx lok zos bể đêx, cưx đês, qơư trâu đêx tsi muôx hâu vor. Têx kror tâuz, kror đêx toz riêz nênhs trâu têx nhuôv zâu li: Qơư khơưz yâu suôz jêz, kror tâuz khơưz ar uô vuôk luôx....tsuv txar đêz tsi cxoz nhoz jê.

Têx nhuôs zâu đa đêx hiêr txưr, đêx lox mak tsuv hnar têx yo hnar muk hâur đêx thiêz tsuv muôx niêv txir, nênhs lâuk seiz shuôs njôngr.

Đros thiêz têx nhuôv zâu thâuv tưs tưz zuôr trâus txos chor nênhs lâuk tsoz phưz thiêz seiz jor, shuôs njôngr; xor lax caz thêir, muôz têx kror tâuz, kror đêx toz li heik sâuv phâuk, cxuz tas zos tsi zôngv txos, uô hâu cơư thiêz vor chuôz zis têx kror đêx, huz đêx.

Thâuv têx nhuôv zâu muk uô si nhoz jê têx thax tsav, suôv qơư muôx đêx lox, pak đêx; đa đêx....mak niêv thiêz txir tsuv seiz shuôs njôngr têx mê nhuôv. Iz cxiê lênhx nhuôv nhoz tox siêz, khênhr muk uô si, đa đêx tsi heik niêv txir pâuz, uô trâu trâus pôngz đêx tiv tsi pâuz uô luôv đêx lok sik uô luôv muk tâu trâu têx qơư toz, trâus đêx cuôr yôngz.

Chênhr viv li iz chas seiz shuôs njôngr têx tuz nhuôs, niêv thiêz txir tsuv kriê têx nhuôv uô luôv đêx thiêz kriê têx tsưr ziv đơưk uô têx phiv liv, riêz nênhs muôx têx njiz trâus thâuv nhoz jê đêx, phênhz tsênhz mênhx trâu chor nhuôs pâuz txos têx riêz nênhs thâuv chiv chir shâuv uô luôv đêx lok sik mul đa đêx trâu têx đêx lox tsi muôx chor nênhs lâuk đros muk, seiz shuôs.

Iz chas ntơư hâur tsêr cơưv cux tsuv kriê têx tsưr ziv uô luôv đêx trâu chor nhuôs xưk li iz tsaz yênhx tsuv tâu cơưv hâur jax thể dục. Iz chas co cxuô lênhx sđ hâur côngv thôngx tsuv zok nriêr têx tsưr ziv chơưv paz zênhx max xuz thơưx chiê uô lơưr thâuv muôx têx tsi jông trâus pôngz đêx./.

(Thu Thùy-Riê Lâux cxeik, nhênhv)