Ju lix côngv thôngx:Tsưr ziv txo grêk yeiz pluôs truôx nhoz Faz Baz

Tsi tâu muôx tsưr ziv uô thiêz cxơưx zos phênhv ntâu têx ziv chuôz zis tsôngv box heir nênhs tsơưs nhoz faz Baz li siêz xar cxuô thâuv qir uô ju lix. Lênhx tưs lok tưz cxơưx, viv ntêr lok no, tsôngv box tsuôk pâuz uô liêx têz xưz.. tâu hâu nov thiêz ngênhx vênhx huôv heik kriê tsưr ziv cxiv tsa jok ju lix côngv thôngx, tsôngv box thiêx đros qir têk cơưv shâuv chiê uô luôs hâux lưv no. Niêv lâk Lù Thị Chiện, nhoz jok Hụm, phường Chiềng An, TP Sơn La, tỉnh Sơn La heik:

“Thâuv xuz thơưx cur thiêz têx vir ndâuk sđ hâur jok lok six cxơưx viv tsi muôx lênhx tưs pâuz uô ju lix, zuôr phiv liv đuô pir li uô liêx têz. Tov kaz no tâu heik kriê tsưr ziv uô, piêr kriê têx txux chi vênhx huôv jông mak zuk thax tsav qơư muôx, viv li pêz tưz jux juk uô tâu”.

Txix siêz nhiêv thiêz njênhs njôngr uô tâu, piêr kriê zuk heir nênhs têx txux chi vênhx huôv jông, têx trâur nuv ju lix côngv thôngx nhoz faz Baz tưz jux juk uô tâu jông trơưk tsưr ziv, siêz xar. Jok Mển, xã Thanh Nưa, tỉnh Điện Biên zos iz hâur têx jok khênhr tâu tsôngv kruô zok nriêr tuôx txos thâuv lơưr tuôx seiz Điện Biên. Pâuz tsênhz hâux lưv huôv tsar ju lix vênhx huôv reik đros huôv tsar kinh tế-XH nhoz no têx muôx liv, chor shông đhâu, iz chas hâu nov ntơưv qơư têx sir jos, ntâu ziv chuôz zis nhoz no tưz yưv nhiêx txiêx bax cxiv kho têx vax tsêr, qơư tơưv trôngx, uô  đuô têx nuv ntok ntâuz, txux chi vênhx huôv jông đrav ntêx cux li cxiv uô đuô iz cxiê ntênhs hội thâuk jông nzor chiê tok thiêz phưx vưv tsôngv kruô tuôx ndis shuôs têz qơưs uô si. Tix lâus Quàng Văn Thương, iz ziv chuôz zis tsôngv box nhoz hâur jok heik pâuz: xav kror đruôz iz hlik, jok tưz muôx 10 txos 15 đoanx  kruô tuôx ndis shuôs têz qơưs uô si. Hâur luz cheix kriz ntênhs hội, lok sik six hơưv chiv nhênhv hnuz ntâuk zênhx trok châuz Điện Biên Phủ xiêz 7/5 mak hnuz tưs cux muôx kruô tuôx sêiz shuôk têz qơưs. Grê nhiêx iz pluôk mor nox sâu iz lênhx nênhs 100 cxênhz tror zar sâuv, qơư pư zos 50 cxênhz đeiv iz lênhx nênhs, đros trâu phênhv sâu tâu txix nthuôr uô têx cêr lov jêv trâu tsôngv kruô seiz, iz shông jok cux muôx phênhv sâu truôx txix 150 txos 200 tsov đeiv:

“Đrav ntêx thâuv tsi tâu cxiv uô jok vênhx huôv ju lix mak pêz jok têx cêr muk lok thiêz vax tsêr tưz tsi jông, đu lus li nhiv no. Txix thâuv đas cir cxiv uô jok vênhx huôv ju lix, tâu tok lok six ntâu đoanx kruô tuôx ndis seiz jêx jok uô si, muôx phênhv sâu tâu, jok nhiv no tưz tsi yuôr chuôz zis tưs zos chuôz zis pluôs lơưv”.

Niêv lâuk Lường Thị Chung nhoz jok Chao Hạ, xã Nghĩa Lợi, thị xã Nghĩa lộ chuôz zis cux tưz yênhx iz qơư jông thiêz sưv trâu tsôngv kruô sđ tuôx nhoz so thâuv tuôx ndis shuôs têz qơưs txos tỉnh Yên Bái. Tuôx no, tsôngv kruô tâu nox nhoz hâur têx tsêr tsar lơưx, tâu đros tsôngv box Thêir, Cho thiêz iz cxiê heir nênhs tsơưs txơưr đuô nhoz no uô têx nuv uz no hâur cêr xênhz huôx, nthuôr uô lov jêv; tâu nox tsôngv box nhoz thax tsav co li têx zav nox kaz…. Iz shông, niêv lâuk chuôz zis tok yênhx cxênhz lênhx kruô hâur zuk têz qơưs thiêz luôs 2 chas têz qơưs tuôx nhoz, so ndis seiz têz qơưs uô si, sâu tâu 100 ntâu tsov đeiv. Niêv lâuk heik:

“Uô ju lix côngv thôngx mak tsi lax. Phênhv ntâu zos zuk tsuv sir jos tuôr chiê zuk heir nênhs têx txux chi vênhx huôv jông, piêr kriê têx cêr nênhx vênhx huôv co trâu tsôngv kruô xưz. Txix thâuv uô ju lix côngv thôngx mak muôx chôngz tsôngv kruô tuôx nox nhoz, so ntơưv no. Lok six shir phaz. Khov uô ju lix mak pêz muôx nzir hâux lưv uô, tsi yuô txov nhêv”.

Tsi tiêk Điện Biên, lok sik Nghĩa Lộ, ntơưv faz Baz nhiv no tưz muôx ntâu jêx jok vênhx huôv-ju lix to bê lus mak tsôngv kruô pâuz txos li: Jok vênhx huôv Đông Sang, huyện Mộc Châu, tỉnh Sơn La; jok vênhx huôv Páng Cáng, xã Khir Zax, huyện Văn Chấn, tỉnh Yên Bái; jok vênhx huôv Sin Súi hồ, huyện Phong Thổ, tỉnh lai Châu; têx jok vênhx huôv Tả Van, Tả Phìn, bản Hồ-huỵên Sa Pa, tỉnh lào Cai…. Tâu pâuz, chiê paz tsôngv box sđ pâuz huôv tsar uô ju lix tâu trơưk tsưr ziv, yênhx shông, ngênhx vênhx huôv ju lix têx tỉnh puôr lênhx tsưr tsix kriz lớp kriê cxaz nzir txux chi tsưr ziv yuôr trâus lok sâuv huôv tsar uô ju lix trâu tsôngv box; sik pheiz kênh têx tsưr ziv uô luôs hâux lưv no…. Trơưk li thôngz sâu, xav kror đruôz đraz iz shôngk, têx tỉnh faz Baz tok zuôr xar 5 tsov lênhx kruô tuôx ndis shuôs têz qơưs, xav hur si sâu tâu muox 6.300 tỷ đeiv ntâu. Hâur ntu kinh tế tsênhv txov nhêv thiêz têx côngz trênhx tsi tâu cxiv uô jông, hâux lưv huôv tsar ju lix seiz lok têx muôx nhoz ntơưv qơư, zos uô tâu mak no chênhr zos iz hâur têx tsưr ziv jông trâu cxuz cêr yeiz pluôs truôx nhoz cxuô jêx jok thax tsav tox siêz faz Baz./.

                                      (Thu Thùy-Riê lâux cxeik, nhênhv)

ĐẠI MINH, YÊN BÁI TU ZUS MUR THIÊZ CHOS TXIR LƯS PAZ MAX TSÔNGV BOX UÔ BLUÔ NUX

          Zơưv Cao Văn Độ nhoz jos Minh Thân, xã Đại Minh, huyện Yên Bình, tỉnh Yên Bái yưv pênhr chos 200 tsoz txir lưs tâu zuôr xar 10 shông lol no. Taz sik chuôz zis nhiv kruôr muôx phênhv sâu cxôngx shông 2015, thâuv cxaz chuôz trâur nuv “ Zôngv têx tsưr ziv yiêz chuôz tsar yar lengx txir lưs Đại Minh đros tu zus mur zuôr jiz lơưr saz tsưr ziv truôx vênhs”.

          “ Chos txir lưs đros tu zus mur lok six muôx chêx cuk. Tsênhz mênhx shông 2015 cur sâu tâu muôx nhos 90 tsov đeiv, shông 2016 cur sâu tâu 149 tsov đeiv”.

          Chiê dưv anr tu zus mur hâur xuz ntông txir lưs muôx chêx cuk, huyện tưz xeir têx chuôz zis muôx mênhv chêx vax txir lưs đar cxôngx 1000 yiv ndis ndê mul chiê cxaz chuôz. Têx chuôz zis no tâu heik kriê tsưr ziv, paz txưv qir zuôv thiêz nôngz mur tu zus. Đhâu co, mur paz txu grês caz hmoz uô hiêv txir lưs, txir lưs muôx pax chiê mur zuôr jiz chox lol tsiv grê kinh têr siêz. Zơưv Phùng Xuân Thủy, phưv chủ tịch UB xã Đại Minh, huyện Yên Bình puz pâuz:

          “ Tsoz txir lưs mak pêz zuôr tror krêz đar mênhv chêx chos. Têx ziv chuôz zis tu zus mur đrâuv têx ziv uô siv pêz cux xar njôngr têx chiz coaz muôx txơưx jênhv tror paz txưv tsôngv box tu zus mur”.

          Tas nro huyện Yên Bình muôx 350 ntâu hecta txir lưs Đại Minh, sâu tâu lok muôx nhos 7000 tênhr txir, bâuv li 80 tỷ đeiv iz shông, hâur co, phênhv ntâu chêx chôngk nhoz xã Đại Minh, đros 120 hecta. No zos nôngz txir lưs kaz jông gâux iz luz hnhar muôx nhos 1 cir... Nhiv no đrâuv zuôr xar 20 ziv chuôz zis tâu xeir cxaz chuôz uô siv trâur nuv chos txir lưs đros tu zus mur mak cux muôx yênhx châuz ziv chuôz zis txơưr chiv chir krêz uô dưv anr tu zus mur hâur hâur pâus tsoz txir lưs. Viv li đrâuv yar lengx thiêz tsiv grê txir lưs chuôz ndê 15%, têx ziv chuôz zis tsênhv muôx phênhv sâu 15 txos 20 tsov đeiv iz chiv cxôngx muôv muôs jiz mu. Ntâus grê lok chêx cuk krêz uô dưv anr, zơưv Lã Tuấn Hưng, tsar phongx kôngz nuv thiêz huôv tsar nôngx cxênhz huyện Yên Bình, Yên Bái puz pâuz:

          “ Đhâu 2 shôngk krêz uô pêz ntâus grê trâur nuv no tax tsưr ziv tso tơưv thiêz krêz uô đêz đar tâu hâur têx shông zuôr txos. Đhâu hâux lưv krêz uô dự án zuôr khưx phưx muôz siêz yar lengx tsơưr lươngv txir lưs Đại Minh...”

          Cxôngx dưv anr chos txir lưs đros tu zus mur li yênhx côngz qir thơưx xã Đại Minh, huyện Yên Bình tỉnh Yên Bái tsênhv ndar txos njuôs xav thax tsav chos txir lưs thiêz tu zus chiê paz tsôngv box muôx niêv ciêz ngaz tul, muôx phênhv sâu truôx vênhs cxôngx tsoz txir lưs thiêz tu zus mur uô jiz./.

( Thừa Xuân- Txâur Vax cxeik nhênhv)