Thái Nguyên: Uô li chas chiê tsaz yênhx cxuôv cêr pluôs truôx vênhs muôx luz nênhx tsâu sor

Chiê paz têx ziv chuôz zis pluôs tâu txeik pênhr huôv tsar cêr uô nox, hla cov đhâu cêr pluôs thiêz yênhx trus uô bluô nux, têx tsênhv chei paz txưv nôngz tsoz chos, tsiêx tu zus, côngv đros têx tsaz yênhx puz txeik pênhr cxuôv yeiz thiv pluôs, cxiv tsa nôngx cxênhz yiêz tưz tâu tỉnh Thái Nguyên uô tâu truôx.

          Xóm Chùa, xã Bình Long, huyện Võ Nhai muôx 10 ziv chuôz zis pluôs tâu jênhv paz txưv cxôngx trâur nuv krêz đar hâux lưv tu zus nhux sha nhuôv. Đros iz tul nhuôv nhux đhâu six hơưv tsoz phưz, zos sha tâu mê nhuôv hênhr nhux mak tsôngv box tâu muôs, zos shuôk nhux mak tâu hlôngr trâu đuô chuôz zis pluôs txơưr tu zus. Đros tsưr ziv uô no, ntâu chuôz zis pluôs nhoz xã Bình Long tưz iz thênhv jux juk hla đhâu cêr pluôs. Zơưv Triệu Văn Thân, xã Bình Long puz pâuz:

          “Hur si tsôngv px sđ puôr lênhx sik tưr huôv tsar cêr uô nox hla đhâu cêr pluôs, tsi muôx lênhx tưs xar nhoz uô nênhx pluôs, zos txov nhêv hênhr mak lav uô iz siêz xưz. Phênhv ntâu cxuô lênhx nênhs puôr lênhx sir jos uô nox cxôngx têx phênhv pênhr paz txưv, tâu têx cấp chính quyênx tiv phaz tsov cưv txos”.

          Đhâu 6 shông uô tsaz yênhx têz qơưk li qơư tsov txos lok cxuôv cêr yeiz pluôs truôx vênhs ntơưv tỉnh Thái Nguyên, cxôngx têx cấp chính quyênx, đoanx thêv li chox kriê thiêz huv đros tưz paz tâu trâu luôs hâux lưv huôv tsar cêr uô nox, txu grês cêr pluôs truôx vênhs. Ntu shông 2016-2019, Zênhx hangx chính sách xã hội tỉnh Thái Nguyên tưz puz zuôr xar 52 cxênhz jiês chuôz zis pluôs, chuôz zis zuôr xar pluôs txeik pênhr tsov cưv zos 2 cxênhz 200 tỷ đeiv ntâu chiê huôv tsar uô xênhz yar. Zơưv Hoành Minh Hiền, Chủ tịch UB huyện Võ Nhai puz pâuz:

          “Nhiv no chiê txu grês cêr pluôs truôx vênhs tsuv muôx chính sách huv đros. Zos six fênhx paz txưv têx zav meir, chuôz zênhx paz txưv li paz txưv meir heir liêx tsuôk paz luz meir tsi đhâu 5 tsov, tsôngv box mak tsi muôx 10 tsov chiê zuôr cxaz chuôz zênhx đros, tas nro tsuv pôngz 15 tsov đeiv luz meir heir liêx thiêx sir zôngv tâu”.

          Đros thiêz chính sách paz txưv uô xênhz yar kôngz nuv, six hơưv đhâu chính sách nox nhoz xã hội cux tâu tỉnh Thái Nguyên sir jos krêz uô. Lơưr co, tas nro têx ziv chuôz zis pluôs thiêz zuôr xar pluôs tâu paz txưv BHYT, tsi tsuv khiêz nhiêx phí cơưv cơưr trâu zuôr xar 186 cxênhz lênhx shux xênhz pluôs, nênhs mênhx cxưx tsơưs nênhs...Zơưv Lê Văn Quý, Phưv Bí thư thường trực, Chủ tịch Hội đồng huyện Phú Lương puz pâuz: Thái Nguyên muôx ntâu qơư công nghiệp, viv li hâux lưv sir zôngv muôx chêx cuk lox tôngv zos nênhs tiv phaz zuôr gôngr phênhv cxuôv cêr yeiz pluôs truôx vênhs:

          “Huyện tưz muôx ntâu tsưr ziv uô uô cê chiê txu grês cêr pluôs li puz txeik pênhr paz txưv tsưr ziv uô chiê kôngz lôngk, yax mông chiê tsôngv box muk uô hâux lưv nhoz têx doanh nghiệp hâur thiêz đrâuv tỉnh, viv tsuôk muôx iz lênhx nênhs lox tôngv tưz paz hla đhâu cêr pluôs”.

          Njuôs xav hâur ntu zuôr txos, chinhr phuv zuôr tso tơưv Tsaz yênhx têz qơưk li qơư tsov txos lok cxuôv cêr pluôs truôx vênhs ntu 2021-2025 đros tsưr ziv paz txưv tas nro, truôx vênhs đros nênhs pluôs, iz thênhv jux juk, tsôngv px muôx luz nênhx truôx tuk, tsâu sor đuô hâur ntu đhâu./.

(Mạnh Phương- Txâur Vax cxeik nhênhv)