Sâu jênhv xã ntus đriv xuz thơưx uô tiêr hâux lưv

cxiv tsa nôngx cxênhz yiêz

          Zơưv Nguyễn Văn So, nhoz jos Khe Dầu, xã Sơn Kim 1 puz pâuz, thâuv ntêx Sơn Kim 1 zos iz hâur têx xã thax tsav ntus đriv txov nhêv tiv zix huyện tox siêz Hương Sơn, taz sik cxôngx thâuv uô phongz yaox cxiv tsa nôngx cxênhz yiêz txos nhiv no, xã muôx têx hlôngr yiêz jông:

          “Cêr jêx jos hur đu đuô, tsêr nhoz uô trơưk 5 tsi uô 3 hur si, tsôngv box luz nênhx tâu hlôngr yiêz lok six ntâu. Jêx jos li têx vax thâuv ntêx phênhv ntâu tsi chos tul tsi, nhiv no tâu chos têx zav ntông nox txir, tsoz chos huv đros…taz por lơưr cui tênhv ploz tsênhr nôngx cxênhz yiêz…”

          Xav tênhv qơư tsov txos hâur phongz yaox cxiv tsa nôngx cxênhz yiêz zos muôz siêz luz nênhx chinhz yênhx trâu tsôngv box, cấp ủy chinhr quyênx xã Sơn Kim 1 chêx chôngk hlôngr yiêz tsoz chos, tsiêx tu zus… jêx jos hlôngr yiêz, cêr mul lol tâu cxiv uô jông chiê tsôngv box tâu sơưv liv ntâu tiv zix. Đros thiêz mênhv chêx jôngr ntâu, xã Sơn Kim tsov cưv huôv tsar têx trâur nuv kinh têr. Txos nhiv no sâuv thax tsav xã tưz muôx 60 ntâu trâur nuv kinh tế tso lol phênhv sâu cxôngx 300 tsov đeiv iz shông ndê mul. Zos xưk li shông 2010 (thâuv tsi tâu uô tsaz yênhx cxiv tsa nôngx cxênhz yiêz), tsôngv box xã Sơn Kim 1 li phênhv sâu chungz fênhx tsuôk zos 8 tsov đeiv, txos shông 2014 ( thâuv xã uô tiêr tsaz yênhx cxiv tsa nôngx cxênhz yiêz) tsôngv box li phênhv sâu chuôz ndê 28 tsov đeiv, txos nhiv no zos 38 tsov đeiv. Zơưv Nguyễn Sỹ Luận, Bí thư Đảng ủy xã Sơn Kim 1, huyện Hương Sơn puz pâuz:

          “ Đảng bộ, chinhr quyênx sir jos txos shông 2020 tsôngv box li phênhv sâu fênhx pheiz tax 60 tsov đeiv iz lênhx nênhs. Pêz chêx chôngk trâu huôv tsar jôngr, vax jôngr truôx vênhs, tsov cưv txos ntông nox txir li: txir thênhx caz, huôv tsar kinh têr chuôz tsar phênhv sâu; tu zus nhux đas thiêz têx tsiêx cxu txơưr. Đros co zos mul uô hâux lưv saz đrâuv têz qơưk. Nhiv no pêz muôx 200 ntâu lênhx nênhs mul uô hâux lưv saz đrâuv têz qơưk,no zos phênhv sâu lox, iz shông sâu lok 40 tỷ đeiv ntâu…”

          Xã Sơn Kim 1 li yênhx côngz hâur phongz yaox cxiv tsa nôngx cxênhz yiêz tsuv heik txos têx chiến sỹ bộ đội pênhz phax Hà Tĩnh li pưs txux, têx paz max jông, co zos Zênhx pênhz phax trôngx đriv ntiêx têz Cầu Treo- taz viv nhoz sâuv thax tsav xã. Thượng tá Phan Duy Vỵ, chính trị viên Zênhx pênhz phax trôngx đriv ntiêx têz Cầu Treo puz pâuz, cxôngx thâuv uô tsaz yênhx cxiv tsa nôngx cxênhz yiêz txos nhiv no, lưx lươngv tưz paz tsôngv box 2 xã sâuv thax tsav zuôr xar 8000 hnuz côngz, đros chor nhiêx txiêx paz txưv zos 2,5 tỷ đeiv ntâu chiê uô cêr zaoz thôngz, cxiv tsa têx côngz tsinhx cxuô:

          “ Têx cán bộ, chiến sĩ đros tsôngv box cê uô cê yax kriê chiê tsôngv box pâuz no zos tsôngv box li txơưx jênhv, taz sik bộ đội cux đros cxaz chuôz. Li ntơưv cê uô tâu hâux lưv, cê yax kriê tsôngv box…Pêz tưz heik tiv phaz chos iz cxiê vax chos ntông nox txir siv chiê cxuô lênhx uô lơưr. Bộ đội pênhz phax muôx cán bộ chuôz tsar mul heik kriê uô trơưk ploz tsênhr, khoa học…”

          Shông 2014, xã Sơn Kim 1 tâu côngz jênhv zos xã ntus đriv xuz thơưx sâuv tas nro têz qơưk uô tiêr tsaz yênhx cxiv tsa nôngx cxênhz yiêz./.

                            (VOV1- Txâur Vax cxeik nhênhv)

Phax tar nox nhiêx têz qơưk-Đảng viên nhoz kror tưs

Kaz tsêiz no, đros muôx pov chir li hêik pâuz lok nov hâu nhoz tiv phaz têx tsêr lox jông jav, hâur co muôx Giám đốc Sở Tênhv qơư Yên Bái Phạm Sỹ Quý luz tsêr, Thanh tra chính phủ tưz đros uô thiêz hêik pâuz: zơưv Phạm Sỹ Quý tưz uô cxâuv cui tênhv lok nênhs muôx jênhv vưv tsuv hêik pâuz zuk cxuô zav muôx, phênhv sâu li txơưx jênhv, uô trâu sơưr đơưk pâuz tsik tsênhz lok chuôz zis li cxuô zav muôx, uô trâu sơưr đơưk hêik tsik jông đros thiêz têx cán bộ têz qơưk cux xưk li chor nênhs tsuv tâu hêik pâuz lok têx kror tsênhz mênhx tsuv hêik pâuz. Uô cxâuv Bôv chính trị li chỉ thị 33 CT/TW hnuz 3/1/2014 lok chuôz cxaz Đảng li lênhx tov đros hâux lưv hêik pâuz thiêz qênhz yuôx hâux lưv hêik pâuz têx zav zuk muôx.

Lênhx giám đốc no li têx uô cxâuv cux tsik lax chiê chor cán bộ, chi bộ, đảng bộ Sở Tài nguyên thiêz Tênhv qơư pov pâuz tâu, phax tar. Taz sik, thâuv tâu nus ho tsik muôx lênhx Đảng viên, cán bộ tưs hêik pâuz, lênhx tov cux li cán bộ Sở puôr lênhx muôx luk têz cxuô cxuô xưz:

“Lênhx nênhs no mak cur xux tsik tâu tsov cưv txos luôx tưs. Hâux lưv hêik pâuz cxuô zav muôx mak cur cux pâuz tsik tâu tiv thâuv hêik pâuz Mak Sở uô zos li tsưr ziv, pâuz tsik tâu tiêk tsênhv yuôr lok hêik tsik tâu cxuô hlo”.

“Tsênhv tsênhz đros Tsênhv qơư kỹ thuật zos taz viv sự nghiệp mak tsuôk uô lơưr Sở li chox kriê. Cur cux ho tsik zos nênhs nhoz ciês hâur Đảng ủy viv li Sở chox kriê cxuô mak pêz thiêx pâuz tâu xưz, hok têx kror tsênhz mênhx mak tsuôk zos Đảng ủy thiêx pâuz  xưz”.

Pos Phan Thanh Hương, chi ủy chi bộ văn phongx sở, zơưv Trần Đức Lân, Bí thư chi bộ tsênhv qơư kỹ thuật tài nguyên thiêz tênhv qơư thiêz zơưv Hà Mạnh Cường Ủy viên Ban chấp hành Đản bộ, Phưv giám đốc sở Tài nguyên thiêz Tênhv qơư tỉnh Yên Bái puôr lênhx tsik pâuz hêik li chak thâuv têz phóng viên ĐTVN li têx luk nus.

Tưz tsik zos txuz hâux lưv nhoz Sở Tài nguyên thiêz Tênhv qơư tỉnh Yên Bái xưz, Txuz Chủ tịch UBND huyện Quỳnh Nhai, tỉnh Sơn La zos zơưv Lường Văn Định đros 4 lênhx cán bộ trâus truy tố, xết xử viv tsik muôx txơưx jênhv uô muôx yưv phiv liv zov chênhr hâur dự án uô plas tsêr 6 kror qơư nhoz yiêz thiêz uô plas  têx côngz trinhx công côngv thax tsav Phiêng Nèn, xar Mường Giàng, huyện Quỳnh Nhai, uô tuôr xuôv trâu têz qơưk muôx 820 triệu đêiv ntâu, kror uô cxâuv cux tsik tâu nriêr pâuz txix tiv phaz.

Thâuv zơưv Lường Văn Định tsênhv uô chủ tịch UBND huyện Quỳnh Nhai tưz cir cuêz tênhv số 2439/ QĐ-UBND hnuz 23/9/2009 lok tso tơưv kho đuô ntâuz ntơưr thiết kế bản vẽ kriz uô, njuôk xav côngz trinhx uô plas tsêr 6 kror qơư nhoz yiêz thiêz khơưz uô plas 6 kror qơư công côngv thax tsav Phiêng Nèn, tưz ndê njuôk xav nhiêx txiêx txix 12,2 tiv đêiv txos muôx 16,5 tiv đêiv.

Tror tis njiê kror uô cxâuv no, zơưv Bùi Thái Sơn, sêiz car Ủy ban qênhz yuôx huyện ủy thiêz zơưv Nguyễn Hoài Thu, Chủ tịch Ủy ban huyện Quỳnh Nhai hêik tiêk:

“Zơưv kuz chủ tịch li txuz hâux lưv nhiv kruôr đhâu mak tâu nriêr pov txix Ban thường vụ Tỉnh ủy li côngz xưv qênhz yuôx. Tsênhv tsênhz mak ntu đhâu nênhs sơưr thơưx cấp ủy nhoz z cxiê qơư li txơưx jênhv, pưk txux uô tsik tâu tâu jông”.

“Hâur côngz xưv txar qơư nhoz trâu pêx xênhv ntu 1 tiv six hơưv, kriz uo, têx hâux lưv uô ntâu thiêz sêi zuôr muôx yưv têx kror uô cxâuv mak qir tiv zos tsik uô trơưk li têx tsưr ziv tưz tso tơưv, uô tsik zos li cêr chêi têz qơưk txix uô dự án txos trâu xêir tsov nênhs uô txos trâu kriz uô”.

Đhâu Ủy ban tư pháp Côx hôiv li nriêr pâuz hêik lok chor nênhs fêv nox nhiêx têz qơưk nhiv kruôr no ntơưv ntâu tỉnh, muôx lok six tsơưs cơ quan pov tâu nox nhiêx têz qơưk, mak pov thiêz pâuz tâu cux zos txix pêx xênhv, pov chir thiêz cơ quan txơưx jênhv hêik pâuz xưz tsik zos txix cán bộ, đảng viên, chi bộ, đảng bộ hâur cơ quan./.

(TTTB-Lik Thox cxêik nhênhv)