Nênhs Cho Quảng Ninh tuôr tsês thiêz huôv tsar yuôx njuôz

nhoz tiv phaz

          Chuôz zis zơưv Triệu Tài Cao nhoz jos Bằng Anh, xã Tân Dân, huyện Hoành Bồ zos iz hâur têx ziv chuôz zis tuôr tsês tâu mênhv chêx jôngr lâus lox đros thiêz 9 hecta... Cxôngx shông 2017, zơưv li har jôngr tưz tâu xã Tân Dân xeir uô trâur nuv uô siv chiê huôv tsar chos yuôx njuôz hâur xuz jôngr ntông, tiv zix zos nênhs Cho li têx zav yuôx txix thâuv nzor chiê kho moz. Tix lâuk Triệu Tiến Lộc, zơưv Triệu Tài Cao tul tuz puz pâuz:

          “Nênhs Cho li yuôx tsês trâu pox niêv nhiv kruôr xênhz zus mê nhuôs mak zos paz chuôz cxaz đas jos trâu pox niêv. Blôngx râuz chiê nzuôr chêr zos đê pêv har jôngr lol, taz sik tưz zuôr tas, viv li cur xar chos cxaz chiê tuôr tsês tâu nênhs Cho li zav yuôx jông no”.

          Tsi taz chos thiêz tuôr tsês têx tsoz yuôx muôx pêv har jôngr, tsôngv box Cho nhoz no tsênhv cơưv shâuv tsưr ziv chox têx nôngz yuôx njuôz yiêz lol chos ntơưv tiv phaz. HTX jix vuv yuôx njuôz Khang Thịnh HB nhoz jos Tân Lập, xã Tân Dân, huyện Hoành Bồ zos zơưv Bàn Văn Mảo seiz car, nhiv no tsênhv chos siv 1 hecta tsoz Sachi- iz zav yuôx muôx tsiv grê siêz, jông trâu lênhx nênhs trâus moz plơưr, siz mêx siêz....Txơưv nhiv kruôr chos tâu 2 luz hlik ntâu, taz sik mênhv chêx SaChi tưz huôv tsar jông thiêz njuôk xav zuôr sâu tâu hâur kaz shôngk shông no. Zơưv Bàn Văn Mảo puz pâuz, tsoz SaChi njuôs xav zuôr sâu tsi so hâur 20 shông thiêz nhiv no tưz muôx iz cxiê taz viv cam kết sâu xiv huv:

          “Qir thơưx pêz cux tsi pâuz txos tsoz SaChi, tov kaz no pêz mul ndis seiz, cơưv shâuv iz cxiê qơư, lol tsêr pêz thiêx cuêz tênhv yênhx lix HTX, pov tsoz SaChi no muôx ntâu kror muôx liv, huôv tsar jông. Pox nhuôs cux tsuv chos chiê cxuôv yeiz thiv pluôs lok six jông, tiv zix zos thax tsav tox siêz nhoz no”.

          Txơưv phênhv liv kinh têr tsi tâu siêz viv nhiv kruôr chos, taz sik têx vax yuôx njuôz no tso pov tsôngv box Cho thiêz chinhr quyênx tiv phaz li siêz sir jos tuôr tsês têx zav nôngz yuôx njuôz tiv phaz, gôngr phênhv muôz hâux lưv uô, muôz siêz phênhv sâu thiêz coaz tsôngv tiv zix zos chuv tôngv tâu yuôx tsiv grê phưx vưv tsoz phưz tsôngv box li đas jos. Zơưv Đặng Văn Chương, Tsar phongx y tế huyện Hoành Bồ puz pâuz:

          “Chiê tuôr tsês thiêz huôv tsar chos yuôx njuôz, huyện Hoành Bồ tưz muôx têx chinhr sách cxơưz cxiz công ty, doanh nghiệp, HTX thiêz tsôngv box yưv pênhr chos yuôx njuôz, paz txưv 50-70% nhiêx txiêx zuôr nôngz; 50% nhiêx txiêx cxiv tsa tsêr tsiv uô yuox; 100% nhiêx txiêx cxiv cơ sở cxuô zav. Thiêz paz txưv nhiêx txiêx zôngv têx khoa học công nghệ yiêz lol tsiv uô yuôx; cxiv tsa bê yuôx chiê no zos tỉnh li xiv huv OCOP”

          Hâux lưv chos thiêz tsiv uô yuôx njuôz chêx chôngk ntơưv huyện tox siêz Hoành Bồ (Quảng Ninh) zos iz hâur têx tsưr ziv huôv tsar kinh têr jông cxôngx ciês hâur têx jôngr lâus, gôngr phênhv chox Quảng Ninh yênhx tsênhv qơư yuôx njuôz thax tsav Đông Bắc thiêz sâuv tas nro têz qơưk. Taz sik, lax tiv zix zos pênhr, cxix luôk cxuô zav, têx tsưr ziv tsêz chos, sâu đê, tsiv uô xiv huv...tsênhv mê tsi tâu chêx chôngk, niêv ciêz sâu zuôr tsi ngaz tul. Chênhr viv li lok six zuôr trâus chinhr quyênx têx cấp thiêz têx nganhx muôx lênhx coaz sik đros paz tuôr tsês thiêz huôv tsar truôx yuôx njuôz sâuv thax tsav huyện Hoành Bồ, muôz siêz chêx cuk kinh têr thiêz phênhv sâu trâu tsôngv box./.

(Mai Linh, Thu Hằng- Txâur Vax cxeik nhênhv)

Cưk kriê ntơưr hluôk sir jos kriê uô nox txix têx

zav muôx ntơưv tiv phaz

Xar Bon Phặng, huyện Thuận Châu, tỉnh Sơn La, phênhv ntâu zos mênhx cxưx Thái; kinh têr zos khov trâu uô kôngz nuv đros têx tsoz chos lur hnuz li blêx, poz cưk, kok ntông…pox nhuôs luz nênhx tsênhv yuôr ntâu txov nhêv. Pâuz tâu kror co, cưk kriê hluôk Đặng Thị Huyền Mi tsik so xar uô chak cov sir zôngv tâu khoa học công nghệ trau hâur têx tsưr ziv uô xênhz yar ntơưv tiv phaz, xuz thơưx mak têx jâuv zuôr uô tsik tâu bluô nux, taz sik cux paz trâu pox nhuôs hâur jok, hâur xar tsik yuô pluôs, tsik yêiz plaz. Đhâu ntâu sir jos xar tơưv taz sik uô tsik tâu, cưk kriê hluôk cux tsik tso tsês, sir jos xar tơưv, hlôngr yiêz, hla đhâu ntâu kror phiv liv chiê uô zuk têx tsưr ziv siêz xar co. Dự án “Huôv tsar qơư muôs trâu tsôngv box thái Tây Bắc li têx grêix kêiz cxiêz thiêz têx cuôz njư” zos cưk kriê Đặng Thị Huyền Mi uô nênhs sêiz car tưz tax tâu giải iz jiês thik tưr dự án uô nox tiv plâuz “Huôv tsar têx muôx ntơưv tiv phaz txix công nghệ” shông 2018 zos Tsênhv qơư nhênhz chơưv kinh doanh thiêz paz trâu doanh nghiệp tsưr tsix zos kror puz pov tsênhz tiv zix trâu uô têx tsưr ziv, xar tơưv, car hla đhâu têx phiv liv chiê uô cov tâu. Cưk kriê Đặng Thị Huyền Mi hêik:

“Xuz thơưx, pêz chor nênhs uô li kror phiv liv mak zos nhiêx txiêx, taz sik sơưr đơưk cux pâuz tâu nhiêx txiêx tsik zos kror zov chênhr tiv zix thâuv kriz uô, mak kror zov chênhr tiv zix zos qơư muôs; hâux lưv muôz kror hax huv no muôs trâu têx ciêz đrôngs yiêz zos Sài Gòn, faz Nam mak zuk tsuv uô trâu luôs sưv đros trâu zav nox yiêz no, kror no zos kror zov chênhr tiv zix”.

Đros zos cưk kriê bộ môn Quản trị kinh doanh, tsêr cơưv Đại học Tây Bắc, đrâuv kriê ntơưr pêv lớp, Huyền Mi tsênhv sir jos kriê nzir, paz trâu chor shux xênhz nhiêv thiêz xar nriêr cêr uô nox, tiv zix zos chor nênhs xar nrêir tsưr ziv uô nox txix têx zav muôx ntơưv tiv phaz, côngv đros zôngv khoa học công nghệ, iz zav li têx dự án: Huôv tsar tu zus caz jiêv txix sir zôngv khoa học công nghệ; nhênhz chơưv hêik pâuz sir zôngv têx tsênhv chêi paz uô nox ntơưv tsêr cơưv Đại học Tây Bắc; nhênhz chơưv têx kror phiv liv txos shux xênhz tsưr ziv xar tơưv uô nox. Cưk kriê Đặng Thị Huyền Mi puz pâuz nzir:

“Zuôr txos cur zuôr sir jos đuô paz trâu chor hluôk huôv tsar uô nox, huôv tsar têx zav muôx ntơưv tiv phaz txix sir zôngv khoa học công nghệ”.

Đros co, cưk kriê Huyền Mi cux sir jos cxaz chuôz trâu đoanx hâur tsêr cơưv ntâu hâux lưv uô li: Kruôz kriê tsưr ziv uô nox trâu chor hluôk nênhs huyện Vân Hồ; tình nguyện viên dự án paz trâu tsôngv box mênhx cxưx tsơưs nênhs uô nox; tsưr tsix chor câu lạc bộ shux xênhz sir jos xar tơưv uô nox…hâur yênhx kror hâux lưv uô, Huyền Mi tsik so zos iz hâur chor nênhs paz kruôz kriê siêz nhiêv, siêz xar trâu chor hluôk nênhs thiêz chor shux xênhz nhiv no.

Đros sir jos hâur luz nênhx, muôx txơưx jênhv, xar tơưv hâur côngz xưv, cưk kriê hluôk Đặng Thị Huyền Mi tưz tâu khơưk muôz ntâu ntơưr kruôk li: Hội chữ thập đỏ khơưk muôz ntơưr kruôk; đoanx hluôk nênhs hâur tsêr cơưv li ntơưr kruôk thiêz jê no tiv zix zos tâu tỉnh Đoàn muôz ntơưr kruôk “Lênhx cưk kriê hluôk uô tâu hâux lưv jông tỉnh Sơn La” shông 2019./.

(Trấn Long-Lik Thox cxêik nhênhv)