Jax sâu thưr 7 hnuz 5/3/2016

Ntux yiêz muk ndis shuôk ciêz Huổi Cuổi

Tsik pâuz shor muôx txix thâuv tưr, taz sik ciêz Huỏi Cuổi thâuv tưs cux lov jêv đrông ntưk. Uô lơưr hnuz, 5 hnuz uô iz jiês, zaz zâuv lok six chôngz tsôngv box mênhx cxưx huyện Quỳnh Nhai thiêz chor xã, huyện iz ndis cxaz chuôz. No xưk li muôx cxix cxuô chor hax huv kôngz nuv nhoz tiv phaz zos pox nhuôs chiv chir uô, txix poz jâuz, tuk njêl, txos trâu kix, đok, kriêr txos trâu têx tuk njuôs lor pêv har jôngr lok txos trâu têx kêiz ol…

Txos ciês Huổi Cuổi, tsôngv kruô muk ciêz mak tsơưs thiêx lok têk khôngz. Chor nênhs muk ciêz zos chiê siz njiz, siz thav đros zuôr têx poz jâuz, txir, kok lok trâu zuk chuôz zis nox. Tiv zix nhoz jiês ciêz no, chor njêl, suôz lok zos chưk nhiv kruôr tâu tâuk muôz lok txix tuk đêx đas tâu lok six chôngz nênhs nhiêv. Kruô tuôx ciêz tưz tsik zos xêir tâu têx zav huv jông.

Hâur qiv hơưv ntux yiêz sor so. Têx suôz luk, suôz luôs đros chor jax pêv hâur shôngk shông yiêz ntơưv luz ciêz xưk li uô trâu sơưr đơưk sưv jê đuô. Lênhx tưs cux xar tiêk txix luz ciêz no mak zuôr muôx tâu iz shông muôx ntâuz kror jông. Nênhs muôs mak xar muôs tâu ntâu, đros co zos chor chêix chiv kôngz lôngk sâu tâu ntâu, muôs tâu gri. Hok nênhs muk zuôr, cê zos chiê muk ndis shuôk, cê zos chiê zuôr tâu têx huv zuk nhiêv. Têx luz ciêzz txos chêix ho tror muôx muôl muôs xưk li zi lo luk siz tênhv tsês chiê txos ciêz mak tror tuôx muôl muôs, sik njiz, sik thav./.

(Thanh Thủy-Lik Thox cxêik nhênhv)

Phênhv thưr 7, hnuz xiêz 5/3/2016:

Hêir nênhs Sán Chỉ têx cêr nênhx vênhx huôv jông

Hâur ntu đrav ntêx, hêir nênhs Sán Chỉ hâur thax tsav huyện Tiên Yên, thâuv tưs cux cux siz njiz siz thav thiêz nthuôr uô cêr lov jêv  đhâu ntênhk hội. Ntơư zos hnuz hội nthuôr uô cêr lov jêv, hêik cưr cxiêx, tsôngv tuz nxêik hluôk tuôx sik njiz sik thav. Hâur ntâu dshông đhâu lok no, hêir nênhs Sán Chỉ ntênhk hội nthuôr uô cêr lov jêv, ziv hnuz ziv huôv tsar tâu truôx. Cux trơưk li cxiê shông, shông no, hêir nênhs Sán Chỉ nhoz Xã Đại Dực, huyện Tiên Yên tưz tsưr tsix ntênhk hội vênhx huôv thể thao jiês tiv 10 trâu hâur hli 2 đhâu. Thâuv chuôz piz uô têx ntênhk hội  vênhx huôv ntơư, hur si tsôngv pox niêv, vir ndâuk puôr lênhx hnar têx tsôngk trik yo ntêr, jông jav. Têx txir nênhx ho bax chơưr thiêz hnar têx chêr trik yo trâuk gax thiêz muôx chôngz lênhx kruô nhoz hâur thax tsav ntơư tuôx sêiz shuôk đros côngv cêr lov jêv.

          Tuôx sêiz shuôk ntênhk hội, cxuô lênhx sđ, txơưv tus tưs cux uô siêz kâus lêik sêiz mnôngs hêir nênhs Sán Chỉ têx tuz nxêik hluôk nhoz cxuô jos hâur xã têx suôz sênhr hêik cưr cxiêx. Đhâu têx suôz sênhr hêik cưr cxiêx ntơư, ho txos phênhv hêir nênhs Sán chỉ têx tuz nxêik hluôk sik tưr hnar tsôngk trik yo jông jav.

          Hâur hêir nênhs Sán chỉ ntênhk hội no, thâuv tưs tưz muôx ntênhk hội thor ntux yar ntux nas paz tsôngv px sđ têx kôngz lôngk huôv hloz jông, sâu tâu nju kôngz thiêz thor cov tsôngv px sđ tsik muôx moz gênhk, uô luz nênhx tsâu sor yax ntux đris.

          Ndax trâu ntênhk hội no cux zos chiê hêir nênhs Sán chỉ tsôngv pox niêv vir ndâuk uô cxuô zav nduôr mor blâuv. Nduôr mor blâuv muôx 5 zav: Đax, liêz, njuôz, đuz….jông txơưr tsik siz thôngx. Ntơư zos muôz têx tơưr ntông zok nriêr pêv har jôngr chox lok trâuk, uô trâu têx nduôr ntơư jông jav cơưs.

          Đros ntơư, hêir nênhs Sán chỉ tsênhv ntuôr uô cêr lov jêv li: Ntâuk vix vôngs, por poz, tuô hnênhr…

          Hêir nênhs Sán chỉ ntênhk hội vênhx huôv, chênhr zos tsưr tsix uô cov hêir nênhs Sán chỉ ziv hnuz ziv muôx cêr thôngx siêz đuô thiêz njênhs njôngr sđ khưr sâu tâu ntâu kôngz lôngk, muôx luz nênhx tsâu sor./.

                                                           (Tsu cxêik, nhênhv-TTĐB)