Đắk Lắk: sir jos huôv tsar bảo hiểm chiv chir zuôr nhoz huyện pluôs

Pos Đào Thị Vượng, 66 shông nhoz tôv dân phố 1, thị trấn Liên Sơn, huyện Lắk zênhx zos cưk kriê ntơưr, shông 2010 pos so hâux lưv tiv tsik tâu txâuk chiê tâu sơưv nhiêx hli so lâul viv tsênhv yuôr six hơưv uô côngz xưv. Tâu cán bộ bảo hiểm xar hôiv hêik pâuz tror thêv nhiêx bảo hiểm xar hôiv chiv chir zuôr chiê txâuk six hơưv tâu sơưv nhiêx hli so lâul pos tưz thôngx ziv zuôr. Đhâu 5 shông thêv nhiêx bảo hiểm xar hôiv chiv chir zuôr, txix shông 2016 txos nhiv no, yênhx hli pos tưz muôx nhiêx hli so lâul chiê zôngv hâur luz nênhx. Thôngx cxix, thâuv muôx tâu nhiêx hli so lâul mak pos tsênhv tâu muôz ntơưr bảo hiểm y têr đros bảo hiểm paz thêv muôx 95% nhiêx txiêx thâuv njuôk kho moz thiêz. Pos Vượng hêik:

“Txix thâuv muôx tâu chế độ co mak zuk pov luz nênhs truôx jông đuô. Tsik cxơưx ntâu thâuv ntu lâul lơưv, muôx moz gênhs lok tưz muôs bảo hiểm y têr paz thêv lơưv. Têz qơưk moz siêz txos chor nênhs lâul mak pov muôx têx paz li co zos iz kror lok six jông”.

Niêv tix Lương Thị Tường Thi, 34 shông, nhoz xar Đắk Liêng puz pâuz: thâuv ntêx no niêv tix uô công nhân hâur iz công ty tư nhân thiêz tsuv tâu cxaz chuôz zuôr bảo hiểm viv li tsuôk xar tiêk chor nênhs uô hâux lưv hâur têx cơ quan, doanh nghiệp thiêx cxaz chuôz zuôr bảo hiểm xar hôiv chiê muôx nhiêx hli so lâul. Txos thâuv so hâux lưv, tâu cán bộ bảo hiểm xar hôiv sâuv thax tsav hêik pâuz viv li niêv tix tưz chiv chir cxaz chuôz zuôr bảo hiểm xar hôiv. Lơưr niêv tix Thi, kror muôz iz kror nhiêx chiê thêv zuôr bảo hiểm xar hôiv nhiv no zuôr paz trâu niêv tix ntu lâul tso siêz đuô viv zuôr muôx tâu nhiêx hli chiê sir zôngv:

“Pov chor fâux, txir nzơưv sơưr đơưk muôx nhiêx hli mak zuk cux xar tiêk txos thâuv zuk lâul zuk cux zuôr muôx nhiêx hli so lâul li co chiê cxơưx trâu luz nênhx. Txơưv tiêk zuk uô lox tôngv tự do, tsik uô hâux lưv têz qơưk sik zuk cux xar cov muôx nhiêx hli so lâul”.

Zơưv Vũ Văn Hải, Giám đốc Bảo hiểm xar hôiv huyện Lắk puz pâuz, txix hâur hsôngk shông txos nhiv no, huyện muôx 25 lênhx nênhs cxaz chuôz bảo hiểm xar hôiv chiv chir zuôr, tas nro chor nênhs chiv chir zuôr bảo hiểm xar hôiv sâuv thax tsav muôx 530 lênhx nênhs. No tsênhv zos kror tsơưs pir li tsưr ziv tưz tso tơưv. Lơưr zơưv Hải chiê uô jông côngz xưv huôv tsar chor nênhs chiv chir cxaz chuôz zuôr bảo hiểm xar hôiv, ntu zuôr txos, bảo hiểm xar hôiv huyện tror sir jos yax kriê trâu pêx xênhv pâuz lok kror liv thâuv cxaz chuôz bảo hiểm xar hôiv chiv chir zuôr. Thôngx cxix, chuôz cxaz uô yax kriê lok tsênhv chêi bảo hiểm xar hôiv chiv chir zuôr txos  trâu cxuô xar, thị trấn muôx chor nênhs zuôr tsơưs; sik côngv truôx jông đros chor nganhx, tsưr tsix đoanx thêv chính trị-xar hôiv nhoz ntơưv qơư kriz nzir ntâu jiês cơưv, xor xưv ntơưv côngv thôngx qơư pêx xênhv nhoz…

“Pêz zuôr sir jos uô côngz xưv yax mông txos trâu pêx xênhv txix ntâu tsưr ziv, tiv iz zos đhâu têx chuôz zênhx thôngz xor mông, tiv oz zos pêz zuôr sik thav đros ciês pêx xênhv. Pêz cux tsênhv muôx tsưr ziv nriêr pâuz tas nro chor nênhs nhoz sâuv thax tsav zuôr cxaz chuôz zuôr tâu bảo hiểm xar hôiv chiv chir zuôr mak zuôr thav thiêz kriz uô txix ntâu tsưr ziv, têx jâuv mak pêz zuôr uô côngz xưv yax kriê ntơưv têx ciêz lok sik ủy ban têx xar”.

Têx sir jos huôv tsar bảo hiểm xar hôiv chiv chir zuôr ntơưv huyện Lắk zuôr phuôx huiz uô tâu jông, sir jos cov uô tâu tsưr ziv zos tas nro cxuô lênhx nênhs puôr lênhx muôx nhiêx hli so lâul thiêz tâu paz txos đas jos thâuv ntu lâul./.

(TTTN-Lik Thox cxêik nhênhv)