Jok Nam Dao nhoz tox siêz tưz muôx tênhv tênhz tơưk pov cêr

Nhoz đêz seiz njiê tưz pov jok Nam Dao, xã Nâm Nđir pêv trôngz siêz. Chiê muk txos trâu luz jok heik co, tsuv muk trơưl txox cêr nkhâuk lêv ntâu tsar cêr, ndê tox. Li ntơư, taz sik txos iz đraz shông uô ntêx, têx lênhx công nhân, chor nênhs chaz xor tênhv tênhz Đắc Nông tưz thâux xa têx chuôz zênhx, xor tênhv muk đhâu têx liêx txos trâu pêv tox siêz, lok trâu jok Nam Dao. Lok nhoz ntơưv jok Nam Dao txix shông 1992, pos Lý Lục Mui, heir nênhs Cho chuôz zis đros thiêz têx chuôz zis tsôngv box nhoz no tưz hla đhâu ntâu cêr txov thiêz phiv liv viv tsi muôx tênhv tênhz têz qơưk tơưl pov cêr. Nhoz kuôk đêz pêv tox siêz, viv li xar seiz ti vi, tsuv mul lok six đêz chiê đros têx cưr tix nênhx tsa lưv luz jok seiz. Taz si, txix shông uô ntêx txos nhiv no, tênhv tênhz têz qơưk tưz tuôx txos jok Nam Dao. Cux txix ntơư tsôngv box sir jos uô tsar uô nox, tsês nhiêx txiêx chiê zuôr têx chuôz zênhx zuôr trâus txos phưx vưv trâu luz nênhx xênhz huôx:

“Đrav ntêx tsi muôx tênhv tênhz mak cux txov cơưk, tsâuk ntux uô jâuz uô mor nox cux txov, nhiv no mak nhoz khênhr mê njik, cxuô tsar zav đaz tsi cux muôx tas, muôx ti vi, muôx tuv txiêk, muôx meir nxuô têx tsôngk tril yo hnar hur si”.

Cux  xưk li pos Mui chuôz zis, tix lâus Hoàng Văn Bình shir phaz thâuv tênhv tênhz têz qơưk tưz chaz tuôx txos ntơưv jok. Tix lâus Bình heik pâuz, cxuô lênhx tsôngv box sđ hâur jok tsưr ziv thiêz xar njôngr cov muôx tênhv tênhz tơưk pov cêr nhiv no tưz zos tsênhz tiês. Thiêz nhiv no, sđ puôr lênhx tưz tâu seiz ti vi, têx tuz nhuôs muôx tênhv tênhz tơưk cơưv ntơưr. Tênhv tsi tiêk phưx vưv xênhz huôx mak tsênhv paz tâu lok six ntâu trâu têx hâux lưv uz no thiêz. Zơưv Hoàng Văn Sơn, tsar jok Nam Dao heik pâuz, jok nhoz kuôk đêz tsênhv qơư huyện Krông Nô zuôr xar 20 cêik, muôx 132 chuôz zis, phênhv ntâu zos tsôngv box heir nênhs Cho lok uô nênhx nhoz tưz 20 ntâu shông. Txơưv tiêk txix ntâu shông đhâu, tsôngv box nhoz jok Nam Dao tưz tâu Đảng, têz qơưk thiêz hâu nov ntơưv qơư moz siêz paz max txos, taz sik luz nênhx cux tsênhv yuôr ntâu txov nhêv. Txix thâuv muôx tênhv tênhz têz qơưk chaz tuôx txos, tsôngv box luz nênhx tưz tsi yuô txov thiêz hlôngr yiêz ntâu:

“Luz nênhx, cxuô tsar zav txix kinh tế, têx phôngz yaox tưz hlôngr yiêz ntâu pir li shông uô ntêx, mak shông no têx chuôz zis hla đhâu yeiz pluôs tưz muôx 10 ntâu chuôz zis. Tênhv tênhz tuôx txos paz tsôngv box tâu ntâu zav, tiv iz zos lok sâuv xênhz huôx nox nhoz, đêx, uô jâuz uô mor nox puôr lênhx zôngv tênhv, ntâu lênhx muôx mê njik lơưr tưz zuôr meir jov cxur, tsi thôngx li têx shông đrav ntêx, xar jov iz hnaz blêx, iz hnaz poz cưk lok tsi tsuv thâux muk jov đêz”.

Trơưk li tênhv tênhz Krông Nô, nhoz Công ty tênhv tênhz Đắc Nông, xav txos nhiv no, hur  si 12 xã, thị trấn hâur tas nro huyện tưz muôx tênhv tơưk po cêr. Taz viv tsênhv lênhk nhav uô luôs hâux lưv seiz car, tso tênhv trâu 2 xã hâur huyện Lắc, tỉnh Đắc Lắc zos Nam Ka thiêz Ea Rbin. Hur si têx jêx jok hâur thax tsav muôx tênhv tơưk pov cêr tsav 97%. Côngz trênhx côngz tênhv tênhz trâu jok Nam Dao, xã Nâm Nđir, huyện Krông Nô, tỉnh Đắc Nông nhoz dưv anr côngz tênhv jêx jok tox siêz txix tênhv tênhz têz qơưk tsov cưv trâu têx xxa ntus đriv thiêz thax tsav txov nhêv ntu 2015-2020 trơưk Thủ tướng Chính phủ Quyết tinhv. Zơưv Bùi Văn Liên, Giám đốc tênhv tênhz Krông Nô khav tinhv: Ngênhx tênhv tênhz tsưr ziv zos jông siêz hlo hux jos đros cxuô cấp ủy, hâu nov ntơưv qơư, sir jos khưx phưx têx phiv liv chiê chaz xor tênhv muk txos trâu têx jêx jok thiêz chuôz zis tsôngv box chiê uô tâu trơưk tsôngv box  tsưr ziv, siêz xar lok huôv tsar uô nox uô hnar:

“Uô trơưk tỉnh thiêz huyện têx tsưr ziv zov chênhr tưz fuô kriê, tênhv tênhz Krông Nô zuôr đros têx xã uô tsi tâu tâu luôs hâux lưv cxiv tsa jêx jok yiêz tror sir jos uô cov tâu, têx hâux lưv tênhv tênhz tsi tâu taz por mak pêz zuôr sik côngv tês đros cxiv uô chiê taz por uô tâu têx nuv no, phưx vưv tâu jông trâu tsôngv box thiêz sđ hâur thax tsav”.

 Luôs hâux lưv chaz xor tênhv tuôx trâu jok Nam Dao, xã Nâm Nđir, huyện Krông Nô, tỉnh Đắc Nông zos uô lơưr têz qơưk tsênhv chei paz trâu tsôngv box thax tsav tox siêz đêz đrôngs. Chiê chaz tâu têx xor tênhv tuôx txos tox siêz, phưx vưv uô nox uô hâuk thiêz xênhz huôx trâu tsôngv box nhoz no cux zos iz sir jos hla đhâu têx phiv liv, ntâuk hov têx lênhx nênhs lês uô hâux lưv chaz xor tênhv tênhz Krông Nô, tỉnh Đắc Nông li têx tsưr ziv sir jos uô nuv./.

(Hoàng Qui TTTN-Riê Lâux cxeik, nhênhv)

An Giang: Lênhx bôv đôiv lâul tas siêz njưl viv nhuôs zâu pluôs

Zơưv Nguyễn Hữu Thời cxaz chuôz ntâuk tros châuz txix thâuv muôx 13 shông. Đhâu hnuz têz qơưk tiêx tuk zơưv tror lok tsêr, hlôngr đuô hâux lưv uô, txos shông 1992 zơưv tâu so hâux lưv. Thâuv so lâul, zơưv sêiz pov iz ndis qơư zuk nhoz muôx chôngz lênhx mê nhuôs tsik pâuz ntơưr, uô cxâuv cêr chêi têz qơưk…zơưv nriêr pâuz, pâuz tâu tiêk phênhv ntâu chor nhuôs tsik muôx vax tsêr, tsik muôx ntơưr kriz xênhz, tsik muôx hộ khẩu thiêz têx thâuv tsênhv tsik pâuz niêv txir hu li chak…zơưv tưz xar tiêk tsuv uô li chak chiê chor nhuôs zos yênhx nênhs muôx liv trâu xar hôiv. Txơưv pâuz tiêk uô kror no mak lok six lax uô tâu taz sik đros zos iz lênhx bôv đôiv lâul Hôx, viv li zơưv cux sir jos. Hâur shôngk shông 1995, txix zuk kror nhiêx hli xaz pênhz, zơưv cuêz tênhv kriz lớp cơưv siêz jông chiê kriê ntơưr trâu chor nhuôs thiêz kriê trâu chor nhuôs pâuz uô nênhs jông.

“Zuk qơư nhoz mak pluôs hênhr, pêx xênhv mak txix cxiê qơư txar lok…nênhs tsik pâuz ntơưr cux chôngz. Tsênhv tsênhz mak nhoz tiv phaz cux tsik muôx qơư chiê cơưv ntơưr cov jông, viv li cur thiêz thor Đảng ủy, Ủy ban tso chêi tâu kriz lớp cơưv ntơưr siêz jông no”.

Lớp cơưv xuz thơưx mak njiz lok six ntâu phiv liv: phiv liv lok vax tsêr; lớp tsuôk đar muôx 10 yiv ndis, tâu uô thiêz thêir vor txix têx shôngz ntông, vuôk  kuz, têx trôngx tos cux zos têx kuz tâu kho đuô…Đros phiv liv lok vax tsêr, trôngx tos, yuôr iz cxiê phiv liv hâur hêik chor nhuôs tuôx tsêr cơưv ntơưr co zos: Phênhv ntâu chor nhuôs zos têx nênhs uô cxâuv chêi xưk li tuz saz, tuz nhiês…đros co, chor nhuôs niêv txir cux tsik njênhs zơưv, viv li lớp cơưv xuz thơưx tsuôk muôx 4 lênhx  nhuôs. Lớp cơưv muôx ntâu fâuv nênhs viv li tsar tov thiêz tsưr ziv cơưv ntơưr tsik siz thôngx; đrâuv têx phiv liv co, zơưv ho tsik pâuz tsưr ziv kriê ntơưr viv li njiz phiv liv đuô…Taz sik, đros muôx siêz jông, tsik nyêi txov nhêv, zơưv tưz sir jos chiê paz trâu chor nhuôs cov pâuz ntơưr; chiê chor nhuôs tsik uô câuz huôv, uô cxâuv cêr chêi. Txix co, zơưv tưz xar tơưv tâu tsưr ziv kriê jông huv trâu yênhx fâuv nênhs cơưv. Đrâuv kriê ntơưr, txux chi, chor nhuôs tsênhv tâu kriê lok shưz xar, tsưr ziv uô nênhx…zơưv Nguyễn Hữu Thời puz pâuz, nhiv no lớp cơưv nhiv kruôr kriê tâu trâu chor nhuôs tas tsaz yênhx lớp 5, zơưv xar kriz tâu lớp kriê xơưk tsôngk yo chiê paz trâu chor nhuôs muôx hâux lưv uô nox. Đhâu co zuôr hêik chor nhuôs muk uô hâux lưv hâur têx xí nghiệp, chiê paz trâu chor nhuôs muôx hâux lưv uô, hlôngr yiêz luz nênhx, tsik txov nhêv li luz nênhx nhiv no lơưv.

“Tror uô jông lớp kriê ntơưr no thiêz cur xar kriz tâu iz lớp kriê xơưk tsôngk yo trâu chor nhuôs no; thiêz kriê trâu tas nro chor pox niêv pluôs thiêz zuôr xar pluôs…xav nhiêx txiêx zos nriêr tâu muôx 50 txos 70 triệu đêiv mak zuôr zuôr chor mêir xơưk tsôngk yo, chiê taz por trâu chor nhuôs thiêz chor pox niêv pluôs nhoz phường no tuôx cơưv, co zos cur li siêz xar. Chiê trâu chor nhuôs muôx hâux lưv uô chiê luz nênhx tsik yuô txov nhêv”.

Đros zos lênhx bôv đôiv zơưv hloz  Hôx, tsik cxơưx txov nhêv, txơưv tưz so lâul, hnuz nhôngs siêz, ho zos iz lênhx nênhs xaz pênhz 2/4, zơưv Nguyễn Hữu Thời cux tsênhv yênhx hnuz tsoz phưz trâu lớp cơưv no chiê paz trâu chor nhuôs tâu cơưv ntơưr, cơưv tsưr ziv uô nênhs, zos nênhs muôx liv trâu xar hôiv… Zơưv Nguyễn Hữu Thời zos iz lênhx nênhs chiê sơưr đơưk cơưv shâuv thiêz uô trơưk./.

             (TTĐBSCL-Lik Thox cxêik nhênhv)