Txuz lênhx nxeik Cho 11 shông trâus nziêk đal muôs trâu saz Trung Quốc: muôx chei chiê muôz chor nênhs hâuz nziêk đas tik cêr cxâuv

PV: Thor cox puz pâuz, đros têx mông VOV tưz tso tơưv, cox ntâuk grê li chas lok txuz zuôr muôs lênhx nênhs trâu saz têz qơưk đrâuv li têx uô cxâuv ntơưv thax tsav huyện Sìn Hồ, tỉnh Lai Châu?

Nguyễn Trọng Hải: Đros trâu têx mông VOV tưz tso tơưv, chor nênhs cik txos li têx uô zuôv, tưz muôx txâuk ntâuz ntơưr chiê muôz tik cêr cxâuv thiêz ntơư zos têx uô zuôv chei têz qơưk. Viv chiê tik cêr cxâuv trâu iz lênhx nênhs uô cxâuv chei têz qơưk, khov trâu iz kro zov chênhr yax zos lok sâuv muôz tâu lênhx tiz nênhs cxâuv ntơư têx cêr zuôv, uô tsik trơưk chei. Nhoz co muôx têx zov chênhr li: Lênhx nênhs trâus cxâuv têx luk krêz lênhk nhav; tiv 2 zos muôx lênhx nênhs trâus uô hiêv heik thiêz muôz tâu lơưr têx cêr zuôv, lar heik zos cơ quan qênhz yuôx cux tưz pâuz tâu têx li heik co. Li ntơư, muôx têx khav tinhv, muôx txâuk ntâuz ntơưr chiê muôz chor nênhs cik txos lok sâuv zuôr muôs lênhx nênhs tik cêr cxâuv trơưk cui tinhv ntơưv Grê 119 chei hình sự shông 1999, kho đuô shông 2009 thiêz Grê 150 shông 2015. Taz sik, six hơưv thâuv uô cxâuv têx li heik ntơư, tưz muôx kuôk no 10 ntâu shông thiêz muôx têx tik cêr cxâuv trâu chor nênhs uô zuôv chei têz qơưk trơưk chei hình sự shông 2009 lok sâuv zuôr muôs lênhx nênhs.

PV: Co zos txuz nuv muôx hâur ntâu shông thiêz cik txos nênhs saz têz qơưk đrâuv. Grê no uô phiv liv li chas trâu cơ quan muôx vax huôv qênhz yuôx, uô tsênhz mênhx?

Nguyễn Trọng Hải: Hâux lưv qênhz pov, tik cêr cxâuv trâu iz lênhx nênhs uô zuôv chei, nưk muôx hâur iz six hơưv tsênhv tsênhz trơưk chei têz qơưk cui tinhv. Đros trâu txuz nuv muôx yưv nhoz saz têz qơưk đrâuv, six hơưv qênhz yuôx ntâu shông cux zos iz kro phiv liv, uô tuôr thênhv lox trâu cơ quan qênhz yuôx. Tiv iz zos sâu têx mông, uz no cik txos, xav jênhv lênhx nênhs. Tiv 2 zos muôz tâu têx cêr cxâuv, uô zuôv chei, cui tinhv. Tiv 3 tsuv krêz đar qênhz yuôx chiê muôz tik cêr cxâuv trâu têx lênhx nênhs cik txos. Txuz nuv no tưz muôx hâur ntâu shông thiêz saz têz qơưk đrâuv; chênhr viv li cơ quan qênhz yuôx muôx vax huôv hâux lưv qênhz yuôx zuôr njiz lok six ntâu phiv liv, viv cik txos đriv têz, txos têz qơưk saz đrâuv. Uô  ntêx, zos muôx txâuk ntâuz ntơưr, tsuv ntêk cxov lênhx nênhs fêv co chiê muôz tik cêr cxâuv, yuôr têx lênhx txơưr đuô cik txos pêz tsuv muôz pheiz tsês chiê qênhz yuôx, yơưz phơưz tov kaz.

PV: Uô li đros trâu têx lênhx nênhs trâul nênhs fêv nziêk đas, tsuv tror uô li chas chiê paz têx cơ quan  muôx vax huôv uô tsênhz mênhx txuz nuv no thiêz muôz tik cêr cxâuv trơưk chei têz qơưk?

Nguyễn Trọng Hải: Hâux lưv no muôx ntêr hâur 10 ntâu shông đros trâu tsôngv box sđ, têx cơ quan cêr moz siêz txos, taz sik hâux lưv ntêk muôz lênhx nênhs uô cxâuv têx li heik sâuv cux tsi tâu uô txos qơư. Ntơư cux zos têx cơ quan lês uô hâux lưv qênhz yuôx, yơưz phơưz, tu têx txuz plâuz ntus ntơưv qơư li iz cêr uô tâu kênhz lok sâuv tso siêz. Chiê txuz nuv tâu đơưk tu, chiê por hưv zuk têx muôx liv, vax huôv, chor nênhs trâul hiêv tsuv tror muôz têx mông, sir jos heik tiês chiê têx cơ quan muôx vax huôv muôx qơư chuôz jos qênhz yuôx, đơưk tu. Tiv 2 zos thôngx siêz đros cơ quan qênhz yuôx ntơưv qơư. Tiv 3 zos heik cơ quan yơưz phơưz, tu têx plâuz ntus, tsuv sir jos qênhz yuôx, sâu nzir têx mông thiêz zênhx max tso tơưv quyết tinhv chiê muôz tik cêr cxâuv. Zos tsês chiê ntâu shông, zuôr muôx nzir ntâu phiv liv hâur muôz tik cêr cxâuv.

 PV: Trơưk cox xav, hâux lưv uô tiêr trơưk têx chei, cui tinhv nhiv no, pok  txo grêk tsơưs thiêz uô trâu têx lênhx nênhs fêv zuôr muôs lênhx nênhs nyêi?

Nguyễn Trọng Hải: Tsênhz tiês mak hâux lưv tik cêr cxâuv trâu lênhx tiz nênhs zuôr muôs lênhx nênhs thiêz têx cêr cxâuv cik txos nziêk đas chox lênhx nênhs muk saz têz qơưk đrâuv cux tưz tâu cui tinhv hâur chei hình sự lok six cxix cxuô. Taz sik, six hơưv qênhz yuôx, tik cêr cxâuv cux tsi tâu sir jos moz siêz uô. Muôx ntâu txuz li txuz pêz tsênhv heik txos no, uô kênhz thiêz uô li ntơư mak hêv, choz kriê, phax tir thêir thiêz tik cêr cxâuv tsi tâu trâu lênhx tiz nênhs uô cxâuv. Trơưk li cur, hâur têx jiês kho đuô, cxaz nzir chei têz qơưk txuôk lơưr co lok sik hâur têx ntâuz ntơưr tsuv cxiv kho cov tsênhz, khưx phưx têx uô tsi tâu tsi tiêr hâur chei têz qơưk chiê uô qơư truôx trâu têx cơ quan lês uô hâux lưv tu têx plâuz ntus uô tâu ntov jông thiêz sei, zênhx max chiê muôz têx nênhs fêv zuôr muôs lênhx nênhs thiêz têx cêr cxâuv cik txos tik cêr cxâuv cov txos qơư.

PV: Đhâu txuz nuv no tsuv gra siêz txux chi, tsưr ziv jênhv pâuz lok têz qơưk têx chei trâu tsôngv px li chas chiê lơưr txar jav tâu têx tsi jông li heik sâuv, thor cox heik pâuz mê njik zov?

Nguyễn Trọng Hải: Trơưk li cur xar, cux tsuv tror yax kriê tiês têz qơưk têx chei trâu tsôngv px. Sir jos fuô kriê txix têx faz tsưr ziv tsênhv tsênhz đuô. Tsôngv px cux tsuv chênhr phax jông, pâuz tâu kror tưs jông, kror tưs tsi jông. Thâuv xav tâu tiêk, muôx têx zuk trâul nênhs fêv nziêk đas chox muk muôs saz têz qơưk đrâuv mak muôx têx heik trâu chor nênhs hâur tsêr thiêz têx cơ quan muôx vax huôv pâuz chiê lơưr đros paz chơưv thiêz tir thêir. Tiv 3, zos iz kro lok six zov chênhr: Lênhx nênhs trâul hiêv tsuv car heik, sir jos thôngx siêz đros têx cơ quan muôx vax huôv thiêz, chiê lơưr muôx qơư chuôz jos đơưk tu têx plâuz ntus, muôz lênhx nênhs fêv tik cêr cxâuv cov txos qơư.

Thor uô cox tsâus ntâu!

                                                                            (VOVTB-Riê Lâux cxeik, nhênhv)

Phax tar txiêz nanv zaoz thôngz thâuv cheix yêz meir, yêz muôx meir

Nus: Chiê phax tar txiêz nanv zaoz thôngz thâuv cheix yêz meir, yêz muôx meir, nênhs tsar yêz, nênhs jâuv sâuv yêz meir, yêz muôx meir tsuv uô trơưk têx cui tênhv tưs?

Têz: Chiê phax tsar txiêz nanv zaoz thôngz thâuv cheix yêz meir, yêz muôx meir, nênhs tsar yêz, nênhs jâuv sâuv yêz meir, yêz muôx meir tsuv uô têx cui tênhv li no:

          Grê 11: Uô trơưk fiêx canhv pov sâuv cêr ar

          1. Nênhs cxaz chuôz zaoz thôngz tsuv uô trơưk cxix luôk fiêx canhv pov sâuv cêr ar li heik kriê.

          2. Thâuv muôx lênhx nênhs heik kriê zaoz thôngz mak nênhs cxaz chuôz zaoz thôngz tsuv uô trơưk nênhs heik kriê zaoz thôngz.

          3. Ntơưv qơư muôx fiêx canhv pov, ho muôx cxaz fiêx cxaz nzir mak nênhs cxaz chuôz zaoz thôngz cux tsuv uô trơưk fiêx canhv pov cxaz nzir.

          4. Ntơưv qơư muôx caz cêv kuôk cêr tsês trâu lênhx nênhs muk tơư, nênhs tsar yêz tsuv seiz shuôk, max mav muk thiêz tsov cưv chiê nênhs muk tơư, yêz ntok tsês trâu nênhs trâus sêv khiz lok luz chêr muk đhâu cêr.

          Têx qơư tsiv muôx caz cêv kuôk tsês trâu nênhs muk tơư, nênhs tsar yêz tsuv seiz shuôk, zos pov muôx nênhs muk tơư, nênhs trâus sêv khiz lok luz chêr muk yêz ntok đhâu cêr mak tsuv max mav muk, chiê nênhs muk tơư, yêz ntos muk đhâu cêr taz por.

          Grê 12: yêz muk chênhr lok muk kênhz thiêz luz kuôk luz hâur têx yêz

          1. Nênhs tsar yêz meir tsuv uô trơưk têx cui tênhv lok muk chênhr lok sik muk kênhz sâuv cêr thiêz tsuv luz kuôk luz taz por; qơư muôx fiêx canhv pov luz kuôk luz hor ntâu mak tsuv uô trơưk số sâu sâuv fiêx.

          2. Bộ trưởng Bộ zaoz thôngz vênhv teiv cui tênhv lok yêz muk chênhr lok sik muk kênhz thiêz hâux lưv cxok fiêx canhv pov; tsưr tsix uô hâux lưv cxok fiêx sâuv têx niêv cêr lox.

          3. Chủ tịch UB cấp tỉnh tsưr tsix uô hâux lưv cxok fiêx canhv pov yêz muk chênhr lok sik muk kênhz sâuv têx cêr zos tiv phaz coar lik.

          Grê 13: Sir zôngv saz cêr tâu pheiz

          1. Sâuv cêr muôx ntâu saz cêr mak tsuv phênhz pêx cxôngx caz cêv kuôk, nênhs tsar yêz tsuv tso yêz muk trơưk zuk saz cêr, tsuôk tâu hlôngr saz cêr muk thâuv muôx têx qơư tsov chei; thâuv hlôngr saz cêr muk tsuv muôx tênhz canhv pov uô ntêx thiêz tsuv taz por.

          2. Sâuv cêr tsi tâu chei lêv tror kaz muôx têx caz cêv kuôk saz cêr, yêz tuôv, yêz nhux...mak muk saz xik, têx yêz meir, yêz muôx meir mak muk saz lâux.

          3. yêz cxaz chuôz zaoz thôngz cêr ar muk kênhz mak tsuv muk saz xik./.

(Bích Thủy- Txâur Vax cxeik nhênhv)