Cần Thơ: “Qơư uô jâuz mor nox jông siêz” niêx hnuz uô đreiv têx jâuz mor phưx vưv chor nênhs uô hâux lưv phax tir thêir moz gênhk

Hâur niêx hnuz, tas cik txix 4-5 six sơưr nzor, “Qơư uô jâuz mor jông siêz” lok zos “qơư uô jâuz mor phưx vưv têx lênhx nênhs uô hâux lưv phax tar moz” hâur tsêr cơưv Đại học Y Dược Cần Thơ tưz lênhk tok xar cxix cxuô chor cưk kriê ntơưr, têx shux xênhz puôr lênhx zos chor nênhs uô têx hâux lưv jông siêz chiê bax uô pluôk yêik trâu 400 ntâu lênhx canr bôv, shux xênhz hâur tsêr cơưv tsênhv uô hâux lưv yơưz phơưz, tso nyar, tsuôs yuôx tuô lov caz moz nox. Têx jâuz, grêix njêl uz no muôx cxix cxuô, iz lênhx nênhs iz hâux lưv uô, nhiêk uô nhiêk iz zav, viv li iz mê njik xưz pluôk yêik tưz bax uô tâu tiêr thiêz xa muk txos trâu têx qơư zuôr trâul txos. Danh Quý, shux xênhz khóa 43, ngênhx Dược thiêz Trịnh Quốc Thịnh, shux xênhz khóa 44, ngênhx Dược, tsêr cơưv Y Dược Cần Thơ heik:

“Cur pov lok shix shir phaz thiêz jông siêz thâuv zuk tâu paz côngz đas jos đros trâu tsêr cơưv luôs hâux lưv phax tir thêir moz. Cur uô hâux lưv uô jâuz mor nox, zuôr zos qơư truôx trâu chor cưk kriê ntơưr thiêz têx fôngx zưs tso siêz uô hâux lưv phax tar moz gênhk”.

Uô tas pluôk yêik, cxuô lênhx sđ ho qir têk mul bax uô pluôk su, pluôk hmo. Trơưk li Ban vênhv tôngv “qơư uô jâuz mor nox jông siêz”, tsưr ziv xuz thơưx tsuôk zos 15 lênhx shux xênhz thiêz canr bôv trâu têx paz uô hâux lưv tso nyar seiz njuôk shuôs moz, tsuôs yuô tuô lov caz moz….xưz, taz sik tsênhz tiês tưz ndê txos yênhx châuv lênhx nênhs viv ntâu lênhx shux xênhz pov têx hâux lưv uô ntơư muôx liv, lơưr tưz tưx đros paz uô. Chôngz nênhs taz sik lênhx tưs cux uô lơưr jông têx tsưr ziv kriê lok phax tir thêir moz li: Chox ntâuz bos kror ndâux, tsi so muôz cuô đêx yuôx nzuôr têk, tsi nhoz chôngz nênhs uô cê yênhx paz yênhx pơưs…., khov li co têx luôs hâux lưv uô jâuz mor nox puôr lênhx uô tâu sei đuô pir li cui tinhv.

Iz ciêz ntâu đhâu, “qơư uô jâuz mor nox jông siêz” hnuz tưs cux puôr lênhx lênhk txeik tâu têx nênhs siêz jông hâur thiêz đrâuv 2 chas tsêr cơưv li têx cêr paz thôngz đhâu têx hnaz cxur, têx têk jâuz, nhiêx txiêx…li: Chor nênhs siêz jông Lan Chi; Câu lạc bộ uô têx nuv jông siêz; công ty kiếng Hải Đăng Trúc…., hur tiz si puôr lênhx thôngx iz siêz , côngv đas jos sik đros paz chor nênhs uô hâux lưv phax tir thêir moz Covid-19. Cưk kriê Nguyễn Phục Hưng, nhoz tsêr cơưv Đại học Y Dược Cần Thơ, lênhx seiz car vênhv tôngv trâu “Qơư uô jâuz mor nox co” heik pâuz, txơưv ntux zuôr lok nas, zuôr yar txơưr txar li chas lok têx lênhx nênhs no cux niêx hnuz hmo sir jos, moz siêz lus uô têx jâuz mor phưx vưv chor nênhs phax tir moz gênhk, viv lơưr xar tiêk, sđ sik côngv têk, paz côngz đas jos zuôr gra lok têx jông trâu sđ, paz sđ hla đhâu têx phiv liv hâur phax tir moz gênhk:

“Tsêr cơưv yênhx lix qơư uô jâuz mor nox chiê taz por phưx vưv jông trâu têx lênhx nênhs uô hâux lưv phax tar moz, taz por têx pluôk nox muôx cxix cxuô têx jâuz mor, iz chas ntơư tsênhv zos đas jos cxơưz paz trâu lơưr sir jos uô luôs hâux lưv phax tir thêir moz gênhk”.

Chor nênhs uô hâux lưv phax tar moz, lar heik zos têx lênhx shux xênhz, canr bôv tsênhv uô hâux lưv nhoz têx qơư seiz jor ndâux cêr phax tir thêir caz moz, chor nênhs uô hâux lưv tso nyar seiz njuôk shuôs moz, yơưz phơưz têx lênhx tâu nhoz jê đros nênhs moz hâur côngv thôngx, thâuv tưs njiz trâul phiv liv li: Zos têx lênhx zôngx ziv cik tâu moz. Têx sir jos, truôx siêz uô luôs hâux lưv co tưz muôz nzir đas jos, cêr tso siêz trâu chor nênhs uô têx hâux lưv jông siêz li heik sâuv sir jos moz siêz uô jông luôs hâux lưv uô jâuz mor nox phưx vưv têx lênhx nênhs phax tir thêir moz. Lar heik, uô ntêx thâuv zuôr uô qơư uô jâuz mor nox co, tsêr cơưv Đại học Y Dược Cần Thơ cux tưz yênhx lix Ban chox kriê phax tar moz Covid-19, cơưv shâuv, kriê cxaz têx txux chi tsưr ziv yuôr trâul trâu 100% lênhx canr bôv, viên chức, nênhs lox tôngv, viv li cux iz phênhv tưs taz por tâu truôx tuk trâu chor nênhs uô têx hâux lưv jông siêz. Nguyễn Thị Thu Hiền, canr bôv khoa Dược, Tsêr cơưv Đại học Y dược Cần Thơ, đros uô têx jâuz mor nox phưx vưv chor nênhs uô hâux lưv phax tar moz txix ciês têx hnuz xuz thơưx lok heik pâuz:

“Zuôr txos no, iz hnuz pêz zuôr muôx têx suất mor nox yêik, nox su, nox hmo hur si. Pêz thâuv tưs tưz xar cov sđ muôx đas jos, truôx tuk thiêz sik thôngx siêz đros chor nênhs uô hâux lưv phax tir thêir moz gênhk. Sđ tsuv truôx siêz lês uô jông têx hâux lưv zok muôz”.

Tsênhv thâuv hâu nov thiêz têx cơ quan muôx vax huôv TP Cần Thơ tsênhv taz tov sir jos fuô uô têx hâux lưv paz max txos trâu têx chuôz zis, lênhx nênhs njiz trâul phiv liv, cêr txov mak hâur côngv thôngx, ntâu tsưr tsix, lênhx nênhs, cux seiz lơưr muôx li chas, paz tâuk li chas tưz siz chos paz nhiêx txiêx, zav nox, côngz đas jos sik đros phax tir thêir  moz. “Qơư uô jâuz mor nox jông siêz” li hâux lưv uô lok sik têx trâur nuv txơưr đuô li: Qơư muôs huv tsi zuôr nhiêx; ciêz đrôngs sik pheiz kênh têx cêr txov, phiv liv…..zuôr cxaz nzir đas jos paz sđ muôx cêr sik thôngx siêz truôx jông đuô, zênhx max phax tir thêir tâu caz moz Covid-19./.

(TTĐBSCL-Riê Lâux cxeik, nhênhv)

Saz pênhz Quàng Văn Sơn côngv jos paz cxiv tsa jêx jok yiêz

Tưz 50 ntâu shông đhâu, zơưv Quàng Văn Sơn cux tsênhv ndo njôngr txos jiês ntâuk tros châuz Mỹ ntơưv qơư ntâuk tros châuz Phong Xa Lì, têz qơưk Lào, shông 1969. Hâur jiês uô hâux lưv thâuv thâux xa chor canr bôv sêiz car txix cêr đêx, zơưv Sơn thiêz sơưr đơưk trâus tros châuz chor yêz za pov thiêz  tso bôngk lok zos tsuôv tav lok ntâuk. Chor bôngk tơưs za tuôx uô zơưv Sơn trâus saz hnhar ntơưv njêx muôs, xuz pưs thiêz chax đaz. Txơưv trâus saz hnhar taz sik zơưv Sơn cux sir jos đros sơưr đơưk ntâuk tros châuz thiêz tuô pôngz tros châuz iz luz yêz za T28. Shông 1976, zơưv Sơn tâu chiê tror lok ntơưv zuk qơư nhoz thiêz trôr uô côngz xưv thâux xa cxuô lênhx nênhs sâuv cêr đêx trâu xar Mường Bú thiêz huyện Mường La. 10 ntâu shông tov kaz, zơưv sos lâul thiêz đros pox niêv mê nhuôs huôv tsar uô kinh têr chuôz zis:

“Thâuv tror lok tsêr mak cur trâus saz, cur cux hêik kriz uô têx liêx trơưk chor ntus đêx chiê chos blêx cov truôx tuk luz nênhx, txoz cxơưx trâu luz nênhx thiêz paz muôx txâuk nox, hnar trâu têx tuz nhuôs…”

Njiz ntâu kror phiv liv, taz sik zơưv Sơn cux sir jos khưr uô nox. Zơưv sơn chuôz zis huôv tsar tu zus nhux đas txix 4 txos 5 tuk; zus yênhx puô tuk kêiz tso vax; chos xar muôx 1 héc ta txir lưv tsiz sôngz, txir mo môngk. Tsuôk ciês shông 2020, zơưv chuôz zis muôs 5 tuk nhux đas, 700 ntâu tuk kêiz, yênhx châuv tấn txir lưv tsiz sôngz, txir mo môngk, sâu tâu lok xar muôx 200 triệu đêiv:

“Cur cux tsik so hêik cov paz trâu chor chuôz zis txơưr hâur jok, cux li hâur chi bộ tsik tâu truôx tuk lok kinh têr, luz nênhx cov uô chak lok muôx tâu luz nênhx jông, jêx jok hênhr, bluô nux mak têz qơưk thiêx bluô nux tâu”.

Tưz muôx 82 shông, saz pênhz Quàng Văn Sơn cux tsênhv muôx jos, ndo njôngr, tsik so uô ntêx hlo hâur têx phongz yaox ntơưv thax tsav qơư. Zos nênhs muôx côngz bê hâur côngv thôngx, zơưv tsik so yax kriê, hêik pêx xênhv sơưr đơưk đros cxaz chuôz cxiv tsa luz nênhx vênhx huôv, taz por ngaz tuk sâuv thax tsav; sir jos hlôngr yiêz tsoz chos, tsiêx tu zus. Zơưv Sơn cux tsik so phêiz kênh chênhz zênhv, paz trâu chor chuôz zis txov nhêv hâur jok, hâur xar chiê jux juk huôv tsar kinh têr, muôx tâu luz nênhx truôx tuk, paz trâu xar Mường Bú zos yênhx iz hâur chor xar xuz thơưx ciês uô tiêr cxiv tsa jêx jok yiêz nhoz huyện Mường La. Zơưv Đặng Huy Toàn, Chủ tịch Hôiv Bôv đôiv lâul huyện Mường La, tỉnh Sơn La puz pâuz:

“Hloz Quàng Văn Sơn zos iz lênhx cán bộ Đảng viên, zos iz lênhx cán bộ bôv đôiv lâul uô ntêx hlo, phuôx huiz tâu jông zos lênhx cán bộ lâul Hôx; so lâul lok hloz cux sir jos huôv tsar kinh têr chuôz zis thiêz kruôz kriê têx tuz nhuôs hâur chuôz zis, cux li hêik cxuô lênhx hâur chi hôiv, jok Giàng xar Mường Bú sir jos uô tâu jông hâur cxiv tsa jêx jok yiêz shông 2018”.

Txơưv trâus saz, zơưv Quàng Văn Sơn cux sir jos uô bluô nux trâu chuôz zis thiêz têz qơưk. Zơưv Sơn chuôz zis kror tsưr ziv thiêz têx sir jos hâur uô nox zos iz kror lok six jông, zos qơư chiê trâu cxuô lênhx saz pênhz thiêz sơưr đơưk cơưv shâuv chiê uô trơưk cov huôv tsar tâu kinh têr paz trâu chuôz zis./.

(Trấn Long-Lik Thox cxêik nhênhv)