Huyện Mường Ảng (Điện Biên): Ntâu phiv liv hâur shông cơưv yiêz

Iz hli-uô ntêx thâuv zuôr txos shông cơưv yiêz, chor cưk kriê ntơưr nhoz tsêr cơưv cxênhx iz Khén Pí, xã Xuân Lao, huyện Mường Ảng tưz sik đros kho đuô tsêr cơưv ntơưr thiêz hêik shux xênhz tuôx tsêr cơưv. Txơưv tiêk li, txos shông cơưv yiêz, tsêr cơưv tsênhv yuôr muôx 5 qar cơưv lav cơưv, 4 lớp nhoz ntơưv têx jêx jok cux tsênhv cơưv uô cê.

Khưx phưx qênhx shênhx no, tsêr cơưv tưz sik côngv đros chính quyền tiv phaz hêik pêx xênhv đros gôngr côngv hnuz côngz, chuôz lov chiê cxiv kho, uô yiêz chor qar cơưv ntơưr. Đros co zos bax zuôr ntơưr cơưv, ntơưr sâu trâu chor shux xênhz muôx luz nênhx txov nhêv; bax cxuô zav, chuôz zênhx cơưv ntơưr chiê tax tâu shông cơyưv yiêz. Cưk kriê ntơưr Lò Văn Trường, Hiệu trưởng tsêr cơưv cxênhx iz Khén Pí, xã Xuân Lao, huyện Mường Ảng, Điện Biên puz pâuz: “Shông cơưv yiêz no, tsêr cơưv tsuv uô nzir 4 luz tsêr lav cơưv. Tsêr cơưv sik côngv truôx đros UBND xã, txos nhiv no tưz uô tâu 3 qar. Nhiv no tsênhv yuôr iz qar thiêz, pêx xênhv tsênhv sik đros uô. Tsưr ziv zos tsuv uô tiêr uô ntêx hnuz 5/9”.

Shông cơưv no, huyện Mường Ảng muôx 36 luz tsêr cơưv, 510 ntâu lớp đros muôx 12.500 lênhx shux xênhz nhoz 3 cấp. chiê bax cxuô tsar tov jông tiv zix trâu shông cơưv yiêz, ciês đhâu thâuv suôv câuv shông cơưv 2015-2016, phongx zoz zux thiêz thox cxov huyện tưz chox kriê chor tsêr cơưv ntơưr qênhz shuôk đuô cxuô zav phưx vưv trâu kriê ntơưr  chiê muôx tsưr ziv kho đuô hâur chêix so sor. Đhâu co, txos nhiv no tưz muôx 12 qar cơưv yiêz tâu cxiv uô, 42 qar lav cơưv tâu kho jông đuô. Đuô li, iz cxiê tsêr cơưv ntơưr tưz cxiv uô faz nja thêir, kho đuô plas tiêx hâur tsêr cơưv phưx vưv shông cơưv yiêz. Taz sik, tas nro huyện cux tsênhv yuôr muôx 130 qar lav cơưv, tsav xar muôx 26%; chor chuôz zênhx kriê ntơưr, cơưv ntơưr trâu shux xênhz nhoz chor tsêr cơưv tsênhv tsik tâu txâuk, tiv zix zos chor tsêr cơưv nhoz đêz. Zơưv Lê Văn Thống, trưởng phongx zoz zux thiêz thox cxov huyện Mường Ảng puz pâuz: “Pêz muox tsưr ziv cungz muôx cxix cxuô ntơưr cơưv, ntơưr sâu, chuôz zênhx cơưv ntơưr trâu shux xênhz tâu sơưv lơưr nghị định 68 cux xưk li nghị điịnh 116. Txos trâu six hơưv no pêz tưz uô hux thôngx đros công ty ntơưr Điện Biên taz por muôx txâuk ntơưr cơưv thiêz ntơưr sâu trâu shux xênhz lơưr tsênhv chêi. Chor shux xênhz tsik tâu sơưv têx cêr chêi, pêz tưz chox kriê chor tsêr cơưv ntơưr taz por chiê shux xênhz muôx ntơưr cơưv, cux xưk li cxix cxuô têx chuôz zênhx cơưv ntơưr chiê hla trâu shông cơưv yiêz”.

Cux lơưr zơưv Thống, nganhx zoz zux-thox cxov huyện xav jênhv zuôr nriêr ntâu tsưr ziv, tiv zix zos sir jos hlôngr yiêz chiê nzor kho đuô cxuô zav, têx tsêr cơưv ntơưr. Taz sik, chiê chor shux xênhz ntơưv no muôx tâu tsar tov cơưv ntơưr jông tiv zix, nganhx zoz zxx huyện vav tiêk zuôr tâu cxuô cấp, cxuô nganhx, chor nênhs siêz jông hâur thiêz đrâuv tỉnh sik côngv têk paz./.

(CTV Quốc Hưng-Lik Thox cxêik nênhv)

Tsar Ban nội chính T.Ư Phan Đình Trạc, qênhz shuôs luôs hâux lưv uô lơưr Nghị quyết T.Ư 3 ntơưv Bắc Kạn

Đhâu 10 shông uô lơưr Nghị quyết T.Ư 3 ( Khóa 10) thiêz suô luk phêv ziv T.Ư 5 ( Khóa 11), hâux lưv phax tar nox nhiêx têz qơưs hâur thax tsav tỉnh Bắc Kạn tưz muôx ntâu hlôngr yiêz. Taz sik, qênhx shênhx nox nhiêx têz qơưs hâur thax tsav tỉnh cux tsênhv yuôr ntâu phiv liv; uô tsi yuô tâu jông. Lar heik, têx txuz nox nhiêx li heik sâuv phênhv ntâu zos qênhz pov đhâu hâux lưv qênhz yuôx, qênhz shuôs thiêz têx ntơưr pênhr; hâux lưv tưx qênhz yuôx, qênhz shuôs hâur qơư mak uô tsi tâu tâu jông, hâur thax tsav qơư nhoz tsênhv muôx qênhx shênhx luôs heik ntâu txos njơưk nhiêx đơưk cêr cxâuv li uz li no…. Phênhz lok têx qir tiv uô tsi tâu li heik sâuv, Bí thư Tỉnh ủy Bắc Kạn Nguyễn Văn Du heik, iz chas iz cxiê cấp ủy, têx lênhx sơưr thơưx hâur cơ quan li txux chi tsưr ziv kis, tsi yuô tâu jênhv pâuz mak iz cxiê txuz nox nhiêx tik cêr cxâuv tsi tâu txos qơư, uô tsi tâu trơưk Nghị quyết cui tinhv zos tiv têx ntâuz ntơưr, chei, cui tinhv tsi tâu cxiv kho li muôx têx li heik ntơư hâur fuô uô luôs hâux lưv no: “Tỉnh Bắc Kạn sir jos cxơưz tiês, uô jông hâux lưv phax tar nox nhiêx têz qơưs. Taz sik, chiê uô tâu mak tsênhv yuôr ntâu vênhv thix, lar heik zos txix T.Ư txos ntơưv qơư, zov chênhr zos têx cui tinhv, chei fuô kriê trâu sđ uô lơưr tsuv tsênhz mênhx. Muôx ntâu lênhx Đảng viên trâus tik cêr cxâuv taz  sik lok sâuv hâu nov mak lơưr bluô tsi tâu. Pêz tsi tâu muôx chei viv li lok six lax”.

Heik ntơưv jiês uô hâux lưv, đôngx chir Phan Đình Trạc heik tỉnh Bắc Kạn  tsuv tror uô cov tiêr têx ntâuz ntơưr, cxơưz tiês uô jông luôs hâux lưv no, lar heik zos hâur têz, phênhz tsênhz mênhx têx canr bôv, công  chức têx luk nuk, chei tâu sơưv….; gra siêz lênhx sơưr thơưx hâur cơ quan, canr bôv, đảng viên, công chức, viên chức li txơưx jênhv chiê jux juk cxiv kho, tsôngv box sđ li muôx cêr chiê siêz, njênhs njôngr trâu Đảng, têz qơưs. Txix têx uô tsi tâu tsi tiêr hâur phax tar nox nhiêx têz qơưs ntơưv Bắc Kạn, zơưv Phan Đình Trạc heik: “Nêx têx đôngx  chir tsuv chêx tsôngk đơưk uô jông têx txuz nox nhiêx têz qơưs sâuv đhâu qênhz yuôx, zos tiêk uô tsi tâu tsênhz mênhx mak pêz tror uô đuô. Zos tiêk tsênhz mênhx mak tsuv taz por uô tâu jông trơưk li qênhz yuôx. Ciês têx nhiêx thêv lok tênhx qơư, zos hâur ntu uô lơưr têx chei, cui tinhv yiêz mak lơưr tso tsês tsi uô, pêz tsi sâu, zos hâur ntu muôx têx chei, cui tinhv yiêz co lơưr cux tsênhv uô hâux lưv mak pêz tsuv sâu, taz sik tsuv uô trơưk đreiv chei”.

Uô ntêx ntơư, heik ntơưv jiês uô hâux lưv, hâu nov tỉnh Bắc Kạn heik pâuz, txix shông 2006 txos nhiv no, tas nro tỉnh tưz qênhz yuôx 1.640 jiês lok sâuv kinh tế-XH, qênhz pov uô cxâuv thiêz heik cov sâu nhiêx têx uô cxâuv ntơư tâu muôx 286 tỷ đeiv ntâu, heik cov sâu têx nhiêx uô cxâuv heik sâuv thêv trâu têz qơưs zos 61 tỷ đeiv ntâu thiêz đơưk tu 57.206 xưv ar têz; sâu têx nhiêx sê, nhiêx uz no tâu 171 tỷ đeiv./.

( TTT-Riê Lâux cxeik, nhênhv)