Chủ tịch têz qơưk Trần Đại Quang luk xa trâu nganhx zoz zux ndaz ndơưv kriz cơưv shông cơưv yiêz

Cxuô lênhx cưk kriê ntơưr, cán bộ, công chức, viên chức uô hâux lưv hâur nganhx zoz zux, chor uô niêv uô txir thiêz cxuô lênhx shux xênhz hmor yuô!

Ndaz ndơưv kriz shông cơưv yiêz 2017-2018, cur thor xa txos cxuô lênhx cưk kriê ntơưr, côngz chức, viên chức uô hâux lưv hâur nganhx zoz zux, chor uô niêv uô txir đros trâu cxuô lênhx shux xênhz tas nro têz qơưk lo luk phôngv jông tiv zix trâu shông cơ]v yiêz.

Shông cơưv 2016-2017, Nganhx zoz zux tưz sir jos uô lơưr Đảng, têz qơưk li têx chêi lok zoz zux thiêz uô tâu tiêr luôs hâux lưv Đảng têz qơưs zok muôz. Têx hlôngr yiêz lok zoz zux ziv hnuz ziv jông đuô; tsơưr lươngv zoz zux cxuô cấp tâu gra siêz.

Jiês tưr cơưv tiêr ntơưr cxênhx pêz têz qơưk thiêz xêir zuôr cơưv đại học, cao đẳng shông 2017 tâu uô truôx jông, chor đoàn shux xênhz Việt Nam đros tưr O-lym-pic ntiêx têz cxuô môn toán học, vật lý học, Hóa học, Sinh Học thiêz tin học, cux tưr tâu siêz tiv zix, xav txix thâuv ntêx txos nhiv no.

Hlôngr njêx muôs hâu nov, Đảng têz qơưk, cur hênhr kruôk têx sir jos thiêz muôx luk phôngv jông thiêz kruôk txos nganhx zoz zux uô tâu truôx cxuô luôs hâux lưv hâur shông cơưv đhâu.

Shông cơưv 2017-2018, nganhx zoz zux tsuv tror kriz uô cov tâu truôx thiêz hlôngr yiêz tsưr ziv huôv tsar zoz zux. Tsêx trung cxiv tsa tênhv qơư zoz zux ngaz tuk, sưv jê; gra siêz tsơưr lươngv zoz zux nhoz cxuô cấp cơưv. Tsov cưv txos huôv tsar zoz zux trâu thax tsav qơư tir ntâuk tros châuz thâuv ntêx, thax tsav tsôngv box mênhx cxưx tsơưs nênhs; tsuv moz siêz txos chor nênhs tâu sơưv tsênhv chêi têz qơưs, cov cxuô lênhx sđ tâu cơưv ntâuz ntơưr cxix cxuô.

Phôngv cxuô lênhx cưk kriê ntơưr, cán bộ, công chức, viên chức, uô hâux lưv hâur nganhx zoz zux thiêz tas nro cxuô lênhx shux xênhz, zuôr cơưv cov tâu truôx ntơưr đuô trâu shông cơưv yiêz. Phôngv côngz trâu ngênhx zoz zux ziv hnuz ziv huôv tsar./.

 (Lik Thox cxêik nhênhv)

Lào Cai: Thax tsav trâus đêx cuôr yôngz Phìn Ngan tưz bax tâu trâu shông cơưv yiêz

Txix ciês thâuv hâur hlik hli 8, chor qơư ar xưz poz iz ndis tsêr cơưv cxênhx oz Phìn Ngan tưz tâu hâu nov xã sik đros cưk kriê ntơưr thiêz shux xênhz niêv txir cxiv thêir, kho đuô chiê taz por ngaz tuk trâu shux xênhz. Yar tiêx, lớp cơưv ntơưr cux tâu suô qêz hur si chiê bax trâu shông cơưv yiêz. Tiv zix, 2/3 lênhx tuz nxeik shux xênhz hâur tsêr cơưv ntơưr zos tuz nhuôs chor ziv chuôz zis pluôs, njiz trâus phiv liv tiv ntux nas đêx ngaz cuôr shông 2016 tâu muôz paz têx chuôz zênhx, ntâuz ntơưr cơưv uô ntêx thâuv zuôr hla trâu shông cơưv yiêz. Cưk kriê ntơưr Đỗ Mai Thông-Hiệu trưởng tsêr cơưv phôv thôngx mênhx cxưx niêv txir zus mor cxênhx oz Phìn Ngan puz pâuz:

“Bax trâu shông cơưv yiêz mak tsêr cơưv tưz bax lok six jông lok cxuô kror. Tsêr cơưv cux tưz hêik trâu chính quyền tiv phaz hâur bax cxuô zav trâu shông cơưv yiêz li cxiv thêir ar xưz, poz, lôngx đhok đuô 15 luz mêir nzuô chuô trâu chor qar cơưv ntơưr cux xưk li cxiv uô cxiv luôs têx tsêr mor chiê muôx đêx râuz bâu trâu shux xênhz hâuk”.

Đros thiêz tsêr cơưv nhuôs zâu xã Phìn Ngan, đrâuv luz tsêr cơưv nhoz jok Sủng Hoảng tưz trâus puôk tsuôx tas tiv đêx ngaz cuôr tsuv chiê tas nro chor shux xênhz muk cơưv trâu tsêr cơưv txơưr đuô mak luz tsêr cơưv nhuôs zâu chênhr nhoz saz ntus đêx cux tsênhv trâs muôx ar xưz poz ntâu. Thâuv tsênhv tok qơư yiêz uô cov tiêr, hâux lưv kriê thiêz cơưv ntơưr cux tsênhv lav tâu kriê ntơưv tsêr cơưv kuz. Cưk kriê ntơưr Nguyễn Thị Thu Hương-Hiệu trưởng tsêr cơưv nhuôs zâu Phìn Ngan, huyện Bát Xát, tỉnh Lào Cai hêik:

“Nhiv no tsêr cơưv tưz bax cxix cxuô zav, muôx iz kror zos nhiv no pêz luz tsêr cơưv tsênhv nhoz trâu qơư zôngx ziv njiz trâus ar poz, pêz cux vav tiêk tiv phaz nzor uô tiêr cxiv tsa tsêr cơưv yiêz chiê tsêr cơưv ntơưr thiêz shux xênhz tso siêz hla trâu shông cơưv yiêz”.

Lơưr pos Nguyễn Thị Ngọc Anh, Trưởng phòng zoz zux thiêz thox cxov huyện Bát Xát, tỉnh Lào Cai, têx tsar tov bax trâu kriê thiêz cơưv ntơưr ntơưv Phìn Ngan hêik taz thiêz sâuv tas nro thax tsav huyệ Bát Xát hêik cxuô tưz tâu bax jông lok cxuô kror, taz por tsik chiê lênhx shux xênhz tưs viv luz nênhx txov nhêv mak tuôx cơưv tsik tâu.

“Shông cơưv no côngz xưv chox kriê phax tar ntux nas chuô txix cxuô cấp chính quyền tưz tâu hêik txos tas nro chor tiv phaz, chor tsêr cơưv zuôr njiz trâus têx phiv liv cux tưz tâu qênhz shuôk, kho đuô thiêz txar qơư nhoz. Iz kror thiêz zos pêz kriê nzir hâur chêix so sor trâu chor cưk kriê ntơưr chiê taz por trâu shông cơưv yiêz”.

Pos Nguyễn Thị Ngọc Anh puz pâuz nzir, nhiv no shux xênhz cxuô cấp cux tưz tuôx tsêr cơưv thâuv ntux nas chuô cux tsênhv phiv liv. Đros thiêz hêik shux xênhz tuôx cơưv cxix cxuô đros tsơưr lươngv cơưv ntơưr, chor tsưr ziv phax tar ntux têz uô hiêv cux tâu phòng zoz zux thiêz thox cxv huyện sik côngv đros chính quyền tiv phaz bax chiê taz por ngaz tuk tiv zix trâu chor cưk kriê ntơưr thiêz shux xênhz./.

(An Kiên-Lik Thox cxêik nhênhv)

                  PHÊNHV NÔNGX MÊNHX ZUÔR TSUV PÂUZ

Luk Hmôngz: ( số 24)

                  Hnuz tso: Thưr 3 hnuz xiêz 5 hli 9 shông 2017

Nhạc hiệu chuyên mục “ Nhà nông cần biết”

Tsôngv box.....! Ciêz nhiv kruôr đhâu, iz cxiê lênhx tsôngv box hu xor tôngx tuôx trâu tsaz yênhx nus tiêk, têx nhux tưv zuk xar tu zus cov trok maz zos thâuv ntu tưs thiêx jông thiêz tsuv zôngv zav jâuz tâux tưs chiê trâu nhux tưv nox cov thiêx trok jông? Uô li phênhv "Nôngx mênhx zuôr tsuv pâuz" hnuz no pêz zuôr heik kriê iz cxiê lênhx tsôngv box tsênhv huôv tsar uô nox txix tu zus nhux tưv trok maz têx tsưr ziv li đrav kaz:

Tu zus nhux tưv trok maz

Six hơưv jông chiê tu zus nhux tưv trok maz zos thâuv têx nhux tưv tsênhv mok (txix 2 shông nhux tưv) zuôr muôx ntâu grêix jông. Viv têx nhux tưv mok nưl hloz sei, têx hniêr khor nox tâuk jâuz, zôngx ziv zus thiêz cux trok jông đuô. Xar tu zus nhux tưv cov trok maz jông mak thâuv luz cheix ntux lax, viv luz cheix no muôx ntâu jâuz thiêz ntux lax nziês. Six hơưv jông tu zus nhux tưv trok maz khênhr zos thâuv 3 luz hlik. Hli tiv iz, tsôngv box sơưr đơưk qêz suô, tu đu lus têx qơư zus thiêz cơư tsiêx, muôz yuôx chaz trâu nox, muôz têx jâuz tâux trâu nhux tưv  nox cov txâuk. Đros thiêz têx tuk zuôs, tsi yuô muôx đas jos mak muôz nzir têx zav jâuz, krâur muôx tsơưr pưr trâu nox chiê sei muôx đas jos, zôngx ziv trâu tu zus hâur têx luz hlik lơưr co. Nzênh hli tiv 2, sơưr đơưk tso nưk mul nox nưk jâuz jê ntơưv tê chiê nhux tưv nưk xeir nưk jâuz nox, muôz cxaz nzir têx jâuz kruôr trâu nox, taz por txâuk đêx trâu hâuk. Txos hli tiv 3, muôz têx jâuz krâur cxaz nzir đas jos trâu nox thiêz tso mul nox jâuz jê ntơưv têx iz ndis qơư nhoz lok sik cơư, lêis jâuz puz trâu nox chiê tuk nhux tưv co thiêx tsi yuô tas đal jos mul lok thiêz trok tâuk tuôx.

Nhạc cắt

Tsôngv box....! Zav jâuz tâux muôx têx muôz trâu nhux tưv nox cov trok tâuk thiêz fiv đros trâu thax tsav tox siêz, ntơư zos zav tâux Guatemala thiêz tâux VA06.

Tâux Guatemala zôngx ziv chos thiêz chiêx, hlar hâur niêx shông. Chos iz jiês, 4-5 shông tov kaz thiêx tror chos đuô. Zav tâux no tir tâuk ntux kruôr, ntux no thiêz lok đâul tê lok cux tsi tuôs. Thâuv têx tâux jông trâu nhux tưv nox, tsôngv box sơưr đơưk muôz têx blôngx lưs lok trâu nhux tưv nox jux juk, yuôr chor car lâuk mak muôz por tês. iz chas ntơư, muôx têx cux muk lêis chor tâux lok vâuv tsês kâuz chiê trâu nhux tưv tâu nox têx thâuv luz cheix ntux kruôr tsi muôx jâuz trâu nhux tưv nox ntơư.

Nhạc cắt

Tâux VA06 mak tâu nju. Shông xuz thơưx tưz tâu txix 225-375 tênhr jâuz tâux iz ha. Txos shông tiv 2, muôx têx tâu nhos 480 tênhr iz ha. Chor tâux co muôx têx muôx jâuz nju li co tax thâuv tưs zuk tror chos đuô (đhâu 6 shông tov kaz).

Tâux VA06 muôx têx zôngv uô jâuz trâu tsiêx nox nhôngk lok sik muôz vâuv tsês kâuz, tsês mê njik kruôr njưk lok sik muôz jov uô hmôngr kruôr chiê trâu nhux tưv nox jux juk. Tâux VA06 lok six zôngx ziv chos. Tsuôk đhâu 3 luz hlik chos xưz tưz muôx têx jông lêis trâu nhux tưv nox. Đhâu lêis tas li ntơư, 20-40 hnuz tưz tror hlar, jông lêis lơưv thiêz. Hâur iz shông, muôx têx tâu lêis txix 6-8 jâuk. Đhâu iz jiês lêis tal li heik sâuv, iz ha sơưr đơưk tsuv zuôv 300 cir qir đơưz cxiz trâu. Tâux VA06 tir tâuk ntux no thiêz kruôr hur si. Chênhr viv li zos chos tâu zav tâux VA06 heik ntơư, tsôngv box sơưr đơưk zuôr muôx têx tsi trâus cxơưx lok sâuv têx jâuz trâu nhux tưv, nênhk, yis....nox.

Tsôngv box....! Phênhv " Nôngx mênhx zuôr tsuv pâuz" hnuz no, zos Đeix TNVN đros tsênhv qơư cxiz kôngz têz qơưk uô./.

(VOV4-Riê Lâux cxeik, nhênhv)