Nhav nhux lok zus, muôx nzir cêr cxơưx

Zos iz hâur 27 chuôz zis pluôs thiêz zuôr xar pluôs nhoz hâur jok Cộng, xã Chiềng Đông, huyện Tuần Giáo nhiv kruôr tâu lênhk nhav nôngz nhux lok zus, taz sik ntâu hnuz lok no, zơưv Lò Văn Đôi chuôz zis lok six cxơưx, viv nhux tsi nox jâuz thiêz trơưk plaz ntêr hnuz tsi jông. Seiz njiê tus nhux mak iz hnuz zuôs jux juk, uô trâu zơưv Đôi chuôz zis tsi pov kaz uô chas:

“Pêz chaz nhux lok tsêr, pêz tưz pov tus nhux tsi yuô chuk. Nhux tsi nox jâuz, chaz lok txos nhux tưz moz plaz, tso kuôr uô cuô li ntơư. Nhiv no pêz lok six cxơưx, tsi pov kaz zuôr uô li chas, tus nhux no pok zuôr chơưv kho tâu jông  moz”.

Têx chuôz zis px nhoz jok Cộng heik, gri têx nhux nhiv kruôr tâu lênhk nhav lok zus ntơư pok tsiv nhos trâu chor nhiêx têz qơưk muôz paz thiêz ho tsuv nzir 5 tsov đeiv nhiêx txeik thiêx tâu chaz nhux lok tsêr. Tix lâus Lò Văn Thươi, chuôz zis pluôs yax hâur jok Cộng heik pâuz, tus nhux chuôz zis nhiv kruôr nhav chaz lok zus ntơư, tâu ntâuk gri zos 15 tsov đeiv ntâu, chuôz zis tưz tsuv muk kêr txeik nzir 5 tsov đeiv thêv chiê tâu chaz nhux lok:

“Chaz nhux lok tsêr, tsuv nzir nhiêx 5 tsov đeiv thiêz thiêx tâu chaz. Chor nhiêx 5 tsov đeiv ntơư, cur chuôz zis tưz tsi muôx, mak tsuv muk kêr txeik têx nhiêx zuôr nhiêx nju siêz lok nzir, 5 tsov đeiv, iz hlik tsuv thêv nhiêx nju 500 cxênhz đeiv”.

Zơưv Tòng Văn Xoan, Phưv tsar jok Cộng, xã Chiềng Đông, huyện Tuần Giáo heik, pir li têx chuôz zis pluôs hâur jok phênhv sâu tâu, gri nhux nôngz li ntơư zos mê njik civ, zos tsuôk 13-14 tsov đeiv iz tus mak px jông siêz, thôngx ziv, taz sik chor nhux muôz trâu px zus co, gri puôr lênhx txix 17-18 tsov đeiv, px tsuv muk txeik nzir nhiêx lok thêv viv li lơưr tsi yuô jông siêz trâu têx li heik no:

“Px lơưr têx tsi jông siêz, tsuôk zos heik lol sâuv tsuv thêv nzir 5 tsov đeiv, px tsuv muôz nhiêx 5 tsov đeiv thêv nzir mak thiêx tâu chaz nhux lok tsêr. Pir li tsôngv px hâur jok, mak lênhx tưs cux txov nhêv, chuôz zis tưs cux zos chuôz zis pluôs, gri bâuv li co cux mê njik civ, iz tus 17-18 tsov đeiv, têx tus mê cux zuôr xar nto 17 tsov đeiv”.

Pos Phạm Thị Tuyên, Tsar Phongx Kôngz nuv thiêz huôv tsar tox siêz huyện Tuần Giáo, tỉnh Điện Biên heik pâuz, lơưr Ủy ban huyện Tuần Giáo quyết tinhv sôr 765, nôngz nhux muôz paz trâu têx chuôz zis pluôs thiêz zuôr xar pluôs nhoz jok Cộng zus zos chor nôngz nhux ntơưv qơư, iz tus muôx nhos 120 cir, xav hur si têx pênhr muôx 361 tsov đeiv ntâu txix têz qơưk tsaz yênhx qơư tsov txos lok txo grêk cêr pluôs truôx shông 2020 li pênhr nhiêx txiêx. Iz chas ntơư, cui tinhv paz trâu iz chuôz zis pluôs tsi tsênhr đhâu 12 tsov đeiv, chuôz zis zuôr xar pluôs tsi đhâu 10 tsov đeiv. Lok sâuv tsơưr lươngv têx nôngz nhux, pos Phạm Thị Tuyên heik li no:

“Phênhv ntâu têx nhux px zuôr lok puôr lênhx zos nôngz nhux ntơưv qơư, nôngz nhux hâur thax tsav tỉnh thiêz huyện xưz, muôx têx tsênhv zos chor nôngz nhux hâur xã, viv muôx kênh xã lơưr zuôr ciês nôngz nhux hâur xã lok zus, tsênhz đuô no zos têx nôngz nhux hâur thax tsav xưz, tưz tsi zuôr saz đrâuv lok hlo. Trơưk li cui tinhv yiêz, zos qênhz shuôs tsơưr lươngv nôngz tsiêx cxu mak tsi tas qênhz shuôs moz lơưv”.

Sik thav lok sâuv tsênhv njiêz no, zơưv Muôk Va Hồ, Phưv Chủ tịch Ủy ban huyện Tuần Giáo heik pâuz, huyện Tuần Giáo quyết tinhv sôr 765 thôngz đhâu dưv anr “paz nôngz nhux đas ntơưv qơư trâu chor chuôz zis pluôs nhoz xã Chiềng Đông zus” zos dưv anr nhoz tsaz yênhx 135 “paz max huôv tsar uô nox thiêz nthuôr uô đar trâur nuv txo grêk cêr pluôs”. Huyện Tuần Giáo fuô uô tsaz yênhx no txos trâu 18  xã, muôx 800 ntâu chuôz zis tâu sơưv têx chei paz co. Dưv anr zos Ủy ban têx xã uô tsưr. Đros thiêz hâux lưv choz nôngz nhux trâu px zus ntơưv jok Cộng, xã Chiềng Đông, mak ntơưr pov tsir heik txos, zos px tsuv txeik nhiêx saz đrâuv lok chiê nzir gri nhux, huyện zuôr zênhx max tso nênhs muk qênhz yuôx đuô:

“Nhiêx muôz paz trâu chuôz zis zuôr xar pluôs zos 8 tsov đeiv, chuôz zis pluôs zos 12 tsov đeiv, li ntơư zos zuôr tâu iz tus nhuôv shuôk nhux. Pêz cxơưz cxiz cov px đros paz iz phênhv tưs xưz, hok lol sâuv cui tinhv tsôngv px tsuv đros nzir nhiêx mak tsi muôx têx li heik co, taz sik pêz cxơưz cxiz px txeik mê njik nhiêx thêv nzir. Pêz zuôr tso nênhs muk qênhz yuôx đuô viv trơưk li cui tinhv, tsêr nhiêx tsênhv chei zuôr tso txeik, mak px tsi txeik, lơưr ho tưx muk kêr txeik saz đrâuv”.

Viv li chas tsôngv box pluôs nhoz jok Cộng, xã Chiềng Đông ho muk kêr txeik nhiêx saz đrâuv zuôr nhiêx nju siêz chiê thêv nzir gri nhux thâuv lênhk nhav chor nôngz nhux lok zus; taz sik hâur ntu no, tsêr nhiêx  tsênhv chêi xã hội cux tsênhv yax kriê px kêr txeik têz qơưs têx pênhr chox lok huôv tsar cêr uô nox? Tsơưr lươngv têx nôngz nhux muôz choz txos trâu tsôngv px pok tsênhv zos chor nôngz nhux jông? No zos têx luk nus cxuô cấp ngênhx huyện Tuần Giáo thiêz tỉnh Điện Biên tsuv nzor uô tsênhz mênhx chiê txar jav têx px heik tsi jông siêz, chiê tsaz yênhx tsênhv tsênhv uô tâu trơưk li Đảng, têz qơưk tsưr ziv fuô kriê./.

(Vũ Lợi-Riê Lâux cxeik, nhênhv)

ZƠƯV ZAX SEO SÍNH GÔNGR PHÊNHV UÔ HLÔNGR YIÊZ LUZ NÊNHX NHOZ VẰNG DOỌC

Tưz 30 shông ntâu nhoz uô nênhx ntơưv Vằng Doọc, txơưv ntêr pir đros iz lênhx nênhs lu luz nênhx, taz sik đros zơưv Zax Seo Sính thiêz tsôngv box mênhx cxưx Hmôngz nhoz Vằng Doọc, lơưr thâuv tưs cux ndo njôngr txos ntu txov nhêv thâuv ntêx.

Zơưv Zax Seo Sính zos iz hâur 6 ziv chuôz zis tsôngv box mênhx cxưx Hmôngz cxôngx Hà Giang txar muk nhoz uô nênhx Vằng Doọc. No zos thax tsav tox siêz ar nxaz, tsi muôx qơư tiêx chiê cxiv uô tsêr nhoz. Thâuv nhiv kruôr tuôx nhoz ntơưv no 6 ziv chuôz zis tsuv lav uô tsêr tax chiê nhoz jê ntus đêx. Luz nênhx phênhv ntâu khov txos poz cưk, kok ntông....Tov kaz no krêz phaz, jos chos tâu cxaz blêx, poz cưk, taz sik chiv blêx, poz cưk cux shông sâu tâu chiv cheix, shông mak sâu tsi tâu. Viv li, luz nênhx six fênhx yeiz pluôs hâur yênhx shông.

Nhạc cắt

          Xar njôngr cov luz nênhx jông đuô, zơưv Zax Seo Sính cuiz tênhv huôv tsar kinh têr chuôz zis lơưr trâur nuv tu zus, tsêz chos. Đros zuôr xar 20 hecta ar jôngr thiêz ar uô kôngz têz qơưk choz, đros hâux lưv chos jôngr, chos blêx, chos poz cưk, tu zus buô thiêz muôv muôs hax huv, shông 2014 zơưv thiêz chuôz zis tror hlôngr chos muôx nhos 0,5 hecta tsoz ba kích. Cxôngx shông 2017 txos nhiv no, chor nhiêx txiêx zơưv Sính sâu tâu cxôngx hâux lưv muôs tsoz ba kích zos 300 tsov đeiv ntâu. Chiê chuôz cxaz phênhv sâu, shông 2019 zơưv Zax Seo Sính tsênhv tror chos cxaz têx tsoz chos txơưr li kriêr đax, yuôx zêx pax đax, txir thênhx caz....sâu liv tâu muôx nhos 100 tsov đeiv. Txos nhiv no zơưv chuôz zis zos iz hâur 2 chuôz zis xuz thơưx hâur jos hla đhâu cêr pluôs

Nhạc cắt

          Tsi taz txơưx huôv tsar uô nox uô hâuk, zos iz lênhx đangv viên, cux muôx ntu zos tsar jos, bí thư Chi bộ jos thiêz nhiv no zos lênhx txir ndâux txir luk hâur jos. Đros hâux lưv vênhv tôngv tsôngv box hâur jos uô jông Đảng, têz qơưk li chủ trương, cêr chei, tiv phaz li cui tênhv; sik côngv tês cxiv tsa nôngx cxênhz yiêz, zơưv Zax Seo Sính tsênhv jông siêz paz pox nhuôs hâur jos tsưr ziv uô nox uô hâuk; paz txưv nôngz tsoz chos, heik kriê tsưr ziv, paz 10 ziv chuôz zis uô lơưr zơưv chuôz zis li trâur nuv huôv tsar kinh têr thiêz muôx phênhv sâu ngaz tul. Tsi taz li ntơưv, zơưv Zax Seo Sính tsênhv vênhv tôngv tsôngv box hâur jos gôngr ar, hnuz côngz thiêz gôngr 60 tsov đeiv ntâu uô cêr zaoz thôngz. Chiê tsôngv box uô lơưr, zơưv chuôz zis tưz chiv chir gôngr 5 cxênhz yiv ndis ar thiêz gôngrr zuôr xar 20 tsov đeiv chiê uô 2 txox cêr muk lok hâur jos; vênhv tôngv tsôngv box chiv chir krêz zuôr xar 20 cei cêr muk pêv har jôngr, paz muk lok thâux xiv huv jôngr nuv zôngx ziv đuô, gôngr phênhv muôz siêz luz nênhx trâu tsôngv box.

Nhạc cắt

Khov tâu Đảng, têz qơưk tsov cưv, yưv pênhr, chính quyênx tiv phaz chox kriê đros têx lênhx nênhs uô ntêx nyuôk li zơưv Zax Seo Sính tưz gôngr phênhv chox lok luz nênhx yiêz trâu jos Vằng Doọc. Đros têx yênhx tix tax tâu hâur ntâu shông đhâu, zơưv Zax Seo Sính tưz tâu têx cấp cxôngx tỉnh txos xã hênhr kruôk thiêz zos đeiv iêr chi cax luk chiê pox nhuôs hâur jos cơưv shâuv uô lơưr.

Chox luk: Phênhv “nôngx mênhx zuôr tsuv pâuz” hnuz no tsuôk muôx xâuk li no xưz. Phênhv no zos Chiz coaz Đeix nta suôz VN iz suôv Tây Bắc uô. Muôx tsênhv qơư cxuêz kôngz têz qơưk paz txưv./.

(Lik Thox- Txâur Vax cxeik nhênhv)