Tsôngv box tsi muk txox cêr cxiv uô tas ntâu nhiêx txiêx-Txơưx jênhv zos lênhx tưs?

Trơưk li iz lênhx tsưr doanh nghiệp nhoz Lai Châu heik pâuz: Txox cêr lox 134 qir txix jok Bo, xã Mường Giôn-Quỳnh Nhai-Sơn La txos jok Pá Ngừa, xã Tà Mít, huyện Tân Uyên, tỉnh Lai Châu, đhâu pak đêx tênhv tênhz Bản Chát txix muk fuôx gox, đhâu ntơư txos trâu txox cêr lox sôr 32 ntơưv thax tsav đơưv trôngz Khau Riềng, huyện Tân Uyên, tỉnh Lai Châu. Nhoz iz saz txox cêr no zos tỉnh txox cêr sôr 133, txix xã Thân Thuộc, huyện Tân Uyên muk đhâu têx xã: Thân Thuộc, Nậm Cần, Nậm Sỏ muk trâu thax tsav qơư kis Sìn Hồ, iz saz zos tâu yưv pênhr uô jông mak zuôr zôngx ziv mul lok tâu trâu Quỳnh Nhai, Sơn La. Txox cêr 133 no muk đhâu ntâu thax tsav muôx ntâu tsôngv box uô nênhx nhoz, chênhr viv li thâuv uô tâu txox cêr 134 ntơư tưz tsi yuô muôx lênhx tưs mul lok đhâu:

“Txox cêr no cur pov uô tâu, tưz tsi yuô muôx lênhx tưs mul lok thiêz tiês, ntơư zos têx hloz tsưr ziv uô, hok tsôngv box mak txov nhêv”.

Đhâu qênhz nus iz cxiê lênhx canr bôv thiêz têx lênhx nênhs khênhr mul lok xa hax huv, uô uz uô no đhâu thax tsav no ziv chênhv, lơưr puôr lênhx heik thiêz ntâuk grê tiêk: Đros thiêz têx nhiêx yưv uô txox cêr 134, tsuôk muôz iz đraz chor nhiêx txiêx co chiê cxiv kho txox cêr 133 nyê zuôr jông đuô lok six ntâu pir li krêz uô yiêz txox cêr 134 ntơư. Tix lâus Lưv Xênhv Zax, heir nênhs Hmôngz nhoz xã Nậm Cần, huyện Tân Uyên heik pâuz: Têz qơưk tsuôk cxiv kho txox cêr 133 cov jông mul lok xưz, zênhx paz trâu huôv tsar kinh tế-XH ntơưv qơư lơưv:

“Zos têz qơưk sir jos paz uô txox cêr no, luôv suôz jêz, xi măng đu lus, jông mul txix ntơưv no txos Sơn La mak zôngx ziv trâu tsôngv box sđ mul lok đuô”.

Tix lâus Trương Phi Vũ, tsar yêz  lox, vax tsêr nhoz thị trấn Tân Uyên tsi so thâux xa hax huv mul lok đhâu sâuv txox cêr 133 heik pâuz: Yưv pênhr uô txox cêr 134 zos sênhv, uô tuôr xuôv nhiêx txiêx xưz, cê tsi muôx lênhx tưs mul lok đhâu, têx yêz lox cux tsi car muk viv tsi yuô muôx nênhs mul đhâu cêr, muôs tsi tâu hax huv, cêr lok nkhâuk lêv, tsas cêr siêz zôngx ziv muôx tox xưz poz, zos muk txox cêr no hmôngr tsi jông yêz uô li chas cux tsi pov kaz uô chas thiêz:

“Txox cêr 133 mak lox đar đuô, muôx ntâu tsôngv box nhoz trơưk 2 saz ntus cêr đuô, zos têx thâuv yêz tsi jông li uz li no tsênhv muôx tsôngv box jê ntơư, txox cêr 134 mak tsơưs nênhs mul lok đhâu, cêr khênhr trâus xưz poz. Xưk li pêz têx lênhx tsar yêz lox mak khênhr muk txox cêr no, hur tiz si chor yêz nhoz tiêx đras tuôx, lok lơưr cux muk txox no xưz. Pir li txox cêr 133 thiêz 134 mak txox 133 zôngx ziv muk đuô. Muk trâu Sơn La mak tsi tsuv muk đhâu qox, đhâu fuôx gox. Têz qơưk tsuv yưv pênhr uô thiêz kho txox cêr 133 chiê têx jêx jok tsôngv box zôngx ziv mul lok huôv tsar uô nox”.

Dưv anr txox cêr 107, nhiv no zos cêr 134 zos côngz trênhx cxiv uô tas lok six ntâu nhiêx txiêx ntơưv tỉnh pluôs Lai Châu. Thâuv hâur iz tỉnh tsênhv yuôr ntâu txov nhêv, têx chuôz zis pluôs yuôr xar muôx 25%; ntâu tsêr cơưv ntơưr, qơư uô hâux lưv hâur têx xã tsuv tâu cxiv uô jông thiêz khor truôx tsênhv tsi tâu tâu muôx pênhr uô, mak dưv anr txox cêr xar iz cxênhz tỷ đeiv no tâu cxiv uô tso tsês, tsi muôx lênhx tưs mul lok, uô tuôr xuôv têx nhiêx txiêx.

Hâux lưv sir zôngv pênhr nhiêx trái phiếu Chính phủ muôx liv zov chênhr chiê cxơưz têx thax tsav txov nhêv huôv tsar uô nox uô hnar. Txix têx tsênhv tsênhz heik sâuv lok txox cêr 134 ntơưv Lai Châu lok six zuôr trâul tâu qênhz yuôx, seiz kaz luôs hâux lưv uô lơưr chei cxênhx txuôs, phax tir thêir uô tuôr xuôv hâur sir zôngv têx pênhr nhiêx trái phiếu Chính phủ trâu yưv pênhr uô têx côngz trênhx nhoz tỉnh pluôs hâur têz qơưk no./.

(Thanh Thủy, Khắc Kiên-Riê Lâux cxeik, nhênhv)

Phênhv chêi têz qơưk

Phênhv tiv 13:

          Tsôngv box ...yuô! Phênhv taz por zaoz thôngz hnuz no, pêz tror heik kriê txos tsôngv cưr tix fôngx zưs njiêz luv Grê 69 “Nênhs kinh doanh vênhv teiv thâux kruô li vax huôv thiêz hâux lưv tsuv uô”; Grê 70 “Nênhs tsar yêz thiêz lênhx nênhs paz hâux lưv sâuv yêz vênhv teiv thâux kruô li txơưx jênhv”; Grê 71 “Tsôngv kruô mul yêz li vax huôv thiêz hâux lưv tsuv uô”.

          Nam: Grê 69. Nênhs kinh doanh vênhv teiv thâux kruô li vax huôv thiêz hâux lưv tsuv uô

          Nữ:

1. Nênhs kinh doanh vênhv teiv yêz thâux kruô muôx vax huôv li no:

          a) Sâu nhiêx txiêx thâux kruô, hax huv;

          b) Tsi jênhv thâux kruô thâuv yêz tưz mul đhâu qar yêz, qơư tos kruô, thêv kruô lơưr hôx thôngx têx lênhx nênhs tưz muôx vé yêz lok sik nênhs nhoz hâur hôx thôngx muôx têx hâux lưv uô tsi jông txos txiv ngaz công côngv; uô zênhr shar txos nênhs kinh doanh vênhv teiv li hâux lưv uô, zênhr shar txos lênhx nênhs txơưr li đas jos, chuôz zênhx chuôz tas, lok sik tsôngv kruô trâus têx zav moz riêz nênhs.

          2. Nênhs kinh doanh vênhv teiv tsuv uô têx luôk hâux lưv li no:

          a) Uô cxix cxuô têx cam kết lok tsơưr lươngv vênhv teiv, hôx thôngx vênhv teiv;

          b) Zuôr bảo hiểm trâu tsôngv kruô; nhiêx bảo hiểm tâu xav thâuv tsôngv kruô thêv nhiêx txiêx mul yêz;

          c) Muôz vé yêz, ntâuz ntơưr sâu nhiêx txiêx trâu tsôngv kruôr;

          d) Pâux nzir têx trâus ruôr hiêv tiv lênhx nênhs paz hâux lưv, lênhx nênhs hlôngr njêx muôs uô yưv thâuv uô hâux lưv tâu nênhs kinh doanh vênhv teiv choz;

          3. Bộ trưởng Bộ tài chính lov lik, sik côgnv đros Bộ trưởng Bộ zaoz thôngz vênhv teiv cui tênhv lok grê vé yêz thiêz ntâuz ntơưr sâu nhiêx phí vênhv teiv thâux kruô.

Nhạc cắt

          Nam: Grê 70: Nênhs tsar yêz thiêz lênhx nênhs paz hâux lưv li txơưx jênhv sâuv yêz thâux kruô

          1. Qênhz yuôx têx taz por sâuv yêz uô ntêx thâuv mul.

          2. Jông siêz heik kriê tsôngv kruô jâuv trơưk qơư cui tênhv

          3. Qênhz yuôx, seiz car jông tsôngv kruô li chuôz zênhx chuôz tas.

          4. Muôx tsưr ziv por vêv tsôngv kruô li txox siê, đas jos, chuôz zênhx chuôz tas mul yêz, tuôr jông vêv xênhz sâuv yêz.

          5. Cơư trôngx thâuv mul lol sâuv yêz thiêz thâuv yêz tsênhv mul tâus cêr.

Nhạc cắt

          Nam: Grê 71: Tsôngv kruô li qênhx thiêz hâux lưv tsuv uô

          Nữ:

          1. Tsôngv kruô muôx têx qênhx li no:

          Tâu mul lol lơưr trơưk nênhs kinh doanh vênhv teiv li hôx thôngx vênhv teiv, cam kết lok tsơưr lươngv;

          2. Tsôngv kruô tsuv uô têx luôk hâux lưv li đrav kaz:

          a) Tuôx ntơưv qơư tsav yêz trơưk six hơưv tưz heik; uô cui tênhv lok thâux mul lok; uô trơưk nênhs tsar yêz, lênhx nênhs paz hâux lưv sâuv yêz li heik kriê lok têx cui tênhv taz por zaoz thôngz;

          b) Tsi gra lơưr têx hax huv, chuôz zênhx trâus txưr trâu sâuv yêz./.

(Bích Thủy- Txâur Vax cxeik nhênhv)