Yên Bái chêix njuôs hlor

Njuôs hlor muôx nhoz ntâu tiv phaz, taz sik tsik zos kror tưs njuôs cux kaz jiz, mok li nhoz Yên Bái. Chêix ntux yiêz, ntux lok nas yâur cxuô qơư ntơưv Yên Bái, chor câuk njuôs sặt sik tưr tuôx xưk li chor ndêz.

Chor njuôs co tuôx mak cux lok six jông khơưz lor, Taz sik chiê khơưz lor tâu chor njuôs kaz mak pox nhuôs nênhs Thái, Cho, Khớ Mú tsuv xuôk hlâu uô jông khơưz lor chor njuôs nhiv kruôr tuôx yưv sâuv bông ar chox lok uô nox thiêx kaz.

Đhâu tsiêz, iz cir njuôs hlor mak civ bâuv li iz cir grêix buô, xar muôx 60 cxênhz đêiv. Gri njuôs grêk jux juk thâuv txos ndax chêix thâuv hli 3 txos hli 5 cux muôs gri txix 15-20 cxênhz đêiv iz cir. Thâuv ntêx no mak pox nhuôs nhoz chor huyện Văn Chấn, Trạm Tấu, thị xã Nghĩa Lộ nhiêv nox zav njuôs no, taz sik ntâu shông lok no mak njuôs hlor cux tâu thâux ntâu muk trâu thành phố Yên Bái, Hà Nội thiêz chor tỉnh qơư kik. Tix lâus Lường Văn Xuân nhoz xã Nghĩa Lợi, thị xã Nghĩa Lộ puz pâuz:

“Yênhx hnuz cur muk hâur har jôngr zuôr xar muôx 100 cir njuôs, tas muôx 1 triệu ntâu, muôs mak sâu tâu liv muôx 500 txos 600 cxênhz đêiv. Chor nhiêx co cux txâuk zôngv hâur luz chêix kôngz lôngk tsik tâu siêr no”.

Njuôs shôngz hlor mak zâu, ndax, tuk njuôs lox đuô tuk ntir têk thơưx mê nji. Thâuv muôz chor tơưr njuôs têr tas mak tuk njuôs đơưz mok, zôngx ziv uô tâu ntâu zav nox lok cux tsik nyêi trâus tưx, viv njuôs sặt zos zav njuôs jông nox tiv zix.

Njuôs sặt zuôr uô tâu ntâu zav nox li: hâu, ciz, muôz hlơưr hâur chuz tơưs…taz sik nt bê tiv zix cux zos muôz njuôs hlor tsơưk đros tar buô. Muôz njuôs hlor têr tâu tsông cov lưx mok, đhâu co muôz tsơưk đros tar buô cov muôs, muôz nzir kix, txir lưk suôr, jâux cxưz shơư trâu no mak lok six kaz, nox tsik pâuz đhuôr…

Txơưv tâu uô nox đros ntâu zav grêix thiêz jâux, taz sik chiê nox hnor kaz zos têx nxiêz har jôngr, tox siêz mak tsuv muôz hâu nox. Tsuôk zos muôz njuôs tso trâu hâur lâux câuz hâu 20 phênhv xưz njuôs siêr lơưv. Cuô njư zos njêr, mik chênhr, cuô txoz đros xaz txoz thiêz kix. Cux zôngx ziv li co thiêz kaz zos muôz njuôs hlơưr hâur kror chuz chiê têr nox…Tix lâus Nguyễn Mạnh Hà, tuôx txix thành phố Hải Phòng puz pâuz:

“Nox njuôs sặt mak lok six kaz thiêz tsik tâu nox đuô hlo. Xuz thơưx nox mak tsik yuôx kaz viv tsik tâu sưv, taz sik nox ntâu sưv lơưv mak xar nox hênhr. Tuôx ntơưv no mak lênhx tưs cux zuôr mê njil chiê gra muk tsêr sơưr đơưk nox…”

Thâuv ntêx, njuôs hlor chiv chir tuôx pox nhuôs sâu lor tsik tâu ntâu. Xar muôx 10 shông tror lok no, jênhv pâuz tưz tsik zos nênhs nhoz tiv phaz mak chor nênhs nhoz têx, tỉnh, thành phố txơưr đuô cux lok six nhiêv tsôngv box nhoz no li chor njuôs sặt, viv li tsôngv box Thái, Cho, Khơ Mú tưz chos nzir ntâu thax tsav njuôs sặt thiêz uô jông tsoz phưz. Txos trâu chêix chiv, iz hnuz txix Mường Lò muôx txix 5-7 tấn njuôs hlor tâu chox muk muôs, sâu tâu xar muôx iz đraz tiv ntâu trâu tsôngv box tox siêz nhoz ntơưv no./.

(Đinh Tuấn-Lik Thox cxêik nhênhv)

Điện Biên zos thax tsav qơư du lix

          Ntơưv cxuô qơư di tích li: Đuôz ntâuk zênhx tros châuz lịch sử Điện Biên phủ, trôngz A1, tsêr tsês chiê cxuô chuôz zênhx tir ntâuk zênhx tros châuz lịch sử Điện Biên phủ; kror tâuz Đờ Cát; qox Mườn Thanh…hâur luz chêix no muôx chôngz lênhx kruô tuôx sêiz ndis shuôk têz qơưs; hâur ntơư cux muôx iz cxiê lênhx kruô zos chor tuz lênhv lâuk đrav ntêx đros tir ntâuk tros châuz Điện Biên Phủ cux tror tuôx sêiz shuôk têx qơư thâuv ntêx tir ntâuk tros châuz. Zơưv Phủ Phạm Thắng, muôx 85 shông, nhoz Hà Nội tuôx thiêz zơưv zos iz lênhx tuz lênhv lâuk đrav ntêx đros tir ntâuk tros châuz hêik pâuz tiêk: Hâur ntu tir ntâuk tros châuz nhoz Điện Biên phủ, muôx chôngz lênhx ntâu tus tuz lênhv tưz tâu tas siv nênhx thiêx muôx li hnuz no.

          Băng: “85 shông tror tuôx trâu thax tsav qơư đrav ntêx tir ntâuk tros châuz, tâu sơưr sâuv trôngz A1, cur cux uô tsâu tsôngv fôngx zưs sđ tuôx trâu ntơưv no cxiv tsa Điện Biên thiêx muôx li hnuz no. Thiêz muôx lênhx fôngx zưs đrav ntêx tir ntâuk tros châuz cux tâu tas siv nênhx trâu ntơưv thax tsav qơư no”

          Pos Nguyễn lan Hương  nhoz hải Phòng tuôx thiêz cux zos thơưx jiês tuôx trâu txos trâu thax tsav qơư tir ntâuk tros châuz Điện Biên phủ đrav ntêx thiêz tâu mnôngs thav lok cxuô lênhx tuz lênhv lâuk đrav ntêx tir ntâuk tros châuz.

          Băng: “Đhâu mnôngs thav lok cxuô lênhx tuz lênhv lâuk đrav ntêx têx tsưr ziv đas jos, trox nya tir ntâuk tros châuz sâuv trôngz A1, cur cux pâuz tâu chor tuz lênhv lâuk ntơư têx cêr txov nhêv tir ntâuk tros châuz, cxiv kho têz qơưs truôx tuk”.

          Trơưk li tsêr tsês cxuô chuôz zênhx tir ntâuk tros châuz Điện Biên phủ hêik pâuz: Luz chêix no, hâur iz hnuz tưz muôx yênhx cxênhz lênhx kruô tuôx sêiz shuôk thax tsav qơư đrav ntêx tir ntâuk zênhx tros châuz Điện Biên Phủ. Thiêz trơưk li njuôk xav, hâur têx hnuz xiêz 7/5, chox kruô tuôx sêiz shuôk thax tsav tir ntâuk zênhx tros châuz Điện Biên phủ cux tsênhv zuôr tsar ndê siêz.

          Pos Vũ Thị Tuyết Nga, phưv tsar sêiz car tsês tsês cxuô chuôz zênhx tir ntâuk tros châuz Điện Biên phủ đrav ntêx hêik pâuz: Iz chas 10 lênhx chox kruô thiêz hêik kriê hâur ntu tir ntâuk tros châuz đrav ntêx nhoz Điện Biên Phủ, cux tsar cxaz nzir 15 lênhx cán bộ đros uô têx hâux lưv chox kruô ndis shuôk thax tsav qơư tir ntâuk zênhx tros châuz Điện Biên phủ hêik ntơư.

          Băng: “Iz cxiê kruô, thâuv tưs cux tuôx sêiz shuôk têz qơưs, tsuv tâu hêik kriê têx qơư đrav ntêx tir ntâuk zênhx tros chauz trâu sđ pâuz. Hur si cxuô luôs hâux lưv uô, tsuv uô cov huv đros tsôngv kruô sđ siêz”

          Iz chas ntơư, hâu nov sêiz car tsêr tsês cxuô chuôz zênhx tir ntâuk zênhx tros châuz Điện Biên phủ, cux tso cxaz nzir iz cxiê lênhx cán bộ chiê qêz cxuô thax tsav qơư di tích cov đu lul, tsik chiê uô vuôz tsuôz kiêk nênhs thiêz thâuv tưs tsôngv kruô tuôx ndis ntux đhâu thax tsav qơư tir ntâuk tros châuz Điện Biên cux nhoz trơưr tsôngv kruô siêz tsik plox./.

                                                 (Tsu Vưx cxêik nhênhv-Vũ Lợi)