Tsưr ziv uô tsênhv tsênhz chiê huôv tsar đảng nhoz Nậm Ét.

Xã Nậm Ét zos thax tsav nhoz đêz đrôngs hâur huyện Quỳnh Nhai, tỉnh Sơn La, suôv qơư muôx tsôngv box heir nênhs tsơưs uô nênhx nhoz li: Hmôngz, Poz Ziz, La Ha. Đảng bộ xã Nậm Ét muôx 24 chi bộ, phênhv ntâu zos têx chi bộ jêx jok. Xav tinhv hâux lưv huôv tsar đảng viên zos luôs hâux lưv zov chênhr hâur côngz xưv cxiv tsa Đảng, zos qơư truôx jông chiê cxơưz cxiz kinh tế XH ntơưv qơư, niêx shông, xã tưz fuô uô tsưr ziv thiêz choz hâux lưv tsênhv tsênhz trâu têx chi bộ txix ciês thâuv hâur shôngk shông, iz chi bộ sir jos cov kriê têx txux chi tsưr ziv yuôr trâus, xeir zuôr tâu txix 1-2 lênhx tso nhoz hâur đảng. Iz chas ntơư, Ban thường vụ Đảng ủy phênhz côngz têx đôngx chir đảng ủy viên iz lênhx seiz car iz chi bộ, paz ntơưv qơư uô tiêr tâu luôs hâux lưv heik sâuv. Đros thiêz zos xã uô liêx têz, tsôngv box luz nênhx tsênhv yuôr ntâu txov nhêv, hâur hâux lưv huôv tsar đảng viên, xã moz siêz txos huôv tsar đảng viên trâu têx  hluôk nênhs, têx lênhx uô ntêx nyuôs hâur cxuô phôngz yaox pox niêv, hluôk nênhs, têx hôiv đoanx thêv chiê kriê cxaz txux chi tsưr ziv, tso nhoz hâur đảng.

Xưk li lênhx đảng viên hluôk Quàng Văn Chỉnh, heir nênhs La Ha, nhoz jok Huội Hẹ, xã Nậm Ét. Thâuv tsênhv zos shux xênhz cơưv trâu tsêr cơưv Đại học Tây Bắc, Chỉnh tưz tâu cơưv lớp kriê cxaz têx txux chi tsưr ziv lok Đảng. Txuôk lơưr co, kaz shông 2015 thâuv cơưv tas ntơưr, Chỉnh tâu tsêr cơưv uô ntơưr kriê lok xênhz huôx trâu chi bộ jok Huổi Hẹ, chiê chi bộ đros paz thiêz. Đhâu iz shông sir jos cơưv shâuv, Chỉnh tưz tâu chi bộ tso nhoz hâur Đảng. Đros thiêz hluôk nênhs li cêr uô ntêx nyuôs hâur cxuô luôs hâux lưv, muôx têx txux chi tsưr ziv txơưx xar tơưv, Chỉnh tưz hu zâuv tâu 10 ntâu chuôz zis đros tu zus njêl sâuv đêx Sông Đax thiêz yênhx lix hợp tác xã Huổi Pao. Hợp tác xã nhiv kruôr qir uô hâux lưv tsi tâu ntêr taz sik tưz muôz hâu cêr jông trâu xã Nậm Ét huôv tsar kinh tế XH. Seiz lok sâuv txux chi tsưr ziv uô nuv cux li tsôngv box sđ cêr chiê siêz, njênhs njôngr trâu lênhx đảng viên hluôk Quàng Văn Chỉnh, shông 2018, Thường trực đảng ủy xã tưz phênhz côngz trâu Chỉnh lês uô hâux lưv hâur xã, uô nuv nhênhz chơưv paz văn phongx đảng ủy. Txơưv tiêk nhoz kror tưs, uô zav hâux lưv tưs đôngx chir cux sir jos xar tơưv têx txux chi tsưr ziv jông, uô tiêr tâu têx luôs hâux lưv zok muôz. Đôngx chir Quàng Văn Chỉnh heik pâuz:

“Tâu Đảng ủy xã  Nậm Ét phênhz côngz paz uô hâux lưv trâu Văn phongx đảng ủy xã. Cur thâuv tưs tưz sir jos uô tiêr tâu jông cxuô luôs hâux lưv zok muôz, hâux lưv tâu cấp ủy thiêz chor hloz thênhv siêz choz zok”.

Têx xã thax tsav tox siêz, tsôngv box heir nênhs tsơưs têx phiv liv heik cxuô, cux xưk li xã Nậm Ét heik taz hâur hâux lưv huôv tsar đảng viên, ntơư zos tsôngv box txux chi kis, xeir tsi tâu tso nhoz hâur đảng. Iz chas ntơư tsôngv box phôngz cxưx cêr nênhx vênhx huôv cux uô hiêv tsi tsơưs txos hâux lưv huôv tsar đảng li: Têx pox niêv zuôr txir nzor, tsi đros cxaz chuôz hâur têx tsưr tsix đoanx thêv viv li tsi muôx tsưr tsix chiê kriê lơưr muk cơưv cxaz nzir têx txux chi tsưr ziv lok đảng. Muôx ntâu lênhx txơưv tiêk jông tso nhoz hâur đảng taz sik têx pox niêv ntơư tsi cxaz chuôz xênhz huôx đoanx lok sik đhâu hnuz nhôngs xênhz huôx viv li tsưr tsix đoanx cux xeir tsi tâu tso ndê đảng viên. Uô trơưk cui tinhv, cux li têx tsênhz tiês, Hội pox niêv xã tưz heik thiêz nhênhz chơưv trâu cấp ủy đảng muôz six hơưv trâu têx lênhx pox niêv cơưv tas ntơưr cấp 2 chiê xeir tso nhoz hâur đảng. Niêv lâuk Bàn Thị Nghiệp, Chủ tịch Hội pox niêv xã Nậm Ét heik pâuz nzir:

“Hội pox niêv huyện cux nhênhz chơưv, uô ntơưr qênhz shuôs txix chi bộ. Têx lênhx pox niêv đhâu hnuz nhôngs tsi đros xênhz huôx đoanx lơưv, chiê chi hội heik trâu đảng, tso muk cơưv cxaz têx txux chi tsưr ziv lok đảng, tso nhoz hâur đảng”.

Txix Ban thường vụ Đảng ủy xã têx tsưr ziv chox kriê, zênhx max, hâux lưv huôv tsar đảng viên nhoz xã thax tsav tox siêz Nậm Ét tưz uô tâu jông. Txos nhiv no, tas nro Đảng bộ tưz muôx 275 lênhx đảng viên. Txix hâux lưv lok six phiv liv huôv tsar đảng viên pox niêv, txos nhiv no đảng bộ tưz muôx 45 lênhx đảng viên pox niêv, tsi yuôr luz jok tưs tsi muôx đảng viên. Tror sir jos uô luôs hâux lưv heik co, Ban Thường vụ đảng ủy xã tror chox kriê têx chi bộ moz siêz txos têx lênhx nênhs uô tâu hâux lưv jông, uô ntêx nyuôs hâur cxuô cêr nuv XH, thâuv tưs tưz uô tiêr tâu têx hâux lưv zok muôz, hâur co tsưv ziv txos lưv lươngv jênh quân tưv vêv, têx đôngx chir Bí thư nhoz têx chi đoanx thiêz chor pox niêv hâur têx chi hội.... Zơưv Lò Văn Đôi, Phưv Bí thư Thường trực Đảng ủy xã Nậm Ét, huyện Quỳnh Nhai, tỉnh Sơn La heik:

“Pêz tsênhv moz siêz txos thiêz chox kriê đôngx chir Hội pox niêv thiêz qênhz shuôs hur tiz si têx chi hội tsar nhoz têx jêx jok, zos lênhx tưs muôx txux chi txâuk trơưk li đảng cui tinhv, mak tror tso muk nhoz cơưv cxaz têx txux chi, tsưr ziv lok đảng thiêz chi bộ seiz shuôs tso têx đôngx chir pox niêv ntơưv têx jêx jok nhoz hâur đảng. Txix ntơư zuôr paz cxơưz huôv tsar kinh tế XH hâur thax tsav tâu jông đuô./. 

(Lường Hạnh-Riê Lâux cxeik, nhênhv)

PHÊNHV NRIÊR PÂUZ LOK CÊR CHÊI TÊZ QƠƯK

Hnuz 15 hli 11 shông 2017, ntơưv jiês cơưv tiv 4, Côx hôiv khóa 14 tưz thôngz đhâu luật jôngr nuv. Luật muôx 12 yôngx, 108 gri. Hâur co luật cuiz tênhv lok cêv kuôk jôngr ntông, por vêv, huôv tsar jôngr, tsưr jôngr li qênhx thiêz jênhv vưv, qênhx choz zok jôngr, muôz ntiêr jôngr, hlôngr đuô tsưr ziv sir zôngv jôngr, sâu tsês jôngr, dịch vụ tênhv qơư jôngr, huôx tôngv nhiêx txiêx hâur jôngr nuv, khoa học thiêz công nghê lok jôngr nuv, sêiz car têz qơưk lok jôngr nuv.

Gri 4 Luật jôngr nuv cuiz tênhv lok têz qơưk li tsênhv chêi jôngr nuv, đros têx tsênhv chêi cxuô taz por huôv tsar truôx trâu nganhx jôngr nuv, Luật tưz cuiz tênhv tsênhz mênhx đros tsôngv box hêir nênhs tsơưs, co zos ntơưv khoản 6: “Têz qơưk taz por trâu tsôngv box hêir nênhs tsơưs, côngv thôngx pêx xênhv nhoz khov trâu jôngr tâu choz zok jôngr đros choz zok ar chiê uô xênhz yar jôngr, kôngz, đêx nuv uô cê; tâu sik côngv, sik đros por vêv thiêz huôv tsar jôngr đros tsưr jôngr, phêiz kênh kror liv txix jôngr; tâu uô têx vênhx huôv, phongx cxưx đros trâu jôngr lơưr chính phủ li cuiz tênhv”.

Luật li cuiz tênhv lok tsênhv njiêz no zos kror zov chênhr chiê tsôngv box cxuô mênhx cxưx tsơưs nênhs uô zuk li qênhx thiêz jênhv vưv đros qênhx shênhx sêiz car, por vêv, huôv tsar, sir zôngv jôngr, uô thiêz muôl muôs ntông.

Tsênhv chêi tưz khav tênhv kror taz por trâu tsôngv box hêir nênhs tsơưs, côngv thôngx qơư pêx xênhv nhoz khov trâu jôngr tâu choz zok jôngr đros ar uô xênhz yar jông, kôngz, đêx nuv uô cê.

Côngv thôngx cxuô hêir nênhs tsơưs uô nênhx nhoz đros jôngr txix ntêr lok, muôx têx vênhx huôv thiêz phongx cxưx lơưr yênhx thax tsav. Hâur co, ntâu phôngx cxưx muôx tsiv gri lox hâur tuôr chiê thiêz huôv tsar jôngr. Pov tâu vênhv thix no li tsiv gri đros thiêz tsôngv box li côngz xưv por vêv jôngr thiêz đros luz nênhx kinh tế, vênhx huôv, hâur luật cux cuiz tênhv tsênhz mênhx lok tsênhv chêi trâu tsôngv box hêir nênhs tsơưs tâu uô têx vênhx huôv, phongx cxưx co đros jôngr lơưr Chính phủ li cuiz tênhv. Ntơưv điểm d, khoản 2, gri 5 luật cuiz tênhv jôngr uô phongx cxưx zos iz hâur chor jôngr tâu por vêv jông tiv zix. Cux ntơưv khoản 8, Gri 14 luật cuiz tênhv tsưr ziv choz zok jôngr, muôz ntiêr jôngr, hlôngr đuô tsưr ziv sir zôngv, sâu tsês jôngr mak tsuv tsov cưv txos côngv thôngx pêx xênhv nhoz li qơư nhoz uô nênhx, phongx cxưx. Lok tsênhv chêi yưv pênhr por vêv thiêz huôv tsrr jôngr ntơưv gri 94 luật cux cuiz tênhv lok six tsênhz mênhx kror têz qơưk muôx tsênhv chêi paz yưv pênhr trâu tsôngv box hêỉ rnênhs tsơưs, côngv thôngx pêx xênhv nhoz li têx huôx tôngv sik côngv por vêv thiêz huôv tsar jôngr đros tsaz yênhx huôv tsar kinh tế-xar hôiv, cxiv tsa jêx jok yiêz./.

                      (Tuyết Lan-Lik Thox cxêik nhênhv)