Têx luôs hâux lưv uô tâu hâur tsaz yênhx txo grês yêiz pluôs nhoz Nậm Pồ (Điện Biên)

Pos Thùng Thị Vinh chuôz zis nhoz jos Nà Hỳ 2, xã Nà Hỳ, huyện Nậm Pồ, ntâu shông đhâu zos chuôz zis pluôs hâur jos xã, viv li tâu sơưv tsaz yênhx paz txưv lok cungz nhux tưv nhux đas uô nôngz cxôngx huyện. Cxôngx thâuv muôx nôngz nhux chiê huôv tsar tu zus, pos chuôz zis luz nênhx jux jus ngaz tul thiêz trâu siêz huôv tsar uô nox. Khov co, txos shông nhiv kruôr đhâu, pos chuôz zis tưz uô ntơưr thor hla đhâu chuôz zis pluôs:

          “ Tâu paz txưv 1 tul nhux tưv uô nôngz chiê huôv tsar uô nox uô hâuk, chos jâuz, poz cưk, nhiv no chuôz zis luz nênhx cux jông đuô viv li uô ntơưr thor hla đhâu chuôz zis pluôs”.

          Hâur shông 2019, huyện Nậm Pồ tror krêz uô ntâu tsaz yênhx lok txu grês cêr pluôs li 30a, 135... Đhâu co, paz txưv tsôngv box huôv tsar uô kôngz lôngk, krêz đar luôs hâux lưv uô txo grês cêr pluôs sâuv thax tsav huyện; paz pênhr cxiv uô vax tsêr trâu têx xã txov nhêv tiv zix.

          Chủ tịch UB xã Vàng Đán, huyện Nậm Pồ- zơuv Mùa Chớ Sùng puz pâuz: cxôngx têx tsaz yênhx txu grês cêr pluôs, tsôngv box hâur xã luz nênhx tưz pov muôx ntâu hlôngr yiêz, chor ziv chuôz zis pluôs hâur xã txu grês 4% iz shông.

          “Thâuv tâu huyện muôz pênhr lok xã, xã tưz khiêz phêv jêx jos sâu zuôr tsôngv box li ziv chênhv lok zoz qơưx paz txưv, pir li paz nhux tưv, nhux đas lok sik iz cxiê zav meir paz tsôngv box uô kôngz. Tưz uô trơưk lênhx nênhs thiêz muôx chêx cuk, nhiv no tsôngv box tưz zuôr tâu nhux tưv nhux đas, huôv tsar ngaz tul”

          Lơưr phongx Lox tôngv- xã hội huyện Nậm Pồ: hâur ntu shông 2013 txos nhiv no, huyện tưz yưv pênhr zos 350 tỷ đeiv ntâu chiê uô têx tsênhv chêi paz trâu px. Iz chas co, huyện tsênhv huiz tôngv thiêz uô uô cê têx tsaz yênhx txơưr chiê yưv pênhr huôv tsar kinh têr, txu yeiz cxuô pluôs, đros tas nro chor nhiêx txiêx zos 720 tỷ đeiv ntâu. Têx phênhv pênhr no thâuv muôz paz cux chox lok paz tâu trâu tsôngv box muôx luz nênhx truôx tuk jux juk. Zơưv Trần Văn Vũ, Tsar phongx lox tôngv saz pênhz thiêz xã hội huyện Nậm Pồ heik:

          “Hâur six hơưv đhâu, hâux lưv krêz uô têx chính sách nox nhoz xã hội, txu grês cêr pluôs tâu huyện lok six tsov cưv, tiv zix zos têx chính sách txu grês cêr pluôs, muôz hâux lưv uô, lok y tế, zaoz zux thiêz têx chính sách lok paz txưv nênhs muôx luz nênhx txov nhêv tiv zix. Đhâu co yênhx trus gôngr phênhv txu grês cêr pluôs, taz por txiv ngaz chinhr trị thiêz huôv tsar KTXH huyện”.

          Txơưv muôx ntâu hlôngr yiêz jông, taz sik pir đros thiêz têx tiv phaz hâur tỉnh Điện Biên thiêz thax tsav Tây Bắc li huôv tsar cxuô mak Nậm Pồ tsênhv zos huyện pluôs. Xav txos tas shông 2019, chor chuôz zis pluôs nhoz hâur thax tsav huyện yuôr 60%. Viv li, pox nhuôs xar njôngr ntu zuôr txos no, Đảng têz qơưk thiêz têx Bộ nganhx Trung ương tsuv tror krêz uô ntâu tsênhv chêi, hâur co muôx têx tsênhv chêi paz huôv tsar kinh têr, xã hội thax tsav ntus đriv txov nhêv tiv zix. Đhâu co, pox nhuôs muôx luz nênhx hlôngr yiêz truôx đrênhk./.

(Vũ Lợi- Txâur Vax cxeik nhênhv)