Tsêr mêir tênhv tênhz Lai Châu: zuôr uô cov tiêr nzor đuô hâux lưv tso tơưv

Qơư đhok mêir hâur têx hnuz no, đros suôz mêir tổ số 1 thiêz số 2 đror zos chor cán bộ, kỹ sư, công nhân taz viv đhok mêir LILAMA 10 li têx sir jos. Nhiv no tổ mêir số 3 cux tưz tâu uô zuôr tiêr, pir li tsưr ziv mak tổ mêir số 3 xưk li tâu đhok sêi đuô, thâuv têx chênhz zênhv đhok tsêr mêir đêx tênhv Sơn la li chor tổ mêir cux xưk li tsêr mêir đêx tênhv Lai Châu li oz tổ mêir uô ntêx tâu sir zôngv uô ntơưv no.

Lơưr hlôngr njêx muôs công ty cổ phần đhok mêir LILAMA 10-taz viv uô ciês chor tổ mêir tsêr mêir đêx tênhv Lai Châu puz pâuz: Thâuv kriz uô đhok chor tổ mêir ntơưv tsêr mêir đêx tênhv Lai châu, taz viv muôx liv lok six ntâu lok chênhz zênhv viv tưz tâu uô chor tổ mêir tsêr mêir đêx tênhv Sơn La. Công nhân li yênhx tưv, cux xưk li taz viv hêik pâuz sêiz kaz thiêz chor taz viv cik txos li  li chênhz zênhv cux jông đuô. Viv li cux xưk li chor tổ mêir uô ntêx, tổ mêir số 3 njuôk xav zuôr uô tiêr nzor đuô 2 hli pir li tsưr ziv. Zơưv Chu Văn Tú, đội trưởng đội đhok mêir, Công ty cổ phần LILAMA 10 puz pâuz: “Thâuv tuôx tsêr mêir lơưv mak pêz lok six zôngx ziv thiêz tiv zix zos chor taz viv cik txos tuôx paz trâu pêz, đros pêz uô tiêr jênhv vưv. Đros tổ mêir số 3 mak nhiv no pêz muôx 400 lênhx nênhs uô. Pêz sir jos uô thiêz hnuz 0/8 tưz uô tiêr, lơưr tsưr ziv mak txos hnuz 20/10 zuôr tso tênhv tâu”.

Đrâuv tổ mêir số 3, txos six hơưv no, tas nro cxuô kror iz ndis tsêr mêir đêx tênhv Lai Châu tưz tâu uô tiêr. Saz đrâuv tsêr mêir tâu uô jông txix chor ntong njuôz thiêz têx txox cêr jông gâux. Côngz trinhx zuôr tâu uô tiêr hâur shông 2016 zos tas nro yênhx cxênhz lênhx cán bộ, kỹ sư, công nhân chor nênhs tưz sik đros uô sâuv công trường li vav tok njôngr.

Zơưv phạm Hồng Phương, giám đốc ban coangr lik tsêr mêir đêx tênhv Sơn La-Lai Châu puz pâuz: đhâu tsêr mêir đêx tênhv Sơn La, tas nro têx chênhz zênhv tâu uô ntơưv tsêr mêir đêx tênhv Lai Châu. Muôx tâu chênhz zênhv co, tsưr yưv pênhr thiêz nênhs uô tưz coangr lik jông txix ciês xuz thơưx, tiv zix zos côngz xưv qênhz yuôx, sêiz kaz tâu uô jông. Zơưv Phạm Hồng Phương puz pâuz: “Tsêr mêir đêx tênhv Lai Châu cux tưz tâu EVN tso tơưv, hâur co muôx oz kror zos tso tênhv tổ mêir số 3 trâu kaz hli 11 thiêz uô tiêr tsêr mêir trâu hli 12. Chiê tax tâu kror co mak cux tsuv sir jos uô côngz xưv sêiz kaz. Tiv 2 thiêz zos sêiz shuôk jông côngz xưv cungz muôz cxuô zav trâu công trường, cxuô zav muôx tsik txâuk mak tsuv sêiz shuôk jông chiê tror muôz cov txâuk thiêz ndar six hơưv”.

Tsưr ziv tso tênhv tổ mêir số 3 thiêz uô tiêr tsêr mêir đêx tênhv Lai Châu tsênhv jê jux juk. Zos uô tiêr li hêik sâur mak tsêr mêir đêx tênhv Lai châu zuôr tâu uô tiêr nzor đuô tsưr ziv tso tơưv iz shông thiêz paz muôx liv trâu têz qơưk 5.000 tỷ đêiv. Thâuv tas nro 3 tổ mêir muôx 1.200 MW tâu muôz lok sir zôngv. Iz shông zuor paz muôx tênhv trâu têz qơưk 4.670 triệu Kw iz six hơưv. Thiêz o zuôr zos kror zov chênhr, tiv zix zos hâur ntu têz qơưk tsênhv tsuv muôx tênhv ntâu chiê huôv tsar kinh tế li nhiv no./.

Phênhv: NÔNGX MÊNHX ZUÔR TSUV PÂUZ

Lul Hmôngz: số 18

Hnuz tso 6/9/2016

Uô: VOV4

Nhạc hiệu...

 Chỉnh Xênhv Vax uô bluô nux cxôngx chos pax lan

( Hlôngr suôz)

Tix lâuk Chỉnh heik: “ Pax Lan zos zav pax jông gâux viv li zos tsoz pax tsênhv nhoz jos ju lix Sin Suối Hồ. Pêz jos nhiv no 100% chor chuôz zis puôr lênhx chos pax Lan; têx chuôz zis chos tsơưs mak cux yênhx châuv tsoz, ntâu mak yênhx puôk tsoz. Lênhx tưs cux chos, uô ntêx zos chiê vax tsêr, jêx jos ziv jông gâux, chiê uô ju lix. Đrâuv co, thâuv tsôngv kruôr ndis shuôk xar zuôr mak muôs trâu lơưr chiê muôx cxaz phênhv sâu.

Kaz shôngk shông 2015 nhiv kruôr đhâu, tas nro jos li phênhv sâu cxôngx hâux lưv muôs pax Lan tâu zuôr xar 1,5 tỷ đeiv; chuôz zis tưs muôs ntâu mak tâu 200-300 tsov đeiv”. Pov tsênhz phênhv sâu cxôngx hâux lưv chos pax Lan, tsar jos Chỉnh Xênhv Vax tưz sir jos sik pheiz kênh têx tsưr ziv zuôv qir, tsoz phưz pax Lan trâu pox nhuôs hâur jos, viv li pax tâu chos ziv hnuz ziv ntâu, tâu chôngz tsôngv kruô ndis shuôk lok six nhiêv txos thiêz zuôr.

Tsar jos Chỉnh Xênhv Vax li luz tsêr, cux xưk li tsôngv box Hmôngz nhoz no li têx luz tsêr, zos zôngv ar puôz uô thiêz vor vuôs đuz. Taz sik iz kror zôngx ziv pov tâu zos txơưv hâur tsêr lok sik đrâuv jôngr, lok sik cêr mul lol thâuv tưs cux hur đu, tsi muôx têx vuôz tsuôz kiês nênhs. Chiê uô tâu kror no, tix lâuk Chỉnh puz pâuz “ Đhâu têx jiês uô phêv hâur jos, jos tưz pheiz côngz tsênhz mênhx yênhx ziv chuôz zis uô vêv xênhz, por vêv ntu cêr. Hâux lưv tuôr tsês jông vêv xênhz vax tsêr, cêr mul lol hâur jos cux tâu tso hâur quy ước cxuô zos jos cxiv sâu. Thôngx cxix zuk cux yax six yax mông chiê pox nhuôs pâuz tsênhz hâux lưv tuôr jông vêv xênhz tênhx qơư nhoz uô nênhx, tsi uô zênhr shar txos tênhx qơư ndis shuôk ju lix”.

Tsar jos Chỉnh Xênhv Vax puz pâuz: “ Kruô ndis shuôk ju lix thâuv tuôx no, njiz lênhx tưs txơưv zos nênhs lâuk lok sik mê nhuôs zâu cux puôr lênhx pâuz nus thiêz heik kriê trâu kruôr, tsi zuôr tâu thêv nhiêx txiêx tul tsi. Co cux zos iz hâur têx cui tênhv mak tsôngv box hâur jos tsuv uô chiê cxiv tsa iz jos ju lix zaz zâuv tâu chôngz kruô tuôx seiz ndis. Cur xar njôngr uô tâu iz luz bêx jos ju lix Sin Suối Hồ jông cxôngx pêz tsôngv box li tsưr ziv nhoz uô nênhx”.

Chox lul: Phênhv nôngx mênhx zuôr tsuv pâuz ciêz no muôx xâuk li no xưz, phênhv nôngx mênhx zuôr tsuv pâuz zos Đeix nta suôz VN đros tsênhv qơư cxuêz kôngz têz qơưk uô./.