Lai Châu sir jos khưx phưx, cxiv kho têx qơư, tsêr cơưv ntơưr

Tsêr cơưv Phưv thôngz mênhx cxưx lok zos tsêr cơưv niêv txir zus mor cấp iz số 2 Huổi Luông, huyện Phong Thổ shông cơưv no muôx zuôr xar 350 lênhx shux xênhz, phênhv ntâu zos tsôngv box heir nênhs Cho, Hà Nhì, Hmôngz têx tuz nhuôs, hâur ntơư muôx 140 ntâu lênhx shux xênhz nhoz đêz tuôx nox nhoz ntơưv no cơưv ntơưr. Zos xã ntus đriv, muôx ntâu tsôngv box heir nênhs tsơưs, sđ luz nênhx nox nhoz txov nhêv, taz sik ntâu shông lok no tsôngv box sđ cux xav tinhv, cơưv txơưx njê zos kror jông trâu têx tuz nhuôs luz nênhx zar tov kaz. Chênhr viv li, jông siêz, shir phaz tso chor nhuôs muk cơưv ntơưr chiê muôx tsưr ziv, phaz nzưr đros luôs lưv heir nênhs huôv tsar uô nox, viv li chor nhuôs shux xênhz hâur tsêr cơưv thâuv tưs tưz muôx chôngz lênhx gruôs tuôx cơưv ntơưr thiêz ziv hnuz ziv tsar ndê jux juk lơưr yênhx shông.

Cưk kriê ntơưr Trần Thị Hằng, thơưx seiz car tsêr cơưv Phổ thông Dân tộc niêv txir zus mor cấp iz số 2, xã Huổi Luông, huyện Phong Thổ heik: Shux xênhz tuôx cơưv chôngz, taz sik hâur shông  cơưv yiêz no, tsêr cơưv tsuôk muôx 2 luz tsêr ntông, 8 qar tsêr nhoz trâu têx shux xênhz tuôx nhoz hâur tsêr cơưv, cơưv ntơưr niêv txir zus mor thiêz tsêr lớp cơưv cux tsi ntâu, bâuv li kuz xưz. Chiê taz por têx shux xênhz tsi tsuv cơưv chôngz hênhr uô cê, muôx qơư nox nhoz, chor cưk kriê ntơưr hâur tsêr cơưv tưz đros paz shux xênhz niêv txir 100 hnuz côngz chiê uô qơư trâu chor nhuôs shux xênhz nhoz hâur tsêr cơưv, cơưv ntơưr. “Têx qơư cơưv tax hâur tsêr cơưv mak ntâu taz sik phênhv ntâu zos nhoz têx jêx jok, cux jông trâu kriê thiêz cơưv ntơưr. Taz shông cơưv 2016-2017, Phòng zoz zux tsưr ziv zos, tso hur si têx shux xênhz ntơưv têx jêx jok txix lớp 3 txos lớp 5 lok cơưv trâu ntơưv tsênhv qơư; chênhr viv li, têx qơư nhoz thiêz cơưv tsênhv yuôr trâus ntâu phiv liv. Zos muôx ntux nas mak nas zuôr yiê, zuôr ntuz, zuôr tsi taz por trâu kriê thiêz cơưv ntơưr”.

Huyện ntus đriv Phong Thổ zos thax tsav muôx ntâu kror jông đuô pir li têx huyện: Sìn Hồ, Nậm Nhùn, Mường Tè. Txơưv tiêk, niêx shông huyện tưz muôz ntâu phênhv pênhr lok uô uô cê chiê cxiv uô yiêz, kho đuô yênhx puô qar tsêr lớp cơưv thiêz  qơư uô hâux lưv, qơư nhoz hâur tsêr cơưv trâu têx shux xênhz thiêz cưk kriê ntơưr, taz sik tiv  têx pênhr ntơư tsơưs, viv li tsi txâuk cxiv uô têx qơư trâu cxênhx nhuôs zâu nhoz cơưv.

Pos Vương Đào Tiên, Tsar  Phongx Zoz zux thiêz thox cxov huyện Phong Thổ heik pâuz: Qir trâu shông  cơưv no, huyện Phong Thổ tưz tsês 10 tỷ đeiv ntâu chiê cxiv kho, uô đuô iz cxiê qar tsêr lớp cơưv, qơư nhoz trâu shux xênhz ntơưv têx thax tsav txov nhêv. Taz sik, txos nhiv no tas nro huyện cux tsênhv yuôr nhos 250 qar tsêr lav cơưv tax, hâur ntơư muôx 30 qar tsêr lớp cơưv zos muôz shôngz ntông uô, kênhz vor nhoz têx thax tsav đêz đrôngs, ntus đriv. Iz chas têx cêr txov thiêz phiv liv lok qơư cơưv, nhiv no ngênhx zoz zux ntơưv qơư cux tsênhv yuôr nhos 150 qar tsêr nhoz trâu chor cưk kriê ntơưr thiêz 200 ntâu qar tsêr lớp cơưv trâu têx shux xênhz tsi tâu muôx txâuk. Pos Vương Đào Tiên heik: “Chiê khưx phưx têx phiv liv xuz thơưx, taz por trâu chor nhuôs shux xênhz tuôx tsêr cơưv muôx qơư cơưv ntơưr hâur shông cơưv yiêz, pêz cir ntơưr đros hâu nov UBND têx xã thiêz Phongx Zoz zux siz chos paz cxiv uô qơư trâu chor cưk kriê ntơưr thiêz shux xênhz nhoz kriê, cơưv ntơưr. Hâur têx nhiêx txiêx mak chor tsêr cơưv tâu choz, têx tsêr cơưv ntơư zuôr đros ntơưv qơư cxiv uô têx qar tsêr lớp cơưv tax trâu nhuôs chiê taz por muôx txâuk qơư nhoz cơưv ntơưr hâur shông cơưv yiêz”.

Shông cơưv 2016-2017, tỉnh ntus đriv Lai Châu muôx 430 ntâu tsêr cơưv, 6 cxênhz ntâu qar tsêr cơưv thiêz 140 cxênhz ntâu lênhx shux xênhz, tsar ndê 64 lớp pir li shông cơưv uô ntêx. Taz sik, lơưr ngênhx zoz zux thiêz thox cxov ntơưv qơư thôngz sâu, nhiv no tas nro ngênhx cux tsênhv yuôr zuôr xar 1.500 qar tsêr cơưv tax thiêz cơưv khov trâu têx tsêr vênhx huôv…., tsav xar muôx 22%. Iz chas ntơư, ntơưv qơư cux tsênhv yuôr yênhx puô qar tsêr nhoz trâu chor cưk kriê ntơưr tsi tâu muôx txâuk, thâuv cux tsênhv yuôr 320 qar tsêr lớp  cơưv tax thiêz zuôr xar 1.300 lênhx cưk kriê ntơưr tsuv muk ntiêr tsêr nhoz. Zơưv Đỗ Văn Hán, Giám đốc Sở zoz zux thiêz thox cxov Lai Châu heik pâuz: “Tsênhz tiês nhiv no têx qơư nhoz thiêz cơưv ntơưr cux tsênhv tsi tâu muôx txâuk, têx qơư jông nhoz thiêz cơưv mê njik cux tsi tâu tâu trơưk li cui tinhv, chênhr viv li tsênhv yuôr ntâu lớp cơưv tax….thiêz lok six zuôr trâus txos tas nro XH sik đrros paz. Hâur six hơưv zuôr txos, Sở cux tror uô lơưr têz qơưs têx chei fuô kriê chiê uô li chas cov uô tâu jông; tror hu lơưk têx doanh nghiệp, nênhs siêz jông sik đros paz trâu têx thax tsav txov nhêv. Tiv 2 zos heik trâu tsôngv box sđ tror sik đros paz chiê uô tsêr nhoz trâu têx nhuôs shux xênhz thiêz têx tsêr nhoz tax trâu cxênhx nhuôs zâu mak tsênhv lok six zuôr trâus txos chiê hu zâuv chor nhuôs tuôx cơưv ntơưr”.

Txơưv tiêk shông cơưv yiêz tưz tsưr tsix kriê thiêz cơưv tâu nhos iz hlik, taz sik têx qơư nhoz, kriê thiêz cơưv ntơưr trâu chor cưk kriê, shux xêmhz nhoz hâur tsêr cơưv, cơưv ntơưr niêv txir zus mor hâur thax tsav tỉnh Lai Châu cux tsênhv yuôr trâus lok six ntâu tsi tâu muôx txâuk. Chor  cưk kriê thiêz cấp ủy hâu nov ntơưv qơư cux tsênhv niêx hnuz sir jos khưx phưx têx phiv liv heik sâuv thiêz lok six zuôr trâus txos tas nro côngv thôngx sđ sik côngv tês paz./.

( Khắc Kiên-Riê Lâux cxeik, nhênhv)

PHÊNHV TSÊNHV CHEI THIÊZ LUZ NÊNHX SỐ 2

Trâus txiêz nanv zoz thôngz puôk tâu sơưv têx nhiêx kho moz?

BHXH Việt Nam têz lok vênhv thix no li đrav kaz:

          Grê 25 chei BHXH shông 2014 cui tênhv theox chênhv tâu sơưv kho moz gênhs zos trâus moz gênhs, txiêz nanv zoz thôngz mak tsi zos txiêz nanv lox tôngv tsuv so hâux lưv uô thiêz muôx qơư seiz njuôs, kho moz muôx qênhx li xav jênhv lơưr Bộ y tế li cui tênhv.

          Lênhx nênhs trâus moz gênhs, txiêz nanv tsuv so hâux lưv uô zos tiv chiv chir tsi por vêv zuk li đas jos, tiv hâuk chơưr kâus lok sik zôngv zax zênhz, têx tsơưr uô muôx zênhs zos Chính phủ cui tênhv mak tsi tâu sơưv chế độ moz gênhs.

          Grê 100 Luật BHXH shông 2014 cui tênhv, hồ sơ sơưv chế độ moz gênhs muôx: Ntơưr mul seiz njuôs thiêz kho moz ntơưv tsêr kho moz đros lênhx nênhs lox tôngv seiz njuôs thiêz kho moz nhoz ciês hâur tsêr kho moz. Nênhs lox tôngv kho moz hâur tsêr tsuv muôx ntơưr côngz jênhv so hâux lưv sơưv BHXH.

          Tsov lơưr têx cuiv tênhv heik sâuv, zos muôx txâuk theox chênhv sơưv chế độ moz gênhs mak uô hồ sơ lơưr cui tênhv trâu nênhs sir zôngv lox tôngv chiê muôz trâu chiz coaz BHXH car chêx chế độ moz gênhs./.

( Thanh Thủy- Txâur Vax cxeik nhênhv)