Qơư tu zus chor nênhs lâul tsik muôx qơư khov vav

Pos Dương Nguyệt Anh 79 shông, nhoz phường 2, thành phố Mỹ Tho, tỉnh Tiền Giang, tsik muôx txir, tsik muôx mê nhuôv thiêz hâur oz pêz shông đrav ntêx tsuv muk muôs vêr số chiê cxơưx trâu luz nênhx. Txix thâuv lok nhoz trâu ntơưv qơư tu zus chor nênhs lâul Thanh Bình, luz nênhx cux tsik cxơưx thiêz tsik njiz phiv liv li ntu muôs vế số thâuv ntêx. Pos Dương Nguyệt Anh hêik:

“Lok nhoz ntơưv no mak tso siêz thiêz shir phaz đuô lơưv. Nox hâuk, qơư nhoz cxuô zav mak cux jông đuô. Nhoz tsêr mak tsik bâuv nhoz ntơưv no, cur xar tuôx nhoz ntơưv no xưz”.

Tsêr nhoz tu zus chor nênhs lâul Thanh Bình zos Giáo Phận Mỹ Tho yưv pênhr cxiv uô tâu tiêr chox lok sir zôngv txix hli 11 shông 2018. Ntơưv no muôx 12 qar nhoz, tsênhv tu zus 16 lênhx nênhs lâul txix têx tỉnh: Tiền Giang, Long An, Đồng Tháp tuôx nhoz. Nênhs lâul tiv zix muôx 84 shông, nênhs hnuz nhôngs kik tiv zix muôx 55 shông, phênhv ntâu zos chor nênhs nhoz iz lênhx tsik muôx qơư khov vav, hâur co muôx 3 lênhx muôx 80 ntâu shông muôx moz gênhs tsuôk pư ntơưv iz kror qơư xưz.

Txơưv chor lâul muôx luz nênhx txov nhêv, taz sik tuôx nhoz ntơưv qơư tu zus chor nênhs lâul Thanh Bình puôr lênhx tâu moz siêz txos, siz paz thiêz ntơư cux zos luz tsêr tsês trâu cxuô lênhx lâuk tsik muôx qơư khov vav tuôx nhoz cê. Chor lâul tuôx nhoz ntơưv no tâu paz tas nro cxuô zav; yênhx hnuz puôr lênhx tâu nox, hâuk cxuô nro đros chor nhiêx zos 40 cxênhz đêiv iz lênhx nênhs. Chor nhiêx no zos Giáo Phận Mỹ Tho muôz paz. Luz tsêr tsês trâu chor nênhs lâul Thanh Bình tâu cxiv uô ntơưv iz kror qơư lox đar, hur jông xưk li iz kror qơư nhoz so. Thâuv têx moz huôv moz, chor lâul cux tâu chor nênhs nhoz ntơưv kror qơư no uô jông sêiz nus, zos moz hnhar cux tâu chox muk tsêr kho moz chiê chơưv kho. Pos Trần Thị Lê Xuân, 55 shông, nhoz ntơưv xar Lương Hòa, huyện Châu Thành, tỉnh Trà Vinh cux zos nênhs tsik muôx qơư khov vav tưz tuôx nhoz ntơưv luz tsêr tu zus chor nênhs lâul Thanh Bình. Pos Xuân puz pâuz, zos chor nênhs muôx luz nênhx jông xưk iz zav, viv li cux pâuz tâu thiêz sêiz cxuô lênhx nênhs xưk li zos chor nênhs hâur zuk chuôz zis:

“Zuk cux xar paz trâu sơưr đơưk, thâuv paz tâu trâu lơưr mak zuk cux shir phaz. Cêr shir phaz hâur luz nênhx zos paz tâu trâu cxuô lênhx sơưr đơưk. Chor lâul lok zuk cux sêiz xưk li zos nênhs hâur zuk chuôz zis, nhoz tsêr mak muôx zuk iz lênhx xưz, hos nhoz ntơưv no mak muôx sơưr đơưk đros nhoz, cux lov jêv thiêz shir phaz đuô”.

Hâur ntu no, tsêr nhoz Thanh Bình tsês trâu chor lâuk muôx 3 lênhx cán bộ sêiz car. Hâux lưv tu zus chor nênhs lâul txơưv tiêk njiz ntâu phiv liv, tiv zix zos chor lâul tsik so muôx moz gênhs; taz sik txix siêz hluz, têx sir jos thiêz phêiz kênh tưz paz uô trâu têx hâux lưv ntơưv qơư nhoz no tâu truôx tuk. Pos Nguyễn Thị Phấn, Phưv Giám đốc tsêr nhoz trâu chor nênhs lâul Thanh Bình puz pâuz:

“Ntơưv no mak sơưr đơưk uô nênhs nhoz shir phaz, zuk cux njiê pov tâu muôx cêr siz hluz, tiv zix zos thâuv tu zus chor nênhs muôx moz gênhs. Zuk pov paz tâu li co mak lok six muôx tsiv gri hâur luz nênhx, lơưr hêik trâu zuk pâuz li co. Hok zuk zos nênhs uô hâux lưv ntơưv no lok zuk cux shir phaz đuô thiêz”.

Tsêr nhoz Thanh Bình tu zus chor nênhs lâul tâu uô iz kror qơư hâur jêx jok, txơưv tiêk vax tsêr, cxuô zav tsênhv muôx tsik tâu txâuk, taz sik thâuv tưs cux zuôr txêik tok chor nênhs lâul muôx luz nênhx  txov nhêv lok nhoz chiê uô lơưr tsaz yênhx “tas nro pêx xênhv tu zus, tsoz phưz chor nênhs lâul” zos trung ương hôiv nênhs lâul Việt Nam tso tơưv. Hâux lưv tu zus, tsoz phưz chor nênhs lâul ntơưv no tưz paz hêik tơưv tâu cêr siz  hluz, siz paz nhoz lênhx nênhs thiêz lênhx nênhs./.

(TTĐBSCL-Lik Thox cxêik nhênhv)

Moz suôz liêz, têx pâuz tâu thiêz huôv uô moz suôz liêz 

Moz suôz liêz zos moz li chas?

Moz suôz liêz zos zav moz txơưx siz cik viv nưk muôx nưk iz zav caz moz uô huôv moz. Qir tiv moz siz cik tâu zos viv têx zôngr yax chuv gra tâu caz moz txix tov lênhx nênhs moz trâu lênhx nênhs tsi muôx moz. Moz suôz liêz muôx têx uô moz trâu têx poz kix cxa.

 Lênhx nênhs moz siz mak zuôr uô cuz uô no, tơưv têx luz poz hlưr đêx, moz têx grêix, poz cxa. Tus nênhs trâul moz hnhar muôx têx zuôr uô lok ntâu nyar thiêz trâul tuôs.....

Nhạc cắt

Têx pov muôx yưv thâuv moz suôz liêz zos li chas?

Moz suôz liêz, thâuv xuz thơưx khênhr pov muôx têx moz li: Uô cuz uô no ntêr txix 4-7 hnuz, xav txix đhâu thâuv trâul cik tâu moz tiv zôngr tov. Iz chas ntơư, tsênhv pov muôx têx li:

Uô cuz uô no lox;

Moz tâuz hâu hênhr;

Moz poz muôs;

 Moz têx poz cxa thiêz grêix;

Xar ntuôr thiêz ntuôr ntâu jiês;

Tơưv têx luz poz hlưr đêx....

Têx luz poz co muôx têx pov tơưv sâuv tas nro iz chêr txix 3-4 hnuz đhâu thâuv qir uô cuz uô no thiêx jông jux juk, đhâu co 1-2 hnuz. Sđ muôx têx tror tơưv đuô nzir iz jiês poz li co thiêz.

Nhạc cắt

Thâuv tưs tsuv chuôs njiz bác sĩ, cưk yuôx?

Zos sđ pov muôx têx txơưr txar li chas lok sik têx moz li heik sâuv, tsuv nus cưk yuôx chiê tâu heik kriê têx tsưr ziv phax tar. Zos hâur iz ntu đhâu lok no, lênhx tưs tâu muk trâu têx thax tsav qơư tsênhv muôx moz huôv xênhz thiêz trâul uô cuz uô no đhâu thâuv tror lok tsêr, tsuv zênhx max muk chuôs cưk yuôx. Iz lênhx nênhs nhiêk muôx nhiêk grêix thiêz trox nyar txơưr tsi siz thôngx, viv li tsuv chuôs njiz cưk yuôx chiê xeir têx tsưr ziv seiz njuôk shuôs, kho moz cov huv đros./.

(Thu Thùy-Riê Lâux cxeik, nhênhv)