Sơn La sêi đrơưv cxiv kho đuô kror phiv liv tiv tơưs hnaz cao su njưr thêir đêx phai Kẹ

Zơưv Nguyễn Văn Thiệu, nhoz tổ 14, phường Quyết Thắng, thành phố Sơn La uô nênhx nhoz jê tuk đêx Nậm La puz pâuz, tơưs hnaz cao su njưs thêir đêx phai Kẹ muôx yưv kuôk no 1 hli. Thâuv co công nhân sêiz car tso đêx njưr thêir phai Kẹ nhoz Công ty TNHH MTV sêiz car tso côngz trênhx đêx liv tỉnh gruk đêx lok hâur hnaz cao su chiê tâur đêx pur tso lok phưx vưv uô kôngz nuv. Hâur ntu gruk tso đêx chêk trâus tơưs zôngv tâur đêx tsik tâu lơưv. Ntơưv qơư, hnaz cao su trâus tơưs tâu muôz yêv trâu oz saz ntus njưr thêir đêx:

“Thâuv co mak lơưr 4 lênhx nênhs tuôx no chiê gruk tso đêx, hnuz co cur cux nhoz tsêr thiêz hêik lơưr lok hâur tsêr chiê hâuk đêx taz sik lơưr hêik tiêk tsuv gruk đêx shuôk sêz li chak tso. Tsik zos tơưs njưs mak zos luz hnaz cao su tơưs xưk li luz plaz yêz uô iz pơưs nhoz co xưz”.

Dự án kho đuô phai Kẹ thành phố Sơn La zos Ban sêiz car dự án  yưv pênhr cxiv uô têx côngz trinhx kôngz nuv thiêz huôv tsar kôngz nuv tỉnh Sơn La zos tsưr yưv pênhr, muôx tas nro pênhr yưv zos 12 tiv 550 triệu đêiv ntâu, txix nhiêx txiêx têz qơưk tỉnh. Dự án li tsưr ziv zos chuôz cxaz paz tso đêx huôv, cungz đêx phưx vưv uô xênhz yar kôngz nuv, az kho jông đuô đô thị, paz uô jông jav trâu thax tsav qox đơưz, thành phố Sơn La.

Zơưv Cao Viết Thịnh, Phưv giám đốc Ban sêiz car dự án yưv pênhr cxiv tsa têx côngz trinhx kôngz nuv tỉnh Sơn La puz pâuz: Côngz trinhx tâu kriz uô thâuv hli 4/2017, uô tiêr trâu hli 7 thiêz choz zok muôz lok sir zôngv kaz hli 8/2017. Zos tov kaz iz shông muôz lok sir zôngv chêk muôx yưv phiv li co:

“Nhiv no nênhs thầu tưz piz thêir đêx thiêz piz uô kho đuô chiê nzor uô tiêr tâu kror no. Luz hnaz cao su no mak lơưr tsưr ziv tâu chêi muôz blâuv đuô xưz tsik thav zuôr zuôr đuô yiêz. Kror phiv liv muôx yưv thâuv tsênhv tâur đêx cov pur siêz viv li chiê ntâuk gri lok qir tiv mak lox six lax”.

Ciês đhâu muôx yưv phiv liv tơưs hnaz cao su njưs thêir đêx côngz trinhx phai Kẹ, hlôngr njêx muôs tsưr yưv pênhr đros taz viv uô thiêz sêiz car tso tưz qênhz yuôx thax tsav qơư thiêz uô ntâuz ntơưr xav jênhv kror phiv liv co chiê xưv lik lơưr cuiz tênhv. Tiv côngz trinhx cux tsênhv nhoz ntu bảo hành 24 luz hli viv li taz viv uô zuôr muôx txơưx jênhv khưx phưx thiêz blâuv luz hnaz cao su co./.

                 (Thanh Thủy-Lik Thox cxêik nhênhv)

PHÊNHV PIÊR KRIÊ TSƯR ZIV PHAX TAR MOZ

Têx pâuz tâu thiêz tsưr ziv phax tar moz đôngs nyar nhux tưv

1) Têx pâuz tâu zos trâul muôx moz:

Moz đôngs nyar nhux tưv zos moz txơưx siz cik tiv nưk muôx nưk iz zav caz moz uô huôv moz đros thiêz têx muôx yưv zos đôngs nyar têx nhoz nhux tưv iz cxiê thax grêix. Moz muôx têx siz cik tâu txix chor nhux tưv trâus moz trâu têx buô thiêz nênhk.

Moz muôx nhoz cxuô thax tsav qơư sâuv ntiêx têz ntơưv têx suôv qơư cuz sor, nông thiêz huôv xênhz hâur niêx shông. Nhoz pêz têz qơưk moz huôv xênhz nhoz cxuô thax tsav, taz sik khênhr huôv moz lok  thâuv cheix ntux nas txix hli 4 txos hli 10, thax tsav đhâu đêx nas ngaz, cuôr yôngz, têx luz six hơưv ntux cuz sor, nông ntâu thiêz txơưr txar phiv liv, têx tsiêx tsi yuô muôx jông đas jos phax tir moz ntơư. Moz siz cik phênhv ntâu zos đhâu têx jâuz, krâur muôx caz moz nhoz hâur lok sik đhâu cêr uô pa, têx tơưr grêix trâus to..... Tưv trâus moz ntâu thiêz hnhar đuô hur si pir li têx nhux, khênhr tuôs tiv trâus moz hnhar. Têx nhuôv nhux nhuôv tưv mok tsênhv nox mik mal tsơưs moz đuô pir li têx tuk tưz lox tiêr nhux tiêr tưv, têx tsiêx muôx 2-3 shông nhux, tưv co zôngx ziv trâus moz đuô têx nhux tưv lâuk.

2) Têx moz huôv xênhz:

Moz muôx têx huôv xênhz sei: Hâur paz nhux tưv muôx iz tuk đhiê ntâul tras tri, kror muôs chis chuk, txơưv tok, nti chuôs tsi tuôs ciês.

Tuk nhux tưv co cuz lox 40-41 tưv, njôngk, tsi jov jâuz; plaz tsav; kror muôs liêz, đhâu ntơư jux juk đuz, đơưz liêk; lok cuô muôs, cuô njưs; ka moz o, uô tsi yuô tâuk pa, hlêr blêis, lok ntâu kâuz ndâus....

3) Phax tar moz:

 Vêv xênhz phax tar moz: Tu zus cov jông chiê chuôz cxaz nhux tưv  đas jos phax tir moz; muôz têx tuk nhux tưv nhiv kruôr zuôr lok tso nưk nhoz nưk iz kro tsơưs tsơưs iz ciêz; tsi so qêz suô hur si têx qơư tuz zus; câuk nhux tưv têx qir muk vâuv, têx khâuz nhaz hlơưr por tsês.

Thâuv muôx moz huôv xênhz: Muôz têx tuk nhux tưv muôx moz tso nưk nhoz nưk iz kro chiê kho moz; vêv xênhz, tsuôs yuôx tuô lov caz moz têx qơư tu zus, tsi nox têx grêix nhux, grêix tưv muôx moz, trâul tuôs.

Cxax yuôx vắc xin phax tar moz: Cxax 6 hlik iz jâuk. Thiêz cxax trơưk li lênhx nênhs tsiv uô yuôx heik kriê.

4) Kho moz:

Qênhz pov moz zênhx max thiêz kho moz nzor txix têx yuôx tar moz fiv đros, thiêz zôngv têx yuôx paz đas jos mak thiêx zuôr jông tâu trơưk tsưr ziv, siêz xar./.

(Thu Thùy-Riê Lâux cxeik, nhênhv)