Chiê thax tsav ntus đriv ngaz tul thiêz huôv tsar tsuv pâuz khov txos tsôngv box

Têx lênhx sĩ quan, chiến sĩ pênhz phax nhoz thax tsav ntus đriv, txơưx heik luk mênhx cxưx cux lok six coaz tsôngv hâur huôv tsar cêr côngv siêz bộ đội thiêz tsôngv box. Pâuz hêik luk mênhx cxưx chiê đros tsôngv box thav, mnôngs tsôngv box hêik lok têx siêz xar njôngr tsênhv paz cán bộ, chiến sĩ bộ đội pênhz phax heik trâu cấp ủy, chính quyênx tiv phaz cxiv tsa tsưr ziv huôv tsar KTXH; cxuôv cêr yeiz pluôs, yênhx trus cxiv tsa ntus đriv hôx fênhx thiêz huôv tsar. Ntâu luz hlik lok no, sik côngv đros chính quyênx tiv phaz tsưr tsix têx huôx tôngv yax mông lok phax tar moz Covid-19, zênhx pênhz phax Nhôn Mai-Bộ đội pênhz phax tỉnh Nghệ An tưz yênhx lix iz ban cxiv sâu muôx têx cán bộ, chiến sĩ pâuz nhênhv pâuz sâu ntơưr mênhx cxưx chiê tror cxeik đuô têx njiêz luv hâur têx ntâuz ntơưr, quy ước phax tar moz thiêz tror muôz trâu tsôngv box têx mênhx cxưx sâuv thax tsav taz viv coar lik, chiê pox nhuôs zôngx ziv pâuz thiêz uô jông côngz xưv phax tar moz Covid-19. Thượng tá Nguyễn Thế Hùng, Chính trị viên zênhx pênhz phax Nhôn Mai puz pâuz:

          “Pêz cxiv sâu têx njiêz luv yax mông taz por tsênhz mênhx txix luk Hmôngz, luk poz ziz, luk poz thơưx viv sâuv thax tsav iz cxiê tsôngv box tsi pâuz hêik luk choz tsiz, tiv zix zos têx pox niêv thiêz nênhs lâuk. Tiv 2 zos pêz cxiv sâu têx jax cưr cxiêx, hâur co muôx njiêz luv yax mông, heik kriê, zaoz zux cêr chei, đhâu co piêr kriê trâu tsôngv box viv tsôngv box lok six nhiêv heik cưr cxiêx trâur lâuk”.

          Ntơưv xã Keng Đu, thax tsav nhoz đêz tiv zix tỉnh Nghệ An tsôngv box nhoz tsi chêx chôngk, loa nta suôz pênhz phax tưz tâu tso muk txos yênhx jêx jos. Tsôngv box sđ puôr lênhx pâuz tâu têx xor mông lok qênhx shênhx moz gênhk. Tiv zix zos hâur ntu cêv kuôk xã hội, six hơưv yax mông tưz tâu chuôz tsar txix luk choz tsiz thiêz tsôngv box li luk mênhx cxưx. Lơưr zơưv Lương Văn Thoong, Phưv chủ tịch UB xã Keng Đu:

          “Xã Keng Đu cux xưk li ntus đriv mak tưz cxiv tsa tsưr ziv cux xưk li cuiz tênhv yênhx lix tuêv liên nganhx muk yax mông txos yênhx jêx jos lơưr tsưr ziv”

          Đros yax mông, bộ đội pênhz phax tỉnh Nghệ An tsênhv krêz uô phongz yaox tas nro tsôngv box cxaz chuôz phax tar moz Covid-19 thiêz tsi nhiês muk lok đhâu ntus đriv, trôngx đriv tỉnh. Têx taz viv tưz khơưk muôz thiêz uô 212 thôngz ntơưr heik kriê têx nênhs fêv nhiês muk lok đhâu ntus đriv ntơưv têx jêx jos, muôz zuôr xar 50 cxênhz đeiv bos kror ndâux cxuô zav puz trâu tsôngv box nhoz thax tsav ntus đriv. Đại úy Nguyễn Xuân Thành, chính trị viên phưv zênhx pênhz phax Na Loi, bộ đội pênhz phax tỉnh Nghệ An puz pâuz:

          “Uô têx thôngz ntơưr heik kriê têx nênhs fêv nhiês muk lok đhâu ntus đriv nhoz têx jêx jos chiê tsôngv box pov lênhx nênhs phamv cxâuv mak sâu ntơưr heik kriê por trâu hâur thôngz ntơưr no, ciêz tưs pêz cux heik cán bộ muk thax tsav côngv đros lưx lươngv muôx txơưx jênhv ntơưv xã krêz thôngz ntơưr qênhz yuôx hâux lưv heik kriê nênhs phamv cxâuv, nênhs nhiês muk lok đhâu ntus đriv tsi trơưk chei”.

          Đhâu ntâu tsưr ziv yax mông uô tâu truôx, pox nhuôs tưz pâuz tsênhz lok ziz njiêz coaz tsôngv hâur hâux lưv phax tar moz Covid-19 thiêz tuôr truôx ntus đriv têz qơưk, por coar ntus đriv, ndêx đriv têz. Đhâu co uô jông jênhv vưv cxiv tsa huôv tsar ntus đriv taz por txiv ngaz chính trị hâur thax tsav ntus đriv./.

(VOV4-Txâur Vax cxeik nhênhv)

Truôx tuk zoz thôngz

Nam: Ủy ban tỉnh Sơn La tưz tso tơưv tsưr ziv sôr 228/KH-UBND lok tsưr tsix tso têx yêz, fuôx gox thâux xa kruô muk lol sâuv cêr ar, cêr đêx hâur thax tsav taz por huv đros, qênhz shuôs, tir thêir tâu jông moz Covid-19 hâur thax tsav tỉnh Sơn La.

Nữ: Tsưr ziv uô co chiê tror qênhz shuôs, phax tar moz Covid-19 hâur thax tsav tỉnh. Khưx phưx đuô luôs hâux lưv têx yêz, fuô gox thâux xa kruô huv đros trâu phax tir thêir moz Covid-19, muôz jông six hơưv chiê lơưr thâux xa kruô muk lol; txuôk đros tâu jông têx yêz xa kruô muk lol hâur tỉnh thiêz trâu luôs 2 chas tỉnh, TP, thax tsav, đhâu ntơư jux juk paz khưx phưx thiêz huôv tsar kinh tế-xã hội hâur tỉnh.

Nam: Tsưr ziv tsưr tsix chiê têx yêz, fuôx gox thâux xa kruô muk lol sâuv cêr ar, cêr đêx hâur thax tsav taz por huv đros, truôx tuk, qênhz shuôs, phax tar tâu jông hâur Covid-19 hâur thax tsav tỉnh, tsênhv tsênhz li đrav kaz:

 Nữ: Đros thiêz têx yêz, fuôx gox thâux xa kruô muk lol sâuv cêr ar, cêr đêx hâur tỉnh, hâur qơư nhoz, thax tsav zôngx ziv trâul muôx moz huôv xênhz phiv liv lơưr Bộ zoz thôngz Quyết tinhv sôr 1740/QĐ-BGTVT: Nduô tsês tsi uô hâux lưv thâux xa kruô, yưx chor yêz taxi, yêz 9 kror qơư jâuv muôx qơư cêv thêir kruô hur si, thêv nhiêx gri yêz txix điện tử. Zos chor yêz thâux xa kruô tsuv muk đhâu thax tsav ntơư mak tsi tâu nhoz so, đrêk. Ntơưv thax tsav, suôv qơư muôx moz zôngx ziv siz cik tâu lơưr Bộ zoz thôngz Quyết tinhv sôr 1740/QĐ-BGTVT, chor yêz thâux xa kruô tâu chei uô hâux lưv thâux xa kruô muk lol iz đraz, bâuv li 50% têx yêz muk lol thâux xa kruô lok sik qơư kruô jâuv sâuv yêz; Ntơưv thax tsav, suôv qơư tsi yuô zôngx ziv cik tâu caz moz lơưr Bộ zoz thôngz Quyết tinhv sôr 1740/QĐ-BGTVT, chor yêz thâux xa kruô tâu chei uô hâux lưv muk lol thâux xa kruô li kuz.

Nhạc cắt

Nam: Đros thiêz têx yêz lox thâux xa kruô sâuv cêr ar trâu luôs 2 chas tỉnh: Sở zoz thôngz 2 qơư chor yêz thâux xa kruô co zuôr sơưr cêr muk thiêz so  nhênhz chơưv trâu Ủy ban cấp tỉnh tror tso chei uô hâux lưv thâux xa kruô muk lol trâu luôs 2 chas tỉnh; hâur six hơưv uô hâux lưv, seiz lok qênhx shênhx moz Covid-19 sâuv thax tsav qơư ntơư, Sở zoz thôngz hâur 2 qơư sik thôngx ziv uô luôs hâux lưv tso yêz muk lol thâux xa kruô taz por trơưk cui tinhv.

Nữ: Taz por muôx cêr thôngx ziv, thôngx siêz hâur fuô uô têx faz tsưr ziv lok tsưr tsix tso têx yêz muk lol thâux xa kruô sâuv cêr ar, cêr đêx hâur thax tsav tỉnh; phênhz côngz têx cơ quan, taz viv cik txos li hâux lưv thâux xa kruô muk lol taz por huv đros, truôx tuk, phax tir thêir tâu moz Covid-19. Muôx tsưr ziv tir thêir huv đros, taz por tsi muôx yêz muk lol nhoz đrêk tok ntâu hênhr ntơưv têx qơư seiz jor ndâux cêr phax tar moz Covid-19. Seiz kaz jông qênhx shênhx tsênhv tsênhz chiê tso yêz muk lol uô hâux lưv thâux xa kruô cov huv đros.

Nam: Ủy ban tỉnh heik têx lênhx tsưr yêz, chor kruô cheix yêz muk lol uô jông trơưk cui tinhv phax tir thêir moz Covid-19 lơưr Sở zoz thôngz, taz viv seiz car têx yêz thâux xa kruô muk lol li heik kriê.

Nhạc cắt

Nữ: Têx li heik sâuv zos tsênhv njiêz tsưr ziv tsưr tsix tso têx yêz, fuôx gox muk lol thâux xa kruô sâuv cêr ar, cêr đêx hâur thax tsav taz por huv đros, truôx tuk, phax tir thêir tâu jông moz Covid-19 hâur thax tsav tỉnh Sơn La. Tsôngv box sơưr đơưk tsuv sik đros uô jông trơưk chiê taz por phax tar tâu jông têx moz gênhk./.

(Bích Thủy-Riê Lâux cxeik, nhênhv)