Jax sâu thưr 2, hnuz xiêz 7/3/2016:

Thâuv tưs thiêx tso tsês têx vuôz tsuôz kiêk nênhs tênhx qơư ntơưv cxuô luz tsêr máy jov hmôngr vơưs ntông nhoz Yên Bái.

Hâur shông 2003, tsêr máy jov hmôngr vơưs kok ntông ntơưv Yên Bái, zos công ty zuôr muôs cxuô zav hax huv Yên Bình muôz pênhr nhiêx cxiv uô. Hâur iz hnuz, luz tsêr máy no tưz jov tâu yênhx puô tấn fuôk kok ntông thiêz tso yênhx cxênhz khối đêx uô vuôz tsuôz kiêk nênhs tênhx qơư ntơưv thax thax tsav xã Vũ Linh. Trơưk li tsôngv px nhoz thax tsav ntơư hêik pâuz, tsêr máy tsik muôx qơư truôx liv đêx vuôz tsuôz; thâuv tsêr máy no jov kok ntông thiêz tso đêx, đêx tưz ntưk kiêk nênhs, vuôz tsuôz trâu cxuô qơư, uô vuôz tsuôz txos têx hâur đêx; uô ruôr hiêv hnhar txos tsôngv px sđ têx blêx liêx.

Txos trâu shông 2010, luz tsêr máy jov vơưs kok ntông ntơư thiêx cxiv uô qơư liv đêx vuôz tsuôz hâur tsêr máy. Taz sik, trơưk li tsôngv px ntơưv no njuôk xav, uô li ntơư cux tsik tâu truôx.

Iz chas luz tsêr máy jov vơưs kok ntông hêik ntơư, cux tsênhv muôx nzir 3 luz tsêr máy jov hmôngr vơưs kok ntông txơưr đuô cux uô vuôz tsuôz kiêk nênhs tênhx qơư; viv chor cơ quan ntơư tsik tâu cxiv uô qơư liv têx đêx vuôz tsuôz kiêk nênhs thiêx uô vuôz tsuôz, ruôr hiêv hnhar txos tênhx qơư. Lar hêik đuô zos têx đêx vuôz tsuôz kiêk nênhs, cxênhv muk trâu tsôngv px hâur thax tsav ntơư têx hâur đêx hâuk; ntơư cux zos iz kro uô trâu sđ cxơưx.

Trơưk li thơưx sêiz car tsêr máy jov  hmôngr vơưs kok ntông Yên Bình hêik, têx đêx vuôz tsuôz kiêk nênhs, uô ruôr hiêv tênhx qơư, zos chor tsêr máy tư nhân, uô muôx yưv; viv cơ quan qênhz shuôk njuôk đêx vuôz tsuôz kiêk nênhs, tsik tâu qênhz njuôk shuôk.

 Uô vuôz tsuôz kiêk nênhs tênhx qơư, zos tsêr máy jov hmôngr vơưs kok ntông nhoz xã Vũ Linh uô yưv mak muôx tsênhz tiês. Iz chas uô vuôz tsuôz kiêk nênhs trâu têx hâur đêx, vuôz tsuôz kiêk nênhs tênhx qơư, tsênhv uô vuôz tsuôz kiêk nênhs trâu sđ têx blêx liêx hâur thax tsav xã, viv têx blêx liêx trâus vuôz tsuôz kiêk nênhs thiêz trâus tuôs, hloz tsik tâu. Chênhr zos li hêik ntơư, têx cơ quan muôx vax huôv tỉnh Yên Bái tsuv zênhx max muk qênhz yuôx, sêiz njuôk shuôk qir tiv uô vuôz tsuôz kiêk nênhs; tsik chiê uô ruôr hiêv txos tênhx qơư thiêz tsôngv px hâur thax tsav./.

                                   (Tsu cxêik, nhênhv-Tuấn –Xuân)

Phênhv thưr 2, hnuz 7/3/2016

Bo xeir côx hội khóa 14: Xeir têx lênhx nênhs muôx txux chi, tsưr ziv nhoz hâur côx hội khóa 14.

Côx hội khóa 13 muôx lênhx đại biểu côx hội trâus tso tsês tsi zuôr uô đại biểu, hâur ntơư iz lênhx đại biểu uô cxâuv têx chei têz qơưs thiêz iz lênhx đại biểu trâus tso tsês viv krêz, uô têx ntâuz ntơưr thâuv xeir nhoz hâur đại biểu côx hội tsi tsênhz mênhx. Lơưr seiz car văn phòng côx hội Nguyễn Hạnh Phúc, chiê tsi muôx yưv têx li heik sâuv, uô tsi jông txos cử tri siêz njênhs njôngr mak têx lênhx nênhs xeir zuôr nhoz hâur đại biểu côx hội thiêz uô tâu côngz fênhx, tsênhz mênhx hâur bax bo xeir zos luôs hâux lưv zuôr trâus tâu moz siêz txos. Chiê taz por xeir zuôr tâu têx lênhx nênhs jông, muôx txux chi tsưr ziv uô nuv, hâux lưv xuz thơưx zos tsuv qênhz shuôs, qênhz yuôx jông lênhx tiz nênhs ntơư têx ntâuz ntơưr.

Zơưv Đinh Xuân Thảo, Viện tsar Viện nhênhz chơưv, cxiv sâu têx chei, cui tinhv têz qơưs-Văn phòng côx hội, đại biểu côx hội Đoanx Hà Nội heik, ntêr lok no, luôs hâux lưv phiv liv hâur têx jiês bo xeir đại biểu côx hội thiêz đại biểu HĐND, ntơư zos lok sâuv têx đại biểu pênhr xưv, txux chi tsưr ziv uô nuv thiêz tsuv taz por xeir zuôr txâuk lênhx nênhs, huv chei, cui tinhv. Viv côx hội zos cơ quan tsôngv box bo, uô hâux lưv viv tsôngv box chênhr li ntơư tsuv uô tâu trơưk tsôngv box sơưr đơưk tsưr ziv, siêz xar. Taz sik, tsi viv tiêk xeir zuôr cov txâuk lênhx nênhs mak tsi moz siêz txos lơưr têx txux chi, tsưr ziv. Txơưv zos lênhx tiz nênhs tưs, uô hâux lưv kror tưs, lâuk lok sik hluôk puôr lênhx tsuv muôx txâuk têx li heik sâuv lơưr Luật bo xeir đại biểu côx hội thiêz đại biểu HĐND, Luật tsưr tsix côx hội thiêz Luật tsưr tsix hâu nov ntơưv qơư têx cui tinhv. Pir li, lâuk muôx tsi txâuk đas jos lok sik hluôk mak tsi muôx txux chi tsưr ziv, ntơư zos muôx txâuk đas jos, txux chi tsưr ziv lơưr cui tinhv, tsi tâu zuôr nhoz hâur đại biểu.

Cxaz chuôz cơưv seiz lax bo xeir đại biểu côx hội khóa 13, 14, zơưv Nguyễn Văn Pha, Phưv Chủ tịch Ủy ban T.Ư MTTQ VN heik: Côx hội khóa 13 tưz muôx 2 lênhx đại biểu zos doanh nhân uô cxâuv têx chei têz qơưs, trâus côx hội tsi zuôr uô đại biểu. Viv li hâur six hơưv cxiv tsa, uô têx ntâuz ntơưr fuô kriê lok sâuv bo xeir đại biểu khóa 14 six hơưv đhâu cux tưz muôx iz cxiê ziv chênhv heik tiêk, tsuv tiz jông xeir têx lênhx nênhs muôx txâuk txux chi, tsưr ziv, tsi uô cxâuv têx chei têz qơưs, tsi uô zuôv tuk tsi….. Zơưv Nguyễn Văn Pha heik: hâux lưv heik kriê xeir zuôr lênhx tiz nênhs nhoz hâur đại biểu zos hâux lưv uô truôx thiêz jông, tsi tiêk zos MTTQ uô tâu. MTTQ tsuôk zos lênhx uô kaz, chênhr viv li cơưv seiz lax lok sâuv xeir zuôr lênhx nênhs uô đại biểu choz trâu cơ quan, tsưr tsix, taz viv tưs mak cơ quan, tsưr tsix, taz viv ntơư tsuv taz txơưx jênhv lok lênhx nênhs thiêz uô trơưk cui tinhv. Đros lênhx nênhs xeir zuôr li ntơư, MTTQ zos cơ quan uô kaz ciês qênhz yuôx, seiz shuôs têx ntâuz ntơưr lơưr Đảng, têz qơưs  têx chei, chiê xeir zuôr tâu lênhx tiz nênhs muôx txux chi, pênhr xưv uô nuv nhoz hâur đại biểu côx hội thiêz HĐND hâur six cxiv no. Taz  sik, chiê uô tâu MTTQ luôs hâux lưv tâu zok muôz, txar jav tsi chiê muôx yưv têx tsi jông li heik sâuv hâur ntu tas lok mak đhâu têx jiês cơưv seiz lax MTTQ zuôr zuôr chênhz zênhv.

Lơưr tsaz yênhx, iz chas cơưv 3 jiês seiz lax lok luôs hâux lưv xeir zuôr lênhx tiz nênhs uô đại biểu, têx jiês vênhv tôngv bo xeir thiêz cơưv zuôr cử tri ziv chênhv lok têx lênhx nênhs xeir zuôr uô đại biểu cux tâu tsưr tsix. Taz  sik, chiê xeir tâu têx lênhx nênhs jông, tsiv nhos nhoz hâur đại biểu mak Hội đồng bo xeir cxuô cấp thiêz tas nro cử tri tsuv gra siêz txux chi tsưr ziv jênhv pâuz thiêz lar heik uô jông trơưk têx chei, cui tinhv chiê bax xeir tâu lênhx nênhs jông, muôx txâuk txux chi, pênhr xưv uô nuv./.

( TTT-Riê Lâux cxeik, nhênhv)