Meir Camera paz seiz car tuôr truôx txiv ngaz ntux đriv

Tsênhv qơư thành phố Móng Cái puôr lênhx tâu đhok camera seiz car tas nro thành phố li huôx tôngv hâur yênhx hnuz yênhx hmo. Ntơưv têx qơư cuz nxor lok hâux lưv nhiês muôv muôs hax huv đhâu ntus đriv li thax tsav Z1, Z2 nhoz thax tsav phường hải yên, phường Ka Long, qơư tsav yêz Ngọc (xã Bắc Sơn) thành phố Móng Cái tưz đhok meir camera yiêz A1, cơư tâu đêz đar thiêz thâuv hmo ntux cux cơư tâu. Tas nro têx đuôz cơư tâu puôr lênhx tâu sâu tsês ntơưv lênhs tov tỉnh thiêz thành phố li qơư uô hâux lưv. Zơưv Đỗ Văn Tuấn, Phưv chủ tịch UB thành phố Móng Cái pz pâuz cxôngx thâuv nox tsiêz tas, thành phố đhok cxaz meir camera seiz car ntơưv yênhx châuv qơư li trôngx đriv, qơư qênhz yuôx cei cêr 15, têx qơư cêv kuôk chêx chôngk chiê muôz siêz chêx cuk coar lik têz qơưk ntơưv thax tsav ntus đriv:

          “Pir li pêz nhoz no cux seiz tâu tas nro têx huôx tôngv nhoz thax tsav ntus đriv, trôngx đriv...tiv zix zos đros thax tsav muôx ntâu tul đêx li Móng Cái mak tsi txâuk lưx lươngv chiê seiz car 70 cei cêr ntus đriv. Qir thơưx pêz ntâus grê mak no zos tsưr ziv chox lok chêx cuk tsênhv tsênhz, tiv zix zos thâuv qênhx shênhx moz Covid-19 tsênhv huôv xênhz thiêz qênhx shênhx muk lok đhâu ntus đriv tsi trơưk chei tsênhv muôx yưv ntâu”.

          Quảng Ninh zos tiv phaz muôx ntâu phêv liv thâuv moz Covid-19 huôv xênhz viv muôx cêr ntus đriv ntêr đros têz qơưk Trung Quốc. Bộ đội pênhz phax Quảng Ninh li têx taz viv tuôr truôx zos 90 tuêv, qơư seiz car thiêz yênhx puôk lênhx cán bộ, chiến sĩ uô hâux lưv sâuv ntus đriv cxôngx thâuv muôx moz huôv xênhz txos nhiv no. Lưx lươngv tsơưs, đros co zos uô ntâu jênhv vư mak hâux lưv muôx Camera paz seiz car zos lok six jông, paz trâu bộ đội pênhz phax lok six ntâu tiv zix zos hâur têx hnuz qiv hơưv tsi jông, li Thượng tá Đỗ Thái Bình Vương, chính trị viên Zênhx pênhz phax Bắc Sơn, TP Móng Cái:

          “Tsênhz mênhx muôx ntâu hâux lưv tâu pêz seiz đhâu camera, đhâu co lưx lươngv pênhz phax tưz nriêr thiêz ntês tâu lênhx nênhs nhiês muk lok đhâu ntus đriv, uô jông côngz xưv phax tar moz thiêz taz por xã hội. Pêz li siêz xar njôngr zos thành phố Móng Cái đhôk cxaz camera thiêz yưv pênhr cxaz cxix luôk no trâu têx zênhx pênhz phax chiê tir tar hâux lưv tsôngv box 2 têz qơưk uô cxâuv cui tênhv ntus đriv, taz por ntus đriv 2 têz qơưk đuô”.

          Tsi taz muôx thax tsav thành phố Móng Cái, têx huyện ntus đriv li Hải Hà, Bình Liêu cux đhok camera ntơưv têx qơư zov chênhr, têx mêr cêr thiêz têx thax tsav ntus đriv. Zơưv Hồ Đức Quang, Chủ tịch UB huyện Hải Hà puz pâuz 4 luz camera nhoz ntơưv Bản Mốc 13, xã Quảng Đức, qơư thâuv ntêx yax six muôx tsôngv box ntus đriv 2 muk lok đhâu tưz tsênhz tsênhz phuôx huiz tâu txux zôngv:

          “Thax tsav no tsuôk kuôk iz tul đêx thiêz muôx ntâu mêr cêr muk lok đhâu. Hâux lưv đhok meir camera ntơưv no paz xã thiêz zênhx pênhz phax Quảng Đức seiz car jông đuô huôx tôngv muk lok đhâu ntus đriv. Tỉnh ủy tưz chox kriê Ban chỉ huiz Bộ đội pênhz phax tỉnh thiêz têx sở nganhx sik đros seiz shuôk ntus đriv tsi taz Hải Hà xưz mak tsênhv muôx Bình Liêu thiêz Móng Cái chiê muôx tsaz yênhx đhok meir camera cxuô thax tsav ntus đriv. Pêz tsênhv krêz uô lơưr tỉnh li chox kriê”.

          Hâux lưv đhok têx chuôz zênhx khoa học, yiêz no ntơưv Quảng Ninh tưz yênhx trus khav tênhv tâu ziz njiêz tsênhv tsênhz, txu grês têx phêv liv trâu lưx lươngv pênhz phax. Seiz car jông ntus đriv cxôngx cxix luôk meir camera tsênhv zos Bộ tư lệnh Bộ đội pênhz phax thiêz têx tiv phaz muôx ntus đriv li tsưr ziv uô viv truôx tul txiv ngaz ntus đriv./.

(Vũ Miền-Txâur Vax cxeik nhênhv)

PHAX TAR TÊX MOZ GÊNHS HÂUR CHEIX NTUX SOR

1. Gra siêz đas jos phax tir thêir têx moz gênhs li đrav kaz:

-Vêv xênhz hur si iz chêr, lar heik tsi so muôz xaz phôngx nzuôr têk chiê phax tir thêir têx moz gênhs

-Tsơưs muk lol trâu saz đrâuv têx thiêz zos muk lol uô hâux lưv uz no mak tsuv hnar tsôngk tril yo ntêr thiêz ntông câuk mov tir yar, bos tâuz hâu thiêx tsi trâul kâus yar cuz

-Nox cxix cxuô têx jâuz mor, nox ntâu nzir têx jâuz njuôz, txir ntông taz sik tsuv muôz tsâus, nzuôr cov hur uô ntêx thâuv zuôr nox

-Tsi nox têx zav nox tsi tâu uô siêr li: Nyar chiêx, grêix kâuz, têx zav grêix tsi tâu uô siêr jông, kê nhôngk, grêix njêl kâuz; tsi muk nox hâuk ntơưv têx qơư uô jâuz mor nox tsi yuô hur....;

-Hâuk txâuk đêx, nênhs lâul hâuk tsơưs tsơưs 2 lir đêx iz hnuz, nhuôs zâuv khênhr muôz đêx trâu hâuk, nzir đêx cuô txir thênh caz.... Tsơưs zôngv txos têx zav đêx luôs ntiv hâur hưx, lar heik zos chor đêx kaz jiz muôx ga.

Nhạc cắt

2. Vêv xênhz tênhx qơư:

-Tu, qêz suô vax tsêr cov hur si, đu lus, lax nziês thiêx tsi yuô sor, tsi yuô trâul muôx moz;

-Tsi chiê têx zav nox, têx kiêk nênhs vuôz tsuôz ntâu ntơưv têx uô zôngr uz no za ntâu lok trâu hâur tsêr;

-Tsi muôz têx uz no por tsês trâu ntơưv têx hâur đêx, viv uô li ntơư zuôr uô kiêk nênhs, vuôz tsuôz hâur đêx thiêz têx caz, zôngr uz no huôv xênhz ntâu, zôngx ziv uô muôx moz huôv xênhz hâur côngv thôngx.

-Lênhx nênhs, chuôz zis thiêz côngv thôngx sir jos  heik cxuô lênhx nênhs sđ tsi muôz têx vuôz tsuôz, kiêk nênhs por tsês ntơưv têx, tsuv khơưk sâu thiêz xưv lik  trơưk li cui tinhv

Cxuô lênhx px sđ tsuv tsưx phưv truôx jông đas jos chiê phax tir thêir têx moz gênhs txix nox cxix cxuô têx jâuz mor, nox ntâu têx zav jâuz njuôz, txir ntông, zav nox muôx ntâu vitamin;  uô hâux lưv, xênhz huôx, nhoz so huv đros. Thâuv muôx lênhx nênhs muôx moz lok sik tâu xav trâul moz ntơư tsuv chox muk trâu têx qơư y tế chiê tâu seiz njuôk shuôs, kho moz zênhx max, tsi chiê moz siz cik tâu trâu chor nênhs hâur tsêr thiêz côngv thôngx./.

(Báo sức khỏe-Riê Lâux cxeik, nhênhv)