Pôngz plox hêir nênhs Xinh Mun li vênhx huôv cxôngx nzor

Ntơưv xar Chiềng Sơ, chor jêx jok hêir nênhs Xinh Mun nhoz siz shơư đros chor jêx jok hêir nênhs Thái. Lok six lax pâuz tâu nênhs Xinh Mun đhâu luk hêik, tsôngk yo lok sik têx vax tsêr viv nhiv no lơưr puôr lênhx hêik luk, hnar tsôngk yo thiêz uô tsêr jông li hêir nênhs Thái. Nriêr pâuz hêir nênhs Xinh Mun li têx vênhx huôv, pêz njiz zơưv Lò Văn Pháng, jok Nà Ly. Zơưv Pháng tâu nênhs Xinh Mun nhoz no sêiz xưk li zos fâu ntơưr pâuz hêik luk. Zơưv cux zos iz hâur tsơưs nênhs pâuz lok nênhs Xinh Mun li luk hêik, ntơưr sâu cux xưk li têx phongx cxưx yôngz cok, uô đaz uô kruô nhiv no. Zơưv Pháng hêik: jênhv pâuz tâu zuk hêir nênhs li vênhx huôv ziv hnuz ziv trâus pôngz plox, viv li txix thâuv tsênhv zos hluôk nênhs cur tưz sir jos cơưv ntơưr sâu, phongx cxưx txix zuk txir zos zơưv Lò Văn Pánh thiêz uô txos nhiv no tâu muôx 42 shông. Hâur xênhz huôx yênhx hnuz cux tsik so hêik chor mê nhuôs tsuv hêik zuk hêir nênhs li têx luk. Têx jiês ntênhk, tsiêz, sik njiz chuôz xênhv cur tsik so sâu zuk hêir nênhs li chor ntơưr chiê sơưr đơưk cơưv shâuv; tsik so piêr trâu têx tuz nhuôs mnôngs lok zuk hêir nênhs li têx jax đaz nênhs, luk pax jông; kriê trâu pox nhuôs hâur jok tsưr tsix têx ntênhk yôngz cok, uô đaz uô kruô lơưr zuk hêir nênhs li phongx cxưx. Hêik lok nênhs Xinh Mun li ntênhk nox mor blêx yiêz, zơưv Pháng puz pâuz: No zos phongx cxưx txi côngv chiê uô tsâus pox côngz zơưv côngz, ntux têz tưz paz muôx ntux yar ntux nas huv đros, sâu tâu kôngz lôngk ntâu, tsâu sor, tsik muôx moz gênhs, têx tuz nhuôs muôx jos. Ntênhk hơưv mor blêx yiêz muôx hâur 2 hnuz, txos thâuv kaz hli 8 hâur hlik hli 9 zax lix-thâuv chor blêx sâuv têx têz piz siêr cux zos six hơưv hnuz nhôngs jông chiê uô ntênhk hơưv mor blêx yiêz…

Tiv zos hêir nênhs tsơưs ho uô nênhx nhoz ntêr đros hêir nênhs Thái viv li hêir nênhs Xinh Mun ntâu kror hâur luz nênhx tâu uô xưk li vênhx huôv hêir nênhs Thái. Hâur luz nênhx yênhx hnuz nênhs Xinh Mun cux hêik zuk têx luk thiêz hêir nênhs Thái têx luk, phênhv ntâu sir zôngv luk Thái thiêz hu gâux lơưr suôz gâux Thái. Nhiv no chor nênhs pâuz sâu ntơưr Xinh Mun muôx lok six tsơưs thiêz phênhv ntâu zos chor nênhs lâul. Tas nro chor nênhs Xinh Mun nhoz Chiềng Sơ tsik pov muôx iz chêr tsôngv yox cxôngx nzor tưs cux tsik yuôr lênhx tưs xơưk tsôngv yo mênhx cxưx. Txix nênhs lâul txos nênhs hluôk puôr lênhx hnar hêir nênhs Thái lok sik tsoz tsiz li têx tsôngk yo…

Zơưv Nguyễn Trọng Dũng, Trưởng phongx vênhx huôv-Thôngz mông huyện Điện Biên Đông, puz pâuz: Hêir nênhs Xinh Mun zos hêir nênhs tsơưs ziv hnuz ziv trâus pôngz plox vênhx huôv cxôngx nzor. Uô lơưr Huyện ủy li Nghị quyết 05 lok tuôr chiê vênhx huôv cxuô hêir nênhs sâuv thax tsav huyện ntu 2015-2020, Phongx sir jos yax kriê, gra siêz jênhv pâuz trâu nênhs Xinh Mun pâuz tâu txos hâux lưv tuôr chiê, phuôx huiz zuk hêir nênhs li têx vênhx huôv. Taz sik uô tsik tâu tâu hâux lưv tuôr chiê no viv tsik muôx nhiêx….Cux zênhx pâuz tiêk vênhx huôv cxôngx nzor zos kror tsiv gri, zos yênhx hêir nênhs li cêr tso siêz. Chiê hêir nênhs tsơưs hêik cxuô thiêz nênhs Xinh Mun li têx vênhx huôv cxôngx nzor tsik trâus pôngz plox thiêz nhoz đros đrêiv côngv thôngx, têx cơ quan txơưx jênhv, tiv zix zos nganhx Vênhx huôv tsuv muôx tsưr ziv cxơưz cxiz sir zôngv thiêz tuôr chiê zuk hêir nênhs têx luk hêik, tsôngk yo cxuô zav; cxiv tsa têx tsưr ziv uô thiêz tuôr chiê muôx chêx cur têx ntênhk hôiv zuôr trâus pôngz plox./.

(KT-Lik Thox cxêik nhênhv)