Nta suôz ntơưv qơư txuôk đros têx xor xưv

Hnuz tưs cux xưk li ntơư, txix qơư nta suôz ntơưv qơư xã Chiềng Ban, huyện Mai Sơn, tỉnh Sơn La, tsaz yênhx nta suôz luk Thêir lok zos Poz Ziz, đros trâu têx tsaz yênhx fuô xor xưv hâur Đeix nta suôz Việt Nam, tso heik đror txos trâu 26 luz jok đhâu loa  FM. Thiêz suôz đeix heik, fuô xa têx xor xưv ntơư tưz yênhx lênhx fôngx zưs sưv jông, cê paz tsôngv cưr tix nênhx tsa sơưr đơưk zênhx max pâuz tâu têx xor xưv kinh tế-chính trị-xã hội hâur niêx hnuz, cê xưk li têx luk choz kriê cxuô lênhx nhuôs zâu sơưr nzor muk cơưv ntơưr, têx lâuk mul uô liêx uô têz chiê ndar tâu cheix chiv. Pos Lò Thị Sáng, nhoz jok Huổi Khoang heik:

"Txix thâuv muôx qơư nta suôz, sơưr đơưk pâuz nzir tâu ntâu têx tsưr ziv lok sâuv xênhz zus nhuôs; uô lơưr tsưr ziv yiêz hâur huôv tsar uô nox uô hnar. Tsôngv box muk uô liêx uô têz trơưk six hơưv..... Têx ntơư lok six jông trâu pêz tsôngv box".

Jok Huổi Khoang muôx 70 ntâu chuôz zis, zuôr xar 330 lênhx nênhs zos nênhs Poz Ziz. Hâur ntu đrav ntêx, thâuv tưs muôx hâux lưv đaz tsi zuôr heik trâu tsôngv cưr tix nênhx tsa sơưr đơưk pâuz, mak lênhx Bí thư, tsar jok lok sik đoanx thêv tsuv muk iz ziv chuôz zis jux juk heik sơưr đơưk. Txix muôx loa nta suôz, canr bôv jok tsuôk mul 2, 3 truôv trâu tiv tsêr vênhx huôv chiê heik sâuv loa xưz, lênhx tưs cux hnor tas hur si. Cxuô cấp txix tỉnh txos xã têx Chỉ thị, Nghị quyết, têx mông fuô kriê huôv tsar uô nox, phax tar moz gênhs, phax tar hluôr tơưk cuz jôngr, phax tar ntux uô hiêv, tir thêir têx nênhs fêv....., iz chas ntơư cux xa zênhx max txos trâu tsôngv box sơưr đơưk pâuz txix têx tsaz yênhx nta suôz xã. Tsar jok Huổi Khoang Lò văn Dược heik pâuz:

"Thâuv ntêx tsi tâu muôx loa nta suôz ntơưv qơư, hur tiz si têx mông uz no xar xa txos trâu tsôngv box lok six phiv liv, tsôngv box tsuv yax xa txix tuk no heik tuk tov pâuz, lok six lax cơưk. Nhiv no mak zôngx ziv lơưv. Muôx têx zôngv loa nta suôz no fuô sâuv loa txix luk heik ntơưv qơư, chiê heik hur si têx mông, hâux lưv zov chênhr txos trâu sơưr đơưk pâuz xưz".

Chiềng Ban zos xã muôx chôngz tsôngv box heir nênhs Poz Ziz thiêz cux zos huyện Mai Sơn, tỉnh Sơn La li xã uô ntâu kôngz nuv. paz xã muôx nzir six hơưv cxơưz sei uô tiêr luôs hâux lưv cxiv tsa jêx jok yiêz, shông 2015, Đeix nta suôz Việt Nam tưz yưv pênhr cxiv uô qơư nta suôz ntơưv qơư trâu xã, xav hur si tas muôx nhos 500 ntâu tsov đeiv, muôx 26 qơư  tso luk sâuv FM  trâu ntơưv 26 jok hâur xã. Iz chas ntơư, Đeix nta suôz Việt Nam nhoz iz suôv faz Tây Bắc cux paz xã lok sâuv têx chuôz zênhx, tsưr ziv uô nuv, tso meir nta suôz, kriê canr bôv vênhx huôv-đoanx hluôk nênhs xã cui tinhv tso meir thiêz cxiv uô têx xor xưv nta suôz hâur niêx hnuz. Txix Đeix têx xor xưv, tsôngv box sơưr đơưk ziv hnuz ziv uô tâu lơưr jông têx tsưr ziv huôv tsar uô nox yiêz hâur uô kôngz nuv, tu zus tsiêx cxu, cxiv tsa jêx jok yiêz..... Chênhr zos li ntơư, têx ziv chuôz zis bluô nux iz hnuz tsar ndê jux juk, tsav 30% ntâu hâur hur si têx chuôz zis hâur xã, chuôz zis pluôs tsuôk yuôr zuôr xar 9%. Tror uô jông luôs hâux lưv seiz car, tso meir nta suôz fuô kriê tsôngv box sơưr đơưk huôv tsar uô nox...ntơưv qơư, zơưv Hoàng Văn Sương, Phưv Chủ tịch UBND xã Chiềng Ban heik:

"Xã tror tuôr truôx, sir zôngv jông qơư nta suôz heik sâuv. Tsênhv tsênhz, choz trâu canr bôv vênhx huôv, đoanx hluôk nênhs, choz têx đoanx thêv sâu mông, sâu têx jax heik lok sâuv têx cêr siz tưr huôv tsar uô nox, uô nênhx.....yax kriê txos trâu tsôngv box. Thiêz chox kriê têx jok seiz car, por hưv jông qơư nta suôz hâur jok".

Nhạc hiệu chương trình tiếng Thái....

Hnuz tưs ntơưv Chiềng Ban-xã jêx jok yiêz hâur tỉnh Sơn La, qơư nta suôz ntơưv qơư cux krêz đeix, tso têx tsaz yênhx, xor xưv heik lok Đảng, têz qơưk têx chei fuô kriê tsôngv box sơưr đơưk cêr uô nênhx, huôv tsar uô nox..... Têx xor xưv ntơư, thâuv tưs tưz zos lênhx fôngx zưs sưv jông đros đreiv tsôngv box cxiv tsa luz nênhx tsâu sor, jêx jok truôx njês./.

(BÍch Thủy-Riê Lâux cxeik, nhênhv)